 |
|
|
ABŞ və Cənubi Koreyanın hərbi təlimlərinə ardıcıl raket sınaqları ilə cavab verən Şimali Koreyadan gərginliyi zirvəyə çatdıracaq açıqlama gəlib.
Teref.az Musavat.com-a istinadən xəbər verir ki, ölkəni dəmir yumruqla idarə edən Kim Çen Inın “nüvə çağırışı” kimi şərh edilən sözləri dövlətin nəzarətində olan Koreya Mərkəzi Xəbər Agentliyində (KCNA) dərc edilib.
ŞİMALİ KOREYA GERİ ÇƏKİLMİR
Son dönəmlərdə həyata keçirdiyi raket sınaqları ilə region ölkələrinin, xüsusilə ABŞ-ın reaksiyasını çəkən Şimali Koreya məqsədinin dünyanın ən qüdrətli nüvə gücünə çevrilmək olduğunu açıqlayıb.
Başqa sözlə, Kim bütün reaksiyalara baxmayaraq, nüvə məqsədlərindən geri çəkilməyəcəklərini dünyaya bəyan edib.
O bu açıqlamanı Şimali Koreyanın ən böyük ballistik raketi olan “Hwasong-17″nin buraxılışında iştirak edən zaman verib.
Kim Çen In bildirib ki, ABŞ-a çata bilən qitələrarası ballistik raket olan “Hwasong-17” dünyanın ən güclü strateji silahıdır və bu raket Şimali Koreyanın dünyanın ən güclü ordusunu yaratmaq əzmini və bacarığını nümayiş etdirir.
Qeyd edək ki, ötən həftələrdə Şimali Koreya raket sınaqlarının Cənubi Koreya və ABŞ-ın potensial hədəflərini “vurub məhv etmək” üçün həyata keçirdiyini açıqlayıb.
Ölkə mətbuatı Şimali Koreyanın düşmənlərinə xəbərdarlıq göndərmək üçün “əsl müharibəni simulyasiya etmək” qərarına gəldiyini vurğulayıb.
KİM ÇEN INN YENƏ QIZI İLƏ GÖRÜNTÜLƏNDİ
“Hwasong-17” qitələrarası ballistik raketinin buraxılışı üzərində işləyən alim və texniki mütəxəssislərlə görüşən Şimali Koreya lideri ikinci dəfə qızı ilə birlikdə ictimaiyyət qarşısına çıxıb.
Cənubi Koreya mətbuatının iddiasına görə, adı Çju E olan qız xəz yaxalıqlı qara paltosu ilə diqqət çəkib. O, hərbçi və alimlərlə görüş zamanı daim atasını müşayiət edib.
Xatırladaq ki, noyabrın ortalarında da Kim Çen In həyat yoldaşı və qızının müşayiəti ilə yeni “Hwasong-17” qitələrarası ballistik raketinin sınaq meydançasını ziyarət etmişdi. Bu, KXDR liderinin övladı ilə ictimaiyyət qarşısında ilk çıxışı idi.
“Konkord” şirkətinin sahibi və Putinin muzdlu ordusu adlandırılan “Vaqner PMC” şirkətinin təsisçisi Yevgeni Priqojin bildirib ki, bu özəl hərbi şirkətdə xarici əsilli döyüşçülər var. TEREF.AZ-ın yazdığına görə, Hafta.az bildirir ki, onun sözləri "VKontakte" sosial şəbəkəsində "Konkord Şirkətinin Mətbuat Xidməti" qrupunda verilir.
Finlandiyanın Helsingin Sanomat qəzetinin sualını cavablandıran iş adamının dediyinə görə, Wagner PMC-də 20-yə yaxın Finlandiya vətəndaşı - "çox az" var.
“Məlum səbəblərə görə onlar haqqında dəqiq məlumat verə bilmərəm” o deyib.
Eyni zamanda, qeyd edib ki, bunlar, bir qayda olaraq, “yüksək ixtisaslı, çox ideoloji və motivasiyalı mütəxəssislərdir”. Priqojinin dediyinə görə, o, döyüş meydanında finlər haqqında çox yaxşı fikirdədir.
Biznesmen əlavə edib ki, onlar ABŞ vətəndaşı, Dəniz Piyadaları Korpusunun keçmiş generalının komandanlıq etdiyi Vaqner PMC-nin tərkibində Britaniya batalyonunda döyüşürlər.
"İki ölkə arasında münasibətlərin normallaşdırılması istiqamətində görülən işlərə Ermənistandakı revanşist qüvvələr hər vəchlə maneçilik törətməyə çalışır". DİA.AZ bildirir ki, bu barədə Dövlət Təhlükəsizliyi Xidmətinin (DTX) rəis müavini general-leytenant Ceyhun Şadlinski “Vətən müharibəsinin təcrübələri” mövzusunda konfransda deyib.
General bildirib ki, bu ölkənin silahlanmaya və ordu quruculuğuna öz imkanlarından artıq maliyyə vəsaiti ayırması narahatlıq doğuran məqamdır: "Rusiya sülhməramlı kontingentinin müvəqqəti yerləşdiyi Azərbaycan ərazisinə hərbi texnikalar daşınır. Orada müxtəlif təxribat xarakterli tədbirlər keçirilir. Bunlar xüsusilə diqqət çəkir".
Həmçinin C.Şadlinski vurğulayıb ki, Ermənistan müasir silahlar almağa cəhd göstərir, sülh müqaviləsinin imzalanmasını yubatmağa meyil edir.
Ehtiyatda olan polkovnik, hərbi ekspert Üzeyir Cəfərov "Şərq"ə açıqlamasında deyib ki, vəziyyət o qədər dözülməz həddə çatıb ki, artıq Azərbaycanın yüksək rəsmiləri də məsələni dilə gətirməyə, ictimailəşdirməyə ehtiyac görüblər. Ekspert vurğulayıb ki, görünür, söhbət Qarabağa qeyri-qanuni daşınan atıcı silahlardan, minalardan getmir:
"İlk dəfə idi ki, belə bir iclasda DTX generalı, müdafiə naziri və digər yüksək ranqlı rəsmilər bu məsələni açıq formada gündəmə gətirirlər. Həm Ermənistan hökumətinə, həm də torpaqlarımızda yerləşdirilmiş Rusiya sülhməramlılarına siqnal, mesaj verilir. Anlaşılan odur ki, separatçılara ağır hərbi texnikalar çatdırılır. Gecikmədən, yubanmadan qəti və sərt addımlar atmalıyıq. Keçən hər gün separatçılara və onların dəstəkçilərinə əlavə şans yaradır ki, ərazilərimizi daha çox çirkləndirsinlər. Qarabağa daşınan sursatlara, oradakı qanunsuz birləşmələrin silahlanmasına çox ciddi yanaşmalıyıq. Şuşanın iki addımlığında cəmlənmiş silahlar sabah bizə qarşı çevriləcək. Məqsəd bölgədə yaradılmış infrastruktura ziyan vurmaq, sakinlərin həyatını təhlükə altında qoymaq üçün təxribat törətməkdir. Təbii ki, bu məsələdə heç bir halda seyirçi mövqe tutmamalıyıq və düşmənin bütün təxribatlarının qarşısını almalıyıq. Hesab edirəm ki, hərbi attaşelərin Laçına, Sarıbaba yüksəkliyinə getməsi də sıradan hadisə deyil. Adekvat tədbirlərimiz, cavab addımlarımız olacaq, ancaq hansı formada olacağına ölkə rəhbərliyi qərar verəcək".
Rusiya ordusunun Kiyevə hava zərbələri nəticəsində ölənlər və yaralananların sayı artıb.
Herbiand.az xəbər verir ki, bu barədə Ukrayna daxili işlər nazirinin müşaviri Anton Geraşenko "Twitter"də bildirib.
O, raket zərbələri zamanı 4 nəfərin öldüyünü, 21 nəfərin yaralandığını bildirib.
Ukrayna ordusu Rusiya tərəfindən atılan 67 qanadlı raketdən 51-ni vurub.
İqtisadiyyat.az xəbər verir ki, bu barədə Ukrayna Baş komandanı Valeriy Zalujnı "Telegram"da bildirib.
O, təkcə Kiyevə 30 raketin buraxıldığını, 20-nin vurulduğunu qeyd edib.
Xatırladaq ki, zərbələr nəticəsində Ukraynanın enerji infrastrukturuna ciddi ziyan dəyib. Ölən və yaralananlar var
Ordumuzda təcili modernləşdirmə aparmağa hazırlaşırıq. Ukraynada müharibənin mümkün eskalasiyasından narahatıq və bu, Rusiya ilə NATO arasında münaqişəyə çevrilə bilər.
Axar.az xəbər verir ki, bu barədə Çexiya Baş Qərargahının rəhbəri Karel Rzeka danışıb.
"Biz, ilk növbədə, ən çətin və təhlükəli ssenariyə, yəni düşmənə qarşı genişmiqyaslı müharibəyə hazırlaşmalıyıq. Ukraynadakı müharibə bütün cəmiyyət üçün böyük həyəcan siqnalıdır. Ukraynada müharibənin eskalasiyası potensialı artmaqda davam edir. Hətta ən ciddi ssenarini də istisna etmək olmaz", - Rzeka qeyd edib.
Hurriyyet.az “Akşam” nəşrinə istinadla xəbər verir ki, Ukraynanın Daxili İşlər nazirinin müşaviri Anton Qeraşenko gələn ilin yanvar ayında Rusiyanın 500-700 min ehtiyat hərbi qüvvəsini əhatə edəcək ikinci səfərbərliyi elan etməyə hazırlaşdığını bəyan edib.
Qeraşenko “Tvitter” hesabındakı açıqlamasında yazıb: “Rusiya yanvar ayında ikinci dəfə səfərbərlik elan eləməyə hazırlaşır. Plana görə, 500-700 min nəfər arasında ehtiyat qüvvəni əhatə edən səfərbərlik qərarı layihəsi hazırlanır. Bundan əvvəlki 300 min nəfər öldürülüb, yaralanıb, yaxud da ruhdan düşüb”.
Rusiya Prezidenti Vladimir Putin sentyabr ayında 300 min nəfəri əhatə edən səfərbərlik qərarını elan eləmişdi.
Türkiyə Ukraynaya İran dronları ilə mübarizə üçün raketlər verdi...
Türkiyə Ukrayna Silahlı Qüvvələrinə İranın "Shahed 136" kamikadze-dronlarını məhv etmək iqtidarında olan yaylım atəşli reaktiv sistemlər üçün TRLG-230 yüksək dəqiqli raketlər və "Bayraktar TB2" üçün "hava-hava" sinfindən olan "SUNGUR" raketləri ötürüb.
Moderator.az xəbər verir ki, bu barədə Ukraynaya verilən silahın monitorinqini aparan "Oryx" saytının analitikləri məlumat yayıb.
Qeyd edilir ki, bu silahlar Türkiyənin "Rocketsan" hərbi-sənaye şirkətinin istehsalıdır.
O cümlədən TGLG-230 raketləri Ukraynaya hələ yayda daxil olub, lakin bu barədə yalnız indi bəlli olub.
Hələlik, bu silahın əldə edilməsi və ya yardım kimi alınması tam bəlli deyil.
İran silahlı qüvvələri İraqın Kürdüstan əyalətinə növbəti raket zərbəsi endirib.
APA xəbər verir ki, bu barədə yerli mənbələrə istinadən INA agentliyi məlumat yayıb.
Zərbələr kürd partiyalarının Ərbil və Süleymaniyyə əyalətlərində yerləşən qərargahlarına endirilib.
Bildirilib ki, onlar İranda hökumət əleyhinə etirazlara dəstək verib.
“Shafaq News” portalının məlumatına görə, İran hərbçiləri Bahirka şəhərindəki qaçqın düşərgəsini də atəşə tutub.
Bir neçə nəfər atışma nəticəsində ölüb.
ABŞ-ın Ərbildəki konsulluğu raket hücumuna görə həyəcan siqnalı verib.
Türkiyənin Kilis şəhərindəki Öncüpınar sərhəd-keçid məntəqəsi bölgəsinə (Suriya) raket hücumu edilib.
Bu barədə Teref.az Türkiyə KİV-lərinə istinadən xəbər verir.
İlkin məlumata görə, 1 hərbçi, 2 özəl hərəkat polisi yaralanıb.
Cebhe.info