 |
|
|
"Həyatımın bu ağır dönəmində mənə bir stimul oldu. Ən sevinci günlərini yaşayıram. Rəhbərlik ediyim teatr Azərbaycanda aparıcı teatrların siyahısında yer alıb”.
Bunu Qaynarinfo-ya açıqlamasında Şuşa Dövlət Musiqili Dram Teatrının direktoru, Əməkdar artist Yadigar Muradov deyib.
Direktor bunu kollektivin yaradıcılıq fəaliyyəti ilə əlaqələndirib.
Teatr rəhbəri son arzusunu açıqlayıb:
"Ən böyük arzum Şuşa Dövlət Musiqili Dram Teatrının Akademik status almasıdır. Əminəm ki, bütün bunlar hamsı teatrın Şuşada fəaliyyəti dövründə baş tutacaq”.
Qeyd edək ki, bu günlərdə Azərbaycanda aparıcı teatrların siyahısı təsdiqlənib. Mədəniyyət Nazirliyinin Kollegiyası qərarı ilə Mədəniyyət Nazirliyinin tabeliyində Şuşa Dövlət Musiqili Dram Teatrı "aparıcı teatr” adına layiq görülüb.