Müəllim kadrları hazırlayan ADPU-da rüşvət həmişə olub, amma hazırkı səviyyədə olmayıb.

Azərbaycanda ali təhsil ocaqları arasında ADPU(APİ) rüşvətxorluğa görə, bütün zamanlarda cüziliyilə fərqlənib.

Lakin ölkəmiz müstəqilliyə qədəm qoyduqdan sonra ADPU-da rüşvətxorluğun miqyası bir neçə dəfə artıb.

Bir neçə il Azərbaycanın gənc Turizm institutunda müsbət təcrübə qazanmış rektor Cəfər Cəfərov, səhv etmirəmsə, 2018-ci ildə ADPU-ya rektor dəyişdirilib.

C. Cəfər müəllimin ADPU-ya rektor təyin olunması xəbəri ali təhsil müəssisəsində çalışan professor-müəllim heyətini və tələbələri çox sevindirib. Lakin onların bu sevinci çox çəkməyib, tez bir zamanda təəssüflə əvəz olunub.

Hazırda ADPU rektor C. Cəfərov tam dəyişib və rüşvət rektoru özündən əvvəlki rektorlardan betər qatı rüşvətxora çevirib.

Bəli, müəllim kadrları hazırlayan bu ali təhsil ocağında rüşvət həmişə, hətta sovet dövründə də olub, amma indiki kimi heç vaxt bu qədər açıq bazar şəklini almayıb.

Hazırda ADPU-da rüşvət bütün sahələrdə, xüsusən kadrların seçilməsi və işə qəbul olunmasında yeganə meyara çevrilib.

Əgər əvvəllər, yəni 7-8 il bundan qabaq ADPU-da gənc laborant vəzifəsinə işə qəbul olunmaq üçün 3 - 5 min manat civarında "şirinlik" vermək lazım olurdusa, hazırda ADPU-da istənilən kafedraya laborant vəzifəsinə işə qəbul olunmaq üçün vasitəçilər rektor Cəfər Cəfərova 10 - 15 min manat "şirinlik" (rüşvət) vermək lazım olduğunu bildirirlər!..

Ölkədə rüşvət alan tək ADPU rektoru olsaydı, nə vardı ki, qarşısını almaq asan olardı, amma ölkədə müşahidə olunan mənzərə elə eybəcər bazar şəkil alıb ki, cənab Prezident ölkədə rüşvətxorluğa qarşı mübarizəni gücləndirdikcə, rüşvətxorluq geri çəkilmək əvəzinə, daha da hızlanır...

Şahnaz, Paralel.az