 |
|
|
ABŞ Nümayəndələr Palatasının deputatı, konqresmen Qreqorio Kasar İlon Maskın hökümətin xərclərinin ixtisar edilməsi ilə bağlı apardığı siyasəti tənqid edib.
Gununsesi.info bildirir ki, konqresmen İlon Maskı vətəndaşların sosial təminatını əlindən almaqda ittiham edib.
“Heç bilirsinizmi ki, cənab Mask öz müqavilələri üçün federal hökumətdən gündə nə qədər pul alır? Gündə 8 milyon dollar! Bu ölkədə sosial təminatla yaşayan orta statistik adam, pensiyaçı yaşamaq üçün gündə nə qədər pul qazandığını bilirsinizmi? 65 dollardır. Biz İlon Maskın gündə 8 milyon dollar qazanmasına baxmırıq, amma Respublikaçı alt komitənin nümayəndələrinin sizin nənənizin 65 dollarında gözü var”, – deyə konqresmen çıxışında bildirib.
O bildirib ki, Respublikaçılar hökumətin səmərəliliyindən danışarkən, vergi ödəməyən və dövlət müqavilələri ilə varlanan milyarderləri görməməzliyə vururlar: “Onlar İlon Maskı məsuliyyətə cəlb etməli olan nəzarətçilərin işdən çıxarılmasına baxmırlar. Amma dövlət məktəblərini, rifahınızın ixtisarına baxırlar”.