Qərb bu il dekabrın 5-dən Rusiya neftinin marjinal qiymətlərini məhdudlaşdırmağa cəhd etmək niyyətindədir.

Bizimyol.info xəbər verir ki, bu barədə cümə günü ABŞ Maliyyə Nazirliyinin Rusiya neftinin qiymətləri ilə bağlı kollektiv Qərb tavanının yaradılmasına səbəb olan ilkin qərarlarında deyilir.

Beləliklə, Amerika maliyyə departamenti dekabrın əvvəlindən ABŞ və Aİ-nin Rusiyadan neftin qiymətini məhdudlaşdırmağa çalışmaq istəyi ilə bağlı əvvəllər dərc edilmiş məlumatların doğruluğunu rəsmən təsdiqləyib.

“Böyük yeddilik və Aİ üzvləri də daxil olmaqla ölkələrin koalisiyasının bir hissəsi olaraq, Birləşmiş Ştatlar Rusiya Federasiyasında hasil edilən xam neftin o cümlədən onun emalı məhsullarının daşınması ilə bağlı geniş xidmətlər spektrinə aid siyasət həyata keçirməyə başlayacaq. Bu qadağa xam neftin dəniz yolu ilə daşınmasına 2022-ci il dekabrın 5-dən, neft məhsullarının dəniz yolu ilə daşınmasına isə 5 fevral 2023-cü il tarixindən qüvvəyə minir.

Aydın olduğu kimi, sözügedən siyasət Rusiya neftinin dəniz daşınması üçün “xidmətlərin göstərilməsinin qadağan edilməsini” təşkil edəcək və bundan “vacib istisna” həyata keçirilir. İstisna odur ki, “Qərb koalisiyası tərəfindən müəyyən edilmiş həddən aşağı qiymətə və ya daha aşağı qiymətə dənizdən gələn Rusiya neftini alan yurisdiksiyalar və ya şəxslər bu cür xidmətlərdən açıq şəkildə istifadə edə biləcəklər. Bu siyasət açıq şəkildə Rusiya neftinin onun üçün məhdud qiymətə dəniz yolu ilə daşınmasını təmin etmək olan bir çərçivə yaratmağa yönəlib.

Eyni zamanda, üç məqsədə nail olmaq qarşıya qoyulur: dünya bazarında dəniz yolu ilə nəql edilən Rusiya neftinin etibarlı həcminin təmin edilməsi; dünyada enerji qiymətlərini artıran təzyiqin məhdudlaşdırılması; Rusiya Federasiyasının neftin ixracından gəlirlərinin azalması”, - deyə ABŞ Maliyyə Nazirliyi bildirib.

Bundan əlavə, ABŞ hakimiyyəti hesab edir ki, Rusiya neftinin qiymət həddini bu limitləri müəyyən etmək üçün “koalisiyaya” qoşulmağa razı olan dövlətlər birgə müəyyən edə bilər.

"Qiymət həddi necə müəyyən ediləcək? Qiymətə əsaslanan dəniz xidmətləri siyasətini və istisnalarını həyata keçirməyə razı olan ölkələr və idxalda qiymət məhdudiyyətlərini öhdəsinə götürən ölkələr qiymət həddini müəyyən edilməsi ilə bağlı bu koalisiyanın məsləhətləşmə prosesində birbaşa iştirak edə biləcəklər”, - sənəddə deyilir. Bildirilir ki, bu “ölkələrin koalisiyası”, Vaşinqtonun fikrincə, bir sıra amillərin nəzərə almaqla texniki qiymətləndirmələr aparmalıdır.

Birləşmiş Ştatlar bu dövlətlərin nümayəndələrinin konsensusla yekun qərarı verəcəyini güman edir. Məsləhətləşmələrə “aparıcı koordinator” cəlb olunacaq. Ümumi mövqedə yuvarlaqlaşdırma razılaşması olacaq. Koordinatorun konkret necə təyin ediləcəyi isə dəqiqləşdirilməyib.

“Xəzinədarlıq və ABŞ hökuməti məlumat mübadiləsi də daxil olmaqla, qiymət həddi rejiminə riayət etmək üçün dənizdə neft daşınması xidmətləri ilə bağlı siyasəti həyata keçirmək üçün koalisiyanın digər üzvləri ilə geniş şəkildə işləməyi gözləyir”, - deyə məlumatda həmçinin deyilir. ABŞ Xarici Aktivlərə Nəzarət İdarəsi, Vaşinqtonun fikrincə, qiymət həddinin necə müəyyən edilməsi barədə daha sonra əlavə məlumat vermək niyyətindədir.

Agentliyin məlumatına görə, ABŞ-ın Rusiya neftinin alınmasına tətbiq etdiyi embarqo Rusiya Federasiyasından neftin qiymətinə son həddinin tətbiqindən sonra da qüvvədə qalacaq.

Xəzinədarlıq həmçinin bildirib ki, ABŞ embarqosu Rusiya xam nefti və neft məhsullarının ABŞ-dan başqa ölkələrə idxalını məhdudlaşdırmır.

Avropa İttifaqı və ABŞ-ın Rusiya neftinin alınmasına tətbiq etdiyi embarqo qiymətlərin kəskin artmasına səbəb oldu və bu, Rusiya Federasiyasına böyük həcmdə xammalı digər bazarlara, ilk növbədə Hindistan və Çinə yönləndirməyə imkan verdi.

Aİ və ABŞ inflyasiyanın yayılma təsiri də daxil olmaqla itkilərə məruz qalır. Sentyabrın 2-də G-7-nin maliyyə nazirləri Rusiya neftinə son hədd qiymət tətbiq etmək niyyətlərini açıqladılar. Bunun üçün onlar “geniş beynəlxalq koalisiya” yaratmaq və Rusiya neftinin belə bir koalisiyanın razılaşdırdığı limitdən yüksək qiymətə satıldığı halda dənizlə daşınması üçün hər hansı xidmətin göstərilməsini qadağan etmək istəyirlər.

Rusiya prezidenti Vladimir Putin sentyabrın 7-də Rusiyanın enerji resurslarının qiymətlərinin məhdudlaşdırılması ideyasını “tamamilə axmaq qərar” adlandırıb.

Qadir, Bizimyol.info

Qış fəsli yaxınlaşdıqca aylardır öz ərazisində Rusiya ilə müharibə aparan Ukraynanı növbəti ciddi təhlükə gözləyir.

Belə ki, enerji təchizatının əsas hissəsi Rusiyadan asılı olan, Avropaya ötürülən enerji xəttində isə tranzit rolunu oynayan Ukrayna bu qış çox ciddi bəla ilə üzləşə bilər.

Bəs Ukrayna “qaz müharibəsi”nə hazırdır?

Ali Radanın deputatları regionu gözləyən təhdid və buna qarşı görülən tədbirlərlə bağlı Baku TV-nin Şərqi Avropa bürosuna danışıblar.

Ətraflı süjeti təqdim edirik:

Gürcüstanın İqtisadiyyat və davamlı inkişaf naziri Levan Davitaşvili “Vaxtdır!” hərəkatının lideri Elene Xoştariyanın İran aviaşirkətinin təyyarəsi ilə Gürcüstan üzərindən Rusiyaya hərbi texnikanın daşınması ilə bağlı iddialarına cavab verib.

Publika.az xəbər verir ki, nazir "İran işi" ilə bağlı səsləndirilən iddiaları dezinformasiya adlandırıb.

Onun sözlərinə görə, qeyd edilən avioşirkət sanksiyaya məruz qalmayıb və Gürcüstanın hava məkanından bütün qaydalara uyğun olaraq istifadə edib.

“Bu, dezinformasiya yaymaq üçün növbəti cəhddir. Təəssüflər olsun ki, biz tez-tez yoxlanılmamış, ölkənin maraqlarına xələl gətirməyə yönəlmiş məlumatlar eşidirik. Təbii ki, Gürcüstan beynəlxalq qaydalara tam əməl edir. Gürcüstanın hava məkanından istifadə edən şirkət həmçinin mütəmadi olaraq Avropa ölkələri istiqamətində də uçuşlar həyata keçirir. Sözügedən kompaniya sanksiyaya məruz qalan şirkətlər siyahısında deyil. Buna müvafiq olaraq bizim aviasiya agentliklərimiz və naviqasiya sistemimiz bütün qaydalara uyğun olaraq uçuşa icazə verib”,- deyə Levan Davitaşvili bildirib.

Məlumat üçün bildirək ki, “Vaxtdır!” hərəkatının lideri Elene Xoştariyanın sözlərinə görə, sentyabrın 4-də İran aerodromlarının birindən havaya qalxan təyyarə Gürcüstanın hava məkanını keçərək Moskvaya uçub.

Xoştariya bildirib ki, sözügedən təyyarənin aid olduğu “İran Air” ABŞ-ın sanksiyasına məruz qalan aviaşirkətlər siyahısındadır.

Kraliça II Elizabetin vəfatından sonra oğlu Çarlzın Böyük Britaniya taxtında əyləşməsi erməniləri narahat edib.

Teleqraf.com xəbər verir ki, ermənilərin bu narahatlığını Ermənistanın Polşadakı keçmiş səfiri Edqar Qazaryan sosial şəbəkədə dilə gətirib.


Sabiq səfir yeni kralın Türkiyə ilə isti əlaqələrinə diqqət çəkib.

Kral III Çarlzın bir neçə il əvvəl Çanaqqalada Türkiyə və Azərbaycan prezidentləri Rəcəb Tayyib Ərdoğan və İlham Əliyevlə çəkilmiş fotosunu paylaşan Qazaryan qeyd edib:

“Kraliçanın ölümündən sonra Böyük Britaniya taxtına 2015-ci il aprelin 24-də - erməni soyqırımının (qondarma – red.) 100-cü ildönümündə Türkiyə Prezidenti Rəcəb Tayyib Ərdoğanın dəvəti ilə hərbi geyimdə Çanaqqala döyüşünün 100-cü ildönümünə həsr olunmuş şənliklərdə iştirak edən şəxs oturacaq. O vaxt sabiq prezident Armen Sərkisyan Ermənistanın Böyük Britaniyadakı fövqəladə və səlahiyyətli səfiri olub”.

Kraliça II Elizabetin böyük oğlu, Uels şahzadəsi Çarlz anası vəfat etdikdən sonra Britaniyanın yeni kralı olub. Kralının mətbuat xidməti onun III Çarlz adını aldığını bildirib.

Estoniya rusiyalıların Aİ ölkələrindən hər hansı birinin verdiyi Şengen vizası ilə ölkə ərazisinə girişini qadağan edir. Bu qərar sentyabrın 19-dan qüvvəyə minəcək.

Bunu Estoniyanın xarici işlər naziri Urmas Reynsalu deyib.

“Sentyabrın 18-dən 19-na keçən gecə hansı ölkədən Şengen vizası almasından asılı olmayaraq Rusiya vətəndaşlarının Şengen xarici sərhədi vasitəsilə Estoniyaya girişinə qadağa qoyulacaq. Bu qərar qeyd edilən tarixdə qüvvəyə minəcək. Estoniyaya gəlməyin, burada xoş qarşılanmırsınız”, – deyə Urmas Reynsalu qeyd edib.

Estoniya xarici işlər nazirinin sözlərinə görə, eyni gündə Litva, Latviya və Polşa da oxşar qadağa tətbiq edəcək. Sentyabrın 7-də Latviyanın xarici işlər naziri Edqar Rinkeviç bəyan edib ki, Baltikyanı ölkələr Rusiya və Belarus sərhədlərindən rusiyalıların öz ərazilərinə girişini məhdudlaşdıracaq. İstisnalar yalnız yük maşını sürücüləri, diplomatlar, eləcə də ailə məsələləri və humanitar səbəblərdən Baltikyanı ölkələrin ərazisinə daxil olanlara şamil ediləcək.

Səhhəti pisləşdiyi üçün xəstəxanaya yerləşdirilən Böyük Britaniya kraliçası II Elizabetin dəfn mərasiminin detallarının illər öncədən planlaşdırıldığı açıqlanıb.
96 yaşlı II Elizabet vəfat edərsə, onun ölümünün elan edilməsindən bir gün sonra "London körpüsü" adlı plan qüvvəyə minəcək.

Bildirilir ki, hələ 2018-ci ildə Böyük Britaniya kraliçasının vəfatı halında baş tutacaq dəfn mərasiminin məşqi keçirilib. Bu plan həmin vaxt "Pavel kafedralı"nda keçirilən mərasimə qatılan kraliçanın halının pisləşməsindən dərhal sonra hazırlanıb.

"Daily Mail"in xəbərinə görə, adıçəkilən planın hazırlanmasında bəzi yüksək səlahiyyətli şəxslər iştirak ediblər. Plana görə kraliçanın ölümündən sonra 10 günlük matəm elan ediləcək.

Bildirilib ki, BBC Jurnalistika Akademiyasında aparılan hazırlıqlar zamanı həmin günlərdə efirə çıxacaq diktorların geyinəcəkləri paltardan tutmuş, verəcəkləri məlumatlara qədər bütün detallar öyrədilib.

BBC kraliçanın nekroloqunu yaydıqdan sonra dövlət himnini yayımlayacaq. Daha sonra isə bütün kanalların fonunda kraliçanın şəkli yerləşdiriləcək.
Dəfn mərasimi kraliçanın ölümündən 12 gün sonra həyata keçiriləcək. Bu 12 gün ərzində televiziya kanalları əyləncə proqramlarını efirdən yığışdıracaqlar.


Kraliçanın ölümünün rəsmi elanından sonra səsləndiriləcək emosional mahnıların da siyahısı hazırdır.

Kraliçanın ailə üzvləri Balmoral qəsrinə gəlib.

APA-nın Britaniya bürosunun “Sky News“a istinadən xəbərinə görə, kraliçanın səhhətinin pisləşməsindən sonra ailə üzvlərindən Şahzadə Çarlz və Şahzadə Anne, Balmoral qəsrinə gəlib.

Kraliçanın digər ailə üzvlərindən Şahzadə Ulliam və Herri isə Şotlandiyanın Aberdin şəhərindən qəsrə doğru yola düşüblər.

Qeyd edək ki, bu gün Bukinqam Sarayı II Yelizavetanın səhhətinin pisləşdiyini, onun həkim nəzarətinə götürüldüyünü qeyd edib.

BBC telekanlı Kraliçanın Balmoralda tibbi nəzarət altında olduğunu elan etdikdən sonra müntəzəm proqram cədvəlini dəyişib.

O vaxtdan bəri kanal Kraliçanın səhhəti ilə bağlı xəbərlər yayımlayır.

“Putin ikili oynayır. Bir tərəfdən Azərbaycanla strtateji tərəfdaşlıqdan danışır, digər tərəfdən İkinci Qarabağ müharibəsindən sonra Ermənistana dəxli olmayan mövzunu bu ölkənin baş naziri ilə müzakirə edir”.

Teleqraf.com xəbər verir ki, bunu politoloq Elxan Şahinoğlu deyib.

Ekspert Ermənistan və Rusiya arasındakı son gəlişmələrə diqqət çəkib:

“Rusiya Prezidenti Vladimir Putin Vladivostokda keçirilən Şərq İqtisadi Forumu çərçivəsində Ermənistan Baş naziri Nikol Paşinyanla görüşüb. Birincisi, Kreml sahibinin bölgədə iqtisadi dəyəri olmayan Ermənistanın baş nazirini uzaq Vladivostokda iqtisadi foruma dəvət etməsinin məqsədi nədir? İkincisi, Kreml sahibi Vladivostokda Paşinyanla Qarabağla bağlı nəyi müzakirə edib?

Putin ikili oynayır. O, bir tərəfdən Azərbaycanla strtateji tərəfdaşlıqdan danışır, digər tərəfdən İkinci Qarabağ müharibəsindən sonra Ermənistana dəxli olmayan mövzunu bu ölkənin baş naziri ilə müzakirə edir. Putinin Paşinyandan xoşu gəlməsə də, Kreml sahibi Ermənistandan imtina etməyib, Cənubi Qafqazdakı son forpostunun Azərbaycan qarşısında tam gücsüz duruma düşməsinin qarşısını almaq istəyir. Paşinyanın böyük ehtimalla Putindən xahişi bu olub ki, Rusiya hərbçiləri Azərbaycana Qarabağda qayda-qanun yaratmasına imkan verməsinlər. Rusiyalı hərbçilər alternativ yolu “dəhliz” adlandırır və əli silahlı erməni separatçılarının bu yolla hərəkətlərinə şərait yaradıblar. Bunun özü elə Azərbaycana qarşı növbəti təxribatdır”.

Elxan Şahinoğlu qeyd edib ki, Paşinyan forumdakı çıxışında Azərbaycanla sərhədlərin müəyyənləşməsinə, kommunikasiya xətlərinin açılmasına və Türkiyə ilə dialoqa müsbət yanaşdığını bildirib:

“Onun bu sözlərində yeni heç nə yoxdur, hər zaman söylədiyini, ancaq həllini uzatdılqarını təkrarlayıb. Diqqətimi Paşinyanın başqa sözləri çəkib. O, Ukraynadakı münaqişəni Qafqazda vəziyyətin pisləşməsi ilə əlaqələndirərkən bunları deyib: “Ermənistanı Moskvada qərbyönlü, Avropada isə rusiyayönlü hökumət kimi təqdim etmək üçün səy göstərən qüvvələr var. Bundan regionda sabitliyin pozulmasına haqq qazandırmaq üçün amil kimi istifadə edirlər”.

Bu sözlərin özü Paşinyanın Rusiya ilə Qərb arasında vurnuxduğunu göstərir. Moskvada Paşinyanı ona görə qərbyönlü kimi dəyərləndirirlər ki, küçə yürüşləri vasitəsilə hakimiyyətə gəlib, bunu isə Kremldə xoşlamırlar. İkincisi, nazirləri mütəmadi Vaşinqtona, amerikalı yüksək rütbəli rəsmilər və diplomatlar isə İrəvana müəmmalı səfərlər edirlər.

Paşinyanın “Ermənistanı Avropada rusiyayönlü kimi təqdim edirlər” ifadəsi isə hekayədir, sadəcə baş nazir bu cümlə ilə özünü sığortalamağa çalışıb. Paşinyan Rusiya və digər tərəflərlə sıx əməkdaşlıq etməklə Ermənistanın regiondakı vəziyyəti nəzarətdə saxlaya biləcəyinə ümid etdiyini və Moskva ilə strateji müttəfiqliyin vacibliyini vurğulayıb. Paşinyan Putinin hüzurunda başqa cür çıxış edə bilməzdi”.

ABŞ ordusu İranla gərginlik fonunda Səudiyyə Ərəbistanda yeni hərbi sınaq poliqonu açmaq planlarını hazırlayır.

Bu barədə NBC telekanalı məlumat yayıb.

Obyekt "müdafiə və hücum şəbəkələrinin inteqrasiyası" çərçivəsində hava və raketdən müdafiə imkanlarını inkişaf etdirəcək və sınaqdan keçirəcək.

Gələcək hərbi obyektin yeri hələ müəyyən edilməyib.

Sınaq mərkəzinin yaradılması ideyası avqustda ABŞ-ın Yaxın Şərqdəki müttəfiqləri ilə görüş zamanı CENTCOM-un rəhbəri general Maykl Kurilla tərəfindən irəli sürülüb.

Böyük Britaniyanın keçmiş əmək və pensiya naziri Teriz Koffi səhiyyə naziri və Baş nazirin müavini təyin edilib.

"Report" TASS-a istinadən xəbər verir ki, bu barədə Baş nazirin dəftərxanasının yaydığı məlumatda deyilir.

“Parlamentin hörmətli üzvü Dr Terese Koffi Səhiyyə və Sosial Məsələlər Naziri təyin edilib. O, eyni zamanda Baş nazirin müavini vəzifəsini də icra edəcək”, - xəbərdə deyilir.

O, bu vəzifədə Stiv Barklini əvəz edəcək.

Eyni zamanda Böyük Britaniyanın keçmiş biznes naziri Kvazi Kvartenq Maliyyə Nazirliyinin rəhbəri təyin olunub.

Bununla yanaşı, xarici işlər nazirinin keçmiş müavini Ceyms Kleverli Forin Ofisinin rəhbəri təyin edilib.