Əhali pulunu geri çəkir: Daha bir bankın ətrafında müəmma
Əhali 2024-cü ilin ilk yarısında “Access Bank”dan 9,9 milyon manat, şirkətlər isə 12,28 milyon manat depoziti geri çəkib.

Bu barədə bankın hesabatında göstərilir.

Belə ki, 2024-cü ilin əvvəlində bankda fiziki şəxslərin depozitlərinin həcmi 842,46 milyon manat olduğu halda, ilin ilk yarısında bu rəqəm 832,89 milyon manata kimi azalıb.

Hüquqi şəxslərin bankdakı əmanətlərinin həcmi isə 209,1 milyon manatdan 196,82 milyon manata enib. Başqa sözlə, bank bu ilin ilk 6 ayında fiziki şəxslər üzrə depozit portfelinin 1,2 %-ni, hüquqi şəxslər üzrə portfelin 6,2 %-ni itirib.

Ümumilikdə isə “Access Bank”ın əmanət portfeli bu il 21,85 milyon manat azalıb. Bankın əmanət portfeli ilin əvvəlinə nisbətən 2,1 % azalaraq 1 milyard 51,5 milyon manatdan 1 mlrd. 29,7 milyon manata enib.

Depozit portfelinin azalmasına baxmayaraq bank kredit təşkilatları və maliyyə institutları qarşısında öhədliklərini 144,2 milyon manatdan 197,5 milyon manata kimi artırması onun cəmi öhdəliklərini də artırıb.

Hesabat dövrü üzrə bankın aktivləri 1 milyard 478,7 milyon manata, öhdəlikləri 1 milyard 313 milyon manata yüksəlib. Bankın 115,7 milyon manat bölüşdürülməmiş zərəri isə onun cəmi kapitalını 164,9 milyon manat manata endirib.

Vətəndaşların və şirkətlərin “Access Bank”dan xeyli miqdarda depoziti geri çəkməsi, əmanət portfelinin azalması bankın bağlanmasına gətirib çıxara bilərmi?

İqtisadçı-ekspert Fuad İbrahimov “Cebheinfo.az”a bildirib ki, istənilən bankdan gözlənilmədən, yaxud qısa müddət ərzində müştərilər kapitalını geri çəkəndə o bank texniki defoltla üzləşə bilər:

“Burada da göründüyü kimi əgər vətəndaşlar birdən-birə kütləvi şəkildə vəsaitlərini geri çəkirlərsə, bu təhlükəlidir. Məlumdur ki, “Access Bank” da kapitalı cibində saxlamır. İstənilən bank kapitalı vətəndaşlardan depozit kimi götürür və haradasa, bir investisiya portfelində yerləşdirir.

Bildirim ki, gözlənilmədən vətəndaşlar kapitallarını geri çəkdikləri zaman nağd vəsaitin olmaması səbəbindən gərgin bir vəziyyətə yol açılır.

Nəticədə arzuolunmaz vəziyyət yaranır ki, sonda bank vətəndaş qarşısında götürdüyü öhdəliyini yerinə yetirə bilmir və beləliklə də, texniki defolt yaşanır.

Yaxud da fövqəladə hal, forsmajor formasında, gərək Mərkəzi Bank müvəqqəti yardım etsin ki, o bank vətəndaşlar qarşısında götürdüyü öhdəliyini yerinə yetirə bilsin.

Sonradan öz kapitalını yerləşdirdiyi digər mənbələrdən geri çəksin. Yəni arzuolunmaz vəziyyətdir, yaxşı hal deyil. Bankı uçuruma gətirib çıxara bilər”.
 

Bölmənin digər xəbərləri

28 Fevral 2025 Türkiyə ilə Ermənistan arasında ticarət dövriyyəsi 40% artıb– Rəsmi
28 Fevral 2025 Lizinqdə olan avtomobilləri niyə onlayn sığortalamaq olmur? - Rəsmi cavab
28 Fevral 2025 Nəinki 25 faiz elə gömrük rüsumunu 5 faiz artırmaq belə... Avropada ciddi iqtisadi böhran yarada bilər
27 Fevral 2025 Bitkoinin qiyməti 85 min dollardan aşağı düşüb
27 Fevral 2025 Mədəniyyət Nazirliyi deputatın qohumu ilə anlaşdı: 200 minlik gül alacaq
27 Fevral 2025 Prezidentin Təhlükəsizlik Xidmətinin işçilərinin maaşı ilə bağlı qərar
27 Fevral 2025  Bu məmurlardan alınan pullar görün hara xərclənir – Milyonluq villalar, yüz minlik maşınlar…
26 Fevral 2025 Rusiyanın “Daşınmaz əmlak kralları” yenə azərbaycanlılar oldu - 2 milyard dollar qazanıblar
26 Fevral 2025 Ukraynanın Slovakiyaya göstərilən yardıma görə 3,5 milyard avro borcu var
26 Fevral 2025 “VTB Bank” 4 ildir dividend ödəmir – Səhmdarlardan biri də ARDNF-dir
26 Fevral 2025 “Temu” göndərişlərini yoxlamaq üçün xüsusi nümayəndə ayrıldı
25 Fevral 2025 Britaniya Rusiyaya qarşı sanksiyaları GENİŞLƏNDİRDİ
24 Fevral 2025 Ərzaq bazarında qiymət artımı – Rəsmi statistika da inkar etmir
24 Fevral 2025 Bazarı silkələyən siyasət - ARAŞDIRMA
24 Fevral 2025 Bakıda taksilərin qiyməti qalxdı: Bəzi ərazilərə gedişhaqqı 35-40 manatdır - FÜRSƏTCİLLƏR İŞ BAŞINDA...
23 Fevral 2025 “Vabiss”, “İnşaat Konstruksiyaları”, “LABSTYLE” MMC və “Koray Kılıç Mekanik İnşaat”ın rəhbərləri vergidən belə yayınıblar
23 Fevral 2025 Türkiyə və Qazaxıstanda var, Azərbaycanda yox: Yeni qayda gözlənilir?
23 Fevral 2025  Dövlətə borcu olana dövlət ortaqlıq edir - daha bir ŞÜBHƏLİ TENDER
22 Fevral 2025 Son bir ildə əsas ərzaq məhsullarının qiyməti necə dəyişib? - SİYAHI
21 Fevral 2025 İqtisadçıdan həyacan təbili: Qoz-fındıq məhsullarında qıtlaşma baş verir

Dünyapress TV

Xəbər lenti