 |
|
|
Xalq artisti Flora Kərimova həmkarı, "Şöhrət" ordenli xanəndə Zeynəb Xanlarovanın müdafiəsinə qalxıb. O, 88 yaşlı müğənninin ünvanına səslənən tənqidlərlə razılaşmadığını bildirib.
Flora Kərimova bu barədə "Elgizlə izlə" verlişində danışıb.
Xalq artisti Zeynəb Xanlarovanın Azərbaycan mədəniyyətinin yorulmaz təbliğatçısı olduğunu bildirib: "Zeynəb Xanlarova təkcə Amerikada deyil, hətta Afrikada da Azərbaycanı təbliğ edib. İndi Zeynəb xanımın haqqında yüz fikir yazırlar. Guya uşaq pulunun verilməsinə qarşı çıxıb, nəyəsə etiraz edib. Bunlar hamısı yalandır. Zeynəb Xanlarova həmişə xalqın sözünü deyib".
Verlişin aparıcısı Elgiz Əkbər də Flora Kərimovanın fikirlərini dəstəkləyib. O, Zeynəb Xanlarovanın müsiqi dühası olduğunu bildirib. //Yenisabah.az