"Şikayətim "Caspian Ship Tours and Yacht Club"dandır". DİA.AZ bildirir ki, bu barədə "Müştəriyəm Şikayətim Var" sosial qrupunda Ülkər adlı xanım istifadəçi giley edir.

Daha sonra narazı vətəndaş yazır: "Keçən həftə özəl günümüz münasibətilə sürpriz etməyi düşünərək iki nəfərlik yaxtada şam yeməyi üçün yazdım. Ayın 4-ə yer olmadığını, yalnız 11-ə VIP yer qaldığını dedilər və süpriz etməyi çox istədiyim üçün razılaşdım, rəqəm heç də kiçik deyil. Ayın 2-i mənə yazıb 4-ə razıyammı deyə bildirdilər. Mənə yer olmadığını dediklərini bildirdim və dedilər ki yeni tur açıblar. Elə isə VIP yer olmasın dedim, yox artıq belə qərar vermişik deyildi.
Nə isə ki, buna da razılaşdım, ödənişi tam şəkildə əvvəldən istədilər və etdim. Ödəniş gününün axşamı güclü külək əsəcəyini (hər şey yaxşı oldu halbuki) dedilər və bildirdilər ki, qrup turu təxirə salınır, ya ödənişi qaytara bilərlər, ya həmin yaxtada 1 saatlıq gəzinti eyni qiymətə yalnız iki nəfər üçün, ya da daha balaca yaxtada iki saat, yenə yalnız iki nəfər üçün.

Düşünərək ki, hər şey eyni qalmaqla yalnız ikimizin olacağı bir yaxtada iki saat istirahət edə bilərik, təbii ki, bunu seçdim.
Bugün gəldik, yuxarıdakı şəkildə mənə süfrə bəzədiləcəyi demişdi, reallıq aşağıdakıdır. Balıq steykdən söhbət belə gedə bilməzdi, onlar deyəsən elə düşünür ki, biz heç vaxt balıq görməmişik. Yunan salatı əvəzinə bravoda satılan, heç vaxt bəyənmədiyim toyuq salatı qoyulmuşdu. Salfetka nədir ki, onu da qutuda 5-6 ədəd saxlamışdılar.Fotoqraf xidməti yazılmışdı, tək fotoqraf özümüz idik. Bir sözlə bərbad!"

İddia olunanlarla bağlı dia.az olaraq qarşı tərəfi də dinləməyə hazırıq...

 

XalqXeber.Az