 |
|
|
"AppStore" platforması ötən gün VK Holdinqə daxil olan bir çox resursları silib".
Bakupost.az bildirir ki, bu barədə "Multimedia” İnformasiya Sistemləri və Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz məlumat paylaşıb.
O bildirib ki, baş verənlər gözlənilən idi:
"Hazırda bu holdinqə daxil olan "Vkontakte" sosial şəbəkəsi, "VK Play", "VK Музыка", "VK Клипы" "VK Мессенджер", "VK Админ", "Почта Mail․ru" və "Облако Mail.ru" mobil servisləri "AppStore" platformasında görünmür.
VK özünün bir çox mobil tətbiqlərinin silinməsini təsdiqləyib. Eyni zamanda əvvəldən yüklənənlərin hələlik işlədiyini bildirib.
Qlobalda monitorinq aparan "Netblocks" da VK mobil tətbiqlərinin dünyanın heç bir yerində artıq əlçatan olmadığını təsdiqləyib.
Düşünmək olar ki, "Apple"dən sonra qısa müddətdə "Google" da bu addımı atacaq, "Play market"dən də adı çəkilən resurslar silinə bilər".
Ekspert vurğulayıb ki, belə olan halda bu resurslardan istifadə edən vətəndaşlarımızı da ciddi problem gözləyəcək:
"Onlar üçün bu resurslar sadəcə əlçatan olmayacaq, datalar itəcək, bu emailə bağlı olan digər servislərdə problem yaranacaq və s. Bildiyim qədər Azərbaycanda hələ də xeyli sayda insan "Mail.ru" servisindən istifadə edir. Həm də bu emaildən istifadə edərək müxtəlif servislərdə (Facebook, Instagram, TikTok və s.) qeydiyyatdan keçənlər var. Baxmayaraq ki, hələlik "Google" bu addımı atmayıb, adı çəkilən servislərin veb versiyası işləkdir, amma tövsiyə ondan ibarətdir ki, "Mail.ru"dan istifadə edənlər ləngimədən digər servislərə (Gmail və s.) keçsinlər.
Məktubların daşınmasını "Mail.ru"ya etibar etməyin nəticəsini biz hələ 2008-də Rusiyanın Gürcüstana hücumu zamanı görmüşük. "Mail.ru" datanı və kontaktları yeni "Gmail" ünvana köçürmək elə də problem yaratmır. "Gmail"də belə imkanlar nəzərdə tutulub. Amma gərək bu addım zamanında atılsın".
Osman Gündüzün sözlərinə görə, müharibə başlayandan bəri "AppStore"dən Rusiyaya məxsus 7 000 mobil tətbiqin silindiyi bildirilir.
"Rusiya hökuməti və VK rəhbərliyi baş verənlərlə bağlı Apple şirkətinə sorğu göndərib. VK Holdinqin rəhbəri Vladimir Kiriyenkodur. O isə hazırda Ukraynanın işğal olunan ərazilərində keçirilən referenduma rəhbərlik edən Rusiya Prezident Administrasiyası rəhbərinin birinci müavini Sergey Kiriyenkonun oğludur. Ata da, oğul da sanksiya altındadır. Holdinqin London Fond Birjasında fəaliyyəti də Rusiyaya tətbiq edilən sanksiyalar çərçivəsində dayandırılıb.
Bir neçə gün öncə "Apple" və "Google" şirkətlərinin keçmiş rəhbərləri Ukrayna Prezident Administrasiyasında görüşlər keçirmişdilər. Baş verənlərdə güman ki, bu görüşlərin də " izi" olmamış deyil", - deyə ekspert qeyd edib.
2022-ci ilin avqustunda Monreal Universitetinin alimləri TOI-1452b adlandırılan ekzoplanet kəşf ediblər. O, Yerə mövcud ekzoplanetlərin hamısından çox bənzəyir və nisbətən yaxındadır - 100 işıq ili məsafəsində. Elm adamları TOI-1452b-ni Yerdən 70% böyük olduğu üçün “super Yer” kimi qiymətləndirirlər. Super Yerin kütləsi Yerinkindən böyük, lakin qaz nəhənglərindən azdır.
Planet Əjdaha bürcündə yerləşir və “qırmızı cırtdan”ın ətrafında fırlanır. Bu tip ulduzlar Günəşdən daha kiçik və tutqundurlar.
TOI-1452b öz ulduzu ətrafında hər 11 gündən bir dövr edir və Venera ilə eyni miqdarda günəş radiasiyası alır.
Alimlər TOI-1452b-nin su dünyası olduğunu irəli sürürlər. Hesablamalara görə, su bu planetin kütləsinin təxminən 22%-ni təşkil edə bilər. Müqayisə üçün qeyd edək ki, Yerdə bu göstərici cəmi 0,022%-dir. Əgər hesablamalar düzgündürsə, o zaman TOI-1452b Yerdəkindən daha dərin okeanla örtülüb.
İlkin kimyəvi analizlər planetdə hidrogen və helium kimi elementlərin, eləcə də su buxarının mümkün mövcudluğunu göstərir.
Kosmosun insan üçün daha bir təhlükəsi aşkarlandı
Günəş sistemindən kənarda olan bütün planetlərə ekzoplanetlər deyilir. Son 30 ildə 4 mindən çox ekzoplanet kəşf edilib. Kəşf edilən planetlər əsasən Günəş sistemi planetləri ilə eyni elementlərdən ibarətdir, sadəcə kimyəvi elementlərin birləşməsi və nisbəti fərqlidir. Bununla belə, heç bir planet Yerlə və ya Günəş sistemindəki hər hansı digər obyektlə eyni deyil.
Ekzoplanetlərin bir neçə növü var: qaz nəhəngləri, Neptun ekzoplanetləri, super Yerlər və s. Ən məşhur Super Yer “Barnard's Star b” və “GJ 15 A b” -dir. O, altı işıq ili məsafəsində yerləşir və Yerdən 3,2 dəfə böyükdür. GJ 15 A b Yerdən 11 işıq ili uzaqlıqda yerləşir.
Məlum qaz nəhəngləri arasında 51 Pegasi b və KELT-9 b seçilir. 2022-ci ilin avqustunda James Webb Kosmik Teleskopu Yerdən 700 işıq ili məsafəsində yerləşən qaz nəhəngi WASP-39 b-də karbon qazı aşkar etdi. Bu, Günəş sistemindən kənarda ilk dəfə CO₂-nin qeydə alınması idi.
Alimlər Günəş sisteminin necə əmələ gəldiyini, kainatda ona oxşar planet qruplarının olub-olmadığını, Yerə bənzər və məskunlaşdırmağa yararlı planetin olub-olmadığını daha yaxşı başa düşmək üçün ekzoplanetləri axtarır və tədqiq edirlər.
ABŞ Milli Aeronavtika və Kosmik Tədqiqatlar İdarəsinin (NASA) kosmik gəminin sentyabrın 27-nə planlaşdırılan Aya buraxılışını qeyri-müəyyən müddətə təxirə salıb. Qərar “İan” tropik qasırğasının raketin qalxacağı Floridaya yaxınlaşması ilə əlaqədar qəbul edilib.
Bu barədə NASA-nın şənbə günü yaydığı məlumatda deyilir.
Qeyd edək ki, təşkilat avqustun 29-u və sentyabrın 3-də “Orion”u kosmosa çıxarmağa cəhd edib. Hər iki dəfə raketə yanacaq doldurarkən hidrogen sızması aşkar edildikdən sonra uçuş ləğv edilib.
NASA ekspertləri hesab edir ki, sızıntılar raketin özündə deyil, yanacaqdoldurma avadanlığında yaranan problemlərlə bağlı olub. Ona görə də uçuşa heç bir maneə yoxdur.
“Əksər MTK binalardakı internet xidmətinin təşkili ilə bağlı açıq-aşkar haqsız rəqabət mühiti formalaşdırıblar. “Bir bina bir provayderindir” prinsipi ilə işləyirlər”.
Bunu Azərbaycan İnternet Forumunun rəhbəri Osman Gündüz sosial şəbəkə hesabında yazıb.
O qeyd edib ki, provayderlər heç nədən çəkinmirlər: “Nə qədər inanılmaz olsa da, reallıq odur ki, adi bir MTK rəhbəri o nəhənglikdə Antiinhisar Dövlət Xidmətindən çəkinmir. MTK-lar yeni yaşayış binasını təhvil verməzdən öncə yalnız bir provayderi dəvət edərək separat sövdələşmə edirlər. Bu sövdələşmə ilə adətən hər bir müştəriyə görə MTK sahibi provayderdən 2 manat alır. Vəssalam. Bununla da MTK sahibi provayder və ya kabel operatoru qarşısında öhdəlik götürür ki, həmin binaya yer-göy dağılsa da başqa provayderi buraxmayacaq”.
O. Gündüz qeyd edib ki, bununla da həmin binada yalnız bir provayderin xidmətini almaq imkanı yaranır və orada yaşayanların seçim imkanları süni şəkildə məhdudlaşdırılır, xidmətin keyfiyyəti üçün stimul formalaşmır: “MTK-lar bu cür haqsız davranışla həm də provayderlər arasında sərbəst və azad rəqabəti pozmuş olurlar. Antiinhisar Dövlət Xidmətinin, RİNN-in və digər aidiyyəti qurumların bundan xəbəri varmı? Əlbəttə, var. Lakin bunun qarşısını almaq üçün heç bir real addımlar müşahidə olunmur. Antiinhisar Dövlət Xidməti və RİNN monitorinq aparmalıdır. Yeni yaşayış binalarındakı internet inhisarçılığının, haqsız rəqabətin qarşısını almaq üçün ciddi ahtiinhisar tədbirləri görülməlidir. Problemi kökündən həll etmək üçün qanunvericilikdə müvafiq dəyişikliklər edilməlidir”.
Osman Gündüzün sözlərinə görə, yeni tikilmiş yaşayış kompklekslərində, biznes mərkəzlərində öncədən ən azı 3 provayderin və ya kabel operatorun fəaliyyəti üçün imkanlar yaradılmalıdır. Binaların istismara verilməsindən öncə digər kommunal xidmətlərin təhvilində olduğu kimi, aidiyyəti qurum, məsələn, RİNN binanın telekommunikasiya infrastrukturuna münasibət bildirməlidir. Antiinhisar Dövlət Xidməti bu qaydaları pozan MTK sahiblərinə qarşı sərt tədbirlər görməlidir.
Əməkdar incəsənət xadimi, məhşur bəstəkar Cavanşir Quliyev Şimali Kipr Türk Cümhuriyyətindən Azərbaycana köçüb.
DİA.AZ xəbər verir ki, bu barədə "Report"a bəstəkar özü məlumat verib.
19 ildir Şimali Kiprin Yakın Doğu Universitetində çalışan professor C.Quliyev bundan sonrakı həyat və yaradıcılığını yenidən doğma vətəndə davam etdirmək qərarına gəlib.
O, son illər yazdığı irihəcmli əsərləri ifa etdirmək və lentə yazdırmaq zərurəti ilə qarşılaşdığından yenidən Vətənə qayıtdığını bildirib: "Mən Azərbaycan vətəndaşıyam, ölkədən də birdəfəlik getməmişdim. Haraya getsək də, hamımızın sonda dönəcəyi bir ünvan var – Azərbaycan. Sözsüz ki, Vətən müharibəsindəki tarixi qələbədən sonra qalib ölkədə yaşamağın və yaradıcılıq planlarımı həyata keçirməyin zövqü başqa olacaq".
Qeyd edək ki, C.Quliyev son vaxtlar ölkəyə qayıdan ilk nüfuzlu diaspor nümayəndəsi deyil. Bundan əvvəl də xaricdə yaşayan dəyərli ziyalılarımızdan bir neçəsi birdəfəlik vətənə geri dönüb
İranın mobil operatorlarında internetə çıxış kəsilib.
APA-nın Tehran bürosunun məlumatına görə, paytaxt Tehranda və bir neçə böyük şəhərdə mobil operatorlarda internetə çıxış kəsilib. Mobil internet istifadəçiləri yalnız yerli saytlara daxil ola bilirlər.
Müdriklər deyib "El bir olsa, dağ oynadar yerindən"...
Elin-obanın, xalqın birliyi də əsasən dar günlərdə bilinir. Çox təəssüflər olsun ki, sərvətlərindən dolayı ölkəmizin başı üzərində qara buludlar vaxtaşırı tarix boyu olubdur. Bu gün də var. Lakin, sevindirici hal da budur ki, həmişə belə zamanlarda xalqımız özü birlik, həmrəylik nümayiş etdirməklə bu cür uğradığımız haqsızlıqların öhdəsindən gəlməyi bacarıb. Bunun bariz nümunəsi kimi elə uzağa getmədən, 2020-ci ilin sentyabrında başlayan və 44 gün davam edən vətən müharibəsini və hazırda mütəmadi olaraq, məruz qaldığımız düşmən təxribatlarını xatırlada bilərik. Əslində minlərcə və onlarla şəhid verdiyimiz bu olayları xatırlatmağa gərək yoxdur, çünki, qədirbilən xalqımız özü bütün bunları ürək ağrısı ilə hər gün xatırlayır, eyni hadisələri düşüncələrdə hər gün yaşayır. Elə bu acılar oldu bizi bir daha birləşdirən, daha da güclü edən...
Müharibə gedə-gedə az olmadı öz əlləri ilə çörəklər, xörəklər bişirib cəbhə xəttinə aparan analar, şəxsi büdcəsi ilə avtomobilini ərzaqla doldurub hərbi hissələrə daşıyan atalar, oğullar...
Bir sözlə kimin əlindən nə, necə gəlirdisə, o cür dəstək olurdu. İndi də dəstək olurlar.
Yeri gəlmişkən bu günlərdə "DogruXeber.az"a belə bir maraqlı görüntülər daxil olub.
Gördüyünüz bu görüntülərin hər biri Ermənistanda lentə alınıb.
Baxın!
Görüntülərdə satış mərkəzi, ofis, həyət və evin içi belə yer alır.
Bütün bunları lentə alan "Zero" ləqəbli hakerdir.
Zero Azərbaycanlıdır. O bütün bu görüntüləri öz bacarığı sayəsində əldə edib. Hətta, gördüyünüz kimi erməni evində Azərbaycanımızın himnini belə səsləndirməklə onların acizliyini bir daha özlərinə sübut edib.
Və budur Azərbaycanın himnini evində eşidən qadın təşvişlə gah həyətə, gah küçəyə qaçır. Azərbaycan himninin evinin içindən gəldiyinin fərqində deyil. Erməni qadının bu təşvişi bunu göstərir ki, onlar illərdir ki, içlərində bu qorxu ilə yaşayıblar. Bəlli ki, bir gün Azərbaycan oğullarının onlardan qisas alacaqlarını və geriyə, doğma Azərbaycan torpaqlarına qayıdacaqlarına əmin, eyni zamanda qorxu və həyəcanla gözləyirdilər. Elə himnimizi eşidəndə də yəqin o günün gəlib çatdığını anladı ki, birinci qaçdığı küçə oldu.
Zero ləqəbli Azərbaycan oğlu bununla da mənfur haylara qorxmaqda doğru etdiklərini və qorxduqları günün uzaqda olmadığını diqqətlərinə çatdırmış oldu.
Sözsüz ki, Zero bu qayda ilə lazım olan vacib məlumatları da əldə etmişdir.
Zeronun bu cür yüksək bacarığı ilə əldə etdiyi vacib məlumatlar, onun da haqq mübarizəmizin müsəlləh əsgəri olduğunu sübut edir.
Bəli, ön cəbhələrdə düşmənlə üzbəüz vuruşan milli ordumuzun arxasında bütün xalq bir ordu şəklində dayandığı, Zero kimi Azərbaycan övladlarının əlindən gəldiyi bacarığı ilə düşmənlərə qarşı mübarizəyə qatıldığı üçün bu gün Azərbaycan qalibdir.
Və bu danılmazdır ki, xalq həmişə bir olduqca onu heç bir xarici qüvvə yıxa bilməyəcək.
Tanrı xalqımızı, birliyimizi, bütövlüyümüzü qorusun.
Amin.
SSRİ astronavtı Valeri Polyakov 80 yaşında vəfat edib.
Bu barədə Rusiyanın "Roskosmos” dövlət korporasiyası teleqramda məlumat yayıb.
V.Polyakov kosmosda ən uzun uçuş rekorduna sahibdir. O, 437 gün dalbadal "Mir” beynəlxalq stansiyasında qalıb.
Bu barədə Rusiyanın "Roskosmos” dövlət korporasiyası teleqramda məlumat yayıb.
V.Polyakov kosmosda ən uzun uçuş rekorduna sahibdir. O, 437 gün dalbadal "Mir” beynəlxalq stansiyasında qalıb.
Bu ilin avqust ayında Azərbaycanın mobil rabitə operatorlarının şəbəkələrində giriş internet trafikinin sürəti 30,9 Mbit/s təşkil edib.
Bu göstərici iyul ayı ilə müqayisədə 1% azalıb.
Cari ilin avqustunda ölkənin mobil şəbəkələrində çıxış trafikinin sürəti iyul ayının göstəricisi ilə müqayisədə 3,1% azalaraq 8,92 Mbit/s olub.
Qeyd edək ki, hesabat ayında dünya üzrə mobil trafikinin giriş və çıxış sürəti müvafiq olaraq 30,79 Mbit/s və 8,62 Mbit/s təşkil edib. Avqust ayının nəticələrinə görə, Azərbaycan bu göstərici üzrə 140 ölkə arasında 1 pillə geriləyərək 61-cı yerdə qərarlaşıb.
Mobil internet sürətinə görə liderlərin ilk üçlüyünə Norveç (122,77 Mbit/s), BƏƏ (118,42 Mbit/s) və Qətər (114,28 Mbit/s) daxil olub.
Reytinqə əsasən, bu ilin avqust ayında Azərbaycanda sabit genişzolaqlı internet trafikinin giriş sürəti 22,15 Mbit/s, çıxış sürəti isə 22,89 Mbit/s təşkil edib. İyul ayı ilə müqayisədə giriş sürəti 6,3%, çıxış sürəti isə 3,6% artıb.
Bu ilin avqust ayının nəticələrinə görə, sabit internetin sürəti reytinqində Azərbaycan 182 ölkə arasında iyun ayına nisbətdə 1 pillə geriləyərək 122-ci yerdə qərarlaşıb.
Dünyada ən sürətli sabit interneti olan ilk üç lider ölkə Sinqapur– 219,01 Mbit/s, Çili– 211,43 Mbit/s və Tayland – 188,75 Mbit/s olub.
Bu ilin avqustunda qlobal sabit internetin giriş və çıxış trafikinin orta sürəti isə müvafiq olaraq 69,14 Mbit/s və 29,09 Mbit/s təşkil edib.(apa)
Türkiyənin İstanbul şəhərində “Airtaxi” Dünya Konqresi keçirilib.
Konqresin son günündə İnformasiya Texnologiyaları Vadisində pilotsuz “Airtaxi” nümayiş olunub.
Şaquli şəkildə havaya qalxan avtomobilin nümayişi maraqla izlənilib. Eyni zamanda ərazidə yükdaşımalarında istifadə olunacaq hava taksiləri də sərgilənib.
Türkiyə sənaye və texnologiya naziri Mustafa Varank avtomobillə yaxından tanış olub.
“Gələn il 23 apreldə Qalataportdan Üsküdara sərnişinlə uçuş edə biləcəklərinə inandıqlarını söylədilər. Dostlarımız aprelin 23-nə qədər bunu çatdıra bilsələr, Türkiyədə ilk uçan taksi 23 apreldə boğaz üzərindən uçaraq keçəcək”, - deyə nazir qeyd edib.
