 |
|
|
Ali Attestasiya Komissiyası kimə gəldi “alimlik“ dərəcəsi verir. Dia-az.info xatırladır ki, neçə müddətdir bu ittiham səsləndirilir və qarşı tərəf yalnız "əsassızdır" deyərək iddiaların üstündən keçsə də, ortaya yetərincə faktlar da çıxarılır.
İdris Abbasov
Bu arada isə yenidən bu məsələyə tanınmış dilçi alim İdris Abbasov müraciət edərək, ittihamlar səsləındirib. Dia-az.info alimin söylədiklərini təqdim edir:
"Diplomlu savadsızlar AAK-ın bir qurum kimi etibarsızlığının əyani sübutudur. Mən hələ it ağzından çıxmış dissertasiyaları demirəm. Əksini iddia edən varsa, buyursun.
Ödədiklərini çıxarmaq və qaz vurub qazan doldurmaq üçün vəzifəyə gələnlər heç vaxt ölkənin, xalqın şərəf və ləyaqətini düşünə bilməzlər, çünki özlərinin nə şərəfi, nə də ləyaqəti qalıb. Bu etibarsızlıqda müdafiə şuralarının müstəsna "xidmətlər"ini unutmaq olmaz!.."
Bildirək ki, sosial şəbəkələrdə geniş müzakirə olunan və AAK rəhbərliyinə ünvanlanan ağır ittihamlara daha bir gənc alim - Filologiya üzrə fəlsəfə doktoru, dosent Vüsalə Ağabəyli də münasibət bildirib:
"Bəli, irad bildirəndə də cəsarəti çatıb üzümüzə deyə bilməyənlər, arxamızca dillənir ki, "varındısa sən də ver". Anlamırlar ki, varındısa məsələsi deyil bu, savadsızlığa rahat açılan cığırdı. Mən niyə özümü təhqir edib kiməsə pul təklif etməliyəm, əgər özümdən əminəmsə. Təəssüf ki, say etibarı ilə belələri çoxalıb, nə qədər plaqiatlıq məsələləri də yoxlanılsa, nə qədər tələblər də dəyişdirilsə, belələri saman altından su kimi keçir. AAK-ın tələbləri də, vəziyyəti getdikcə kəskinləşməsi də ancaq real tədqiqatçıların yoluna əngəldir, saxtakarlara yollar açıqdır. Belələrinin arasında "ağ qarğa" kimi görünürsən, dissertasiya işlərinin, məqalələrin başqaları tərəfindən yazılmasını bildirəndə, günahkar bu cinayətlərin ortaqları deyil, amma dilə gətirdiyimiz üçün bizlərik..."