 |
|
|
Televizorun icadı Con Loqi Beyrdın adı ilə bağlıdır. 25 iyun 1925-ci ildə tarixin ilk televiziya patentini alan Con Loqi Beyrdın uğuru qısa müddətdə böyük maraqla qarşılanır. Onun hazırladığı televizorda ilk yayım 1926-cı ildə reallaşır. Həmin vaxt televiziya ağ-qara rənglərdən və çox keyfiyyətsiz görüntüdən ibarət idi.
Musavat.com bu barədə Baku TV-yə istinadən xəbər verir.
Con Loqi Beyrd 1929-cu ildə ilk televiziya stansiyasını qurur və o dövrdə radio yayımı olan BBC ilə razılaşaraq televiziya verilişləri hazırlamağa başlayır. BBC 1930-cu ildə Amerikada, habelə İngiltərədə rəsmi şəkildə yayıma başlayır. Londonda 20 mini əhatə edən yayımın hesabına Con Loqi Beyrd karyerasının zirvəsinə çatır. RCA şirkəti tərəfindən 1954-cü ildə istehsal edilən "NTSC" standartı rəngli televiziya yayımının əsasını qoyur.
İki il sonra isə Azərbaycanda ilk televiziya yayımının başlaması ilə televizor cihazlarına olan tələbat sürətlə artır. İlk gətirilən modellər əsasən Sovet İttifaqının digər şəhərlərində istehsal edilən KVN-49 tipli ağ-qara televizorlar idi. Bu televizorlar insanların evlərinə yeni dünya gətirir. 14 fevral 1956-cı il tarixində Bakı Televiziya Studiyası rəsmi olaraq yayımına başlayır. İlk verilişlər ağ-qara formatda yayımlanır, əsasən xəbərlər, mədəniyyət proqramları və təhsil verilişlərini əhatə edir. 1950-ci illərin sonlarında Bakıda ilk televizor mağazaları açılır. Elektrotexnika mağazası kimi yerlərdə insanlar ilk dəfə olaraq televiziya cihazları ilə tanış olurlar. Bu mağazalarda sovet istehsalı müxtəlif modellər satılırdı. 1960-cı illərdə Bakı Radio Zavodu yerli televizor istehsalına başlayır.
Bu, Azərbaycanın televiziya sektorunda mühüm bir inkişaf idi. Yerli televizorlar keyfiyyəti və etibarlılığı ilə seçilirdi və ölkədə televiziya yayımının genişlənməsinə töhfə verirdi. 1970-ci illərin sonlarında Azərbaycanda rəngli televiziya yayımına başlanıldı. İlk rəngli televizorlar insanların televiziyaya olan marağını daha da artırır. 1991-ci ildə Azərbaycanın müstəqillik qazanması ilə televiziya sektorunda yeni bir mərhələnin əsası qoyulur.
Yeni kanallar açılır, texnologiyalar yenilənir və televizorlar müasir həyatın ayrılmaz bir hissəsinə çevrilir. Peyk və kabel televiziyasının geniş yayılması ilə yeni rəqəmsal yayım erasına keçid edilir. Bu gün ağıllı televizorlar və internet TV xidmətləri televiziya izləmə təcrübəsini tamamilə dəyişib. Artıq insanlar ənənəvi televiziyalardan daha operativ və sürətli olan internet televiziyasına keçid edirlər.
Bəzən yerli və xarici saytlara daxil olduqda mobil telefona "təhlükəlidir", "məlumatlarınız ələ keçirilə bilər" kimi bildirişlər gəlir.
Bu kimi xəbərdarlıqlar saytın SSL sertifikatının, yəni təhlükəsizlik protokolunun olmadığını, məxfiliyin qorunmadığını göstərir. Nəticədə isə vətəndaşın data məlumatlarının ələ keçirilməsi qaçılmaz olur.
SSL sertifikatı istifadəçilərin ad, ünvan, telefon, e-poçt, kredit kartı və ya bank hesabı məlumatları kimi vacib şəxsi məlumatlara üçüncü şəxslər tərəfindən müdaxilə olunmasının qarşısını alır, məlumatların mühafizəsi üçün server və müştəri arasında əlaqənin şifrələnməsinə imkan verir.
Xüsusilə alış-veriş saytlarına daxil olarkən SSL-in olmasına xüsusi diqqət yetirmək lazımdır.
Bəs görəsən, bu cür elektron resursların monitorinqi aparılırmı?
Elektron Təhlükəsizlik Xidmətinin əməkdaşı Ayla Cəlilova bildirib ki, SSL sertifikatından istifadə etməyən saytlara vətəndaşlar daxil olduqda bu, onlar üçün təhlükəli ola bilər.
Daha ətraflı Baku TV-nin materialında:
ABŞ iyunun 4-də və 6-da “Minuteman III” qitələrarası ballistik raketinin (ICBM) iki buraxılışını həyata keçirəcək.
Bu barədə ABŞ Kosmik Qüvvələri Komandanlığı məlumat yayıb.
Hər iki buraxılış Kaliforniyada baş tutacaq. Bu proqramın məqsədi “ABŞ nüvə qüvvələrinin hazırlığını nümayiş etdirmək və ölkənin nüvə silahına qarşı olmağının” istəyidir. Komandanlıq vurğulayıb ki, Amerika tərəfi planlaşdırılan sınaqlarla bağlı Rusiyaya xəbərdarlıq edib.
Ötən il sentyabrın 6-da ABŞ Hərbi Hava Qüvvələri Minuteman III ICBM-ni sınaqdan keçirib. Raket döyüş başlığı ilə təchiz olunmayıb.
Yapon milyarder Yusaku Maedzavanın SpaceX gəmisi ilə Ay ətrafında ilk turist uçuşunu həyata keçirməyi planlaşdırdığı “DearMoon” layihəsi ləğv edilib.
Bizim.Media xəbər verir ki, bu barədə layihənin mətbuat xidməti məlumat yayıb.
““DearMoon” layihəsi çərçivəsində Ay ətrafında ilk şəxsi uçuşun ləğv edildiyini təəssüflə bildiririk. Bizə dəstək olan hər kəsə təşəkkür edir və bu tədbiri səbirsizliklə gözləyənlərdən üzr istəyirik”, - deyə məlumatda qeyd edilib.
Bildirilib ki, Maedzava buraxılışın təxirə salınması və “yaxın gələcək üçün aydın qrafikin” təyin edilməməsi səbəbindən layihəni bağlamaq qərarına gəlib:
“Mən müqaviləni 2018-ci ildə DearMoon-un 2023-cü ilin sonuna qədər işə salınacağını güman edərək imzaladım. Amma bunun nə vaxt baş verəcəyi hələlik bəlli deyil.
Bu şərtlər altında gələcəyimi planlaşdıra bilmirəm və ekipaj üzvlərini gözləməyə məcbur etdiyim üçün də özümü günahkar hiss edirəm. Buna görə də hazırkı mərhələdə layihəni ləğv etmək kimi çətin qərarı verməli oldum”.
Kiber cinayətkarlar “O" hərfini böyük hərf, kiçik hərf və ya "0" rəqəmi, “I”-dan “i”, yaxud əksinə geniş istifadə edirlər.
Bakupost.az xəbər verir ki, bu barədə Daxili İşlər Nazirliyinin (DİN) Mətbuat Xidmətinin rəisi, polis polkovnik-leytenantı Elşad Hacıyev sosial şəbəkə hesabında məlumat verib.
Onun sözlərinə görə, bu, ilk baxışdan da anlaşılmır, real URL-dən fərqləndirməyi çətinləşdirir: “Bunlar fişinq mesajlarda, saxta cəlbedici endirim kampaniyalarının keçid linklərində müşahidə olunur. Fişinq e-poçtlarına və mesajlarına daxil edilən URL-lər sizdən həddən artıq əlavə şəxsi məlumat daxil etməyi xahiş edir. Şəxsi məlumatlarınızı daxil etməyinizi tələb edən pəncərə görünür və arxa fon şəkli real saytla eyni görünür. Aldanmayın!”.
Dünyada bərpa olunan elektrik enerjisi istehsalı vacib olmaqla yanaşı, həm də dəb halını alıb. Bəzən dəbə uyub orqanik və rasional yanaşmalardan kənar qərarlar alınır – bir çox dünya ölkələrində bunun örnəkləri var.
Alternativ, bərpa olunan, ekoloji enerjiyə keçid vacibdir, amma burada bəzi “tələlər” var: Özünün genəş-külək enerjisi əldə etmək üçün avadanlıq, komponentlər, proqram təminatı, mütəxəssisləri olmayan ölkələr faktiki olaraq enerji asılılığına düşürlər. Bu gün neft-qazdan asılı olan ölkələr var, amma bir müddət sonra günəş panelləri, külək “dəyirmanlarıdan”, onların təmiri, proqram təminatından asılı olan ölkələr yaranacaq. Bundan başqa günəş-külək enerjisi hasil edən stansiyaların quraşdırıldığı məkanlar da önəmlidir – verimli, əkinə yararlı olan yerlərdə günəş panellərinin quraşdırılması ciddi suallar doğurur.
Azərbaycan da tam sürət dünyada “dəb” olan bu mövzuya qoşulub, məmləkətin bu sahədə atdığı addımlar, dünyada bu mövzunu “diri” tutan mərkəzlərin xoşuna gəlir, tam dəstək almağa yardımçı olur – ölkəmizin bu vacib mövzuda olması pis deyil, əksinə, planlı şəkildə yanaşma olsa, məmləkət üşün əlavə iqtisadi fürsətlər də yaranar. İş yerləri, yerli mütəxəssislər, yeni istehsal sahələri yarana bilər, amma gərək qərarlar doğru, planlı və gələcəyə yönəlik olsun.
Bu gün xəbər yayıldı ki, hökumət Şərqi Zəngəzur iqtisadi rayonuna daxil olan Cəbrayıl rayonunun inzibati ərazisində dövlət mülkiyyətinə aid iki hissədən ibarət 940,0 hektar torpaq sahəsini gücü 240 MVt olan günəş elektrik stansiyasının tikintisi məqsədilə bərpa olunan enerji mənbələrinin ərazisi kimi müəyyən edilib.
Yəni, 1000 hektara yaxın əkinə yaralı, və ya mal-qara saxlamaq üçün münasib olan ərazini niyə günəş panelləri ilə örtək ki?! Azərbaycanın 27% torpaqları şoranlaşıb, onları əkinə, aqrar sahəyə qaytarmaq üçün onmilyardlarla dollar yatırıma ehtiyac var, ölkənin isə bu qədər pulu yoxdur. Bakıdan Qazax istiqamətinə maşınla gedərdə həmin şoran, yararsız torpaqlar onlarla km uzanır, hətta peyzaj o qədər cəlbedici olmur ki, maşın sürəni də, sərnişinləri də yuxu basır.
Yaxşı, illah günəş panelləri düzüləcək, alternativ enerji istehsal olunacaqsa, niyə Qarabağ və Şərqi Zəngəzur kimi aqrar sahəyə yaralı torpaqlardan istifadə edək ki?! Elə Bakı ətrafından başlayaraq Kürdəmirə, Ucara qədər onminlərlə hektar ərazidə quraşdıraq, həm istehlakçılara yaxın olsun, həm də torpaqlardan belə istifadə etmək mümkün olsun – elə deyilmi?!
Ümumiyyətlə, bu məsələdə əhalinin, vətəndaşın iştirakını artırmaq lazımdır ki, həm məntiqli, həm də hamıya sərf edən modellər tapmaq mümkün olsun. Məsələn, qanunlara dəyişiklik etməklə, dövlətdən faizsiz kredit ayırmaqla ev təssərüfatlarının, özəl evlərin və biznes obyektlərinin damında günəş panellərini quraşdırmağı sürətləndirmək lazımdır. Vətəndaş həm öz elektrik enerjisi ehtiyacını ödəsin, həm də artıq qalan enerjini dövlətə, şəbəkəyə sata bilsin – texniki olaraq bu çox asan həll oluna biləcək məsələdir.
Bir daha: vacib, mühim olan bu məsələni “dəb” modundan çıxarıb praqmatik, orqanik, məntiqli Dövlət proqramına çevirmək lazımdır. Yerli istehsalın təşkilinə çalışmaq, yerli mütəxəssislər hazırlamaq lazımdır ki, 10 ildən sonra bu məsələlərdə xaricdən asılı duruma düşməyək və müasir enerji tranformasiyasından geri qalmayaq...
Natig Cəfərli
TEREF
İsveçrəli tədqiqatçılar və şokolad istehsalçıları şokoladı daha sağlam edən resept hazırlayıblar.
"DogruXeber.az" xəbər verir ki, yeni texnologiya həm də istehsal tullantılarını azaldır.
Şokolad istehsal etmək üçün yalnız kakao paxlası istifadə olunur və bu meyvənin bütün digər hissələrinə ehtiyac yoxdur.
Sürixdən olan tədqiqatçılar İsveçrənin “Max Felchlin AG” şokolad fabriki ilə birlikdə paxladan əlavə meyvənin pulpasından və qabığının içindən istifadə edilən kakao-meyvə şokoladının reseptini işləyib hazırlayıblar. Təcrübənin nəticələri “Nature Food” jurnalında dərc olunub. Əsərin müəllifləri qabığın içini toz halına gətirərək pulpa ilə qarışdırıblar. Nəticədə kakao gelə çevrilərək çox şirin jele kimi bir maddəyə çevrilib ki, bu da şokoladın tərkibinə şəkər tozu əlavə etməməyə imkan verib.
Klassik Avropa reseptinə görə tünd şokoladla müqayisədə kakao-meyvə şokoladında bağırsaqların normal işləməsi və qan şəkərinin səviyyəsinin tənzimlənməsi üçün zəruri olan, demək olar ki, 20% daha çox lif var. Bundan əlavə, tərkibində təxminən 30% daha az doymuş yağ var ki, həddindən artıq istehlak edildikdə ürək-damar xəstəlikləri riskini artırır.
Kakao meyvəsindən istifadənin şokolad istehsalını daha ekoloji cəhətdən təmiz və iqtisadi cəhətdən sərfəli etməsi də vacibdir. Fermerlər təkcə paxladan deyil, demək olar ki, bütün kakao meyvəsindən istifadə etməyə başlasalar, çeşidlərini şaxələndirə, tullantıları azalda və qazanclarını artıra biləcəklər. Kakao yetişdirən insanlar şokolad istehsalçılarına kakao geli üçün komponentlər satmaq imkanı əldə edəcəklər.
Çinin günəş texnologiyası şirkəti LONGi çirklənmə problemini aradan qaldıran və toz yığmayan günəş panelləri istehsal edib.
İndex.az xəbər verir ki, bu inqilabi panellər günəş enerjisinin səmərəliliyini artıracaq, təmiz və dayanıqlı enerjinin istehsalını və istifadəsini artıracaq.
Onlar adi panellərdən fərqli olaraq toz və kir yığılmasının qarşısını almaq üçün “Hi-MO X6 Guardian” modulunu xüsusi olaraq dizayn ediblər. Bu panellərdə istifadə edilən qısa çərçivə dizaynı yağış suyunun panellərdən asanlıqla axmasına imkan verir.
Beləliklə, panellərin kənarlarında toz yığılmasının qarşısı alınır. Bundan əlavə, çərçivələrin içərisindəki kiçik drenaj yarıqları hətta əlavə suyun panellərdən boşaldılmasına imkan verir.
Ən çox texnoloji təcrübəyə malik ölkə Yaponiyadır.
İndex.az xəbər verir ki, siyahıda ikinci yeri Cənubi Koreya, üçüncü yeri isə Çin tutur.
İndex.az ən çox texnoloji təcrübəyə malik ölkələri sizə təqdim edir:
1. Yaponiya
ABŞ Milli Aeronavtika və Kosmik Tədqiqatlar İdarəsinin (NASA) direktoru Bil Nelson Çinin Ay proqramı ilə bağlı narahatlığını bildirib.
Bu barədə NASA rəhbəri ABŞ Senatının Təxsisatlar Komitəsində keçirilən dinləmələrdə çıxışı zamanı deyib.
O vurğulayıb ki, ABŞ-nin Ay proqramı ona həvalə olunmuş idarənin cari fəaliyyətinin ən mühüm istiqamətlərindən biridir.
“Ayın digər hissəsinə - Cənub qütbünə getməyimizin səbəbi bildiyimiz qədəri ilə orada daimi kölgədə olan qaya yarıqlarında buzun olmasıdır. Orada həqiqətən də hidrogen və oksigen varsa, deməli, söhbət dəyərli resursdan gedir. Buna görə Çin də Cənub qütbünə doğru gedir. Mən bununla bağlı narahatlığımı açıq şəkildə bildirmişdim və mövqeyimlə bağlı dəyişən bir şey yoxdur”, - NASA rəhbəri söyləyib.
Xatırladaq ki, Çin tarixdə ilk dəfə Ayın əks tərəfindən torpaq nümunələrini toplamaq üçün mayın əvvəlində “Çanye-6” avtomatik kosmik stansiyasını kosmosa göndərib. Ayın uzaq tərəfində eniş yeri olaraq Cənub Qütbü - Eytken hövzəsində yerləşən Apollon krateri seçilib. Zond Ayın orbitinə uğurla daxil olub.
TASS-