İran 2 milyon əfqan qaçqını ölkədən çıxaracaq
İran hökuməti 2024-cü ilin martına, fars təqvim ilinin sonuna kimi iki milyona yaxın qaçqını deportasiya etməyi planlaşdırır.

Birləşmiş Millətlər Təşkilatının (BMT) məlumatlarına görə, İranda 4 milyon, İran mənbələrinə görə isə 8 milyon əfqan qaçqın var.

Əfqan qaçqınlarının əksəriyyəti regiondakı münaqişələr və ya iqtisadi səbəblərdən qonşu İrana sığınıb. Ortaq dillərinə görə əfqanlara İranda ucuz işçi qüvvəsi mənbəyi kimi xüsusilə tikinti və kənd təsərrüfatı kimi aşağı maaşlı sektorlarda üstünlük verilir. Lakin onların bir çoxunun İranda rəsmi yaşayış icazəsi yoxdur və qeyri-leqal işləyirlər.

Məsələ ilə bağlı açıqlama verən İran hüquq-mühafizə orqanlarının komandiri Əhməd Rza Rada hökumətin əfqan qaçqınları deportasiya etmək qərarına gəldiyini və İran şirkətlərində iş icazəsi olmayan əcnəbilərin işə götürülməsinin qanunsuz olduğunu bildirib.

Tehran əfqan qaçqınlarını deportasiya etmək qərarına gəlməklə ictimai reaksiyalara cavab verib. Çünki ölkədəki Əfqanıstan vətəndaşlarının sayının çox olması İranda son vaxtlar artan işsizlik səviyyəsinə görə qismən məsuliyyət daşıyır. Digər tərəfdən, Taliban Əfqanıstanda hakimiyyəti bərpa etdikdən sonra ölkəni tərk edərək qonşu İrana qaçanların sayı daha da artmağa başlayıb. Bu vəziyyət onsuz da çox olan qaçqınların sayını artırır, ölkədə əfqanlara münasibəti xeyli pisləşdirir.

Bununla belə, İŞİD-in Əfqanıstanda genişlənməsi ilə İranda törədilən terror aktları da əfqanlara qarşı qəzəbi artırıb. Xüsusilə sosial mediada əfqan qaçqınlara qarşı nifrət dolu şərhlər artır. Bundan başqa, bir çox şəhərlərdə əfqanların deportasiyası tələbi ilə kütləvi etiraz aksiyaları keçirilərkən, bir çox əfqan mühacir də fiziki hücumlara məruz qalır.

Digər tərəfdən, İran parlamenti şəhər və əyalətlərdə immiqrantların sayını məhdudlaşdıracaq yeni əcnəbilər qanununu müzakirə edir. Qanun layihəsinə görə, şəhər və əyalətlərdə immiqrantların sayı əhalinin 3 faizindən çox ola bilməz. Qanun qəbul olunarsa, deportasiyanın daha çox mühacirə təsir edəcəyi gözlənilir. BMT-nin məlumatına görə, ötən il İran təxminən 600 min əfqanı ölkəni tərk etməyə məcbur edib.

İran silahlı qüvvələri də bir müddət əvvəl Əfqanıstanla sərhəddə 70 kilometr uzunluğunda divar tikiləcəyini açıqlamışdı. Demək olar ki, min kilometrə yaxın olan sərhədin 70 kilometrliyində tikiləcək divarın qeyri-qanuni sərhəd keçidlərinin sayını azaldıb-azalmayacağı müzakirə mövzusudur.
 

Bölmənin digər xəbərləri

13 Noyabr 2024 Fransızlara "dağ çəkən" məşhur fırıldaqçı: Eyfel qülləsini "metallom" kimi satdı
13 Noyabr 2024 Braziliyanın vitse-prezidenti: COP29 sammiti yüksək səviyyədə təşkil olunub
13 Noyabr 2024 Şavkat Mirziyoyev: İqlim dəyişikliyi geosiyasi gərginliyi artıran əsas qlobal çağırışdır
13 Noyabr 2024 Türkiyə Türkmənistan qazının Azərbaycan ərazisindən tranzitini mümkün hesab edir
13 Noyabr 2024 Qırğızıstanda dövlət çevrilişinin qarşısı alınıb
13 Noyabr 2024 Maya Sandu: Moldova üçün iqlim dəyişikliyi xəyali təhlükə deyil
13 Noyabr 2024 Beynəlxalq Ədalət Məhkəməsindən Azərbaycanla bağlı ƏDALƏTSİZ QƏRAR
12 Noyabr 2024 Çində TERROR AKTI: Ölən və yaralananlar var – VİDEO
12 Noyabr 2024 Sudja sakinləri aksiya keçiriblər: “Donduğumuza əhəmiyyət vermirik”
12 Noyabr 2024 Şolz onu axmaq adlandıran Maska cavab verdi
12 Noyabr 2024 Kolumbiyada daşqınlar səbəbindən fövqəladə vəziyyət elan edilib
12 Noyabr 2024 Firma üzr istədi, oyuncaq qutularda uşaqları pozan…
11 Noyabr 2024 İtaliyanın baş naziri COP29-da iştirak edəcək
11 Noyabr 2024 Almaniya Kansleri ölkəsindəki siyasi vəziyyətlə bağlı COP29-da iştirak edə bilməyəcəyini bildirib
11 Noyabr 2024 Türkiyədə 4 min nəfərin DNT analizi aparılıb - İkinci ölkə İspaniyadır
10 Noyabr 2024 Ərdoğandan 10 noyabrda simvolik yer seçimi – 9 ildən sonra ilk dəfə
10 Noyabr 2024 Rusiyada yaşayan azərbaycanlıların NƏZƏRİNƏ: vətəndaşlıqdan məhrum edilə bilərsiniz
10 Noyabr 2024 Şolts yeni seçkilər öncəsi vergi islahatları aparmaq istəyir
10 Noyabr 2024 Qətər HƏMAS rəhbərliyini ölkədən çıxaraır - ABŞ-nin tələbi ilə
10 Noyabr 2024 Ermənilər iş üçün Rusiyaya axışır

Dünyapress TV

Xəbər lenti