 |
|
|
ABŞ Prezidenti Donald Tramp İngilis dilinin ölkə ərazisində rəsmi dövlət dili elan edilməsinə dair Fərman imzalamağı planlaşdırır.
Bu barədə Ağ Evdəki çoxsaylı mənbələr “CBS News”a bildiriblər.
Qeyd edək ki, İngilis dili artıq ABŞ-də ən çox istifadə olunan dildir. Lakin 250 illik tarixi ərzində ABŞ heç vaxt ingilis dilini ölkənin rəsmi dili kimi tanımayıb.
BMT-nin baş katibi Antonio Quterreş ABŞ-ın dəstəyinin azalması səbəbindən Ukraynanın bəzi bölgələrinə maliyyə yardımının dayandırıldığını açıqlayıb.
Bu barədə TASS məlumat yayıb.
Onun sözlərinə görə, son 48 saat ərzində BMT-nin müxtəlif agentlikləri, humanitar təşkilatlar və QHT-lərdən Amerika dəstəyinin əhəmiyyətli dərəcədə azaldılması barədə məlumat daxil olub. Təcili humanitar yardımdan tutmuş, müharibə və ya təbii fəlakətlərdən təsirlənən həssas qruplara kömək məqsədi daşıyan yenidənqurma layihələrinə qədər kritik proqramlar risk altındadır.
Quterreş vurğulayıb ki, 2024-cü ildə bir milyon insan üçün həyati əhəmiyyət kəsb edən nağd yardımın verilməsi dayandırılıb. BMT-nin baş katibi Amerika dəstəyinin azalmasının nəticələrini dünyanın ən həssas insanları üçün fəlakətli adlandırıb.
Norveç Universitetinin professoru Glenn Diesen Britaniyanın ABŞ ilə münasibətlərini xüsusi hesab etməkdə yanlış etdiyini bildirib.
Demokrat.az xəbər verir ki, o, bu barədə “X” sosial şəbəkəsində paylaşım edib. Britaniyanın “Xüsusi Münasibət” Haqqında xülasəsindən danışan Starmerin nitqi Tramp tərəfindən kəsilib.
Professor Starmerin çıxışının görüntülərini öz postuna əlavə edib.
Fevralın 23-də Britaniya və Fransa hakimiyyət orqanları Ukraynaya 30 minə qədər sülhməramlı göndərmək imkanını müzakirə ediblər. Ölkələr öz ordusunu təhdidlərdən qorumaq üçün Amerikanın hərbi imkanlarından istifadə etmək istəyirlər.
Avropa İttifaqının (Aİ) Gürcüstandakı etirazları maliyyələşdirməsi Ermənistandakı Aİ ölkələrinin səfirlikləri vasitəsilə həyata keçirilir.
Caliber.Az-ın Rusiya Xarici Kəşfiyyat Xidmətinin bəyanatına istinadən bildirdiyinə görə, Aİ-nin Gürcüstandakı nümayəndəliyi hökumət əleyhinə aksiyaların hər bir iştirakçısına 120 avro ödəyir.
Ümumilikdə, Brüssel hazırda Gürcüstanda bloqerlər, jurnalistlər, IT mütəxəssisləri və Rusiyadan köçənlər arasında hökumət əleyhinə əhval-ruhiyyə formalaşdırmağa çalışır.
Bu məqsədlər üçün bloqerlərə 50 min avroya qədər vəsait ayrılır.
"Avropa rəsmiləri etirazları fəallaşdırmaq və hökumətdəki "Gürcü Arzusu"' partiyasına qarşı müxalifət partiyalarından ibarət "vahid yumruq" yaratmaq istəyirlər", - deyə Rusiya xüsusi xidməti əlavə edib.
Boris Nemtsovun qətlin sifarişçilərinin hələ də cəzalandırılmadığı iddia olunur – Günahkar kimi Kreml işarə edilir
Bu gün Rusiyanın müxalifət lideri Boris Nemtsovun qətlindən 10 il ötür. Nemtsov 2015-ci il fevralın 27-də Moskvada Kreml yaxınlığındakı körpünün üzərində dörd güllə yarasından ölüb. Rusiya Prezidenti Vladimir Putinin siyasətinin sərt tənqidçilərindən olan siyasətçinin qətli ilə bağlı həbs edilənlər olsa da, onun tərəfdarları bu sui-qəsd hadisəsinin əsl günahkarlarının hələ də cəzasız qaldığını hesab edirlər.
Nemtsov qətlə yetiriləndən bir gün sonra Putin açıqlamasında hadisəni “iyrənc qətl”, “biabırçılıq” adlandırmış və “günahkarların mütləq cəzalandırılmalı” olduğunu bildirmişdi və hadisənin araşdırılması ilə bağlı göstəriş vermişdi.
Nemtsovun qətlindən 10 gün keçdikdən sonra qətli törətməkdə şübhəli bilinən 2 nəfər- Anzor Qubaşov və Zaur Dayaev həbs olundu. Martın 9-da isə daha üç nəfər şəxs - Qubaşovun qardaşı Şahid Qubaşov, Tamerlan Əsgərxanov və Xamzad Baxayev saxlanılıblar. Digər 4 şəxsdən fərqli olaraq Zaur Dadayev məhkəmədə verdiyi ifadəsində Nemtsovun qətlində iştirakını təsdiqləmişdi. O, Nemtsovun müsəlmanlara və islama qarşı mövqeyi haqqında 2015-ci ilin yanvarında məlumat aldığını bildirmişdi: “Mən inanclı müsəlman kimi bu işə qarşı sakit qala bilməzdim. Ona görə də Boris Nemtsovu öldürdüm”.
Daha sonra Zaur Dadayevin Çeçenistan Respublikasının başçısı Ramzan Kadırovun dostu və xüsusi təyinatlı dəstənin üzvü olması haqqında məlumatlar yayıldı. Məlumatlarda Zaur Dadayevin Çeçenistan Daxili İşlər Nazirliyinin “Sever” (“Şimal”) batalyonunun polk komandirinin müavini olduğu da bildirilirdi. Hətta məlumatlara görə, anti-terror əməliyyatlarında fəal iştirak edən Zaur Dadayev 2010-cu ildə Putin tərəfindən göstərdiyi xidmətlərə görə mükafatlandırılıb.
Müxalifətçinin qətlindən 7 il sonra, 2022-ci ildə hadisə ilə bağlı yeni detallar üzə çıxdı. Belə ki, Rusiyanın Federal Təhlükəsizlik Xidmətinin (FTX) əməkdaşları Nemtsovun qətlindən bir il əvvəldən onu mütəmadi izləyiblər. Bu barədə “Bellinqkat”, “İnsayder” və BBC-nin birgə apardığı araşdırmada deyilirdi.
Araşdırmaya görə, Valeri Suxarev adlı şəxs Nemtsovu ölkə daxilində səfəri zamanı ən azı 13 dəfə təqib edib. Sonuncu təqib siyasətçinin öldürülməsindən cəmi 10 gün əvvəl olub. Sözügedən şəxsin adı həm də müxalifətçilər Aleksey Navalnı, Vladimir Kara-Murza və Dmitri Bıkovun zəhərlənməsi ilə bağlı hadisələrdə hallanıb. Sübutlar onu göstərir ki, Suxarev FTX-nin zabitidir.
Bildirilirdi ki, Nemtsov Rusiya Prezidentinə qarşı sanksiyaların genişləndirilməsinin lehinə danışdıqdan dərhal sonra izlənilib. 2014-cü il yanvarın sonunda Nemtsov ABŞ-ın respublikaçı senatorları Con Makkeyn və Ron Consonla görüşüb və Putinin ətrafından 13 nəfərin “qara siyahı”ya salınması üçün adlarını verib.
Putin isə həmin vaxt hüquq müdafiəçiləri ilə görüşündə “Nemtsovun qatilləri və sifarişçiləri tutulub və cəzalandırılıb”, - deyə bildirmişdi.
Nemtsovun qətlinin 10-cu ilində rusiyalı müxalifət liderinin ailəsi anasının oğluna dair xatirələrini ifadə etdiyi şəxsi bir videonu "CurrentTimeTV" ilə paylaşıb. Video Nemtsovun qızı Janna tərəfindən 2023-cü ildə nənəsinin ölümündən bir neçə ay əvvəl çəkilib. Kadrlar Yeltsin dövründə Rusiya siyasətinin zirvəsinə yaxınlaşan, sonra isə prezident Vladimir Putinin sərt tənqidçisinə çevrilən şəxs haqqında unikal bir baxış təqdim edir.
Məktəbdə müəllimlər onu sevirdi. Qızlar onu "vacib biri" adlandırırdı", - Dina Nemtsova videoda deyir. Nemtsovun anası 2024-cü ilin fevralında 96 yaşında vəfat edib. O, videoda sadə həyat tərzindən önəmli mövqeyə yüksəlmiş istedadlı bir oğlanın portretini çəkir: "Evində işləmək onun üçün çox çətin idi. Kiçik bir yeri vardı mətbəxdə, amma hər zaman kimsə işini yarıda kəsirdi. Bəzən işə başlamaq üçün yer tapmaqda çətinlik çəkəndə hamama girirdi".
Nemtsov Qorki şəhərində böyüyüb və şəhərin universitetində fizika üzrə təhsil alıb. Bu şəhər Sovet İttifaqının dağılmasından sonra Nijni Novqorod adlanır.
"O, ölkədə baş verənlərə qarşı tənqidi yanaşırdı", - Dina bildirir: "Boris artıq SSRİ lideri Leonid Brejnevin dövründə baş verənlərdən xəbərdar idi".
Lakin Nemtsovun siyasi fəaliyyətə başlaması SSRİ-nin ilk və son Prezidenti Mixail Qorbaçovun dövrünə təsadüf edir. Qorbaçovun "qlasnost" (aşkarlıq) və "perestroyka" (yenidənqurma) siyasətləri ölkədəki siyasi iqlimi yumşaltmış, fikir bildirmək üçün daha əlverişli mühit yaratmışdı.
"Biz yenidənqurma başlayanda siyasəti izləməyə başladıq. Deyə bilərəm ki, məhz onda Boris siyasətə girdi", - deyir anası.
“Azadlıq” radiosu yazır ki,Nemtsov 1990-cı illərin sovetdənsonrakı Rusiyasının çətin şəraitində uğurlu bir karyera qurub və nəticədə Yeltsinin dövründə Baş nazirin müavini vəzifəsinə qədər yüksəlib. Lakin Yeltsin Putini varisi olaraq təyin etdikdən sonra Nemtsov Kremlin yeni avtoritar kursuna qarşı keçirilən küçə etirazlarında müntəzəm olaraq iştirak etməyə başlayıb.
Müsahibələrindən birində Nemtsov Putin haqqında demişdi: "Putin sovet davranışları ilə zəngin bir KQB işçisidir".
Nemtsov Rusiyanın getdikcə daha çox təzyiq altına düşən müxalifətinə qlobal tanınma və hörmət qazandıran mühüm bir fiqur idi. Qərb paytaxtlarında o, kommunizm illərindən sonra yeni, demokratik Rusiya ümidini simvolizə edirdi.
2015-ci ildə qətlə yetirildiyi zaman bu hadisə siyasi bir qətl kimi qiymətləndirildi.
Borisin anası 2016-cı ildə yazmışdı ki, sonuncu dəfə oğlunu 2014-cü ilin dekabrında görüb.
"O, zəif və dağınıq görünürdü... Heç vaxt ağlıma gəlməzdi ki, vəziyyət bu qədər təhlükəli ola bilər", - Nemtsova yazırdı.
Tərəfdarları və dostları hələ də Nemtsovun qətlinin üstünün açılmadığını, qətlin sifarişçilərinin hələ də azadlıqda olduğunu deyir və əsl günahkar kimi Kremli işarə edirlər.
Yeri gəlmişkən, Nemtsov “Üsyankarın etirafları” adlı memuarında siyasətə gəlişi, vəzifədə olarkən başına gələnlər, Boris Yeltsinlə birgə işlədiyi müddətdə gördükləri, Çeçenistan müharibəsi, müxalif fəaliyyəti, Putin haqqında ətraflı yazıb.
Prezident Donald Tramp çərşənbə günü Nazirlər Kabinetinin ilk iclasını keçirib.
İclasda Nazirlər Kabinetinin üzvü olmayan İlon Mask da iştirak edib.
Tramp görüş zamanı Hökumətin Səmərəliliyi Departamentinin (DOGE) rəhbəri İlon Maskdan narazı olanları işdən qovmaqla hədələyib.
ABŞ prezidenti əlavə edib ki, Maskın həyata keçirdiyi ixtisarlar nəticəsində çox böyük məbləğdə pula qənaət edilib.
Mask isə öz növbəsində, federal qurumlarda işçilərin sayını kütləvi şəkildə azaltmaq təşəbbüsünü həyata keçirən Hökumətin Effektivliyi Departamentinin (DOGE) işi haqqında danışıb. Artıq 20.000-dən çox insan işdən çıxarılıb, daha 75.000 nəfər kompensasiya müqabilində könüllü istefa verməyə razılaşıb və proses bu həftə də davam edir.
“Elondan narazı olan varmı? Əgər belədirsə, biz onları buradan qovacağıq”, - Tramp bildirib.
CNN yazıb ki, onun bu sözləri nazirlərin alqışlarına səbəb olub.
Daha sonra Tramp qeyd edib ki, onun kabinetinin üzvləri Elona və onun gördüyü işlərə böyük hörmət bəsləyirlər, baxmayaraq ki, bəziləri “bir az razılaşmır”. “Ancaq sizə deyim ki, çox hissəsi nəinki xoşbəxtdir, həm də sevinir”, - deyə prezident əmin edib. (Savashmedia.az)
“İndi dünyanın ən gərgin regionu iki böyük dövlətin təzyiqi altında olan Ukraynadır. Bir tərəfdən Rusiya hərbi təzyiq edir, bu ölkənin enerji resurslarını vurur, şəhərlərini dağıdır, ölkəni işğal etmək istəyir. Digər tərəfdən də Amerika siyasi təzyiq göstərir”.
Bu fikirləri Reyting.az-a hərbi ekspert Azad İsazadə deyib.
Onun sözlərinə görə, Rusiya Ukrayna ilə bağlı qarşısına qoyduğu məqsədlərə tam nail ola bilməsə də, niyyətindən vaz keçməyib.
A. İsazadə bildirib ki, Amerikanın yeni hakimiyyəti müharibəni dayandırmaq üçün Kiyevə təzyiq edir, faktiki olaraq Rusiyanın dediyini musiqi notu kimi təkrar edir: “Üstəlik, Ukraynanın milli sərvətləri ilə bağlı müqavilə bağlamaq istəyir. Bu baxımdan Kiyev həm Rusiya, həm də Amerikanın təzyiqi ilə üzləşib. Bu, sözsüz ki, çox ciddi problemdir”.
Hərbi ekspert əlavə edib ki, çoxları bu prosesin sonunda Zelenskinin hakimiyyətdən gedəcəyini və ya istefa verəcəyini gözləyir: “Bəli, indi görünən odur ki, Zelenski Tramp üçün problemdir və onun getməsi həm ABŞ, həm də Rusiyanın maraqlarına uyğundur. Amma Zelenski deyir ki, yalnız Ukraynanın təhlükəsizliyinə təminat verilərsə və ya ölkəsi NATO-ya daxil olarsa, hakimiyyətdən gedə bilər. Zelenski yaxşı dərk edir ki, yaxın dövrdə bu məqamlar baş verməyəcək, odur ki, belə siyasi bəyanatla hər kəsi fakt qarşısında qoyur”.
Yaxın dövrdə ABŞ və Ukrayna arasında mineral və digər milli sərvətlərlə bağlı sazişin imzalanacağından da söz açan A. İsazadə bildirib ki, bu sazişin təhlükəsizliklə bağlı əlaqəsi olmasa da, Ukraynaya böyük kapitalın gəlməsi deməkdir: “Bu da istər-istəməz müsbət haldır. Amma bunun fonunda Tramp-Putin görüşü natmam qalır, tərəflərin görüş niyyəti var, amma heç biri buna hazır deyil. Odur ki, indi hər bir tərəf çalışır ki, cəbhədə üstünlük əldə etsin, daha çox ərazini nəzarətə götürsün. Çünki bu, danışıqlar prosesində mövqeləri gücləndirə bilər. Bu baxımdan, hesab edirəm ki, yaxın dövrdə Ukrayna-Rusiya cəbhəsində gərginlik daha da artacaq”.
Rusiyanın postsovet ölkələrə təzyiqlərinə dair yazdığımız və ardını bu dəfəyə saxladığımız yazının girişində belə bir qeyd etmişdik: “Son 34 ildə Kremlin keçmiş SSRİ respublikalarına münasibətdə əsasən iki dərdi olub: 1. Müstəqil dövlət olsalar da, vassal olmaqda davam etsinlər, Moskvanın əlinin altında olsunlar və üzlərini başqa səmtlərə tutmasınlar; 2. Qanuni, azad, dürüst seçki keçirməsinlər, xalqın iradəsi ilə formalaşan hakimiyyətə malik olmasınlar”.
Bu gün söhbətə qaldığımız yerdən davam edək.
Kreml 1990-cı ilin noyabrında Gürcüstan parlamentinin sədri, 1991-ci ilin aprelində, hələ SSRİ dağılmamış isə prezident seçilərək Gürcüstanda hakimiyyətə gələn Zviad Qamsaxudiyadan çox narazıydı və onu “şovinist” adlandırır, diktatura bərqərar etməkdə suçlayırdı. Doğrusu, xalq hərəkatının dalğasında hakimiyyətə gəlmiş bütün liderlər kimi, Qamsaxurdiyada da millətçilik damarı yoğun idi və zaman-zaman açıq nasizm səciyyəsi daşıyırdı. Onun abxazlara və osetinlərə qarşı ksenofobik ritorikasından Kreml məharətlə istifadə edərək, araya düşmənçilik toxumu səpmişdi.
8 aydan sonra yerli partnomenklaturanın gücüylə Qamsaxurdiya devriləndə və hakimiyyətə Eduard Şevardnadze gələndə, əslində Kreml onu istəmirdi. Moskva Amvrosyeviçi “vurulmuş kadr” hesab edir, başqa kadr üzərində düşünürdü. Bu şəxs eynilə Azərbaycanda hakimiyyətə gəlməsi arzulanan Vaqif Hüseynov kimi vaxtilə Gürcüstanın DTK-sının generalı olan İqor Giorqadze idi. Ancaq qoca Şevardnadze gənc Giorqadzedən güclü çıxdı, özü prezident oldu və onu DTK sədri təyin etdi. Onlar bir neçə il birlikdə işlədilər. Kreml anası rus olan Giorqadzenin Şevardnadzeni əvəz edəcəyinə əmin idi. Ancaq işlər o cür getmədi. Əvvəlcə Şevardnadze Giorqadzeni “vurdu”, sonra Mixail Saakaşvili və komandası Şevardnadzeni devirdi, Moskvanın “gürcü arzusu” çin olmadı.
Kreml elə ilk günlərdə Qərbyönümlü Saakaşviliyə düşmən kəsildi. Çünki o, hakimiyyətə öz xalqının iradəsi ilə gəlmişdi və Gürcüstanı Avropaya inteqrasiya etdirmək, ABŞ üçün isə ikinci “Corciya” (Georgia – Corciya və Georgia-Gürcüstan) yaratmaq istəyirdi.
Bu intriqanın ömrü uzun sürmədi. Abxaziya və Cənubi Osetiya üzərində suverenliyini bərpa etmək istəyən Gürcüstan Rusiyanın hərbi təcavüzünə məruz qaldı, daha sonra prezidentlik müddəti bitən Saakaşvili hakimiyyəti “Gürcü arzusu” partiyasına verməli oldu. Moskvanın qulağı Gürcüstan sarıdan dincəldi. Düzdür, bu iki dövlət arasında əski münasibətlər hələ də bərpa olunmayıb, amma bunun əsl səbəbkarı gürcü xalqının 08.08.08 tarixli hərbi təcavüzə görə Moskvanı bağışlamamasıdır. Yoxsa İvanişvili iqtidarının Moskvapərəst siyasət yeritdiyi heç kəsə sirr deyil.
Elə Gürcüstandakı son vətəndaş qarşıdurması da Rusiyada qəbul edilmiş xarici agentlər haqqında qanunun “kopi-peyst” edilib tərcümə olunması və Gürcüstan parlamentində qəbul edilməsidir. Yeri gəlmişkən, Kreml Gürcüstanın indiki hakimiyyətini dəstəklədiyini gizlətmir. Gürcüstan hakimiyyəti isə Moskvaya sevgisini çox da açıb-ağarda bilmir, xalq bu iltifatı yaxşı qəbul etməz.
Rusiyanın Ukrayna ilə münaqişəsinin başlanğıcının tarixi haqda çox yazmışıq. Qısaca onu deyək ki, 2004-cü ildə hakimiyyətə Viktor Yuşşenko yox, prezident Leonid Kuçmanın Moskvadan xeyir-dua alan varisi gəlsəydi, bu iki ölkə arasında ixtilaf başlamayacaq, təxirə düşəcəkdi – ta Moskvanın Kiyev üzərindəki dominantlığı itənə qədər.
İndi Vladimir Zelenskiyə qarşı olan siyasətçilər və siyasi dairələr eyni bir fikri təkrarlayırlar ki, münaqişənin əsas səbəbi Ukraynanın NATO-ya üzv olmaq istəməsidir.
Bu fikri dönə-dönə vurğulayanlar bir gerçəkliyi görməzliyə vururlar: Ukrayna müstəqil dövlətdir və istənilən hərbi, siyasi, iqtisadi bloka qoşulmaqda sərbəstdir. Onun keçmiş SSRİ respublikası olması Moskvaya haqq vermir ki, buna mane olsun.
NATO-nun Rusiya sərhədlərinə yaxınlaşması məsələsinə gəlincə, NATO çoxdan Rusiyanın sərhədinə yaxınlaşıb. Latviya, Estoniya və Litva 2004-cü ildən Avropa İttifaqının, 29 mart 2004-cü ildən NATO-nun üzvüdürlər, Şengen zonasına daxildirlər və Avrozonanın bir hissəsidirlər. Bəs nə əcəb o zaman Rusiya etiaz etməyib?
Yaxud 2022-ci ildə Rusiyanın digər qonşuları Finlandiya v İsveç NATO-ya üzv oldular, Moskva mane oldumu, ola bildimi, olmağa çalışdımı? Xeyr.
Ona görə ki, Kremlin bu ölkələrə təsir rıçağı ya yoxdur, ya da çox zəifdir. Amma Moskva həm özünü Ukraynada güclü hesab edirdi, həm də düşünür ki, Ukrayna onun əbədi “arxa bağça”sidir.
2020-ci ildən sonra Rusiyanın Ermənistana qıcığının əsl səbəbi Nikol Paşinyanın xalqın iradəsi ilə seçilməsi və ölkəsini Qərbə yaxınlaşdırmasıdır. Paşinyanın komandası hələm-hələm gülləyə gəlməyən şələquyruq məxluq kimi hiyləgərcəsinə manevr edə-edə öz bildiyi istiqamətə gedir. Moskva isə fürsət gözləyir. Ermənistanın NATO və Avropa İttifaqı üzvlüyü geridönməz şəkildə dəqiqləşərsə, Rusiyanın hərbi kontingentinin 1979-cu ilin dekabrında Kabuldakı prezident iqəmatgahını “götürdüyü” kimi bir əməliyyat keçirəcəyi istisna deyil.
Keçirdiyi demokratik seçki ilə Kremli narazı salan sonuncu ölkə Moldovadır. Ötən ilin noyabrında Qərbin adamı Maya Sandu Rusiyanın adamı Stoyanoqloya qalib gəldikdən bəri Rusiya mediasının gözünün düşməni xanım Sandudur. M.Sandu da Avropaya inteqrasiyanın qatı tərəfdarıdır. Moskva isə buna qarşıdır. Ona görə də Kreml artıq onun üçün “Qaqauz problemi” hazırlayır, Dnestryanı bölgə ilə yanaşı Qaqauz Yeri muxtariyyatını da Kişinyovun başına bəla etmək istəyir.
Çox gözləməli olmayacağıq. Ukrayna məsələsi yan-yön olan kimi rus barmağı özünü İrəvanda və Kişinyovda göstərəcək.
Araz Altaylı, Musavat.com
Bakı Şəhər İcra Hakimiyyəti və Tarix İnstitutunun birgə layihəsi olan “Vətən müharibəsi tarixi. Şəxsiyyət faktoru” kitabının ərəb dilində nəşrinin Əlcəzair Xalq Demokratik Respublikasının paytaxtında təqdimat mərasimi keçirilib. Mərasimdə ölkə rəsmiləri, Əlcəzairdə akkreditə olunan xarici ölkələrin səfirləri və diplomatları, ölkənin tanınmış ictimai-siyasi, elm və mədəniyyət xadimləri, kütləvi informasiya vasitələrinin nümayəndələri, bu ölkədə işləyən və təhsil alan həmvətənlərimiz iştirak ediblər.
Tədbirdə çıxış edən Azərbaycanın Əlcəzair Xalq Demokratik Respublikasındakı səfiri Tural Rzayev, AMEA-nın həqiqi üzvü, tarix elmləri doktoru, akademik Nərgiz Axundova və başqaları “Vətən müharibəsi tarixi. Şəxsiyyət faktoru” kitabının əhəmiyyətindən danışaraq bildiriblər ki, kitabda Vətən müharibəsində qazanılan Şanlı Qələbə və bu Qələbənin memarı olan Prezident İlham Əliyevin müdrik siyasəti, qətiyyəti, yüksək intellekti, dahi sərkərdəlik qabiliyyəti və şəxsiyyət faktoru öz əksini tapıb.
Qeyd edilib ki, bu kitab müharibə tarixinin ilk ümumiləşdirilməsi cəhdlərindən biri olaraq 10 dildə nəşr edilib və dünyanın bir sıra ölkələrində təqdimatı keçirilib.
Mərasimdə qonaqlara Azərbaycan, işğaldan azad edilən torpaqlarımız, bu ərazilərdə aparılan genişmiqyaslı quruculuq işləri haqqında film nümayiş etdirildi. Qonaqlar üçün Azərbaycan milli musiqisi səsləndirilib və sonda ziyafət təşkil edilib.
Qeyd edilməlidir ki, kitabın təqdimat mərasimi haqqında məqalə və xəbərlər Əlcəzairin kütləvi informasiya vasitələrində, həmçinin sosial şəbəkələrdə geniş işıqlandırılıb.
Moskvanın Meşçanski Rayon Məhkəməsi müstəntiqin İlya Varlamova məxsus hesablardakı vəsaitlərə həbs qoyulması barədə vəsatətini təmin edib.
Bu barədə TASS-a məhkəmənin mətbuat xidmətindən bildirilib.
Qeyd edək ki, İlya Varlamov 2023-cü ilin martında Rusiyada xarici agent kimi tanınıb. Ədliyyə Nazirliyi onun xaricdən maliyyə vəsaiti aldığını, hökumət qərarları və siyasəti ilə bağlı saxta məlumatlar yaydığını bəyan edib.