Mahir Abbasov, Alimpaşa Məmmədovun Şəmkir rayonunda yaradilmış Azfarel MMC şirkətinin layihə rəhbəri, qurucusu, icraçı direktoru və şirkətin 30/100-na şərik olmuş, Alimpaşa Məmmədovun oyununa tuş gəlmiş sahibkardir. Mahir Abbasov 2016-cı ildə öz təsərrüfatlarını, obyektlərini sataraq Alimpaşa Məmmədovla birgə biznes quraraq, şərik olmuşdular. Daha sonra Şəmkir rayonunun keçmiş icra başçısı Alimpaşa Məmmədov şirkətin fəaliyyətinin genişlənməsini, böyük pullar qazandığımızı görən kimi, oğlu Adil Adilzadəni gətirərək mənim köməkçim kimi təqdim etmişdir. Daha sonra pulların çox qazanıldığı bir zamanda Alimpaşa Məmmədov mənə verdiyi heçbir sözün üzərində durmadı. Bunu müxbirimizlə söhbət zamanı Alimpaşa Məmmədovun şəriki Mahir Abbasov söyləyib.
Söhbət zamanı Mahir Abbasov onu da bildirdi ki, indi həmin Azfarel MMC şirkətinə çəkdiyim xərcləri və şərikliyimi tələb etdiyimdə mənə hədə qorxu gəlirlər. Mənə aid olmuş konserva zavodu, 50 ədəd üzən qəfəs, 30 ədəd inqibator aparatı, 1 ədəd buz aparatı,100 ədəd plastik hovuz, 2 ədəd avtomobili və mənə dəymiş 1 milyon 385 min manat pulu tələb edirəm. Alimpaşa Məmmədovun oğlu Adil Adilzadə Azfarel MMC şirkətində vergidən 4 milyon manatdan çox pulların gizlənilməsinin düzgün olmadığını dediyim anda mənə qarşı çıxmış, aramızda mübahisə yaranmışdır.
Azfarel MMC-nin yaradıldığı ərazi, Alimpaşa Məmmədov tərəfindən mənim xəbərim olmadan hərraca çıxarılaraq, 40 azn qiymətinə saxtalıqla satıldığının xəbərini tutdum. Mənim heç bir xəbərim olmadan alınıb satıldığının şahidi oldum. Əlavə Azfarel MMC şirkətində oğlu Adil Adilzadə tərəfindən yüzlərlə saxtalaşdırılmanın şahidi olmuşam və dəfələrlə yuxarı instansiyalara yazılı şikayətlər göndərmişəm.
Heç bir haqqım ödənilmədən, Azfarel MMC şirkətini 4 il əmək sərf edərək qurmuşam, 2 il isə Kür qəsəbəsində 40 ha suyun üzərində üzən qəfəslər qurmuşam və komanda olaraq əmək sərf etmişik. 500 min manat ödəniləcək məbləğ isə oğlu Adil Adilzadə tərəfindən istismar olunmuşdur. Mənə çatacaq vəsaitin ödənilməsi üçün Adil Adilzadə get “Atamdan al”, atasından istədiyim zaman “Ödəyəcəyik” kimi sözlərlə bizi yola verib aldatmışdır. Həmin vəsaiti tələb edirəm.
Alimpaşa Məmmədov 50 min manat dəyərində borcunun yerinə mənə bağışladığı Mercedes markalı avtomobili oğlu Adil Adilzadə 3 il sonra xəbərim olmadan etibarnaməni ləğv edərək, mənimlə prinsip aparmışdır. Alimpaşa Məmmədovun oğlu mənimlə prinsip apararaq maşınımı, bütün var-dövlətimi, şərikliyimi, uzun illərdir qazandığım 1 milyon 385 min manat pulumu dələduzluq edərək, vermirlər. Hər zaman da bildirir ki, atam çıxdıqdan sonra “özü ilə danışarsan”.
Biz bir jurnalist araşdırması apararaq, Mahir Abbasovun dilindən çıxan bütün kəlmələri olduğu kimi dərc edirik. Amma dələduzluqda ittiham olunan Şəmkirin keçmiş icra başçısı Alimpaşa Məmmədovun oğlu Adil Adilzadə payçının payını vermir. Ancaq onu şəriklikdən uzaqlaşdıra bilir.
Növbəti sayımızda Alimpaşa Məmmədov, oğlu Adil Adilzadə və qazanılan milyonlar yazısı dərc olunacaq. Bizi izləyin.
gundelik baki.com