ABŞ Avropa ölkələrini Rusiya aktivlərinin dondurulmuş qalacağına dair zəmanət verməyə çağırıb.
“Reuters” xəbər verib ki, bunu ABŞ Maliyyə Nazirliyinin rəhbəri Canet Yellen deyib.
"ABŞ Avropadan aktivlərin uzun müddət dondurulacağına dair təminata nail olmağa çalışır" – Yellen deyib.
Onun sözlərinə görə, bu, ona görə lazımdır ki, aktivlərdən əldə olunan gəlir Qərbin Ukraynaya verməyi planlaşdırdığı 50 milyard dollarlıq krediti ödəməyə kifayət etsin.
Materialda deyilir ki, Rusiya aktivlərinin 228 milyard dolları Avropada, 30 milyard dolları isə Yaponiyadadır. ABŞ və Böyük Britaniya hər biri, təxminən 10 milyard dolları dondurub.
Bundan əvvəl Janet Yellen bildirmişdi ki, “Yeddilik” (G7) ölkələri Rusiyanın Qərb ölkələrində dondurulmuş aktivləri hesabına Ukraynaya 50 milyard dollar məbləğində kreditin verilməsinə dair razılaşmanı oktyabr ayına qədər təqdim edə bilər. Onlar kreditləri Rusiya fondlarından gələn gəlirlər hesabına ödəməyi planlaşdırırlar.

Dia-az.İnfo