 |
|
|
"Məni hakimiyyətə heç kim gətirməyib".
"DogruXeber.az" xəbər verir ki, bunu Ermənistanın baş naziri Nikol Paşinyan sosial şəbəkədəki səhifəsində yazıb.
Onun sözlərinə görə, 2018-ci ildə baş verən məxməri inqilab Xalqı hakimiyyətə gətirib: "Mən sadəcə olaraq xalq hakimiyyətinin nümayəndəsiyəm və xalq nə vaxt istəsə, məni başqası ilə əvəz edəcək".
vəfat edib
Lüksemburq şahzadəsi Frederik mitoxondrial xəstəliklə uzun sürən mübarizədən sonra martın 1-də 22 yaşında vəfat edib.
“Report” xəbər verir ki, bu barədə onun valideynləri, Lüksemburq şahzadəsi Robert və Culiya rəsmi açıqlamada bildiriblər.
Gənc şahzadə fevralın 28-də yaxınları ilə vidalaşdıqdan sonra vəfat edib. Valideynlərinin dediyinə görə, hətta fiziki vəziyyətinin kəskin şəkildə pisləşdiyi son günlərində də Frederik iradəli idi:
“O, sona qədər yumor hissini qoruyub və başqalarına qayğı göstərib”.
Qeyd edək ki, Frederikə 14 yaşında mitoxondrial xəstəlik diaqnozu qoyulub. Bu, maddələr mübadiləsini pozan nadir genetik xəstəlikdir.
İsrail Qəzzaya elektrik verilişini dayandırır.
“The Times of Israel”-in verdiyi xəbərə görə, bunu İsrailin energetika naziri Eli Koen bildirib.
Eli Koen deyib ki, İsrail Elektrik Şəbəkəsinə Qəzzaya elektrik verilişinin dərhal dayandırılması barədə tapşırıq verib.
Nazir qeyd edib ki, HAMAS-ın Qəzzada saxladığı bütün girovların azad buraxılması üçün bütün müvafiq vasitələrdən istifadə edirlər.
Hazırda Qəzzada 59 israilli girovun olduğu ehtimal edilir.
HAMAS İsrailin razılaşmanın ikinci mərhələsinə keçməsini və daimi atəşkəsin təmin olunmasını istəyir. İsrail isə razılaşmanın birinci mərhələsinin uzadılması və bu mərhələdə bütün israilli girovların azadlığa buraxılmasını tələb edir.
Bundan əvvəl İsrail Qəzzaya humanitar yüklərin buraxılışını dayandırıb.
ABŞ Prezidenti Donald Trampın Floridadakı qolf sahələrində istirahəti yanvarın 20-də Ağ Evə qayıtdığı vaxtdan amerikalı vergiödəyicilərinə 18 milyon dollardan çox başa gəlib.
Bu barədə “HuffPost” portalı yazıb.
Hesablamalara görə, bu müddət ərzində Tramp Florida ştatındakı iki qolf klubunda 13 gün keçirib. Trampın qolf oynaması yüksək xərclər tələb edir. Prezidentin qorumasını təmin etmək üçün ABŞ Sahil Mühafizəsinin gəmiləri və xeyli sayda hüquq-mühafizə orqanlarının əməkdaşları əraziyə cəlb edilir.
Nəşr qeyd edib ki, ilk prezidentlik müddətində Trampın qolf oyunları zamanı təhlükəsizliyinin təmin edilməsi xərcləri ABŞ-yə 151,5 milyon dollara başa gəlib. Nəşr ikinci müddət üçün xərclərin daha çox olacağını ehtimal edir.
Xatırladaq ki, 2024-cü ildə seçki kampaniyası zamanı hazırkı ABŞ Prezidentinə qarşı iki sui-qəsd cəhdi olub, onlardan biri Florida ştatının Uest-Palm-Biç şəhərində, Trampın qolf oynadığı yerin yaxınlığında baş verib.
Son günlər sosial şəbəkələrdə və mediada ABŞ prezidenti Donald Trampın KQB agenti olması haqqında ehtimallar artıb.
TEREF xəbər verir ki, Trampın SSRİ təhlükəsizlik xidməti ilə əməkdaşlığa birinci həyat yoldaşı tərəfindən cəlb edildiyi bildirilir.
Bu iddialar nə dərəcədə doğrudur?
ReAL partiyasının rəhbəri, tanınmış iqtisadçı Natiq Cəfərli mövzu ilə bağlı məqalə yazıb. Onun fikirlərini təqdim edirik. Beləliklə...
***
Ukrayna mediasında, sosial şəbəklərində Trampın “KQB” agenti olması bağlı “həqiqətlər” hələ də ciddi müzakirə olunur.
Ukrayna publik məkanının ən içi boş adamlarından biri Feygin, özü də Rusiyada oliqarxlarla sıx əlaqədə olub sonradan Rusiyadan qaçan adam, öz efirinə indi Fransada yaşayan, əvvəllər “KQB”-də işləyən Sergey Jirnov adlı birini çıxardıb. Hər ikisi ağıllı sifət alaraq Trampın “KQB” agenti ehtimallarından danışırlar.
Jirnov bütün ehtimallarını Trampın ilk həyat yoldaşı, 1949-cu ildə o zamankı adı ilə Çexoslovakiyada doğulan İvana Zelniçkovaya (Tpamp) bağlayır – yəni, Donald Tramp 1977-ci ildə keçmiş Çexoslovakiya vətəndaşı ilə evlənibsə, deməli, “KQB” agenti olması ehtimalı var. Hətta, güya, SSRİ “KQB”-si İvanaya tapşırıq verib ki, Trampla evlənsin.
Tramp birinci həyat yoldaşı İvana ilə
Absurddur, deyim niyə: İvana Zelniçkova model olub, 1971-ci ildə Avstriya vətəndaşı, xizək sürmə instruktoru, yəhudi əsilli Alfred Vinklmayrla evlənir, əvvəl ABŞ-a gəlir, 2 il sonra onlar boşanırlar və İvana Kanadaya köçür. Orada 4 il yaşayandan sonra 1976-ci ildə İvana ABŞ-a geri dönür və Donald Trampla tanış olur, onlar 1977-ci ildə evlənirlər.
Donald və İvana 1992-ci ildə boşanırlar – yəni, Jirnovun iddiası o qədər bəsitdir ki, insan ancaq gülə bilər. Deməli “KQB” uzun illər İvananı Tramp üçün hazırlayıb, sonra Donald tanınmağa başlayanda da boşatdırıbmış. Bir daha – 18 xüsusi xidmət orqanı olan ABŞ kimi bir dövlətin başçısına “KQB” agenti demək qədər absurd heç nə ola bilməz.
Yeri gəlmişkən, İvana, Donald Trampdan sonra da iki dəfə ailə qurub.
Gələk digər miflərə - Avropa və ABŞ-ın Demokratlara bağlı mediası yazır ki, Trampən “sağı-solu” bəlli deyil, gündə bir söz danışır, tez-tez fikrini dəyişir, etdikləri isə qəbuledilməzdir. Tamamən yalandır – Tramp hətta seçkidən öncə bu gün etdiklərinin anonsunu verib, tam tərsinə, demədiyi heç nə etməyib. Hələ 2024-cü ilin əvvəlində bəyan etmişdi ki, müharibəni bitirmək üçün Ukraynaya da, Rusiyaya da basqı quracaq – Kiyev razı olmasa hərbi və maddi yardımı kəsəcək, Moskva razılaşmasa Rusiyaya qarşı ən sərt sanksiyalar qoyub, paralel olaraq Ukraynaya ən müasir silahlar verəcək. Yəni, “ikili şantaj” strategiyasıni 1,5 il öncə elan etmişdi. Sadəcə, Zelenski və komandası Avropalıların oynuna gələrək, onları masaya qaytarmaq üçün ilk hədəf oldular, Moskva isə tülkü kimi davranıb Trampın təkliflərini geri çevirmədi.
İvana Zelniçkovaya
Seçkidən öncə də dəfələrlə Kanada, Meksika, AB ölkələri və Çinə qarşı tarif artırmaq siyasətini yürüdəcəyini demişdi, indi də edir.
Seçkidən öncə Avropaya, “NATO-ya çox pul ayırın, biz sizi 80 il havayı qoruduq, daha etməyəcəyik”, demişdi, indi də onu edir.
Yaxşı, Avropanı, dünyanən bir hissəsini şoka salan nədir – onu da deyim: hamı nədənsə belə düşünürdü ki, ABŞ-ın borcu dünyada demokratiyanı, və ya demokratiya adı altında maraqların sırınmasını qorumaqdır.
Bizdə də belə idi – “ABŞ siyasi məhbus məsələsini həll etməlidir”, və ya “ABŞ demokratiya məsələsində kömək etməlidir”, heç kim də sual vermir ki, niyə bunu etməlidir ki?! Nədən ÖZ maraqlarını yox, başqalarının maraqlarını qorumalıdır ki?! Əgər, məsələn, Azərbaycan xalqı demokratiya uğrunda heç nə etmək istəmirsə, siyasi məhbus salıyan insanları qorumaq üçün addım atmırsa, niyə bunu ABŞ etməlidir ki?!
Əgər AB ölkələri özlərini qorumaq üçün əlini cibinə atıb pul xərcləmirdirlərsə, 80 il ABŞ “çətiri” altında rahat oturub öz xalqlarının rifahı ABŞ-ın müdafiə xərcləri hesabına artırırdılarsa, niyə indi ABŞ onları qorumalıdır ki?!
Hə, birdən deyərsiz ümumi dəyərlər var, ona görə - bu da mifdir, Avropanın maraqları HƏMİŞƏ dəyərlərindən üstün olub, “pandemiya” sürəcində isə insan haqlarını necə zövqlə tapdaladıqları görmüşdük. Vens də Münhendə açıq dedi ki, bizim dəyərlərimiz artıq fərqlənir, siz Rumıniyada xalqın səsi ilə qalib gələn insanı 9 hakimin qərarı ilə hakimiyyətə buraxmırsınızsa, deməli demokratiyaya da inanmırsınız, sizin öz maraqlarınız dəyərlərinizi yeyib-bitirib. Əgər hamı ÖZ maraqları dalınca qaşırsa, ABŞ nədən bunu etməməlidir ki?!
Sonda bir daha deyim – dünyada son dövrlərdə ilk dəfədir ki, mübarizə ideoloji müstəviyə keçib, 1991-ci ildən bəri ilk dəfə belə “cəbhələşmə” baş verir. Avropa ölkələri öz dəyərlərinə, insan haqlarına geri dönməsələr, ABŞ-la olan rəqabətə davam gətirməyib parçalanacaqlar, yəni, AB-nin ayaqda qalması üçün təməl prinsiplərə geri dönməlidir. Belə... (savashmedia.az)
Ukrayna PUA-larının səmada olması səbəbindən Vladiqafqaz hava limanında “Xalça” ("Kovyor”) planı ilə bağlı maraqlı nüansları təqdim edir: planı tətbiq edilib.
Musavat.com bu barədə "SHOT" telegram kanalına istinadən xəbər verir.
Qeyd edilib ki, plana əsasən Şimali Osetiyada pilotsuz təyyarələr üçün təhlükə rejimi elan edilib.
Bəs "Kovyor” planı nədir və nə zaman tətbiq edilir.
Bu barədə məlumatları təqdim edirik:
“Rusiya Federasiyasının hava məkanından istifadə üzrə federal qaydaların təsdiq edilməsi haqqında” hökumət fərmanına əsasən, havada fövqəladə, müstəsna hallarda “Kovyor” planının (siqnalının) tətbiqini nəzərdə tutur. Ümumi aviasiya mühitində “Kovyor” planı qapalı səma rejimi adlanır. Bu, havadakı bütün (bəzi istisnalarla) təyyarələrin belə bir rejimin əhatə dairəsindən dərhal enməsi və ya çıxması tələbi deməkdir. Hava məkanında sözügedən rejimin tətbiqindən xəbərdar olan pilotlar dərhal ehtiyat aerodromlara istiqamətləndilir.
Rusiya qanunvericiliyinə görə, “Kovyor” planı 3 halda tətbiq edilir:
Rusiya Federasiyasının dövlət sərhədini hava yolu ilə qanunsuz keçmə;
Hücum edən təyyarəyə qarşı silah və ya hərbi texnikanın (məsələn, hərbi təyyarələrin) istifadəsi;
səmada naməlum uçan obyektin və digər maddi obyektlərin (məsələn, PUA-lar) görünüşü.
Hücumu həyata keçirən hava gəmisi aşkar etdikdən sonra növbətçi hava hücumundan müdafiə qüvvələri əvvəlcə pozuntunun dayandırılmasını (məsələn, dövlət sərhədini qanunsuz keçmək) əmr edən rejim siqnalı verir. Hücum edən təyyarə reaksiya vermirsə, hava hücumundan müdafiə ikinci bir siqnala - "Kovyor"a daxil olur. Hava hücumundan müdafiə “Kovyor” planı çərçivəsində ərazinin sərhədləri haqqında da məlumat verir.
Regional mərkəzləri bütün hava gəmilərinə aşağıdakıları tələb edən əmrlər verir:
- bütün təyyarələrin səmadan dərhal enməsi;
- bu və ya digər səbəbdən yerə enə bilməyən hər kəs üçün “Kovyor” planının əhatə dairəsindən çıxmaq;
- “Kovyor” planı üzrə təyyarələrin hava limanlarında uçuş və enişinin dayandırılması.
“Kovyor” planının tələblərini pozan təyyarələr "Rusiya Federasiyasının hava məkanından istifadənin federal qaydalarının təsdiq edilməsi haqqında" qanunun 177-ci maddəsinə uyğun olaraq vurula bilər.
Toğrul İSMAYIL,
Musavat.com
ABŞ-ın vitse-prezidenti JD Vens, X (keçmiş Twitter) platformasında “Slava Ukrayni” şüarları səsləndirən bir qrup etirazçının üç yaşlı qızını qorxutduğunu bildirib.
Vensin sözlərinə görə, hadisə o, qızı ilə birlikdə gəzinti edərkən baş verib. O, etirazçıların onların arxasınca düşdüyünü və şüarlar səsləndirdiyini yazıb.
“Etirazçılarla danışmağa qərar verdim ki, bir neçə dəqiqəlik söhbət qarşılığında uşağımdan əl çəkmələrini xahiş edim. Demək olar ki, hamısı razılaşdı”, – deyə Vens vurğulayıb.
Musavat.com xəbər verir ki, hadisədən sonra Vens etirazçıları sərt tənqid edərək bildirib: “Bu, əsasən, hörmətli bir söhbət idi. Amma əgər siz üç yaşlı bir uşağı siyasi etirazın bir hissəsi kimi təqib edirsinizsə, siz çox pis bir insansınız”.
Bəzi müşahidəçilər Vensin bu açıqlamasına istehza ilə yanaşıb və onu eyni qətiyyətlə Rusiyanı da tənqid etməyə çağırıblar. Sual yaranır: Vens Rusiyaya da eyni sözləri deyə bilərmi ki, o, raketlərlə Ukraynanın uşaqlarını qorxutmasın?
Musavat.com
Suriya İctimai Təhlükəsizlik Departamentinin bölmələri martın 6-dan bəri silahlı toqquşmaların baş verdiyi Latakiya və Tartus rayonları ilə həmsərhəd olan Hama vilayətinin cənub-qərbində yerləşən Vadi əl-Uyun şəhərində qüvvələrini yerləşdirir.
Bu barədə Suriya keçid hökumətinin Daxili İşlər Nazirliyi teleqram kanalında məlumat yayıb.
Nazirliyin məlumatına görə, bölgədə təhlükəsizlik və sabitliyi təmin etmək üçün bir neçə nəzarət-buraxılış məntəqəsi qurulacaq. Eyni zamanda, DİN Vadi əl-Uyundakı yüksəkvəzifəli şəxslərin axtarışda olanları və onların silahlarını təhvil verməyə razı olduqlarını bildirib.
Xatırladaq ki, martın 6-da Latakiya, Tartus və Hüms vilayətlərində Suriyanın yeni iqtidarına tabe olan təhlükəsizlik qüvvələri ilə keçmiş prezident Bəşər Əsəd tərəfdarlarının silahlı qruplaşmaları arasında toqquşmalar baş verib. Ən şiddətli atışmalar Cəbələ şəhərində qeydə alınıb.//Report
Putin sülhdə maraqlı olmadığını bir daha nümayiş etdirir.
Bunu Aİ-nin xarici siyasət komissarı Kaya Kallas açıqlayıb.
Onun sözlərinə görə, Rusiya qoşunları hələ də Ukraynaya zərbələrini davam etdirir: “Rusiya raketləri getdikcə daha çox ölüm və dağıntı gətirərək Ukraynaya amansızcasına düşməyə davam edir. Putin sülhdə maraqlı olmadığını bir daha nümayiş etdirir. Biz hərbi dəstəyimizi gücləndirməliyik, əks halda daha çox ukraynalı mülki vətəndaş bunun nəticəsini ən ağır şəkildə ödəyəcək”, – Kallas özünün X hesabında yazıb./unikal
“Fransa Prezidenti Emanulel Makronun son nitqində çoxlu yalanlar var idi. Biz keçmiş prezident Fransua Ollandın da bəyanatını xatırlayırıq. Heç kim Minsk razılaşmasını ciddi qəbul etmir”.
Bunu Kremlin sözçüsü Dmitri Peskov deyib.
O, Fransanın çoxlu yalanlar danışdığını və bir çox razılaşmaları, o cümlədən Minsk razılaşmalarını yerinə yetirmədiyini bildirib:
“Deməli, digər ölkələr kimi Fransa da öz zəmanətlərini yerinə yetirməyib. Bu yalan deyildi? Yalan idi, çox doğru yalan. Cənab Makron da bu barədə heç nə demədi”.