Polşa Rusiya ilə münaqişə olacağı təqdirdə Sankt-Peterburqa hücumun mümkünlüyünü istisna etməyib.

Gununsesi.info xəbər verir ki, bu sözləri Polşa Baş Qərargahının rəisi Raymund Andjeyçak bildirib.

“300 kilometr radiusda bütün strateji hədəfləri vuracağıq. Biz birbaşa Sankt-Peterburqa hücum edəcəyik”, – Andjeyçak deyib.

Rusiya sərhəd qoşunlarının Ermənistanın Türkiyə və İran sərhədlərindən geri çəkilməsi və onların yerini erməni sərhədçilərinin tutması İrəvanın daxili məsələsidir. Ermənistan müstəqil dövlət olsaydı, əlbəttə, biz onun bu hərəkətini müsbət dəyərləndirərdik.

Bunu Teleqraf.com-a açıqlamasında politoloq Oqtay Qasımov deyib.

Onun sözlərinə görə, hər müstəqil dövlətin ərazilərini, sərhədlərini özünün qoruması müsbət bir haldır:

“Amma indiki halda bu, məhz o səbəbdən ciddi rezonans doğurur ki, Ermənistan müstəqil siyasət yeridə bilmir. Həmçinin Qərbin bölgədə yerləşməsinə çalışır. Məhz bu səbəbdən bölgədə əlavə gərginliklərə yol açılır. Bu da bütün bölgəyə, xüsusilə də Ermənistanın özünə zərər verir. Rus sərhədçiləri qeyd olunan istiqamətlərdən çəkiləndən sonra hesab edirəm ki, Ermənistan bir müddət özü o əraziləri qoruyacaq. Fransa və Amerikanın Ermənistanda hərbi qüvvələri artacaq. Amma bu, Ermənistana fayda verəcəkmi? Məncə, yox.

Çünki məhz Fransa və Amerikanın bölgəyə gəlməsi vəziyyəti dəyişəcək. Əgər onlar doğurdan da təhlükəsizliklə bağlı məsələlərdəki boşluğu doldurmaq üçün işlər görəcəklərsə, bu, kifayət qədər bölgədə ciddi problemlərə yol açacaq. Xüsusilə də İranda bunun hansı reaksiya ilə qarşılanacağı maraq doğurur. Belə ki, artıq İran tərəfindən ilkin olaraq bu məsələlərlə bağlı müəyyən xəbərdarlıqların edildiyi göz önündədir. Ən azı İran rəsmiləri bunu hansısa siyasi şərhçi və ekspertlərin dili ilə bir formada çatdırmağa çalışır.

Rusiya sərhədçilərinin yerini amerikalı və fransız hərbçilər tutacaqsa, bu, bölgədə ciddi gərginliyə səbəb olacaq. Əgər Ermənistan doğrudan da bu istiqamətlərdə öz əsgərləri ilə sərhədlərdə dayanacaqsa, təbii ki, bu, müsbət qarşılanacaq. Bütün hallarda bölgədə kifayət qədər ciddi proseslər gedir. Həmçinin Rusiya da hazırda sərhədçilərinin, hərbi hissələrinin bölgədə qalması üçün israr etmir. Məsələnin zamanla həllinə müsbət hal kimi yanaşır. Yəni Ermənistan doğrudan da müstəqil siyasət yeridə bilsəydi, Rusiya sərhədçilərinin bölgədən çıxmasına müsbət yanaşmaq olardı. Sadəcə olaraq hazırkı geopolitik şərtlərdə və rəqabətdə Rusiya müəyyən qədər mövqelərini zəiflədib. Yaranmış vəziyyətə görə hazırda Rusiya Ermənistandan çəkinmək məcburiyyətindədir”.

“Kiyevin 2025-ci ildən gec olmayaraq münaqişəyə son qoymaq şansı var”.

Globalinfo.az xəbər verir ki, bunu Ukrayna lideri Volodimir Zelenski deyib.

O bildirib ki, yaxın iki ayda vəziyyəti sülhə doğru aparmaq üçün real şans yaranacaq.

“Ukrayna Rusiya ilə münaqişənin 2025-ci ildən gec olmayaraq bitəcəyini gözləyir. Döyüş meydanındakı vəziyyət bu seçimi etmək imkanı yaradır. 2025-ci ildən gec olmayaraq müharibəni bitirmək üçün qətiyyətli addımların atılması mümkündür”, – deyə Zelenski vurğulayıb.

Ermənistan ordusunun hərbi qulluqçusu bir neçə gün əvvəl əsgər yoldaşı Vaqe Arutyunyanı intihara sürükləməkdə şübhəli bilinərək həbs edilib.

“Report” xəbər verir ki, bu barədə İstintaq Komitəsi məlumat yayıb.

İstintaq cinayətdə iddia edilən hərbi qulluqçunun Arutyunyana qarşı qəddar davrandığını, şərəf və ləyaqətini alçaldan ifadələr işlətdiyini və onu döydüyünü müəyyənləşdirib. Vaqe Arutyunyan tabeliyindəki avtomat silahdan başına atəş açıb.

İlkin istintaq davam edir.

Qeyd edək ki, hadisə oktyabrın 6-da, yerli vaxtla saat 10 radələrində baş verib. Göyçə mahalının Basarkeçər (Vardenis) rayonu hərbi polis bölməsini yaydığı məlumata görə, artilleriya divizionunda xidmət edən Arutyunyanın meyiti atəş mövqeyindən təxminən 30 metr aralıda tapılıb. Onun başında güllə yarası aşkarlanıb.

Fransa 2025-ci ildə Ukraynaya “Mirage” qırıcılarını tədarük edəcək.

Bu barədə Fransanın müdafiə naziri Sebastyan Lekornu bildirib.

“Biz 2025-ci ilin yanvar-mart aylarında Kiyevə “hava-yer” tipli yeni silahlarla təchiz edilmiş “Mirage 2000” qırıcıları tədarük edəcəyik”, - o qeyd edib.

“İsrailin atdığı addımların qarşısını almaq üçün Yaxın Şərqə sülhməramlı kontingentin göndərilməsinə ehtiyac var”.

Bunu Türkiyənin Diyanət İşləri İdarəsinin (Dİİ) rəhbəri Əli Ərbaş deyib.

“Günahsız insanları qorumaq üçün bölgəyə sülhməramlı qüvvələr ən qısa zamanda göndərilməlidir. Rəfah sərhəd keçid məntəqəsi və Fələstinə humanitar dəhliz qış mövsümü nəzərə alınaraq dərhal açılmalıdır. Qəzzaya əsas malların və yardımın, xüsusilə elektrik və suyun çatdırılmasını təmin etmək üçün tədbirlər görülməlidir. Bəşəriyyətin daha böyük fəlakətə sürüklənməsinin qarşısını almaq üçün BMT hərəkətə keçməli və hüquqi prosedurlara başlamalıdır. İndi bütün bəşəriyyət ciddi təhlükə ilə üz-üzədir. Bu gün İsrail qlobal sülh və təhlükəsizliyə ən böyük təhlükəyə çevrilib və bəşəriyyətin gələcəyini təhlükə altına qoyub”, – deyə Əli Ərbaş vurğulayıb.

Azərbaycan Respublikasının Prezidenti cənab İlham Əliyevin müvafiq Sərəncamı ilə general-leytenant Namiq İslamzadə müdafiə nazirinin müavini - Hərbi Hava Qüvvələrinin komandanı təyin olunub.

İsrailin Beyruta endirdiyi zərbələrdən sonra İslam İnqilabı Keşikçiləri Korpusunun (SEPAH) Qüds Qüvvələrinin komandiri general-mayor İsmayıl Kaani ilə əlaqə saxlamaq mümkün olmayıb.

Oxu.Az "Reuters"ə istinadən xəbər verir ki, bu barədə İranın iki yüksəkrütbəli təhlükəsizlik məmuru məlumat yayıb.

Qeyd olunur ki, Kaani sentyabrın 27-də "Hizbullah" hərəkatının lideri Həsən Nəsrullahın öldürülməsindən sonra Livana gedib. Mənbələrdən biri bildirib ki, general Nəsrullahın varisi Haşim Səfiəddini hədəf alan zərbə zamanı Beyrutun cənub ətrafı Dahiyədə olub. İkinci mənbə bu məlumatı təsdiqləyib.

İsrail ordusu hələ də zərbələrin nəticələrini qiymətləndirdiyi üçün Kaaninin taleyi ilə bağlı məlumat verə bilməyib.

İran komandanlığı İranın İsraillə birbaşa qarşıdurmaya girməsi halında bir neçə fəaliyyət planı hazırlayıb.
TEREF “Tasnim”ə istinadən xəbər verir ki, bunu İslam İnqilabı Keşikçiləri Korpusunun (“Sepah”) Hərbi Dəniz Qüvvələrinin komandanı kontradmiral Əlirza Tanqsirib bildirib.

O bildirib ki, İsrailin Baş naziri Binyamin Netanyahu “odla oynayır” və bununla əlaqədar İran hərbçiləri bir sıra təlimlər keçiriblər. Tanqsirib qeyd edib ki, hərbçilər İsrailin mümkün hərəkətlərinə tam hazırdırlar, bununla belə İranın cavab formaları və əks-zərbələri İsrail tərəfinin nə edəcəyindən asılı olacaq.

“İranın İsraildəki hədəflər siyahısı var və “Həqiqi vəd 2” əməliyyatı sübut edib ki, biz istədiyimiz hər yeri əsasından dağıda bilərik”, – mənbə vurğulayıb.
/modern.az

Almaniya Türkiyəyə bir neçə yüz milyon avro dəyərində silah tədarükünü təsdiqlədyib.

Bu barədə “Spigel” nəşri məlumat yayıb.

“Federal Təhlükəsizlik Şurası bu yaxınlarda keçirilən gizli iclas zamanı NATO tərəfdaşı Türkiyəyə bir neçə yüz milyon avro dəyərində alman silahının tədarükünə yaşıl işıq yandırıb”, – məlumatda qeyd olunub.

Məlumata görə, Almaniya Türkiyəyə gəmilərin hava hücumundan müdafiə sistemləri üçün idarə olunan raketlər, 28 ədəd “SeaHake” torpedaları, eləcə də U209 tipli türk
sualtı qayıqlarının modernləşdirilməsi üçün komponentlər, türk korvetləri və freqatları üçün mühərrik hissələri göndərib.

Hərbi paketin ümumi dəyəri 336 milyon avrodur./Viral.az