Türkiyənin ilk milli pilotsuz döyüş təyyarəsi "Kızılelma"nın seriyalı istehsalına başlanılıb.

"AzPolitika" xəbər verir ki, Baykar şirkətinin texniki direktoru Selçuk Bayraktar "Kızılelma"nın serial istehsal xəttindən çıxan ilk görüntüsünü sosial mediada paylaşıb.

Bayraktarın paylaşımında bildirilib: “Kızılelma Allahın izni ilə seriyalı istehsala başlayıb”.

"Kızılelma" Türkiyənin ilk reaktiv pilotsuz döyüş təyyarəsi olaraq milli və orijinal olaraq hazırlanıb. Baykar tərəfindən istehsal edilən pilotsuz təyyarə ilk uçuşunu 2022-ci ilin dekabrında uğurla həyata keçirib. Türkiyənin müdafiə sənayesində mühüm addım olan "Kızılelma" döyüş meydanlarında insanlı qırıcı təyyarələrini əvəz edə biləcək şəkildə dizayn edilib. Bu təyyarə hava-hava döyüşlərini yerinə yetirə bilir və yüksək sürətli manevr qabiliyyətinə malikdir. Kızılelma həmçinin, radar sistemi ilə müəyyən edilə bilməyən bir texnologiya ilə təchiz edilib.

Türkiyə bu layihə ilə müdafiə sənayesində yeni bir dövr açaraq, müasir texnologiyalarla təchiz olunmuş döyüş təyyarələri sahəsində əhəmiyyətli irəliləyiş əldə edir.

İsrail Hərbi Hava Qüvvələrinin qırıcıları Beyrut ərazisində Hizbullah qərargahı və hərbi obyektlərinə yeni hücumlar həyata keçirib.

Bu barədə İsrail Müdafiə Qüvvələrinin mətbuat xidməti məlumat yayıb.

“İsrail Hərbi Hava Qüvvələrinin qırıcıları Beyrut ərazisində Hizbullahın komandanlıq mərkəzlərinə və terror infrastrukturuna dəqiq zərbələr endiriblər”, – deyə ordunun bəyanatında bildirilib.

Qeyd edək ki, bu gün Beyruta endirilən zərbələr nəticəsində SEPAH-ın Qüds qanadının komandiri İsmayıl Qaani yaralanıb.

Hər iki tərəf daha bir pillə irəliləmək qərarına gələndə qarşılıqlı hücumlar daha tez-tez olacaq

İran İsrailə güclü raket zərbəsi endirdi. Bundan sonra gözlənilən əsas ssenari bir növ cavab zərbəsidir. Eynilə altı ay əvvəl, aprelin 14-dən sonra da zərbə mübadiləsi baş verdi. Bütövlükdə münaqişənin intensivliyi tədricən artmaqdadır. Yaxın Şərqdə gərginlik bir pillə də artdı - İsrail və İran arasında birbaşa hücumlar var.

Aprelin 14-dəki birinci zərbədən sonra dedim ki, ikinci zərbə olarsa, bu, sistemin bir hissəsinə çevriləcək və daha tez-tez təkrarlanacaq. Bu o deməkdir ki, hər iki tərəf daha bir pillə irəliləmək qərarına gələndə qarşılıqlı hücumlar daha tez-tez olacaq.

İranlılar bu hücumla bağlı xüsusi xəbərdarlıq ediblər. Və qəsdən hücum elə tətbiq edilib ki, mülki şəxslərə zərər dəyməsin. Tehran ən azından bunu etməyə çalışdı. İsrail də mülki şəxslərə təsir etməyəcək bəzi obyektləri seçəcək. Bununla belə, bir amma var: tərəflər ekzistensial çağırışın qiymətləndirilməsindən asılı olaraq addımlar atırlar.

İsrail tərəfindən məhv edilən “Hizbullah” hərəkatının lideri Həsən Nəsralah təkcə İranın müttəfiqi deyildi. Bu, İran Prezidenti ilə bərabər regional siyasətdə söz sahibi olan, hətta İranın hərbi-siyasi rəhbərliyinin də qulaq asdığı ​​şəxs idi. “Hizbullah” qarşısına İrana Aralıq dənizinə çıxmaq və İsrailə təhlükə yaratmaq üçün strateji məqsədləri qoyub. “Hizbullah”ın yox olması İranın qırx il ərzində həyata keçirdiyi planın məhv edilməsidir.

Digər tərəfdən, İranda daxili siyasi vəziyyət çox ağırdır. İki il əvvəl ilk dəfə etiraz aksiyaları keçirildi və bu zaman “Rədd olsun İslam Respublikası” şüarları səsləndi. Bu etirazlar yatırılsa da, rejimə qarşı müxalifət potensialı tükənməyib. Molla rejimi sağ qalmasının risk altında olduğunu başa düşsə, o zaman SEPAH-ın (İslam İnqilabı Keşikçiləri Korpusu) müdaxiləsi lazım olacaq.

Vəziyyət nəzarətdən çıxsa, o zaman biz İranla İsrail arasında müharibənin yox, iranlıların regional vəziyyəti pozmaq cəhdlərinin şahidi olacağıq. SEPAH artıq öz kanalları ilə təhdidlər yayıb ki, əgər “İsrailin İrana zərbəsi qeyri-mütənasib olarsa, o zaman cavab olaraq Fars körfəzi ölkələrinin infrastrukturu atəşə tutulacaq”. Bu, siqnaldır. Təbii ki, indi bu olmayacaq, amma belə fikirlər var və ciddidir.

İsrailin Moskvadakı səfirliyinin bəyanatı da maraqlıdır: onlar Rusiyanı mühüm tərəfdaş hesab edirlər və hər zaman konstruktiv dialoqa hazırdırlar. Bu o deməkdir ki, Rusiyanın İranla potensial danışıqlara vasitəçi kimi cəlb olunması variantı sınaqdan keçirilir. Öz növbəsində Rusiya da yeganə vasitəçi olmaq üçün İran üzərində mifik təsirini mübadilə edə bilər. Lakin bunun üçün onların daha geniş eskalasiyası lazımdır ki, naviqasiyanın dayandırılması təhlükəsi və müvafiq olaraq Fars körfəzindəki problemlər səbəbindən neft bazarının çökməsi reallaşsın.

Regional müharibə zamanı hadisələrin inkişafının başqa bir ssenarisi də İran rejiminin dağılması və “Şər Oxu”nun tərkib hissələrindən birinin sıradan çıxmasıdır. Aydın məsələdir ki, İranda rejim dəyişikliyindən sonra eyni SEPAH zabitləri hakimiyyətə gələ bilərlər. Lakin onlar şüarlarında və siyasətlərində dəyişiklik etməli olacaqlar...

Bütün bunların Ukraynanın vəziyyətinə təsirinə gəlincə, müxtəlif variantlar var. İran raketlərinin Rusiyaya ötürülməsinin dayandırılacağından daha mürəkkəb məsələlərə qədər. Hamı deyir ki, ABŞ-ın diqqəti Yaxın Şərqə yönələcək və Ukraynaya yardım gündəmdən çıxacaq. Amma 2023-cü il oktyabrın 7-dən sonra, HƏMAS-ın İsrailə hücumundan sonra diqqət Yaxın Şərqə yönəldiyini görsək də, cəmi dörd ay sonra hər iki münaqişə diqqətdə saxlanıldı.

Müəllif: Sergey Danilov – Ukrayna Yaxın Şərq Araşdırmaları Mərkəzinin sədr müavini .

Mənbə: UNİAN

Tərcümə AYNA-ya məxsusdur.

İkinci Qarabağ müharibəsi dövründə Gəncə şəhərinin Ermənistan Silahlı Qüvvələri tərəfindən ilk raket hücumuna məruz qalmasından 4 il ötür.

2020-ci ilin oktyabrın 4-də səhər saat 10 radələrində ermənilərin atdığı raketlər Azərbaycanın ikinci ən böyük şəhərində mülki yaşayış məntəqəsinə, o cümlədən sakinlərin yaşadığı ikimərtəbəli binaya, fərdi yaşayış evlərinə düşüb.

Ermənistanın bu raket hücumu müharibənin getdiyi Qarabağ bölgəsindən kənarda edilən ilk ciddi hücum idi. Düşmən tərəfindən Gəncənin bombalanması nəticəsində 1 mülki şəxs - Əliyev Tunar Qoşqar oğlu şəhid olub, 32 mülki şəxs isə yaralanıb. Yaşayış evləri ilə yanaşı mülki infrastruktura və qədim tarixi tikililərə də ziyan dəyib.

Qeyd edək ki, İkinci Qarabağ müharibəsi dövründə Ermənistan Silahlı Qüvvələri tərəfindən Gəncə şəhərinə ümumilikdə beş dəfə (4, 5, 8, 11, 17 oktyabrda) raket və ağır artilleriya ilə hücum edilib. Nəticədə 26 nəfər şəhid olub, 175 nəfər yaralanıb, şəhərdə yerləşən mülki infrastruktur obyektlərinə, nəqliyyat vasitələrinə külli miqdarda ziyan dəyib. \\Ölkə.az

Müvəffəqiyyətsizliklərinə, təhsillərini davam etdirmək istəmədiklərinə və ya intizamsızlıqlarına görə hərbi qulluqçu hazırlayan xüsusi təyinatlı ali təhsil müəssisələrindən xaric edilən kursantlarla yanaşı xüsusi təyinatlı orta ixtisas təhsili müəssisələrindən xaric edilən kursantların da müddətli həqiqi hərbi xidmət keçmək üçün hərbi hissələrə göndərilməsi təklif edilir.

Bu, "Hərbi xidmətkeçmə haqqında" Əsasnamənin təsdiq edilməsi barədə" və "Hərbi vəzifə və hərbi xidmət haqqında" Azərbaycan Respublikasının qanunlarında dəyişiklik edilməsi barədə" qanun layihəsində əksini tapıb.

Sənəddə, habelə hərbi qulluqçu hazırlayan xüsusi təyinatlı orta ixtisas təhsil sisteminin təkmilləşdirilməsi, tələbələrin həmin təhsil müəssisələrinə daxil olmaqda marağının artırılması məqsədilə gizirlərin və miçmanların tutmalı olduqları vəzifələrin həmçinin hərbi qulluqçu hazırlayan xüsusi təyinatlı orta ixtisas təhsili müəssisələrini bitirmiş hərbi qulluqçularla komplektləşdirilməsi təklif edilir. Layihədə bir sıra digər dəyişikliklər də nəzərdə tutulur. socar vakansiya

Layihə Milli Məclisin Müdafiə, təhlükəsizlik və korrupsiya ilə mübarizə komitəsinin bu gün keçirilən iclasında müzakirə edilərək parlamentin plenar iclasına tövsiyə edilib.

İsrailin 36-cı Zirehli Diviziya qüvvələri Livana daxil olub.

TEREF APA-ya istinadən bildirir ki, bu barədə "Haaretz" məlumat yayıb.

İsrail Müdafiə Qüvvələri bildirib ki, 36-cı Zirehli Diviziya qüvvələri Livana daxil olub.

İran İsraildəki hədəflərə 200-ə yaxın ballistik raket atıb.
TASS xəbər verir ki, bu barədə Ağ Evdən bildiriblər.
Qeyd olunub ki, ABŞ Hərbi Dəniz Qüvvələrinin gəmiləri hücumun dəf edilməsində iştirak edib.

İrandan İsrailə doğru 400-ə yaxın raket atılıb.

Trend xəbər verir ki, İsrailin hava hücumundan müdafiə sistemləri raketləri zərərsizləşdirir.

İsrail mənbələri Təl-Əvivin bəzi nöqtələrinin vurulduğunu bildirir.

İran dövlət mediası İsrailə hücumu təsdiqləyib

İsrailin müdafiə naziri Yoav Qalant Livan “Hizbullah” hərəkatına qarşı hərbi əməliyyatın növbəti mərhələsinin tezliklə başladığını açıqlayıb.

O, bu barədə “X” sosial şəbəkəsində yazıb.

Qalantın sözlərinə görə, bu, “Hizbullah” bölmələrinin Livan ərazisindən davamlı atəşə tutulması nəticəsində təxliyə edilmiş İsrailin şimalındakı sərhəd yaşayış məntəqələrinin sakinlərinin geri qayıtması üçün şəraitin yaradılmasında mühüm rol oynamalıdır.

“Qarşıdurma xəttindəki (Livanla həmsərhəd ərazilərdəki - red.) yaşayış məntəqələrinin şuralarının rəhbərləri ilə görüşdə vurğuladım ki, tezliklə “Hizbullah”a qarşı müharibənin növbəti mərhələsi başlayacaq və bu, müharibənin aparılmasındakı məqsədə çatmaqda - şimalın sakinlərinin öz evlərinə qayıtmasında mühüm amil olacaq", - Qalant əlavə edib.

Artıq İsrail ordusu Livan ərazisinə daxil olduğu bildirilir. Yeerli mətbuat İsrailin zirehli texnikasının Metula bölgəsində Livanla sərhədi keçdiyini yazıb.

İsrail ordusu sərhəddə 20 kilometrlik bufer zona yaratmağı planlaşdırıdığı bildirilir.

Yerli media baş verənləri Üçüncü Livan Müharibəsi adlandırıb. Hazırda İsrail ordusunun istehkamçıları Livanın cənubunda maneələri aradan qaldırır.

Livanlı mənbələrin “Reuters“ agentliyinə verdiyi məlumata görə, Livan qoşunları Livanın cənub sərhədi boyunca İsraillə sərhədin beş kilometr şimalındakı mövqelərdən geri çəkilib.

Geri çəkilmə İsrailin Livanın cənubuna qaçılmaz quru işğalının əlamətlərinin artması fonunda baş verir. Eyni şəkildə, Livan ordusunun rəsmisi “AFP”yə bildirib ki, Livan ordusu geri çəkilmir, lakin cənub sərhədində yerləşdirilmiş qoşunları hərəkətə gətirir və yenidən qruplaşdırır.

ABŞ Dövlət Departamentinin sözçüsü Metyu Miller bildirib ki, İsrail Livanda bir sıra məhdud quru əməliyyatları barədə ABŞ-ı məlumatlandırıb.
pressklub