Azərbaycan Respublikasının Qida Təhlükəsizliyi Agentliyi (AQTA) istehlakçı hüquqlarının qorunması, həmçinin qida təhlükəsizliyinin təmin edilməsi istiqamətində tədbirləri davam etdirir.

Qlobal.az xəbər verir ki, 16 iyun tarixində Agentlik əməkdaşları tərəfindən respublika ərazisində qida sahəsində fəaliyyət göstərən 9 ticarət müəssisəsi, o cümlədən 1 aptek və 11 ictimai iaşə müəssisəsində həyata keçirilən monitorinqlər zamanı ümumilikdə 10 müəssisədə nöqsanlar müəyyən olunub.

Monitorinq zamanı Bakı şəhəri, Xəzər rayonu, Buzovna qəsəbəsi, M.Lermontov küçəsində fəaliyyət göstərən “Meduza” restoranında qida təhlükəsizliyi qeydiyyatına dair çıxarışın olmaması müəyyən edilib.

“Meduza” restoranında yoxlama zamanı həmçinin baytarlıq şəhadətnaməsi və ya arayışı olmayan heyvan mənşəli məhsullardan da istifadə edildiyi müəyyən olunub.