 |
|
|
ABŞ kəşfiyyat agentliklərinin məlumatına görə, İsrail Tehranın zəifləməsindən yararlanmağa çalışaraq bu il İranın nüvə obyektlərinə irimiqyaslı zərbələr endirmək imkanını nəzərdən keçirir.
Əgər ABŞ və İsrail nüvə obyektlərimizi vurmağa cəsarət etsə, İran yüzlərlə dəfə çox nüvə obyektləri tikəcək. Bunu İslam Respublikasının prezidenti Məsud Pezeşkian Buşehr əyalətinə səfəri zamanı deyib.
"Onlar (ABŞ və İsrail bizim nüvə mərkəzlərimizə zərbə endirməklə hədələyirlər. Binaları vura bilərlər, lakin onları tikən "beyinlərə" zərbə vura bilməzlər. Yüz mərkəzə zərbə endirsinlər, yenə minlərlə eyni mərkəz tikiləcək", - İran prezidenti bildirib.
Bundan əvvəl "The Wall Street Journal" yazıb ki, ABŞ kəşfiyyat agentliklərinin məlumatına görə, İsrail Tehranın zəifləməsindən yararlanmağa çalışaraq bu il İranın nüvə obyektlərinə irimiqyaslı zərbələr endirmək imkanını nəzərdən keçirir.
Fevralın 10-da ABŞ prezidenti Donald Tramp deyib ki, İranın nüvə silahı inkişaf etdirməsi ya bombalarla, ya da müqavilə imzalamaqla dayandırıla bilər. ABŞ lideri əlavə edib ki, o, hərbi zərbələrə əl atmadan İslam Respublikası ilə razılığa gəlmək istəyir.