Azərbaycanlı reper Nəvai Bəkirov məhkəmə icraçıları tərəfindən axtarışa verilib.

Bakupost. az "Telegram" kanalına istinadən xəbər verir ki, musiqiçinin "Scar Trading" MMC şirkətinin (tikintidən tutmuş kitab satışına qədər müxtəlif növ fəaliyyətlərlə məşğul olur) 2 milyon rubldan çox borcu var.

Qeyd edilir ki, ötən il şirkət 617 min zərər çəkib. Onların bəziləri inzibati xətalara görə cərimələrdir.

Bildirilir ki, məsələ ilə bağlı açıqlama verən Nəvai cərimələr barədə məlumatı aprelin 25-də aldığını söyləyib. O, tətilini keçirdiyi Dubaydan qayıdandan dərhal sonra bütün borclarını ödəyəcəyinə söz verib.

İsveçrə “Avroviziya-2024”ün qalibi olub.

Oxu.Az xəbər verir ki, İsveçrə təmsilçisi 591 xal toplayıb.

İkinci və üçüncü pillələrdə isə müvafiq olaraq Xorvatiya (547) və Ukrayna (453) təmsilçiləri qərarlaşıb.

23:50

İsveçin Malmö şəhərində “Avroviziya-2024” beynəlxalq mahnı müsabiqəsinin finalı başlayıb.
Oxu.Az-ın məlumatına görə, finalda 26 ölkə mübarizə aparacaq.

Qalib televiziya tamaşaçıları və peşəkar münsiflər heyətinin birgə səsverməsi nəticəsində müəyyən ediləcək.

Qeyd edək ki, səsvermənin nəticələrinə əsasən, Azərbaycan təmsilçiləri Fahree və İlkin Dövlətov müsabiqənin final mərhələsinə vəsiqə qazana bilməyiblər. Onlar birinci yarımfinalın ikinci hissəsində “Özünlə apar” mahnısı ilə çıxış ediblər.

İtalyan elektron triosu Meduza, “Qremmi” mükafatına namizəd ABŞ pop-rok qrupu “OneRepublic” və alman müğənni “Leony” AVRO-2024-ün rəsmi mahnısını təqdim ediblər.

Bu barədə UEFA-nın saytında məlumat verilib.

Mahnı “Fire” (alov) adlanır.

Azarkeşlər iyulun 14-də Berlindəki Olimpiya Stadionunda AVRO-2024-ün bağlanış mərasimində, üç sənətçinin ifa etdiyi mahnını canlı dinləmək imkanı əldə edəcəklər.
Qeyd edək ki, AVRO-2024 iyunun 14-dən iyulun 14-dək Berlin, Köln, Frankfurt-Mayn, Gelzenkirxen, Hamburq, Leypsiq, Münhen, Ştutqart və Dortmundda keçiriləcək.

Mənbə: rbc.ru

İsrailli müğənni Eden Qolan “Eurovision” mahnı müsabiqəsində fitə basılıb və səhnəni tərk etmək məcburiyyətində qalıb.

Moderator.az xəbər verir ki, “Eurovision” səhnəsində çıxış edən israilli müğənni Eden Qolanın mahnısı tamaşaçılar arasında mübahisə və etirazlarla kəsilib.

Rusiyada doğulub boya-başa çatan, lakin Eurovision 2024-də İsrail adından yarışan Eden Qolan "Hurricane" mahnısını oxuyarkən Fələstinə azadlıq etirazı ilə qarşılaşıb.

Müğənni yarışmadan əvvəl aldığı ölüm hədəsi ilə gündəmə gəlib. Mahnının adında və sözlərində edilən dəyişikliklərlə müsabiqəyə daxil olan Qolanın ifası tamaşaçılar tərəfindən belə fitə basıldı:

Tanınmış aktrisa Zarina Qurbanova jurnalist Könül İbrahimin təqdimatında yayımlanan "Könüllü danış" layihəsinin qonağı olub.

Hurriyyet.Az xəbər verir ki, aktrisa şəxsi həyatı, "Komedixana" və layihələri barədə maraqlı açıqlamalar verib.

Ətraflı RTV-də izləyə bilərsiniz:

Mərhum Əməkdar artist Aygün Bəylərin ailəsi tiktoker Ləman Vəliyeva ilə bağlı polisə şikayət edib.

Buna səbəb tiktokerin xanəndə ilə bağlı qeyri-etik ifadə səsləndirməsi olub. O, canlı yayımda mərhum sənətçini təhqir edib.

A. Bəylərin ailəsi onun rəsmi instaqram hesabında məsələyə münasibət bildirib və Daxili İşlər Nazirinə müraciət edib:

“Aygün Bəyləri hansısa tiktoker təhqir edir. Cənab Nazir Vilayət Eyvazov, xahiş edirəm, məsələ nəzarətə alınsın”.

Məlumat üçün qeyd edək ki, Ləman canlı yayımda “Biri var, Aygün Kazımovaya udursan, biri də var Aygün Bəylərə uduzursan” dedikdən sonra nalayiq ifadə səsləndirib. (Olay.az)

“Bir sıra müğənnilərin dillərində qüsurlar var. Onlar qüsurlu sözü oxuduqları mahnının nəqarət hissəsinə salırlar. Mən bu ifaçılara baxmıram, qulaqlarımı da tuturam. Heyvanlarım da, qohumlarım da, qonşularım da onlara qulaq asmırlar. Amma kanallar bu kimi ifaçıları səhər verilişlərinə dəvət edirlər. Səhərin öz musiqisi var. Bu, böyük faciədir”.

Bizim.Media xəbər verir ki, bu sözləri Əməkdar artist Elza Seyidcahan “Maqazin plyus” verilişinə müsahibəsində deyib.

Həmkarlarını hədəf alan sənətçi onların ədəbsiz şəkildə səhər efirlərinə geyindiyi açıq-saçıq geyimlərini tənqid edib:

“Səhər verilişinin öz geyimi var. Bir də görürsən ki, müğənni gecə saat 12-də restorana geyindiyi paltarı səhər verilişinə geyinib. Səhər müğənnini ətəyi qısa, sinəsi açıq geyimdə görürlərsə, o insan gedib işdə necə işləyəcək? Həcmli saç düzümü, paltarının yarığı nə uzunluğunda... Onlar alt paltarı belə geyinməyib, səhər verilişinə çıxırlar”.