Bayramqabağı mal bazarında vəziyyət: Dana 2 000, quzu 500, dəvə 6 000 manatdır
Sabah Qurban bayramıdır. Bu, islamda iki müqəddəs bayramdan biridir. Bütün müsəlman ölkələrində hər il hicri təqvimi ilə Zilhiccə ayının 10-cu günündə başlayır. Adətə görə, üç gün davam edir.
 
 
smartbee.png
 
 
 
Bu bayramda qoyun, qoç, inək, öküz, hətta dəvə kəsilə bilər. Qurbanı, adətən, niyyət edib, kəsirlər. Kəsilən qurbanlıq hissələrə bölünərək qohum, qonşu və ehtiyacı olan şəxslərə paylanılır.
 
Qurban bayramına az qalmış mal bazarında xırdabuynuzlu heyvanların, əsasən də, qoyunlarla qoçların qiymətində artım müşahidə olunur. Demək olar ki, xüsusi günlərdə qiymət artımı artıq adət halını alıb.
 
Oxu.az-ın əməkdaşları mövcud vəziyyəti öyrənmək üçün hər kəsin Məhəmmədlidə mal bazarı kimi tanıdığı ünvana baş çəkiblər.
 
Bazara daxil oluruq, sabah bayram olmasına baxmayaraq seyrəklik müşahidə olunur. Alıcılar yox səviyyəsindədir. Satan daha çoxdur. Məyusluq içərisində bizi qarşılayırlar. Çünki bizi alıcı zənn ediblərmiş...
 
Bazara ölkənin müxtəlif bölgələrindən iri və xırdabuynuzlu heyvanlar gətirilir. Mal bazarında xeyli sayda qurbanlıq qoyunlar var. Lakin onları alan yoxdur. Bir qədər sonra hərəsi bir tərəfdən sözə başlayır. Satıcılar alıcı azlığından gileylənirlər.
 
Satıcı Əhmədağa Hüseynov qiymətlər barədə danışıb:
 
"Hər kəs Qurban bayramını qeyd etməlidir. Bizdə çalışırıq ki, kimsə qurbansız qalmasın. Hamı ala bilsin. Ortalama qiymət doqquz manatdır.
 
40 baş heyvan gətirmişəm. 11-12 baş heyvanı gətirən kimi satmışam. Alıcılıq yaxşıdır. Heyvanlar Cəlilabaddan gətirilir. İmkanımız daxilində elə qiymət qoyuruq ki, ala bilsinlər. Bolluqdur və qiymət artımı yoxdur".
 
Digər bir satıcı alıcıların olmadığından gileylənib:
 
"Alıcı azdır. Heyvan çoxdur, alan yoxdur. Keçi 120-150 manatadır. Dana 1 300-2 000 manat arası dəyişir. Quzu 300-400-500 manatadır. Toğlu 300-800 manat arası dəyişir. Dəvə 2 000-6 000 manatdır".
 
Satıcı Canəli Niftəliyev bayramqabağı qiymətlərin endiyini qeyd edib:
 
"Alıcılıq qabiliyyəti çox zəifdir. Heç kim yoxdur. Ancaq satıcılardır. Qiymətlər eynidir. Qoyun ətinin kilosu doqquz manatdan başlayır. Çəkisinə görə dəyişir. Böyük heyvan 8 manat 50 qəpikdir, balaca heyvan doqquz manatdır. Qurbanlıqda erkək heyvan daha çox satılır".
 
Söhbəti bitirdikdən sonra satıcılarla vidalaşırıq. Ümid edirik ki, sabaha qədər qurbanları satarlar və hər iki tərəf məmnun qalar.
 

Bölmənin digər xəbərləri

11 İyun 2025 Dünya Bankı 2025-2027-ci illərdə Azərbaycanda ÜDM-in hər il 2,4 %-dən çox artacağını proqnozlaşdırır
11 İyun 2025 Qiymət artımının qarşılığında keyfiyyətin yüksəlməsi operatorların əsas vəzifəsidir - AMMA BİZDƏ...
11 İyun 2025 İşıq və qaz puluna dair sabit tarifin mahiyyəti nədir? - AKTUAL
10 İyun 2025 Birjada qızılın qiyməti artıb
09 İyun 2025 Azərbaycanın bu bölgəsində siqaretə sərf olunan pul təhsil xərclərindən 3 dəfə çoxdur
08 İyun 2025 Azərbaycanın turizm potensialı Koreya Respublikasında təqdim olunur
08 İyun 2025 Türkiyənin ən kasıb şəhərləri məlum oldu: Üçü də eyni bölgədə yerləşir
07 İyun 2025 Tramp yenə FED rəhbərinə “ilişdi”: FED-də “cənab çox ləng” fəlakətdir!
06 İyun 2025 Dövlət büdcəsinin gəlirləri açıqlandı
06 İyun 2025 Bakıda mollarda parkinq bahalaşıb - YENİ QİYMƏTLƏR
06 İyun 2025 Altında gün içi rallisi! Uçtu gitti, tutmak mümkün değil
05 İyun 2025 İş adamı Emin Hüseynov dövlətə olan vergi borcunu ödəmir - TƏFƏRRÜAT
04 İyun 2025 Metroda 60 milyon qazanc, yenə gedişhaqqı problemi...
04 İyun 2025 Görünür ki, Azercell "1 manat -1 gün" tarif sistemindən imtina edib
04 İyun 2025 Qaydalarla oynamaq: kazinoların açılması ölkəmizə nə qazandıracaq? - GƏLİŞMƏ
03 İyun 2025 Ölkəmizin enerji siyasətinin növbəti təqdimatı
03 İyun 2025 Azərbaycanda ən çox hansı ölkədən gələn turistlər pul xərcləyir? - Tam siyahı
02 İyun 2025 Azərbaycan Prezidenti: Bizim yaşıl enerji gündəliyimiz çox genişdir
02 İyun 2025 Bayram ərəfəsində bölgə hotellərində SON VƏZİYYƏT - VİDEO
31 May 2025 ABŞ-ın ticarət kəsiri rekord səviyyədə azalıb, amma...

Dünyapress TV

Xəbər lenti