Türkiyə Prezidenti Rəcəb Tayyib Ərdoğan, növbəti prezident seçkilərində namizədliyini irəli sürməyə hazır olduğunu bildirib.
Musavat.com xəbər verir ki, Ərdoğan bu barədə yanvarın 11-də Şanlıurfa şəhərində keçirilən Ədalət və İnkişaf Partiyasının əyalət qurultayında danışıb.
Tədbir zamanı məşhur müğənni İbrahim Tatlısəs Prezident Ərdoğana yaxınlaşan seçkilərdə namizədliyini irəli sürüb-sürməyəcəyi ilə bağlı sual ünvanlayıb. Ərdoğan isə ona cavabında: “Sən varsansa, mən də varam,” - deyə, qeyd edib.
Bu açıqlamadan əvvəl, Türkiyə Prezidentinin baş müşaviri və Hüquq Siyasəti Şurasının sədr müavini Mehmet Ucum parlamentin 2027-ci ildə növbədənkənar seçkilər keçirməsi halında, Ərdoğanın yenidən namizədliyini irəli sürə biləcəyini bəyan etmişdi.
Musavat.com