Putin müharibə və “Ukrayna ilə danışmağa razı olduğum üçün mənə nə olacaq?” oyununu oynayır

Türkiyədə Rusiya-Ukrayna danışıqları bərpa olundu. Rusiya tərəfi 2022-ci ildə kəsilən danışıqların "davamını" elan etdi. Yəni onlar öz versiyalarına görə hətta paraflanmış sənədin müzakirəsində israrlı olacaqlar. Nümayəndə heyətinin səviyyəsi də çox aşağıdır. Çünki tərkibdə birinci şəxslər yoxdur. İqor Kostyukov, əlbəttə ki, nüfuzlu şəxsdir, lakin rəsmi olaraq o yalnız Rusiya Müdafiə Nazirliyinin struktur bölməsinə rəhbərlik edir. Buna əsaslanaraq, kompromis əldə etmək ehtimalı sıfıra enir.

Birincisi, Ukraynanın 2022-ci il sənədlərini müzakirə etməsinin mənası yoxdur, əgər o vaxt rus qoşunları Kiyev yaxınlığında idilərsə, indi Ukrayna paytaxtı yaxınlığında deyil.

İkincisi, Rusiya Federasiyasının 2022-ci il sənədlərini ələ keçirdiyi ərazilərlə bağlı məsələ qaldırmadan müzakirə etməsi gözlənilən deyil, çünki bu, “yeni ərazilərdən imtina”dır.

Üçüncüsü, yeni tezislərin tərtibi və yeni sənədlərin hazırlanması hazırlıqsız həyata keçirilmir. Təbii ki, Rusiya tərəfdən tezislər var, Ukrayna tərəfdən də tezislər mövcuddur. Onlar dəyişdiriləcək, amma çətin ki, tezliklə kompromislərin konturlarını ortaya çıxarmaq mümkün olsun.

Eyni zamanda, tərəflər sənəd mübadiləsi aparacaq və yəqin ki, yenidən görüşməyə razılaşacaqlar. Təbii ki, praktik nəticələr olmadan.

Bu yolla Putin “danışıqlara hazır olduğunu” nümayiş etdirməyə çalışır, bununla belə dialoq yollarını Aİ-Rusiya, Rusiya-ABŞ və Rusiya-Ukraynaya bölür. Yəni daimi “danışıqlar” vasitəsilə Rusiya hətta “Normandiya formatı”n” deyil, “Minsk-2” dövrünün Üçtərəfli Təmas Qrupunu canlandırmağa çalışır. Bu səbəbdən də Rusiya nümayəndə heyəti istanbulda ABŞ nümayəndələrinin iştirakına qarşı çıxdı.

Bu koordinat sistemində Rusiya Türkiyədəki danışıqlara paralel olaraq şantaj eyhamları ilə oynamağa çalışır. Belə ki, bu günlərdə Rusiyanın müdafiə naziri Andrey Belousov Belarusa səfər edir və burada Lukaşenko ilə silahlar, nüvə silahı haqqında danışır. Sonra o Belarusun müdafiə naziri Viktor Xrenin ilə görüşür və iki nazirlik arasında əməkdaşlığın gücləndirilməsini müzakirə edir. Rus ordusu isə cəbhədə fəallaşıb...

Putin müharibə və “Ukrayna ilə danışmağa razı olduğum üçün mənə nə olacaq?” oyununu oynayır və yay kampaniyasına qədər məsələləri yubatmağa çalışır. Belə bir şəraitdə istənilən növ sülh sazişinə nail olmağın yeganə imkanı Ukrayna tərəfinin nəhəng güzəştləri ilə mümkündür. Ona görə də biz sadəcə olaraq etiraf etməliyik ki, müharibə davam edir.

Müəllif: İqar Tışkeviç – Ukraynalı siyasi analitik.

Mənbə: UNİAN

Tərcümə AYNA.AZ-a məxsusdur.