 |
|
|
“Ev Rəmişin yadigarıdır, mən onun ətrini o evdən alıram.”.
Bu sözləri Xalq artisti Rəmişin (Rafiq Hüseynov) sağlığında yaşadığı evin satılması ilə bağlı yayılan xəbərə reaksiya verən mərhum sənətkarın həyat yoldaşı Gülü Hüseynova Yenicag.az-a açıqlamasında deyib.
O, evi satmadığını və belə bir fikrinin də olmadığını bildirib:
“Yalan söhbətdir, evi niyə satıram? Oturmuşam evimdə-eşiyimdə. Ev Rəmişin yadigarıdır, mən onun ətrini o evdən alıram. Bu nə xəbərlərdir, kim yayır, bilmirəm. İmkan versinlər dərdimlə baş-başa qalım”.
Qeyd edək ki, mediada sənətkarın Yasamal rayonu Şərifzadə küçəsi, “İnşaatçılar” metrostansiyasının yaxınlığında yerləşən 3 otaqlı mənzilinin 280 min manata satılması ilə bağlı xəbər yayılıb.