Azərbaycan və Türkiyə silahlı qüvvələrinin keçirdiyi hərbi təlimlərlə bağlı Ermənistanda növbəti “həyəcanverici şousu” başlayıb.

TEREF.AZ axar.az-a istinadən xəbər verir ki, bu dəfə rusiyalı ekspert və iranşünas kimi təqdim edilən erməni əsilli Karine Gevorkyana istinad edilib.

O bildirib ki, bütün Cənubi Qafqaz regionunda hərbi texnika və canlı qüvvənin cəmləşməsi müşahidə edilir – xüsusilə Ermənistan ətrafında:

“Mənim üçün bu, birmənalı olaraq hərbi fəaliyyətin qaçılmazlığına dəlalət edir. O, vaxtaşırı olaraq dayanacaq, müxtəlif intensivlikdə olacaq. Bütün bunların təşəbbüskarları - Türkiyə və Azərbaycan müxtəlif tərəflərin reaksiyasından ehtiyat edir və son dərəcə ağıllı, lakin tədrici addımlar atırlar. Bu tendensiya artıq geridönməzdir, çünki bu miqyasda hərbi texnikanın və canlı qüvvənin hərəkəti elə-belə olmur. Bunun üçün resurs xərclənib, bu o deməkdir ki, Azərbaycan və Türkiyə bu yoldan dönməyəcək”

O iddia edib ki, Türkiyənin Qərb müttəfiqləri Ərdoğanın səylərinin geosiyasi baxımdan konkret olaraq Cənubi Qafqaz regionuna və Qara dəniz hövzəsinə yönəlməsini təmin etmək üçün hər şeyi ediblər.

Gevorkyanın fikrincə, hazırda “əsas çəkindirici amil” İrandır, Bakı və Ankara Tehranın necə reaksiya verəcəyini anlamağa çalışır:

“Tehran da öz növbəsində hiperpraqmatikdir və Ermənistanın təhlükəsizliyini deyil, öz təhlükəsizliyini düşünəcək. İran indiyədək ultimatum formasında “Zəngəzur dəhlizi” deyilən məsələni gündəmdən çıxara bilib. Bu nə qədər davam edəcək? Bilmirəm. Axı İran da bütün perimetri boyu kifayət qədər problemlərlə üzləşir. Bu, uzun sərhədi olan böyük bir ölkədir. İran yanan ocaqlarla əhatə olunub”.

Qeyd edək ki, Azərbaycan və Türkiyə birgə təlimləri artıq başa çatıb.

İsrail hərbi komandanlığı bir neçə gün əvvəl HƏMAS-a qarşı Qəzza ərazisində əməliyyat keçirəcəyini bəyan etsə də, müxtəlif səbəblərdən bunu təxirə salır. Əgər İsrail ordusu Qəzzaya girərsə, gözləmədiyi amansız küçə döyüşləri ilə üzləşəcək və artıq burada texnoloji üstünlük elə də böyük əhəmiyyət daşımayacaq. Hələ üstəlik, unutmayaq ki, HƏMAS Qəzzanın altında hərbi məqsədlər üçün dərin tunellər tikib. Qəzza sektorundakı tunellər HƏMAS-ın ən güclü silahlarından biridir. İsrail hərbçiləri 2014-cü ildə məhdud küçə döyüşlərinə girişdikdən sonra ciddi itkilər verəcəklərini anlayıb geri çəkilmək məcburiyyətində qalmışdılar və buna görə də onlar hələlik gözləmə mövqeyindədilər və yəqin ki, hansısa plan üzərində çalışırlar.

“AzPolitika.info” xəbər verir ki, Çexiyanın “iDNES.cz” internet portalı “Tunellər silah rolunda – “Qəzza metrosu” HƏMAS-ın yeraltı sığınacağıdır” başlıqlı məqaləsində sözügedən məsələyə toxunub.

Həmin məqaləni təqdim edirik: ”Qəzza tikililərlə tıxanmış küçələrdən ibarət labirintdir ki, bu da döyüş baxımından israillilər üçün vahiməli yuxu deməkdir. Digər yandan, hələ Qəzzanın altında tunellər var və deyilənə görə, bu tunellərin uzunluğu 500 kilometrdir.

90 milyon dollarlıq dəliklər

İnternetdə İsrail ordusuna məxsus səhifədə tunellərə həsr olunmuş xeyli təhqiqat məlumatları tapa bilərsiniz. Həmin məlumatlarda deyilir: ”Qəzza yüzlərcə girişi olan böyük yeraltı şəhərdir”. Təsəvvür edin ki, bunlar adi yeraltı dəliklər yox, tikintisinin dəyəri 90 milyon dollardan çox olduğu təxmin edilən “Qəzza altındakı metro”dur.

Amerikanın Vyetnam müharibəsi zamanı məhv edə bilmədiyi tunellər şəbəkəsi Qəzza labirinti ilə müqayisədə kiçik və primitivdir. Qəzzadakı magistral tunellər 20-25 metr dərinlikdə yerləşir. Onların divarı və tavanı betonla və ya beton plitələrlə möhkəmləndirilib. Orada elektrik işıqlandırması və rabitə üçün telefon kabelləri var ki, bu da yer üstündəki mobil əlaqədən fərqli olaraq dinləmədən daha yaxşı qorunur. Məscidlər, çoxmənzilli yaşayış binaları, məktəblər, ticarət mərkəzləri və xəstəxanlar daxil olmaqla bütün tikililərdəki yeraltı girişlər ağıllı şəkildə maskalanıb. Bu girişlərin aşkarlanmsı demək olar ki, mümkünsüzdür. Hətta bəzi girişlər adi toyuq hinlərində də var.

Keçən ilin noyabrında BMT-nin Fələstin qaçıqınlarına yardım agentliyi fəaliyyət göstərdiyi məktəbin altında tunel aşkarlamışdı. ”Washington Post” qəzeti də “Əl-Vəfa” xəstəxanasının altında tunellərin aşkar edilməsi barədə yazmışdı. Qəzzanın İsrail ordusu ilə döyüşməli olacağı asimmetrik müharibədə tunellər HƏMAS-a böyük üstünlüklər verəcək. 2014-cü ildə İsrail əsgərlərinin Qəzzaya məhdud müdaxiləsi zamanı HƏMAS silahlıları yer altına girərək arxadan onlara atəş açmışdılar.

Küçə müharibəsi zamanı döyüşən qüvvələr kiçik dəstələrlə fəaliyyət göstərir və burada hər şey sürətdən, manevr qabiliyyətindən və gözlənilməz məqamlardan asılı olur. Belədə təbii ki, yerin altına nəzarət böyük üstünlük verir. Həm də ki, bu üstünlük ikiqat artır, yuxarıdakı düşmən daha ləng hərəkət edir, çünki o, bəzən buldozerlə təmizlənməli olan xarabalıqların üstündən keçməyə məcbur qalır.

Tunellər silahları çox tez ötürməyə, döyüşləri koordinasiya edən komandirləri təhlükəsiz sığınacağa çəkməyə və hər hansı problem yarandığı təqdirdə gizlənməyə imkan yaradır. İndi bu tunelləri bombalamağa çalışın... Vyetnamdakı yeraltı tunellər hətta Amerikanın “B-52” superbombardmançı təyyarəsinin zərbələrinə tab gətirmişdi. İsrail Milli Təhqiqat İnstitutunun materiallarının birində yazılıb ki, HƏMAS -ın yeraltı tunelləri İsrailin texnoloji üstünlüyünü böyük ölçüdə neytrallaşdırır.

1943-cü ildə Varşavada yəhudi gettosunda yer altına çəkilənlər alman əsgərlərinə qarşı bir ay ərzində özlərini yalnız tapança və molotov kokteyli ilə müdafiə etmişdilər. Hərçənd ki, SS əsgərləri zəhərli qazlardan və alovpüskürən silahlardan istifadə edirdilər. Hardasa buna oxşar vəziyyət bir ildən sonra Varşava üsyanı zamanı da baş vermişdi. Belə ki, üsyanı yatırmağa çalışan almanlar tədricən bütün küçələrə nəzarti ələ keçirsələr də, üsyançılar yeraltı qazmalarda gizlənmişdilər.

On ildən çoxdur ki, israillilər bu tunellərin məkrliliyinə əmin olurlar. HƏMAS İsrail ərazisinə çıxmaq üçün Qəzza sektorunun sərhədi altından tunellər qazıb. Vaxtilə həmin yerlərdən çıxan ərəb silahlı dəstələri İsrail hərbi patruluna arxadan hücum edərək məhbusları qaçırmışdılar. Hazırda bu tunellər möhkəmləndirilmiş yeraltı istehkamlara çevriliblər.

Qaçaqmalçılar tunel vasitəsilə şir də daşıyıblar...


Qəzzalılar öncə qaçaqmalçılıq məqsədilə Misirlə aralarındakı sərhəddə tunellər tikiblər. Həmin tunellərdən mümkün olan hər şey daşıyırdılar və biznes çiçəklənirdi. Beləliklə, “tunel baronları” kastası meydana çıxmışdı. Hətta o zaman qaçaqmalçılıqla həmin tunellərdən uyuşdurucu iynələr vurulmuş heyvanlar da keçirirmişlər. Deyilənə görə, yuxuya verilmiş bir şir ayılaraq qaçaqmalçılardan birini parçalayıbmış. Bu tunellərin hansı imkanlar verdiyini görməmək üçün gərək HƏMAS üzvləri kor olaydılar. Tuneldən istifadə edilərək vurulan ilk zərbə 2001-ci ilin sentyabrında İsrail ordusunun müşahidə məntəqəsinin altında qazılmış yerdə iki bombanın partladılmasıyla baş vermişdi.

İsrail ərazisində, hasarın altında bu cür “partlayıcı” tunellər çox olub, amma müdafiə tunelləri daha böyük əhəmiyyət kəsb edir və bunlar Qəzzanı alt-üst iki yaruslu qalaya çevirir. İsrail ordusunun hesablamasına görə, tunellərin tikintisinə 600 min ton beton sərf edilib.

Bilindiyi kimi, Yaxın Şərqdə çox qəribə şeylər baş verir, fələstinlilərə sementi, taxtanı, poladı, çınqılı və tunelin tikilməsi üçün lazım olan alətləri və texnikanı İsrailin özü verib. İsrail Qəzzanı su və elektrik daxil olmaqla demək olar ki, hər şeylə təchiz edib.

İsraillilər Qəzzadakı tikinti materiallarının evlərin inşası üçün deyil, tunel tikintisində istifadə olunduğunu öyrənəndən sonra tədarükü bir neçə dəfə dayandırsalar da, sonradan tikinti materiallarını yenidən verməyə başladılar. Çünki əksəriyyət İsraili qeyri-insani əməllərdə ittiham edirdi.

“Dəmir kürək” fəaliyyətdədir

Tunellər həm də İsrailin özünə baha başa gəlib. Belə ki, israillilər Qəzzanı çevrələyən hasarın altından çəkilən tunelin qarşısını almaq üçün oranı qazaraq, polad lövhələr bərkidiblər. Dəmir divar adlandırılan bu əngəlləyici tikilinin inşası milyard dollara başa gəlib. Əlavə olaraq, yeraltı işlərin səsini eşitmək üçün dinləmə qurğuları da quraşdırıblar və onu “Dəmir kürək” adlandırıblar. Buna isə yüz miliyon dollar sərf olunub.

Bundan başqa, İsrail əsgərləri Petah Tikva şəhəri yaxınlığındakı təlim mərkəzində HƏMAS tunellərinin maketləri üzərində və virtual reallıqdan istifadə etməklə yeraltı döyüş öyrənirlər. Onların virtual reallıqdan necə istifadə etmələri barədə az şey məlumdur, lakin deyilənə görə, orada robotlardan istifadə olunur. Robot düşməni, girişləri tapmalı və lazımi mövqelərə partlayıcı yerləşdirməlidir. Bəli, hər şey çox gözəl səslənir, lakin ərazi yalnız piyadanın ayağı dəyəndə zəbt olunmuş sayılır. Ona görə də, ümumi yekunda israillilərin vəziyyəti heç də Vyetnam müharibəsi zamanı Amerika ordusunun “tunel siçovulları”nın vəziyətindən yaxşı olmayacaq. Yeganə fərq ondan ibarətdir ki, Vyetnam tunellərinin sayı Qəzzada olanlardan iki dəfə az idi”.

“Bild” yazır ki, “Roskosmos”un keçmiş rəhbəri Dmitri Roqozinin başçılıq etdiyi bir qrup yüksək vəzifəli rusiyalı məmur və alim Ukraynaya dəyişdirilmiş kosmik raketlə zərbə endirmək planı hazırlayır. Xüsusilə, nəşr Roqozinin "Tərəqqi" Raket və Kosmik Mərkəzinin baş direktoru Dmitri Baranov ilə söhbətlərinin səs yazısını dərc edib. Səs yazısında digər məsələlərlə yanaşı, raket hissələrinin Rusiya ərazisinə mümkün düşməsi ilə bağlı riskləri müzakirə edilib. Səhv zərbənin 50 ilə 100 kilometr arasında dəyişə biləcəyi faktı hesablanır.

Plana görə mülki kosmik raketi orbitə buraxıldıqdan sonra raket orbitə çıxmasın, ancaq Ukraynanın böyük şəhərinin üzərinə düşsün. Nəzəri cəhətdən məsələn, Kiyevdə partlayış törətmək olar. Və ya başqa bir böyük şəhərdə böyük partlayış törətmək mümkündür. Lakin böyük şəhərdə belə silahların istifadəsi praktiki deyil.

Belə bombalar Qəzzada HƏMAS-ın yeraltı rabitəsini məhv etmək üçün istifadə edilə bilər. Əgər ruslar HƏMAS-ın kommunikasiyalarını məhv etmək üçün Qəzza zolağına belə bir raket atsalar, bu, ən azı ağlabatan hərbi əməliyyat olardı. Amma açıq sahədən hansısa şəhərə atəş açmaq... nəzəri olaraq bunu bir dəfə etmək olar. Sonra ərazi və raket təxribat qrupu tərəfindən məhv ediləcək.

Belə bir raketin tərkibində deyək ki, yeddi ton partlayıcı ola bilər. Beləliklə, təsir məsələn, bir tonluq beş bomba ilə eyni olacaq. Bu cür bombaların çoxu, xüsusən də Mariupola atıldı. Yəni gücü “İskəndər”in partlayıcı gücündən bir neçə dəfə çox olan adi bir partlayış baş verəcək.

Daha bir məsələ: bu raketi vurmaq olar. Yeganə məsələ odur ki, bunu vurmaq “İskəndər”lə müqayisədə daha çətindir, çünki sürət daha yüksək ola bilər.

Alman mətbuatının belə rus ideyalarından yazması o deməkdir ki, Rusiya ən sərsəm planlarını mediaya sızdıraraq informasiya sahəsində “xüsusi əməliyyatları”nı davam etdirir. Bu planları sızdırmaqla birincisi, Rusiya Federasiyasından gələn təhlükəyə diqqəti cəlb edir, ikincisi, bəlkə də bu cür fikirləri ifadə edən siyasətçiləri, xüsusən də Roqozini nüfuzdan salır. Ola bilsin ki, Roqozin sadəcə olaraq Rusiya Federasiyasındakı turbulentliyin artması səbəbindən başlayacaq güclərin gələcək bölgüsündən kənarlaşdırılır.

Müəllif: Aleksey İzak - Ukrayna Milli Strateji Araşdırmalar İnstitutunun şöbə müdiri
Mənbə: UNİAN
Tərcümə AYNA-ya məxsusdur

Oktyabrın 7-dən Qəzzanı tam blokada və bombardman altında saxlayan İsrail bir müddətdir quru əməliyyatına hazırlaşır.

Mia.az xarici mətbuata istinadla xəbər verir ki, bu barədə İsrailin baş naziri Netanyahu xalqa müraciət edib.

Baş nazir müraciətdə bildirib ki, gecikməyə baxmayaraq, Qəzzada həlledici əməliyyat olacaq.

Əməliyyatın tarixinin qərargah rəislərinin konsensusu ilə müəyyən edildiyini açıqlayan Netanyahunun sözlərinə görə, əməliyyatın nə vaxt və necə keçiriləcəyinin tarixini indidən söyləyə bilməz: “Biz qurudan hücuma hazırlaşırıq. Nə vaxt, necə və həmçinin neçə günlük planlandığı barədə təfərrüatları deməyəcəyəm. Bu, belə də olmalıdır. Çünki, bu, həm də əsgərlərimizin həyatını qorumağın yoludur”.

Hazırda İsrailin varlıq mübarizəsi içərisində olduqlarını bildirən Netanyahu deyib ki, hədəfləri HƏMAS-ı məhv etmək və girovları geri almaqdır: "Bilin ki, bütün HƏMAS üzvləri “gəzən ölülər”dir".

Amerika mətbuatına istinadla dünyanın nüfuzlu mediası isə yazır ki, İsrailin quru əməliyyatını gözləməsini ABŞ istəyib.

Məlumata görə, ABŞ bölgədə olan hərbçilərinin həyatlarına təhlükə olduğunu və onları qorumaq üçün lazım olan hərbi texnikanı bölgəyə daşımaq üçün İsraildən gözləməyi tələb edib: "ABŞ bölgədəki əsgərlərinə qarşı təhdidlərindən çox böyük narahatdır. İsrailin Qəzza zolağına qarşı başlayacağı quru əməliyyatının isə ABŞ əsgərlərinin hədəfə alınmasına səbəb olacağına şübhə olunmur. Ona görə, ABŞ bölgəyə - İraq, Küveyt, İordaniya, Qətər, Səudiyyə Ərəbistanı və Birləşmiş Ərəb Əmirliklərinə (BƏƏ) təxminən 11 hava hücumundan müdafiə sistemi yerləşdirməyə tələsir. Bu proses bitəndən sonra isə İsrailə quru əməliyyata başlamaq üçün yaşıl işıq yandırılacaq".

Azad İstehlakçılar Birliyinin sədri Eyyub Hüseynov Bakupost.az -a geniş videomüsahibə verib.
İstehlakçı hüquqlarının pozulması haqqında danışan Birlik sədri bir sıra dövlət qurumlarının, eləcə də özəl şirkətlərin ünvanına sərt ittihamlar səsləndirib. Onun sözlərinə görə, xüsusən də mobil telefonlar və məişət texnikasının satışı ilə məşğul olan şirkətlər - Kontakt Home, Baku Electronics və s. istehlakçıların hüquqlarını kobud şəkildə pozularlar:
"Bir müddət istehlakçılara satılan telefon və məişət texnikalarının keyfiyyəti ilə bağlı problemlər olurdu. Azad İstehlakçılar Birliyi uzun müddət bu istiqamətdə mübarizə apardı və problem aradan qalxdı. İndi isə Kontakt Home istehlakçı hüquqlarının pozulması sahəsində yeni "trend" yaradıb. Onun alıcıları aldatmaq, onlara kələk gəlmək praktikasının artıq telefon və məişət texnikasının satışı ilə məşğul olan digər şirkətlər də tətbiq etməyə başlayıblar. Kontakt Home hətta “Şeş qoşa” oyunu vasitəsilə də müştərilərini aldadır, bununla bağlı bizə konkret müraciət daxil olub".
Qida təhlükəsizliyi sahəsində problemlərə toxunun E.Hüseynov bu sahədə də vəziyyətin acınacaqlı olduğunu qeyd edib və Qida Təhlükəsziliyi Agentliyi, eləcə də Antiinhisar və İstehlak Bazarına Nəzarət Dövlət Xidmətinin fəaliyyətini tənqid edib. Onun sözlərinə görə, təəssüf ki, bu dövlət qurumları fəaliyyətlərində istehlakçıların deyil, monopolistlərin maraqlarını üstün tuturlar.
E.Hüseynov bildirib ki, bu sahədə rəhbər vəzifədə çalışanların öz bizneslərinin olması da istehlakçı hüquqlarının kobud şəkildə pozulmasında ciddi rol oynayır.
Müsahibədə həmçinin bank sektorundakı xaos, iri marketlərin sahibkarlara ciddi təzyiqlər göstərməsi, iş adamlarını sıxışdırması, həmçinin müştəriləri aldatmaq üçün müxtəlif yollara əl atmasından bəhs olunur. Bir sözlə, elektrotexnika şirkətləri, dərman biznesi ilə məşğul olanlar, banklar müştərilərini necə aldadır, dövlət qurumları bu prosesdə necə iştirak edir və s. məsələlərlə bağlı maraqlı açıqlamaların olduğu müsahibəni bu videodan izləyə bilərsiniz:

Ukrayna Müdafiə Nazirliyinin Baş Kəşfiyyat İdarəsinin nümayəndəsi Andrey Yusov bildirib ki, rus işğalçılarının cəbhənin müxtəlif bölmələrində ayrı-ayrı əməliyyatlar keçirmək üçün kifayət qədər qüvvəsi var. Belə ki, Hazırda Ukraynanın işğal olunmuş ərazilərində 400 mindən çox Rusiya hərbi qulluqçusu var.

“Əlbəttə, bu, kifayət qədər böyük şəxsi heyətdir, bir çox cəhətdən müasir ordu adlandırıla bilməyən bir ordu ilə məşğul olmağımıza baxmayaraq, çoxlu sayda silah, xüsusən də zirehli texnika və aviasiya var. Bütün bunlar istifadə olunur. Ona görə də düşmən, əlbəttə ki, təhlükəli olaraq qalır”, - Baş Kəşfiyyat İdarəsinin nümayəndəsi “Kiyev 24” telekanalının efirində deyib.

Bundan əlavə, Rusiya səfərbərlik fəaliyyətini davam etdirir. Yusov vurğulayıb ki, onlar yay boyu dayanmayıblar.

"Ona görə də düşmənin ukraynalıların qabağa getməsini və onları nokauta salmasını gözləyəcəyini düşünmək, yəqin ki, bizim tərəfimizdən yanlış olardı. Heç kim belə düşünmürdü də. 2022—ci ilin fevralındakı ssenarinin təkrarlanmasından söhbət gedə bilməz. Ayrı-ayrı istiqamətlərdə düşmən hücum əməliyyatları keçirməyə çalışmağa davam edəcək”.

Çin Fələstin-İsrail münaqişəsinin daha da genişlənməsi riski səbəbindən Yaxın Şərqə altı hərbi gəmi göndərib.

Məlumata görə, əməliyyat qrupuna freqat və inteqrasiya olunmuş təchizat gəmisi də daxildir.

Bundan əvvəl Çin hökumətinin Yaxın Şərq üzrə xüsusi nümayəndəsi Çjay Çjun bildirmişdi ki, Pekin regionda vəziyyətin deeskalasiyasına kömək etmək üçün Rusiya ilə birgə işi dəstəkləməyə hazırdır.
Mənbə: aif.ru

"Patrul xidməti" qərarı ilə ruslar özlərinin vəziyyətini daha da pisləşdirirlər

Rusiya Prezidenti Vladimir Putin bildirib ki, Rusiya Federasiyası X47 M2 “Xəncər” hipersəs raketlərini daşıyan MiQ-31K təyyarələrini Qara dəniz üzərində hava məkanında patrul xidməti üçün istifadəyə verməyi planlaşdırır. Xatırladım ki, MiQ-31K eyni tipli təyyarədir ki, Ukrayna səmasında mütəmadi uçuş edirik və dərhal hava hücumu siqnalı verilir. Ona görə də, bu məsələdə Kiyev üçün heç nə dəyişməyəcək.

Təhdid baxımından heç nə dəyişməyəcək, çünki X47 M2 “Xəncər” raketi minlərlə kilometr uça bilir. Ona görə də Xəzər dənizinin üstündən atsınlar, ya Qara dənizin üstündən, ya Belarusun üstündən, ya Voronej bölgəsindən (və bu Voronejə düşəcək), fərqi yoxdur. Təhlükə eynidir və hava hücumu xəbərdarlığı həmişə səslənəcək.

Rusların bu təyyarələrin marşrutunu dəyişməsi Ukrayna əhalisinə müstəsna olaraq mənəvi-psixoloji təzyiqdir. “Xəncər” raketləri azdır. Ona görə də hər dəfə təyyarələri qaldıranda onlardan istifadə etməyəcəklər. Bununla belə, burada başqa bir məqam da var. Bu güman edilən patrul Rusiya təyyarələrinin resursunu tükəndirəcək. Çünki MiQ-31, birincisi, Rusiyada otuz ildən çox istehsal olunmayan bir təyyarədir. Sahib olduqları bütün donanma daimi texniki qulluq və təmir altında saxlanılır.

Yeri gəlmişkən, hər MiQ-31 “Xəncər” daşımır. Onlar modifikasiyadan keçir. Səhv etmirəmsə, rusların “Xəncər”ləri daşıyan MiQ-31 donanmasının iki eskadronu var və bu təyyarələrin bəziləri artıq bu gün təmir olunur. Çünki onlar Ukraynada hava hücumu xəbərdarlığını işə salmaq üçün hər gün Belarusda “tamaşa” düzənləyəndə, stansiyaların resursu tükənmişdi. Onlardan bəziləri yüksəliş nümayiş etdirməyə başladılar. Ona görə də, bu "patrul xidməti" qərarı ilə ruslar özlərinin vəziyyətini daha da pisləşdirirlər.

Rusların əlində hələ də “Xəncər” daşımaq üçün dəyişdirilə bilən MiQ-31-lər var. Lakin onlar MiQ-31-lərin istehsalını sıfırdan bərpa edə bilməyəcəklər. Bu təyyarələrə Sovet İttifaqının digər ölkələrində istehsal olunan bəzi hissələr daxildir. Və onların indi istehsal xətləri yoxdur. Nəhayət, T-80 tanklarının istehsalını bərpa edə bilmirlər, amma burada MiQ-31 kimi avadanlıqlar var. Ona görə də bu onlar üçün böyük problemdir.

Müəllif: Aleksandr Kovalenko – Ukrayna İnformasiya Müqaviməti qrupunun hərbi-siyasi müşahidəçisi.

Mənbə: UNİAN

Tərcümə AYNA-ya məxsusdur.