"Şikayətim Səhiyyə Nazirliyi Elmi-Tədqiqat Mamalıq və Ginekologiya İnstitutundandır". Dia-az.info bildirir ki, bu barədə "Müştərinin Səsi" sosial qrupudakı paylaşımda giley olunur.
Narazı vətəndaş daha sonra bildirir: "31.07.2022ci il tarixində bu xəstəxanada qızım dünyaya gəlib, adıçəkilən xəstəxanada normal doğuş üçün bizdən 400 azn pul alınıb, lakin uşağın qan qrupu səhv təyin edilib. Keçən əsrdə insanların qan qruplarını düzgün təyin etdiyi bir vaxtda 122 il sonra, Bakının ən çox uşaq dünyaya gələn ən böyük xəstəxanasında uşağa səhv qan qrupu təyin edilərək, 3+ olan uşağa +1 qan qrupu təyin edilməsi ağlasığmaz dərəcədə absurddur, üstəlik dövlət xəstəxanası ola ola ödəniş aldıqları halda. Qeyd edim ki, Azərbaycan Respublikası Səhiyyə Nazirliyi və İcbari Tibbi Sığorta üzrə Dövlət Agentliyi şikayətlərə baxmır. Qeyd edilən xəstəxana TƏBİB in deyil , Səhiyyə Nazirliyinin balansındadır. Şikayətim əsasında xəstəxananın həkimi zəng edərək, üzrxahlıq edib aldığı pulu geri vermək əvəzinə hətta məni borclu çıxarır və deyir: "Olar da... yəqin labaratoriyada anlizlər qarışıb.... nə var ki burda?".
Allah sizi islah eləsin... Bu dövrdə bu cür bir xəstəxana labaratoriyada analizləri qarışdırırsa, sabah uşaqları qarışdırmayacağına kim təminat verə bilər?"
