Avropa İttifaqı Şurası dondurulmuş Rusiya aktivlərinin investisiyasından əldə olunan gəlirlərin Ukrayna üçün istifadə qaydasını təsdiqləyib.

Musavat.com Şuranın yaydığı məlumata istinadən xəbər verir ki, Avropa İttifaqı ölkələrinin mərkəzi bankları Rusiyanın dondurulmuş aktivlərindən gəlirləri iki ildən bir icma institutlarına köçürməyi öhdələrinə götürürlər: "Məbləğlər Aİ-nin mərkəzi depozitariləri tərəfindən iki ildən bir ödəniləcək və Ukraynaya gələcək hərbi dəstək üçün istifadə olunacaq".

Aktivlərdən əldə edilən gəlirin 90 faizii Avropa Sülh Fonduna, 10 faizi “Ukraynanın müdafiə sənayesinin potensialının dəstəklənməsi və yenidənqurma ehtiyacları” ilə bağlı Aİ proqramlarına gedəcək. Bu bölgü hər il nəzərdən keçiriləcək. Birinci mərhələ 2025-ci il yanvarın 1-dən əvvəl baş tutacaq.

Bəyanatdan aydın olur ki, yalnız “Rusiyanın 1 milyon avrodan çox aktivləri və ehtiyatlarına” sahib olan banklar gəlirləri köçürəcək. Maliyyə xərcləri “15 fevral 2024-cü il tarixindən etibarən hesablanan xalis gəlirə” təsir edir.
İlkin mərhələdə Aİ tənzimləyicilərinə Ukraynadakı münaqişənin səbəb olduğu “müəyyən edilmiş kapital və risklərin idarə edilməsi tələblərinə əməl etmək üçün maliyyə töhfəsinin təqribən 10 faizi məbləğində vəsaiti özlərində saxlamağa icazə veriləcək.