Lerikdə dağ başında DAĞ BOYDA problemlər - Şəhidin qanpulusu da abadlığa xərclənir...
“Ötən il küləyin vurub yerə saldığı elektrik naqillərinə ilişən qoyunlarımızı cərəyan vurub öldürdü. Uşaqlar məktəbə gedib-gələndə bəzən elektrik naqillərinin üzərindən hoppanıb keçirlər. Bizim həyətə dönən yolda da tez-tez naqillər qırılıb yerə düşür, qaranlıqda görmək mümkün olmur”.

Lerikin Soru kənd sakinləri Meydan TV-yə kəndi ağuşuna almış sosial problemlərdən danışıblar. Onların iddiasına görə, uzun illərdir ki, kənddəki işıq, yol, su kənddəki enerji paylayıcısı çoxdan ömrünü başa vursa da, təzəsiylə əvəz olunmur. Nəticədə, sakinlər kənd içində canlarını dişlərinə tutub gəzirlər.

b_400_300_16777215_00_https___teref.az_uploads_posts_2022-10_1665724005_3.jpg
“Elektrik naqilləri yerlə sürünür”

Kənd sakini Şərif Nəsirli danışır:

“Transformator köhnədir, tez-tez partlayır, azca külək əsən kimi işıq dirəkləri çökür, çürük naqillər qırılıb yerə düşür. Yağışlı günlərdə bu, insan həyatı üçün daha təhlükəli olur. Yer yaş olduğundan naqillərin düşdüyü ərazinin yaxınlığından keçənləri cərəyan vurur”.

Sakin deyir, külək işıq dirəklərini aşıranda aidiyyəti qurumların işçiləri çağırışa gəlmədiklərinə görə özləri qaldırıb yerinə bərkidir, naqilləri də dirəklərə sarıyırlar:

“Axşam qırılır, düşür yerə, qaranlıqda telefonun fənərini tutub gəzirik, qorxuruq ki, tapdalayarıq, cərəyan vurar. Ən çox da uşaqlar üçün qorxuruq. Qaş qaralanda küçəyə buraxmırıq”.
b_400_300_16777215_00_https___teref.az_uploads_posts_2022-10_1665724004_2.jpg
Təzə məktəbə köhnə yollarla…

Kəndiçi yollar da palçıqlıdır. Sakinlər pul toplayıb yolu təmir ediblər, ancaq bu işlər də yarımçıq qalıb:

“Şəhid ailəsinə verilən qanpulu da yolun təmirinə getdi. Ancaq dövlət özü bu işlə məşğul olmasa, kasıb kəndlinin qaldıracağı yük deyil bu… Hər gün uşaqlarımız bu yollarla məktəbə gedib-gəlməli olurlar”.

Məktəb demişkən, Soruda heç əməlli-başlı məktəb də yoxdur. Azyaşlılar köhnə, soyuq sinif otaqlarında təhsil alır.

Soruda qaz, su problemi də mövcuddur. Əsasən də yay aylarında kəndlilər nə suvarma, nə də içməli su tapırlar. Bir sözlə, 1500-dən çox əhalisi olan kənd problemlərin məngənəsində sıxılır.

b_400_300_16777215_00_https___teref.az_uploads_posts_2022-10_1665724002_1.jpg
Şərif Nəsirli. Foto: Meydan TV

Lerik Rayon İcra Hakimiyyətindən Meydan TV-yə bildirilib ki, oktyabrın əvvəli icra hakimiyyətinin başçısı Əkbər Abbasov Soru kəndində növbəti dəfə səyyar görüş keçirib, kəndlilərin problemlərini dinləyib, bu problemlərin həlli üçün aidiyyəti qurumlara müraciət olunub.

“Azərişıq” ASC-dən isə bildirilib ki, kəndin işıq problemiylə bağlı məlumatları var və problemləri yerində daha ətraflı öyrənmək üçün bir neçə günə kəndə nümayəndələr göndəriləcək.

Meydan TV
 
 
 

Bölmənin digər xəbərləri

31 Yanvar 2025 Suraxanı sakinini təhdid edənlər kimlərdir? - VİDEO
31 Yanvar 2025 FHN 205 minlik tenderi simsar şirkətə verdi: - “Qafqaznet” kimə məxsusdur?
31 Yanvar 2025 Naxçıvanda gizli hüquqi islahatlara start verildi: Hədəf isə... - referenduma getmədən muxtar səlahiyyətləri ləğv etməkdir...
31 Yanvar 2025 Nəsimi rayon sakinlərindən Leyla Əliyevaya müraciət: "Məhəlləmizi xarabalığa döndərirlər, bizə kömək edin" (VİDEO)
31 Yanvar 2025 Rəis oğlunu mühəndis, baldızı oğlunu müavini təyin etməsinə belə cavab verdi: "Məgər ölkəmizdə eyni ailə üzvlərinin bir təşkilatda işləməsinə dair nümunələr yoxdur?"
31 Yanvar 2025 Barat Yusubovun bazara çevirdiyi Yeni Klinika... - vətəndaş süründürməçiliyi ifşa etdi
30 Yanvar 2025 Namiq Hümmətov-Ramin Abdullayev cütlüyü Qarabağda milyonları necə talayıb? - İLGİNC İDDİALAR
30 Yanvar 2025 Texniki Universitetdə BAZAR QAYDALARI... - Əgər rektor özünü "bazarkom" bilirsə...
29 Yanvar 2025 Həbibullayevdən TİKİNTİ XAOSU - Bakının "ANASI BELƏ AĞLAR QALIR"...
29 Yanvar 2025 “Medilife” klinikası 37 yaşlı kişini necə öldürüb? - Xanımı danışdı
29 Yanvar 2025 Biləsuvar Suvarma Sistemləri İdarəsində “ailə“podratı - Rəis 4 ayda oğlunun vəzifəsini 3 dəfə dəyişib
29 Yanvar 2025 Xəstə yaxını UYARDI: Özünüzü bu həkimdən QORUYUN! - İTTİHAM VAR! /YENİLƏNİB
29 Yanvar 2025 Mürsəl İbrahimov yəqin ki bunları bilmir... - İLGİNC İDDİALAR
29 Yanvar 2025 Gəncənin yolları NİYƏ `BURMA-BURMADIR`? - ARAŞDIRMA
28 Yanvar 2025 48 saylı notariat ofisinin Xüsusi notariusu Bakı şəhərinin müxtəlif ünvanlarında sənədləri necə təsdiqləyir? – Səadət Hüseynovun “məsuliyyətə cəlb olunma müddəti ötmüş” cinayət əməlləri
28 Yanvar 2025 Nazirliyin əməkdaşlarına telefon çırpan xanım həkimdən ŞOK şikayətlər və “yuxarılara çatan göstəriş” - FOTOFAKT
28 Yanvar 2025 Tehran Babatovun kadrı Nuh deyir, peyğəmbər demir... - BU NƏDİ BELƏ?..
28 Yanvar 2025 Ölüm poliqonuna çevrilən “Mərcan” klinikası... KİMİNDİR?
27 Yanvar 2025 Stomatoloq Anar Ağayev pasiyentdən 5500 manat pul aldı - "Qızıllarımın pulunu da qaytarmır…"
27 Yanvar 2025 SOCAR qonşusunu ölümcül döyən Təhmas Rüstəmovla bağlı niyə susur? - AUDİT RƏİSİNİN GİZLİNLƏRİ

Dünyapress TV

Xəbər lenti