"İnsan həyatına yox, ticarətə üstünlük verirlər..."
"İldən artıq Saatlı rayon Xəstəxanasında heç bir diaqnoz qoyulmadan, qan, rentgen yoxlanmaları edilmədən müalicə aldım. Həkim elə bir ucdan mənə dərman yazırdı, heç bir analiz tələb etmirdi. Deyirdi, "Get, bu dərmanı al, at, keçib gedəcək". Onun dediyini edirdim, amma vəziyyətim getdikcə lap ağırlaşırdı. Nəhayət ayaq nahiyəmdə şiş əmələ gəldi və məni Bakıya - Respublika Klinik Xəstəxanasına göndərdilər. Burada məni başdan-ayağa yoxladılar və bəlli oldu ki, məndə qaraciyər sirrozunun əlamətləri var. Burdakı həkimlər qeyd etdi ki, indiyədək rayonda aldığım dərmanların heç bir effekti yoxdur, onları almağı kəsim. Bax, beləcə ilboyu rayon xəstəxanasında mənə dəxlisiz və bahalı dərmanlar aldırdılar. Vaxtında diaqnoz qoymadılar və mən də xəbərsiz olduğundan üzərinə düşmədim. Nəticədə, indi xəstəliyim irəliləyib və çox əziyyət çəkirəm".
Yuxarıdakı fikirləri Bizimyol.info xəbər portalına Saatlı rayon sakini Səriyyə Sadıqova deyib. Onun dediklərinə görə, Saatlı rayon Xəstəxanasında Müseyib adlı həkim ondan heç bir qan analizi almadan, diaqnoz qoymadan, aidiyyəti olmayan dərmanlar aldırıb və nəticədə xəstəliyi get-gedə irəliləyib.

Xəstə qeyd edib ki, artıq on aydır ki, real diaqnozdan sonra ciddi müalicələrə başlanılsa da, dərmanlar od qiymətinədir: "10 aydır ki, müalicə alıram, ay ərzində 1200-1400 manata kimi dərman xərclərimiz çıxır. Artıq çatdırıb dərman ala bilmirəm. Borclar, kreditlər üst-üstə yığılıb. Vicdanlı insanlardan kömək istəyirəm, mənə kömək edin".

Xəstənin həyat yoldaşı Gülhüseyn Sadıqov da eynilə həyat yoldaşı Səriyyə xanım kimi sağlıq problemi yaşayır. O, illər öncə yıxılıb, çanaq sümüyünü sındırdığı üçün indi yeriməkdə çətinlik çəkir. Ürəyinə isə "stend" qoyulduğundan, çanaq əməliyyatına girməsini həkimlər riskli hesab edirlər: "İkimiz də təqaüd kartımızı kreditə bağlamışıq, rayondakı evimi satışa çıxarmışam. Mən artıq öz narahatlığımı unutmuşam, təki həyat yoldaşım sağalsın. Qardaşım 1992-ci ildə Qarabağ döyüşləri zamanı şəhid olub. Ancaq bu günədək heç bir yerdə onun adını hallandırıb, kimlərdənsə kömək istəməmişik, utanmışıq. Ancaq indi vəziyyətimiz çox pisdir, dövlətimizdən kömək istəyirik. Dərmanlar çox bahadır və çatdırıb, ala bilmirik" - deyə, xəstənin həyat yoldaşı qeyd edib.

Məlumat üçün bildirək ki, xəstə hazırda Bakıda, öz qızının evində qalır və indi dərman almağa maddi imkanı çatmadığından, vəziyyəti get-gedə ağırlaşır.

Vətəndaşlar İcbari Tibbi Sığortaya müraciət edib-etmədikləri barədə bildirdilər ki, bunun üçün komissiyalardan keçməli və uzun müddət oturub, cavab gözləməlidirlər: "Süründürməçilikdir. O dərmanların dövlət tərəfindən qarşılanması üçün gedib, komissiyaya yazılmalıyam. Təzədən yoxlamalardan keçib, xəstəliyimi təsdiqlətdirməliyəm. Bunun üçün də ildən artıq zaman sərf olunur. Mənim buna nə taqətim, nə də imkanım yoxdur. Vəziyyətim get-gedə pisləşir. Vaxtında doğru təyin olunmayan diaqnozun, həkim səhlənkarlığının əziyyətini çəkirəm. Apteklərlə əlbir işləyirlər. İnsan həyatına yox, ticarətə üstünlük verirlər. Təki, dərmanlar alınsın, apteklər xəstələrdən xeyir götürsün" - deyə, xəstənin həyat yoldaşı bildirib.

Məlumat üçün qeyd edək ki, İcbari Tibbi Sığorta üzrə Dövlət Agentliyinin nümayəndələri vətəndaşın oğlu ilə əlaqə saxlayıb. Müraciətçinin övladına bildirilib ki, məsələ ilə əlaqədar müvafiq komissiyadan keçildikdən sonra dərmanlarla bağlı İcbari Tibbi Sığorta üzrə Dövlət Agentliyi tərəfindən vətəndaşa yardım oluna bilər. Əgər xəstənin əməliyyata ehtiyacı varsa, İcbari Tibbi Sığorta üzrə Dövlət Agentliyi bunu qarşılayır. Amma bunun üçün lazımi donoru tapmaq vətəndaşın üzərinə düşür.

Əlavə olaraq, İcbari Tibbi Sığorta üzrə Dövlət Agentliyinin mövzu ilə bağlı xüsusi və rəsmi açıqlamalarını yayımlamağa hazırıq.

 

Bölmənin digər xəbərləri

03 Fevral 2025 Gömrük Komitəsi Qusarda sahibkarın obyektini ƏLƏ KEÇİRİR... - Bunun başqa ADI YOXDUR...
03 Fevral 2025 Kəlbəcərdə adamları müqaviləsiz işlədib pulunu verməyən Ağa kimdir? - VİDEO
03 Fevral 2025 Cənab Şükürovun YARIMŞTAT MARAĞI... - BU NƏDİ BELƏ?..
03 Fevral 2025 Bakının mərkəzində aksiya keçiriləcək : Zaur Mikayılov 165 ailəni ayağa qaldırdı
03 Fevral 2025 "Yarışlara öz pulunuzla gedin!" - Neftçaladakı yeniyetmə boksçular yarışa getməyə pul tapa bilmir
02 Fevral 2025 'Bazarstore' da KÜTLƏVİ İXTİSAR... NARAZILIQ YARATDI
02 Fevral 2025 Sahibkarlarla şirkət arasında qalmaqal: "Heç kimdən qorxusu yoxdur"
02 Fevral 2025 AYNA necə problemə çevrilib.... - AYNA necə problem yaradır...
02 Fevral 2025 Tovuz dövlət sosial iqtisadi kollecində nələr baş verir? - MÜRACİƏT
02 Fevral 2025 “Azərdövlətlayihə”nin direktoru Müsədin Namazovun tender oyunu…..
02 Fevral 2025 Ağgöl Milli parkında qanunsuz balıq ovu ilə kimlər məşğul olur? - Yegerin oğlu dəstə yaradıb
02 Fevral 2025 Coşqun Cəbrayılovun çətiri altında digər bir Cəbrayılov... AT OYNADIR... - İLGİNC İDDİALAR
02 Fevral 2025 Baba Rzayevin "özəl" kadrı Yusifov Üzeyir 2 qız övladına niyə sahib çıxmır.. İTTİHAM/FOTO
01 Fevral 2025 “Kristal Abşeron”da “Dövlət içində dövlət qurublar…”-Şikayət
01 Fevral 2025 Deputat Kamaləddin Qafarovun şirkətinin Naxçıvanda 1.7 milyonluq tender oyunu
01 Fevral 2025 Mürsəl İbrahimov qanunu pozan Suraxanıdakı komissarlara sahib çıxır – Prezidentə müraciət
31 Yanvar 2025 Suraxanı sakinini təhdid edənlər kimlərdir? - VİDEO
31 Yanvar 2025 FHN 205 minlik tenderi simsar şirkətə verdi: - “Qafqaznet” kimə məxsusdur?
31 Yanvar 2025 Naxçıvanda gizli hüquqi islahatlara start verildi: Hədəf isə... - referenduma getmədən muxtar səlahiyyətləri ləğv etməkdir...
31 Yanvar 2025 Nəsimi rayon sakinlərindən Leyla Əliyevaya müraciət: "Məhəlləmizi xarabalığa döndərirlər, bizə kömək edin" (VİDEO)

Dünyapress TV

Xəbər lenti