 |
|
|
Aşağıda təqdim edilən bu şikayət məktubu həm də nəticə çıxarılması üçündür. Şikayətçi SOCAR-ın Nəqliyyat İdarəsinin işçisi olub. Və "Təzadlar"ın elektron poçtuna göndərdiyi bu şikayəti ilə Neftçilərin Hüquqlarının Müdafiəsi Birliyinin sədri Mirvari xanım Qəhrəmanlıdan və SOCAR-ın prezidenti Rövşən Nəcəfdən kömək istəyir... Şikayətçi yazır: "Hörmətli Mirvari xanım! Mən 2019-cu il 1 iyulda SOCAR-ın Nəqliyyat İdarəsinin 1 saylı bölməsinə (axts) əvvəlcə xadimə kimi, 3 ay sonra abadlaşdırma üzrə fəhlə kimi işə götürüldüm. Deyim ki, mənə bir dəfı əmək müqaviləsi imzalatdırdılar, sonra isə mütəmadi olaraq işləməyə başladım. 3 il ərzində 4131248 saylı tabel nömrəmdə abadlaşdırma üzrə fəhlə kimi ştatda olmuşam. Lakin idarənin böyük mühəndisi Rüfət Çələbiyevin yerinə işlətdilər. Lakin mən hər əziyyətə qatlaşaraq işləməyə davam etdim. Bunu aidiyyəti idarənin rəisi Hümmət Verdiyev başda olmaqla, hamı bilir.
SOCAR prezidenti Rövşən Nəcəfin diqqətinə çatdırım ki, işə gəlməyən Rüfət Çələbiyev böyük adamın oğludur və aylarla bülletendə olmasına baxmayaraq bu qanunsuzluğa hamı göz yumurdu. Mən isə dözürdüm... Yoxlatdıra bilərsiniz. Qoy elə bütün neftçilərin obyektivliyinə inandığı "Təzadlar" qəzetinə tövsiyyə edin, jurnalist sorğusu və araşdırması aparsınlar. Mənim öz əl xəttimlə imzaladığım tabellərin fotosurətini göndərirəm, ekspertizaya göndərin. Mən bu qanunsuzluqlara dözə bilmirdim. Əsəb gərginliyinə düçar olub zob xəstəliyi tapdım. Sanki mən qul idim, bunlar isə qul sahibləri... Sonra zobumdan əməliyyat oldum, sağlamlığım imkan vermədi ki, böyük adamın oğlu olan bu ərköyün böyük mühındisin yerinə işləyim. Əslində, həm də vicdanım, şəxsiyyətim buna imkan vermirdi... Bilirsiniz niyə? Ona görə ki, mən ştatıma görə 400 manata həm də böyük mühəndisin əvəzinə 4-5 vəzifə daşımalı olmuşam. Həm xadimə, həm abadlaşdırma işçisi, həm kuryerş həm təqdimat yazan, həm kargüzar və s.
Beləliklə, əməliyyat olunandan sonra həmin ərköyün böyük mühəndis Rüfət Çələbiyevin əvəzinə qul kimi işləməkdən imtina etdim və oldum "xalq düşməni". Dərhal əvvəlcə ayda iki işə əlavə çağırışımı kəsdilər, məni atdılar təmir emalatxanasına. Yəni, bu da mənə cəza! 7ay orda qaldım. Bilin ki, tək mənə aid edilmişdi bu cəza qərarı. Hansı ki, Nəqliyyat Udarəsində adı fəhlə gedınləri istədikləri, rahat yerlərdə oturtmuşdular. mən artıq dözə bilmədim bu təhqirlərə, aşağılamalara. Və onların bu qanunsuz əməllərini, özbaşınalıqlarını ifşa edəndən, eləcə də mal materıalları bazar qiymətindən 2-3 qat yuxarı silinmələrini, həmçinin sürücülərə bu qaimələrə imza atdırılanda onların istehzalı olaraq gülə-gülə "Bu mal niyə 5 qat bahasına yazılıb" demələrini açıqlayandan sinra oldum arzuolunmaz şəxs! Yaxşı, hörmətli Rövşən Nəcəf, bu qanunsuzluqlara müticəsinə susaydımmı???
Onu da xatırladım ki, mən işə girəndə Mənə 4 saylı "tnd" rəisi Aybəniz Zeynalova mənə demişdi ki, sən müddətsiz işə götürülmüsən. Mən dı ona inanıb özümı kreditə mənzil almışdım. İndi bunu bilərək məni öz tələblərinə tabe etdirmək üçün bundan təzyiq vasitəsi kimi istifadə edirlər.
Əvvəl idarənin rəisi olan Elçin Zülfüqarov idi. Onu Ələddin Məmmədov əvəz etdi. İndi Ələddin Məmmədov məni işdən əvəz edir ki, niyə özümü qul kimi hiss etmək istəmirəm... Guya 4 saylı "TND" 1500 işçi arasında 18 mövsümi işçi var ki, onlar işdən çıxarılmalıdır. Özü də bu "əməliyyat"a məndən başlayıblar.
Mirvari xanım, bu yalandır, bəhanədir. Məsələn, Departamentdə mövsümi işə götürülən xadimə var, amma ona dəyən yoxdur. Mən kimsəsiz qızam, heç kikim yoxdur. Özüm də atasız uşaq böyüdürəm. Yəni, doğrudanmı SOCAR-ın Nəqliyyat İdarəsinin bütün problemlərinin baiskarı mənəm?!
Ələddin Məmmədov deyir ki, mən qanunla işləyirəm. Elədirsə, onda 2 saylı "axts" də abadlaşdırma üzrə fəhlə olan xanımın departamentdəki istismar şöbəsindəki kompüterin arxasında nə işi var??? Əgər mən mövsümi idimsə, niyə 4 il məni fasiləsiz işlədirdiniz? Özü də ərköyün məmur oğlu Rüfət Çələbiyevin yerinə? Mən bilsəydim ki, mövsümi işə götürürlər, təbii ki, heç vaxt kreditə mənzil götürməzdim. Bu illər ərzində həmin evə 20 min manata yaxın pul sərf etmişəm. İndi nə edim??? İnsafınız yoxdur? ALlahı tanımırsınız?
Cənab Rövşən Nəcəf, bilin ki, qanunla işlədiyini yüksək tonla deyən Ələddin Məmmədov Qalada işləyən yardımçı fəhləni orda mühəndis kimi işə götürüb, hətta Departamentdə təsərrüfat şöbəsində də. Bu günlərdə silinən fəhlə əlcəklərinin qaiməsini götürdüm, bazardakından 2-3 dəfə baha sənədləşdiriblər. Qanunla işləmək budurmu???
Mən əqli qüsurlu uşaq böyüdürəm, bilmirəm öz dərdimi çəkim, yoxsa SOCAR-da mənə yaşadılanların dərdini. Nəqliyyat İdarəsində mənim kimi başsız ailəni-ananı çıxılmaz vəziyyətə salıblar. Yaxşı, mən nə edim? Xahiş edirəm, mənə kömək edin, məsləhət verin.
REDAKSİYADAN: şikayət tərəfimizdən araşdırılacaq...
"Təzadlar"
SOCAR-IN NƏQLİYYAT İDARƏSİNİN SABİQ RƏİSİ ELÇİN ZÜLFÜQAROVUN DÖVRÜNDƏKİ MAL-MATERİALLARIN "PRİPİSKA"SI VƏ SİLİNMƏSİ:
