Mərhum Əməkdar artist Aygün Bəylərin ailəsi tiktoker Ləman Vəliyeva ilə bağlı polisə şikayət edib.

Buna səbəb tiktokerin xanəndə ilə bağlı qeyri-etik ifadə səsləndirməsi olub. O, canlı yayımda mərhum sənətçini təhqir edib.

A. Bəylərin ailəsi onun rəsmi instaqram hesabında məsələyə münasibət bildirib və Daxili İşlər Nazirinə müraciət edib:

“Aygün Bəyləri hansısa tiktoker təhqir edir. Cənab Nazir Vilayət Eyvazov, xahiş edirəm, məsələ nəzarətə alınsın”.

Məlumat üçün qeyd edək ki, Ləman canlı yayımda “Biri var, Aygün Kazımovaya udursan, biri də var Aygün Bəylərə uduzursan” dedikdən sonra nalayiq ifadə səsləndirib. (Olay.az)

“Bir sıra müğənnilərin dillərində qüsurlar var. Onlar qüsurlu sözü oxuduqları mahnının nəqarət hissəsinə salırlar. Mən bu ifaçılara baxmıram, qulaqlarımı da tuturam. Heyvanlarım da, qohumlarım da, qonşularım da onlara qulaq asmırlar. Amma kanallar bu kimi ifaçıları səhər verilişlərinə dəvət edirlər. Səhərin öz musiqisi var. Bu, böyük faciədir”.

Bizim.Media xəbər verir ki, bu sözləri Əməkdar artist Elza Seyidcahan “Maqazin plyus” verilişinə müsahibəsində deyib.

Həmkarlarını hədəf alan sənətçi onların ədəbsiz şəkildə səhər efirlərinə geyindiyi açıq-saçıq geyimlərini tənqid edib:

“Səhər verilişinin öz geyimi var. Bir də görürsən ki, müğənni gecə saat 12-də restorana geyindiyi paltarı səhər verilişinə geyinib. Səhər müğənnini ətəyi qısa, sinəsi açıq geyimdə görürlərsə, o insan gedib işdə necə işləyəcək? Həcmli saç düzümü, paltarının yarığı nə uzunluğunda... Onlar alt paltarı belə geyinməyib, səhər verilişinə çıxırlar”.

Azərbaycanın “Avroviziya” təmsilçiləri açılış mərasimindən sonra təəssüratlarını bölüşüblər.

Oxu.Az xəbər verir ki, bu barədə görüntülər İTV-nin efirində yayımlanıb.

“Avroviziya-2024” təmsilçimiz Fahree bildirib ki, bu il yarışmada gözəl mahnılar çoxdur, bir çox ifaçı ilə duet oxumaq istəyərəm.

Digər təmsilçimiz İlkin Dövlətov isə dəstəyi üçün xalqımıza təşəkkürünü bildirib.
Qeyd edək ki, bu il yarışma İsveçin Malmö şəhərində keçiriləcək. Birinci və ikinci yarımfinallar 7 və 9 may tarixlərində, finalı isə 11 mayda olacaq.

Ölkəmiz birinci yarımfinalda Ukrayna, Kipr, Polşa, Serbiya, Litva, Xorvatiya, İrlandiya, Sloveniya, İslandiya, Finlandiya, Portuqaliya, Lüksemburq, Avstraliya, Moldova ilə yarışacaq.

Ətraflı süjetdə:

Əməkdar artist Lalə Məmmədova mərhum türkiyəli müğənni Kayahanın arvadı İpek Acarın TRT-də yayımlanan proqramında qonaq olub.

Müğənninin veriliş üçün hazırlanan libası narazıçılıq yaradıb. Bu haqda müğənni Elnarə Xəlilova sosial şəbəkədə paylaşım edərək, Laləyə və onunla çalışan stilist Elnur Həsənova söz atıb.

Elnur məsələyə aydınlıq gətirib. O, "Deməsəm olmaz" verilişində bu haqda danışaraq bunları əlavə edib:

"Geyimin eskizini özüm hazırladım. Bütün mahnılar seçildi və göndərildi. Bizə deyilməyib ki, TRT-də açıq geyimə qadağa var. Dövlət kanalıdır, bu, normaldır. Paltar hazırlandı, saç, makiyaj düşünüldü və biz Türkiyəyə getdik. Çəkiliş günü studiyada hamı deyir paltar gözəldi, amma bu geyimdə efirə çıxmaq olmaz. Dedilər ki, get nəsə al. TRT Taksimə yaxın idi, qaçıb gedib bir top aldıq və Lalə xanım paltarın altından geyinib efirə çıxdı". / Kanal.az

Britni Spirs Sem Asgaridən ayrıldığını elan etdikdən doqquz ay sonra keçmiş əri ilə boşanmasını rəsmən həll edib. Asgari nikah müqaviləsinə etiraz etməmək qərarına gəlib. Beləliklə, 60 milyon dollarlıq sərvət Britninin öz ixtiyarındadır.

Ancaq pərəstişkarları Spirsin vəziyyətinə görə narahatlıqlarını bildiriblər. Belə ki, ifaçı ayrıldıqdan sonra müxtəlif kişilərin əhatəsində diqqət çəkməyə və çılpaq rəqs etdiyi videolar yayımlamağa başlamışdı. Boşanma həll olunduqdan sonra isə ulduz “Instagram” hesabını yenidən silib.

Britninin özü pərəstişkarlarının onun necə olduğunu öyrənmək cəhdlərinə yaxşı baxmır və şəxsi həyatına qarışmamağı tələb edir.



Mənbə: Spletnik.ru

Müğənni Əbdül Xalid dəhşətli avtomobil qəzasına düşüb.

TEREF xəbər verir ki, o bu fikirləri ATV-də yayımlanan “Günaylı Gün” verilişində deyib.

Bildirib ki, qəzadan sağ çıxmaq çətin idi:

“Şükürlər olsun, özüm zədə almadım. Amma maşın yararsız haldadır. Allah qorudu”.//Oxu.az

Ətraflı videoda:

Müğənni Anna Sedokova “Qığılcımlar uçur” verilişində onu aldadan dayəyə həftədə təxminən 40 min rubl ödədiyini deyib.

Sedokova qeyd edib ki, dayə qonaq olub və ailənin evində gecələməyib.

Sənətçi qızın həqiqətən onun etibarını qazandığını və tezliklə pul istəməyə başladığını etiraf edib. Müğənninin sözlərinə görə, köməkçisi qohumlarının əməliyyatı və müalicəsi üçün pulunun olmamasından şikayətlənib.

“Bir həftənin səkkizinci qohumunda nəyinsə səhv olduğunu başa düşdüm. Bu, sadəcə bir kabus idi”, - deyə sənətçi bildiri .

2023-cü ilin sentyabrında Sedokova əri, basketbolçu Janis Timma ilə ayrılma şayiələrinə səbəb olub . Ulduz oğlu ilə birlikdə kirayə mənzil axtardıqlarını bildirib. O, oğlanla bir neçə foto yayımlayıb və sosial şəbəkələrdə artıq 20-dən çox mənzilə baxdıqlarını bildirib. Bir neçə saat sonra Sedokova hekayələri şəxsi bloqundan silib.