 |
|
|
Tibbi Ərazi Bölmələrini İdarəetmə Birliyinin (TƏBİB) icraçı direktoru Vüqar Qurbanov tərəfindən 2023-cü ilin noyabr ayında Bakı Baş Səhiyyə Mərkəzinin direktorunun tibbi xidmətin təşkili üzrə müavini vəzifəsinə təyin edilən Güllü İbadovanın işə çıxmadığı deyilir.
"Qlobal.az”ın əldə etdiyi məlumata görə, Güllü İbadovanın işə çıxmamasının səbəbi açıqlanmır.
Güllü İbadova 2017-2020-ci illər ərzində Laçın Rayon Mərkəzi Xəstəxanasının baş direktoru vəzifəsində çalışarkən ştat cədvəllərində saxtakarlıqlar edərək israf etmə yolu ilə 17.575,92 manat məbləğində dövlət vəsatini mənimsəməkdə ittiham edilirdi.
Buna görə sabiq baş direktora Cinayət Məcəlləsinin 179.2.3 və 179.2.4-cü maddələri ilə cinayyət işi açılıb və iş məhkəməyə göndərilmişdi.
Güllü İbadova Səhiyyə Nazirliyinə 17.575,92 manat məbləğində dəymiş maddi ziyanı, həmçinin dövlət nəfinə ödənilməli olan 4394 manat məbləği ödədikdən sonra onun barəsində başqa yerə getməmək haqqında iltizam növündə qətimkan tədbiri ləğv edilmiş, Cinayət Məcəlləsinin 179.2.3 və 179.2.4-cü maddələri ilə CM-nin 73-1.2-ci maddəsinin tələblərinə əsasən cinayət məsuliyyətindən azad olunmuşdu.
TƏBİB-in İcraçı direktoru Vüqar Qurbanovun ötən ilin noyabr ayında Güllü İbadovanı Bakı Baş Səhiyyə Mərkəzinin direktorunun tibbi xidmətin təşkili üzrə müavini vəzifəsinə təyin etməsi sosial şəbəkələrdə birmənalı qarşılanmamış, korrupsiyada adı çəkilən şəxsin yüksək vəzifəyə təyin edilməsi qınanılmışdı.
"Bakı Baş Səhiyyə Mərkəzi” PHŞ "Tibbi Ərazi Bölmələrini İdarəetmə Birliyi” PHŞ-in İdarə Heyətinin sədrinin qərarı ilə Bakı şəhər Baş Səhiyyə İdarəsinin tabeliyində fəaliyyət göstərən tibb müəssisələrinin əsasında yaradılıb.
Mərkəzə Bakı şəhərində yerləşən ambulator və stasionar xidmət göstərən 105 tibb müəssisəsi daxildir.
Bunlara 33 şəhər poliklinikası, 20 uşaq poliklinikası, 12 birləşmiş şəhər xəstəxanası, 5 tələbə poliklinikası, 6 qadın məsləhətxanası, 4 uşaq stomatoloji poliklinikası, 3 ədəd sağlamlıq mərkəzi, 2 ədəd müalicə-diaqnostika mərkəzi və digər tibb müəssisələri aiddir.
Salyan rayon sakini Nuriyev Qabil Dünyamalı oğlu tərəfindən Hurriyyet.az saytının redaksiyasına şikayət məktubu daxil olub. Salyan pambıq zavodunda traktorçu işlədiyini bildirən şikayətçi deyir ki, onu haqsız yerə işdən çıxarıblar:
“Mən, Nuriyev Qabil Dünyamalı oğlu, yazaraq sizdən xahiş edirəm ki, problemimi işıqlandırasınız.
Bildirmək istəyirəm ki, məni saxta işlərlə günahlandıraraq, işdən cıxarıblar.
Zavodun müdidir Bahəddin Leysanovdur. Şirkətin Bakı şəhərində də filialı var.
B.Leysanov məni öz şəxsi torpağında işlədib. Onun üçün qeyri-qanuni olaraq 1000 hektar yer şumalmışam. Sonradan onun torpağını şumlamadığıma görə, texnikanı əlimdən aldı, məni işdən çıxardı.
Heç bir günahım olmadan işdən çıxarılmışam.
Xahiş edirəm ki, məni şirkətin Bakı filialına işə götürsünlər. Evdə xəstəm var, sinir xəstəsidir, iynə dərmanlarını ala bilmirəm”.
Redaksiyadan: Qarşı tərəfin mövqeyini dərc etməyə hazırıq.
Cəlilabad «komxoz»unda fəhlə işləyən Həmzə Sadıqov adlı şəxs, bu günlərdə özünün Facebook səhifəsində hansısa səbəblərə görə müdiri tərəfindən təhqir olunması ilə bağlı paylaşım yayımlamışdı. Amma, bu şəxs həmin paylaşımında nəyə görə çalışdığı müəssisənin rəhbəri tərəfindən təhqir olunması, yaxud da danlanması və s. kimi məsələlərə heç bir izah verməmişdi. Bir sözlə, Həmzə Sadıqov səsləndirdiyi ittihamları birtərəfli qaydada paylaşdığından, bəlkə də tam əksəriyyətin düşüncəsində Cəlilabad «komxoz»unun müdirinə qarşı hansısa formada qınaq və qərəz hissi də formalaşmışdı. Bütün bunlara baxmayaraq, çox keçmədi ki, səsləndirdiyi ittihamlara Həmzə Sadıqov öz dilindən münasibət bildirdi və açıq-aşkar şəkildə günah sahibi olduğunu da dilə gətirdi. Belə bir məsəl var: “səhvi etiraf etmək də böyüklükdür, gözəl əməllərdəndir” deyiblər. Bir sözlə, bu şəxs sonrakı açıqlaması ilə Facebook səhifəsində dilə gətirdiyi ittihamları özü öz dili ilə təkzib etsə də, məsələnin maraqlı tərəfi odur ki, özlərini bloger adlandıran bəzi şəxslər, məhz Həmzə Sadıqovun ilk paylaşımdan sui-istifadə etməyə qərar verirlər. Yəni, həmin şəxslər Cəlilabad «komxoz»unda fəhlə işləyən Həmzə Sadıqovun guya ki, onlara müraciət etdiyini paylaşırılar. Hətta, bir qədər də irəli gedərək «komxoz»un müdirinə qarşı qərəzli yazılar da yayımlayırlar. Əslində bu cür addımlar ucuz çılğınlıqdır, dar düşüncədir, bir qədər yumşaq desək, əsası olmayan şoodur. Şəxsin özünü bloger elan etməsi o demək deyil ki, hansısa şəxsin dediklərini əldə bayraq tutmalısan və vəzifə sahibi olan hansısa şəxsə qarşı “qara piar” da təşkil etməlisən. Əslində “biz həqiqətin carçılarıyıq” deyib, özlərini bloger adlandıranlar Həmzə Sadıqovun ikinci paylaşımına da diqqət yetirməli olduqları halda, onlar həmin video paylaşıma əhəmiyyət belə verməmişlər. Bu da onu söyləməyə əsas verir ki, rayon ərazisində həyata keçirilən yenidənqurma işlərini görmək istəməyən, atılan hər bir uğurlu addıma “qara rəng” geydirməyə çalışan, bir sözlə qərəzçilik hissini özləri üçün həyat amalı seçənlər, bu gün də bölgələrdə narazılıqlar yaratmaqla məşğul olurlar. O halda ortaya belə bir sual çıxır ki, bu cür əməl sahibi olan blogerlər, “yaradıcı jurnalistlər” adı altında adlarını dillər əzbəri etdirənlər, görəsən özlərinə bu yöndə hansısa sualı verib cavab tapırlarmı?
Faktdır ki, bu cür fəaliyyət göstərməyi Azərbaycan Respublikası Konstitusiyasının müvafiq maddələrinin qadağan etməsinə baxmayaraq, hələ də bəzi bloğerlər ucuz şoouları ilə ölkə gündəmində qalmaq istəyirlər. Təbii ki, bütün bunlar heç cür yolverilməzdir. Qeyd edək ki, Həmzə Sadıqov sonrakı video-paylaşımında bir növ tələskənliyə yol verdiyini dilə gətirir və bəzi şəxslərin onun yayımladığı ilk paylaşımdan sui-istifadə etdiklərini, hansısa çirkin niyyətlərini həyata keçirməyə çalışdıqlarını gördüyü üçün, o, onları açıq-aşkar şəkildə qınayır. Bütün bunlar, sözün həqiqi mənasında istər bloğer adını daşıyan şəxslər üçün, istərsə də media sahəsində çalışanlar üçün utanc hissi gətirən hallardır. Çünki, özünün bloger olduğunu elan edənlər, yaxşı olar ki, atdıqları hər addıma diqqət yetirsinlər və ucuz şoularla deyil, az-çox həqiqətin görünən tərəfi ilə ölkə gündəmində qalsınlar.
Əvvəl deyirdilər pis xəbər tez yayılır. İndi zəmanə elə gətiribdir ki, yaxşı xəbər də pis xəbər də tez yayılır. Sizə kimdən danışım? Mingəçevir şəhər Şəhid Fəxrəddin Qasımov adına uşaq incəsənət məkətbinin tədris hissə müdiri (zavuçu) Vüqar Musayevdən. Mənə verilən məlumata görə V. Musayev məktəbdə çalışan müəllimləri otağına dəvət edərək onlara “tapşırıq” verirmiş ki, mənim Mingəçevir şəhərin də fəaliyyət göstərən aktiv sosial şəbəkə istifadəçisi, 24xeber.az-ın rəhbəri Murad Rza Oğlunun idarəçisi olduğu Mingəçevir İctimai Nəzarət Qrupuna qoşularaq paylaşılan postların şərh bölməsində Murad Rza Oğlu haqqına təhqirəramiz ifadələr işlədin. Mənim haqqımda yazılan haqlı yazıların şərh bölməsin də məni müdafiə edin. Buradan Azərbaycan Respubilkasının Mədəniyyət Naziri Cənab Adil Kərimliyə səslənirəm. Cənab Nazir sizin Nazirliyin tabeliyində olan Mingəçevir şəhər Şəhid Fəxrəddin Qasımov adına uşaq incəsənət məkətbinin tədris hissə müdiri (zavuçu) Vüqar Musayev məktəbdə nə işlə məşğuldu? Təhsiı verməklə yoxsa öz “çirkli əməllərini” ört-basdır etmək üçün sosial şəbəklərədə onun haqqın da yazılan tənqidi yazıların şərh yerində yazı müəllifini təhqir etdirmək üçün “troll” dəstəsi yaratmaqla? Cənab Nazir sizdən artıq dərəcədə xahiş edirəm ki, MƏRKƏZİ ARAN REGİONAL İDARƏSİNİN rəhbərliyindən Vüqar Musayev haqqında maraqlanıb hansı əməlləri törətdiyindən məlumat alıb onun haqqında tədbir görəsiniz..
Nizami Rayon İcra Hakimiyyətinin sabiq başçısı Arif Qasımovun 11 iyul 2020-ci ildə rayon ərazisində qanunsuz və özbaşına tikinti aparması səbəbindən vəzifədən azad olunduğu çoxlarına sirr deyil. Hurriyyet.az-ın araşdırması onu deməyə əsas verir ki, hazırkı icra başçısı Coşqun Cəbrayılov da sələfinin yolu ilə sürətlə addımlamaqdadır.
Görünən odur ki, C.Cəbrayılov xüsusilə də 2024-cü ildə daha böyük sərmayə toplamaq niyyətindədir. Axı, heç də boşuna deyilməyib ki, “ili necə başlayarsan, sonadək elə də davam edər”. Çox güman ki, Nizaminin icra başçısı da Yeni il gecəsi, yəni dünya 2024-cü ilə qədəm qoyduğu bir ərəfədə rayon ərazisində yeni qurulan obyektin xeyir-duasını verməklə, ilin sonunadək “qaz vurub, qazan doldurmaq” niyyətində olub...
Mövzunu çox da uzatmadan dəyərli oxucularımızın diqqətinə çatdıraq ki, 2013-cü ilin 31 dekabrından 2024-cü ilin 1 yanvar tarixinə keçən gecə Nizami Rayon İcra Hakimiyyəti binasının düz “qulağının dibində” - “Neftçilər” metrostansiyasının çıxışında, yəni əhalinin ən sıx hərəkətdə olduğu yerdə ticarət köşkü qoyublar. Bu köşkün sahibinin kim olduğu haqda dəqiq bir söz deyə bilmərik. Lakin həmin köşkün sözügedən ərazidə qoyulması üçün rayon rəhbərliyinə ən azı 50-70 min manat ödənildiyi haqda iddialar var. Üstəlik, ərazidə olan ticarətçilərin dediyinə görə, yeni köşkün aylıq icarə haqqı ən azı 3-4 min manat olacaq.
Bütün bunlara əsasən deyə bilərik ki, Coşqun Cəbrayılov 2024-cü ilə heç də pis başlamayıb. Belə ki, o, nəinki Yeni il süfrəsinin xərcini çıxarıb, üstəlik “yastıq altına qoymağa” xeyli miqdarda vəsait də əldə edib. Əlbəttə, biz bu köşkün gəlirinin tam olaraq icra başçısına çatdığını iddia etmək fikrindən uzağıq. Ola bilər ki, tapşırıq “yuxarı”dan gəlib və C.Cəbrayılov heç qara qəpik də əldə etməyib. Yaxud, o da mümkündür ki, bu məsələdə icra başçısının müavinlərinin əli var, Cəbrayılova ətraflı məlumat verilməyib. Amma bu köşkün hamı evində bayramı qeyd etdiyi, əksər məmurların isə 2024-cü ili xaricdə qarşılamağa hazırlaşdığı bir vaxtda, üstəlik də qalmaqallı, yəni göz önündə olan bir ərazidə quraşdırılması təsadüf ola bilməz. Yəqin ki, məhz qarşıdakı 7 günlük bayram tətili ərzində qanunsuzluğu ört-basdıq etmək üçün bu tarix seçilib. Üstəlik, bu riskin alınmasının köşk sahibinə heç də az vəsaitə başa gəlmədiyi də bəllidir və bu haqda artıq yazımızın əvvəlində məlumat vermişik.
Sonda onu da qeyd edək ki, ümumiyyətlə, axır vaxtlat “Neftçilər”, “Qara Qarayev”, “Xalqlar Dostluğu” metrostansiyalarının ətrafında tikilən və yaxud da quraşdırılan obyektlərin, köşklərin bir çoxu qanunsuzdur. Ən azı ona görə ki, vətəndaşların gediş-gəlişinə mane olurlar. Şübhəsiz, bu qanunsuzluqlara da göz yumulması yalnız və yalnız külli miqdarda vəsait hesabına ola bilər.
Hurriyyet.az
P.S. Növbəti günlərdə Nizami rayonu ərazisində tikilən qanunsuz obyektlərin hər birinin video-görüntülərini oxucularımıza təqdim edəcəyik. Bu zaman görəcəksiniz ki, bu qanunsuzluqlara göz yuman məmurlar qısa müddətdə necə “qaz vurub, qazan doldururlar”. Bizi izləyin.
Bakıda azyaşlı binanın II mərtəbəsindən yıxılıb.
Qonşular dərhal Bakı şəhəri Təcili Təxirəsalınmaz Tibbi Yardım Stansiyasına zəng etsələr də, gələn olmayıb.
Bu barədə yazar Nərmin Hüseynzadə məlumat yayıb.
O, hadisənin şahidi olduğunu qeyd edib: "Dünən gecə qonşumun uşağı balkondan yıxıldı. Guppultuya qaçdım ki, uşaq iki büklüm qalıb yerdə, ana şokda özünü çırpır. İlk iş Təcili yardıma zəng etdim. Bilin görək nə oldu? Gəlmədi! Düz 1.5 saat uşaq qaldı betonun üstündə, qanının içində. 7 dəfə zəng etdim, dedi gələcək. Gəlmədi. Uşağın sınıq-sınıq olmuş qolun, qıçın bir yerə toplayıb həyətdən tapdığımız taxtanın üstünə uzadıb, maşınla xəstəxanaya çatdırası olduq. Üstündən 3 saat keçəndən sonra, gecə yarısı bir xanım zəng edib mülayim səslə soruşdu ki, gələk, ehtiyac var? Dedim gəl, yata bilmirəm, gəl çay içək".
Yazar Təcili tibbi yardımın məsuliyyətsizliyindən Səhiyyə Nazirliyi və TƏBİB-ə də şikayət edib: "Hadisənin şoku bir yana, Təcili yardımın gəlməməsinin, o an hiss etdiyim əlacsızlığın şokundan çıxa bilmirəm. Düz bir sutkadır başım ağrıyır. Necə yəni, gəlmədi? Dedim axı, uşaq 2 ci mərtəbədən yıxılıb, ayaqları sınıb, qan axır, özündə deyil. Necə gəlməyə bilər? Təcili yardım belə bir çağırışa necə gəlməyə bilər? Necə? Niyə? TƏBİB, o uşaq, o qədər sümük sınığı ilə, bir saat yarım sizi gözlədi. Alaq həyətimizə hərəyə bir dənə təcili yardım maşını qoyaq? Nə edək biz? Necə yaşayaq sizinlə eyni ölkədə? Yaşaya bilmirik axı".
Nərmin Hüseynzadə qeyd edib ki, azyaşlı hazırda 1 saylı şəhər Xəstəxanasının ("Semaşko") reanimasiya şöbəsində yatır: "Reanimasiyadadır. Hemoglabini çox aşağıdır, əməliyyata ala bilmirlər hələ. Bu arada "Semaşko”da müalicə alır, 1+ qana ehtiyac var".
Yazarın sosial şəbəkədə yazdığı qeydə aidiyyəti qurumların heç biri reaksiya verməyib.
dia-az.info
Dünən, 12:45
Heç yerdə əmək və ya mülki müqavilə əsasında işləməyən, sahibkarlıq fəaliyyəti ilə məşğul olmayan şəxslər 2025-ci ilədək icbari tibbi sığortanın xidmətlərindən ödənişsiz istifadə edə bilməlidirlər. Bu, dekabrda "Tibbi sığorta haqqında" Qanunda edilən dəyişiklikdə öz əksini tapıb.
Əvvəlki qaydalara əsasən, işləməyən şəxslərin icbari tibbi sığortadan ödənişsiz istifadəsi bu il yanvarın 1-dən dayandırılmalı idi.
Qısa bilgi
Azərbaycanda "Tibbi sığorta haqqında" Qanun 25 il əvvəl qəbul edilib. Ancaq yalnız 2021-ci ilin aprelindən bütün ölkədə tətbiq edilməyə başlanıb.
İşəgötürən işçinin əməkhaqqısının 8 min manatadək olan hissəsindən 2 faiz, 8 min manatdan yuxarı olan hissəsindən isə 0.5 faiz sığorta haqqı ödəyir. Eyni qaydada da işçi ödəniş edir.
İqtisadiyyat Nazirliyi yanında Dövlət Vergi Xidmətinin məlumatına əsasən, ötən ilin yanvar-noyabr aylarında icbari tibbi sığorta haqları üzrə daxilolmalar 14.8 faiz artaraq 842 milyon manat təşkil edib.
İcbari Tibbi Sığorta üzrə Dövlət Agentliyindən bildirilib ki, ötən il 2022-ci illə müqayisədə xidmət sayında 30 faiz artım olub: "Keçən ilin yanvar-oktyabr aylarında 4.5 milyon şəxs icbari tibbi sığorta çərçivəsində tibbi xidmət alıb. Yəni, ölkə əhalisinin 47 faizi icbari tibbi sığortadan yararlanıb".
"Növbəyə baxdım, nəfəsim daraldı"
Bakıda yaşayan Sənubər Heydərova "Turan"a deyib ki, uzun müddətdir ayağında yaranmış problemdən əziyyət çəkir, bu səbəbdən də müayinədən keçmək istəyib: "MRT (Maqnit Rezonans Tomoqrafiya) üçün göndəriş alacaqdım. Getdim Məlikov adına 6 saylı Şəhər Xəstəxanasına, icbari sığortanın qarşısında müsibət bir qarmaqarışıqlıq vardı. Buna "növbə" belə demək mümkün deyil".
S.Heydərovanın sözlərinə görə, həkim ona deyib ki, rentgendən keçməsə, MRT-ə göndəriş yaza bilməyəcək, icbari sığortanın tələbi belədir: "Dedim, axı menisk yırtığını rentgenə niyə salırıq, hansı məntiqlə? Dedi, mümkün deyil. Çıxdım, rentgenin qarşısındakı növbəyə baxdım, yenidən dəhlizə baxdım, icbari şöbənin qarşısına baxdım, nəfəsim daraldı. Gördüm halım pisləşir, xəstə ayağımı dartıb özümü necə çölə atdım, bir mən bilirəm".
Bu şikayətə xəstəxanadan münasibət almaq mümkün olmayıb. Amma İcbari Tibbi Sığorta üzrə Dövlət Agentliyindən (İTSDA) növbələri müraciətlərin çoxluğu ilə izah edirlər. Problemin yaxın zamanlarda tətbiq ediləcək onlayn növbə proqramı vasitəsilə həll olunacağı bildirilir.
"Daimi olmalıdır, çünki…"
"Azərbaycan Həkimləri" İctimai Birliyinin təsisçilərindən biri, həkim-radioloq Aydın Əliyev AzadlıqRadiosuna bildirib ki, işsizlərin icbari tibbi sığortadan istifadəsi imkanı müddətsiz edilməlidir: "Adımızı "sosialyönümlü dövlət" qoymuşuqsa, bu, təbii ki, hamıya şamil edilməlidir. İşləyən vətəndaşlar onsuz da ödənişlər edir, işləməyənlərin də tibbi xidmətlərini dövlət qarşılamalıdır. Bu, daimi olmalıdır, çünki hər zaman işsizlər olacaq. Həmin işsiz vətəndaşların pulu yoxdur və dövlət onların tibbi sığortasını qarşılamasa, onlar dünyasını dəyişə bilər".
Ekspertin fikrincə, növbə məsələsini yalnız bir yolla həll etmək olar: "Bütün göndərişlər ləğv olunmalıdır. İstənilən pasient şəxsiyyət vəsiqəsini götürüb istədiyi bir tibb müəssisəsinə, istədiyi həkimə müraciət edə bilməlidir. Bəzən tibb müəssisələrində sistem donur və insanlar saatlarla gözləyir. Belə olan halda, sistemsiz qəbul etmək lazımdır".
A.Əliyev qeyd edib ki, bu il icbari tibbi sığorta üçün ötən ilə nisbətdə vəsait daha çox ayrılsa da, inflyasiyaya görə bu artım hiss olunmayacaq: "Məbləğ artırılmalıdır. Məsələn, orqan və sümük iliyinin köçürülməsi sayına limit qoyulub. Amma bu köçürmələrə təcili ehtiyacı yarananlar limitdən daha çox ola bilər. Ayrılan vəsaitin də səmərəli xərclənməsinə ciddi nəzarət olmalıdır".
Mənbə:
AzadlıqRadiosu ©
Bir müddət əvvəl istifadəyə verilən Bakı-Quba yolunun ödənişli hissəsindən istifadə edən sürücülər narazıdırlar. Bu barədə görüntülər sosial şəbəkələrdə yayılıb.
Sürücülər bildiriblər ki, getdikləri yolun məsafəsindən asılı olmayaraq, onlardan artıq ödəniş tələb edilir:
“Əslində giriş zamanı avtomobilin nömrəsi qeyd edilməli, çıxışda yazılan məbləği ödəməliyik. Yeni yolda isə bu nəzərə alınmayıb, standart məbləğ əvvəldən alınır. Əgər fikrinizi dəyişib, gedəcəyiniz yolu bitirsəniz, qalıq pulu verən olmayacaq”.
Məsələ barədə Azərbaycan Avtomobil Yolları Dövlət Agentliyi ilə əlaqə saxlanılıb. Qurumun mətbuat xidmətinin rəhbəri Anar Nəcəfli oxu.az-ın sorğusuna cavab olaraq bildirib ki, hələlik ödəniş bu qaydadadır:
“Yol istifadəyə verilən zaman müvəqqəti olaraq ödənişin bu qaydada olacağı barədə məlumat verilib. Yaxın müddət ərzində artıq xüsusi çipli kartlar dövriyyəyə buraxılacaq və mobil tətbiq yaradılacaq. Xüsusi çipli kartlar vasitəsilə artıq məntəqələrdə dayanmağa ehtiyac olmayacaq. Nəticədə sistem həmin avtomobili tanıyacaq və çıxışda qət etdiyi məsafəyə uyğun olaraq balansdan məbləğ çıxılacaq. Yəni hər şey avtomatik rejimdə olacaq. Dayanmağa, ödəniş etməyə ehtiyac yaranmayacaq”.
Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsi tərəfindən keçirilən tender müsabiqəsinin qalibi “TAİS-İKF” MMC (VÖEN-1400019741) olub.
Yeniavaz.com xəbər verir ki, “TAİS-İKF” MMC Elm və Təhsil Nazirliyinin sifarişi ilə nazirliyin birbaşa tabeliyində olan respublikanın bir sıra təhsil müəssisələrində dövlət təminatında olan təhsilalanların 2024-cü il ərzində yeməklə təchizatını həyata keçirəcək.
Nazirlik yeməklər üçün “TAİS-İKF” MMC-yə 14 milyon 311 min 289 manat 65 qəpik ödəyəcək.
Məlumat üçün bildirək ki, “TAİS-İKF” MMC - 30.06.1994-cü il tarixində dövlət qeydiyyatına alınıb. Nizamnamə kapitalı 10 manat olan MMC-nin hüquqi ünvanı Bakı şəhəri, Nərimanov rayonu, Ələsgər Qaibov, ev 5-də yerləşir. MMC-nin qanuni təmsilçisi Şirinov Rafail Məmməd oğludur.
Məlumat üçün bildirək ki, tenderin qalibi olan “TAİS-İKF” MMC-nin adı mətbuatda bir-sıra qalmaqallarda hallanıb.
Ötən ilin aprel ayında Bakıda A.Hüseynzadə adına 20 nömrəli məktəb-liseydə kütləvi zəhərlənmə barədə məlumat yayılıb. Açıqlanan rəsmi məlumatlarda bildirilib ki, 20 nömrəli məktəb-liseyin bufetindən toyuq əti alan uşaqlarda qarın ağrısı əlamətləri müşahidə olunub. Hadisə ilə bağlı 12 aprel tarixində Azərbaycan Respublikası Qida Təhlükəsizliyi Agentliyi (AQTA) tərəfindən açıqlama verilib. Açıqlamada qeyd olunub ki, aprelin 6-da sözügedən məktəbin müxtəlif siniflərində təhsil alan 7 şagird məktəbin yeməkxanasında xidmət göstərən “TAİS İKF” MMC tərəfindən satışı həyata keçirilən toyuğun qızardılmış döş əti (nagets), 1 şagird isə dönər (şaurma) qəbul edib. Qeyd olunan hadisə ilə bağlı 20 nömrəli tam orta məktəbdə keçirilən yoxlama zamanı “TAİS İKF” MMC-nin yeməkxanada icarə müqaviləsi əsasında fəaliyyət göstərdiyi, adıçəkilən qidaların məktəbə həmin şirkət tərəfindən hazır şəkildə termobokslara yığılaraq gətirildiyi məlum olub.
“TAİS İKF” MMC ilə bağlı daha bir qalmaqallı hadisə 2022-ci ildə baş verib. Sevil Xanbabayeva adlı şəxs sosial şəbəkələrdə videomüraciət yayaraq bildirib ki, o “Bakı Metropoliten” QSC-nin “Ulduz” stansiyasında xadimə kimi çalışır. Sevil Xanbabayeva iddia edib ki, metropolitenin işçiləri Rafail adlı şəxsin bağında qanunsuz işlədilir. Daha sonra məlum olub ki, “Bakı Metropoliten” QSC-nin təmizlik işləri ilə bağlı keçirdiyi tender müsabiqəsinin də qalibi “TAİS İKF” MMC olub.
Təqdim edilən şəkildə gördüyünüz bina Xətai rayonunda, Bakının ən tıxaclı ərazisi olan Afiyəddin Cəlilov küçəsində, "Qənimətlər parkı" ilə üzbəüzdə- 8 noyabr Prospektinin tinində tikilir... Ərazidə yaşayan sakinlər bir neçə dəfədir "Təzadlar"a müraciət edərək şikayətlənirlər ki, artıq 20- ci mərtəbəni adlayan, daha doğrusu, paytaxtın vaxtilə neftlə çirklənmiş ərazisində, neft gölməçələri olmuş, dənizin təxminən 200-300 metrliyində tikilən bu bina digər binalarda yaşayanların dənizə açılan panoramasını da məhv edib. "Məsələ ondadır ki, iki tıxaclı - işlək küçə və prospektin düz arasında tikilən bu bina həm də "Günəş petrol"un başı üzərində ucaldılmaqdadır. Bəs partlayış və yanğın təhlükəli bir obyektin düz yanında belə bir yaşayış binasının inşaasına Fövqəladə Hallar Nazirliyi necə razılıq verib?", -deyə sakinlər yazırlar.
Əməkdaşımız bu gün həmin ərazidə müşahidə aparıb, fakt təsdiqini tapıb. Bu binanın tikintisindən narazılıq edən şikayətçi Famil Rzayev deyir: "Bu ərazidə "Qənimətlər" parkı yerləşir. Dənizlə təmas ərazidə belə bir hündürmərtəbəli binanın tikintisi seysmoloji baxımdan narahatlıq yaradır və hazırda 20-ci mərtəbə tikilib, yeni mərtəbənin tikintisi isə davam edir. Deməli, hələ 3-5 mərtəbə də tikmək istəyirlər. Binanın konstruksiyasına baxanda indidən görünür ki, yüksək keyfiyyətdən və 8-9 ballıq zəlzələyə davamlılığından danışmaq yersizdir... Aidiyyəti qurumlar niyə susurlar? Binanın indiki görünüş və quruluşu nəsə demirmi???".
Məsələyə aydınlıq gətirmək və bəzi suallara cavab tapmaq üçün ərazidə kimsəni tapa bilmədik. Ətrafdakı avtodok əməkdaşlarından biri isə dedi ki, bu binanın tikintisi onların da fəaliyyətinə ciddi təhlükə yaratmaqdadır: "Küləkli havalarda qorxuruq ki, bu saat kran başımıza uçacaq... Dəfələrlə olub ku, göydən kərpic, taxta ərazimizə düşüb, bəxtimiz gətirib... Hələ də tikirlər. Amma eşitdiyimizə görə, problemi olduğundan tikintisi dayandırılıb, çünki çoxdandır işləmirlər...".
Bizcə, əlavə şərhə ehtiyac yoxdur.
"Təzadlar"ın Araşdırma Qrupu
