 |
|
|
Xatırladaq ki, bu yaxınlarda “ABŞERON-XIZI REGİONAL TƏHSİL İDARƏSİNDƏ TÖRƏDİLƏN QANUNSUZLUQLAR” başlıqlı məqalə dərc etmişdik. Məqalə redaksiyamıza müraciət etmiş Sumqayıt şəhər sakini, Silahlı Qüvvələrin istefada olan zabiti Rzayev Vidadi Əsədulla oğlunun Abşeron-Xızı Regional Təhsil İdarəsinin tayfabazlıq prinsipi ilə idarə olunmasından, ciddi korrupsiya faktlarından və s. bəhs olununan yazısı əsasında hazırlanmışdı.. Məqalədə bir sıra qanunsuzluqlardan və rüşvətxorluqdan bəhs edilmişdi. Eyni zamanda qeyd edilmişdi ki, Abşeron-Xızı Regional Təhsil idarəsin müdiri İlhamə Abdullayeva, Bakı şəhərindəki məktəblərdə direktor vəzifəsində çalışan yaxın qohumları Arifə Balakişiyevanı Xırdalan şəhəri 1 saylı orta məktəbə, Gülnaz Kərimovanı Xırdalan şəhəri 2 saylı orta məktəbə direktor vəzifəsinə yerdsəyişmə edib. Sevinc Allahverdiyevanı (Arifə Balakişiyevanın doğma bacısı) da Sumqayıt şəhəri 36 saylı orta məktəbə direktor əvəzi təyin edibdi. Qeyd edək ki, Sevinc xanımın Nicat adlı oğlunu da İlhamə xanım “öz idarəsində” təsərrüfat müdiri, yəni Abşeron rayonu üzrə TİQ-in rəisi vəzifəsinə təyin etmişdir. Üstəlik, bu, həmin Sevinc xanımdır ki, 2021-ci ildə barəsində dələduzluq maddəsilə cinayət işi açılmış Mehdiabad qəsəbəsi 5 nömrəli tam orta məktəbin direktoru Samirə Əkbərovanın müavini (və deyilənlərə görə “sağ əli”, yəni cinayət ortağı) olub və onu da, yoxlama zamanı, Samirə xanım tərəfindən direktor müavini vəzifəsinə qanunsuz gətirildiyi aşkar olunduğu üçün, Təhsil Nazirliyinin göstərişi ilə, həmin vəzifədən kənarlaşdırıblar, amma görünür humanizm prinsipləri ilə, cəmi 6 saat dərs verilməklə, müəllim kimi məktəbdə saxlayıblar. Və İlhamə xanımda hünərə, cəsarətə baxın ki, qeyri-qanuni şəkildə işə götürüldüyü rəsmən təsdiqlənmiş, heç bir müvafiq imtahandan, yoxlamadan keçməmiş bu xanımı, kənardan gətirib, 36 saylı məktəbə direktor əvəzi təyin edir; məgər o məktəbin özündə direktor müavini yox idi, yaxud bu işə Sumqayıtda daha layiqli olan bir müəllim tapılmırdı?! ) Ümumiyyətlə, niyə İlhamə xanım bu vəzifələrə məhz özünün yaxın qohumlarını gətirməlidir, bu, idarəçilikdə tayfabazlığın bəsit bir təzahürü deyilmi və geniş bir korrupsiya şəbəkəsi qurmağa yol açmırmı?
İlhamə xanımın Abşeron rayonundakı kadrları da heç onlardan geri qalmır. Elə götürək Hüseyn Axundov adına Qobu 3№li tam orta məktəbin direktoru Xuraman Behbudovanın qanunsuz əməllərini… Sosial şəbəkələrdə bu məktəbdə 8 Martla əlaqəli müəllimələrin və hər sinifdən seçilmiş valideyin komitələrinin israrı ilə hər şagirddən müəyyən məbləğdə pul tələb olunması haqda məlumatlara rast gəldik. Bundan əlavə aktualxeber.az-a müraciət edən valideynlərin dediyinə görə həmin məktəbdə elə şagirdlər var ki, onların üzünü heç zaman sinif yoldaşları görməyiblər. Bu şagirdlər Xuraman xanımın pul alıb təhsildən yayındırdığı repititor yanına gedən və şəhər məktəblərində oxuyanlardır. Deyilənə görə direktor bu məqsədlə həmin şagirdlərin valideynlərindən 1000-1500 manat rüşvət almışdır. Bundan əlavə texniki işçiləri də rüşvətlə işə qəbul edən X.Behbudova DOST mərkəzlərini də özünə ortaq etmişdir. Belə ki, o arxasında daim əmisi oğlu, adı daim müxtəlif korrupsiya olaylarında hallanan Sosial Xidmətlər Agentliyinin sədri Vüqar Behbudovun durduğunu deyir. Qohumuna arxalanaraq təhsil ocağını korrupsiya yuvasına çevirən X.Behbudova yığdığı çirkli pulları Qobu qəsəbəsində sələmə verməklə də ad çıxarıbdı. Ümidvarıq ki, tezliklə əlaqədar orqanlar bu məktəb direktoru barədə lazımi ölçü götürəcəkdir.
Mövzuya qayıdacağıq və yazıda adları keçən şəxsləri də dinləməyə hazırıq. //aktualxeber.az//
"Sizə təkrarən müraciət edənlər 1 ay bundan əvvəl müraciət etmiş olan Moskva Ticarət Mərkəzinin ticarətçiləri , Səhmdarları və demək olar ki, bütün işçiləriydik.
Müraciətimizin əsas məqsədini izah edib xahiş etmişdik ki, bütün baş verən qanun və hüquq pozuntuları ilə əlaqədar Aidiyyatı qrumlara müraciət edib baş verən bütün pozuntuları onlarla birgə araşdırıb Ticarət Mərkəzində əmələ gəlmiş gülməli və görünməmiş İdarə metodlarının aradan qaldırılmasında bizə yardımçı olasınız. Ancaq Sizin tərəfinizdən gözlədiyimizi ala bilmədik. Ona görə də təkrar-təkrar Sizin vaxtınızı almağa məcbur olduq".TEREF.AZ bildirir ki, bu barədə Azerinfo.media portalına müraciət edərək köməklik istəyən sözügedən TM-nin işçiləri bildirirlər.
Müraciətdə daha sonra deyilir: "Hələ təxminən 5-6 ay bundan əvvəl yeni təyin olunmuş İcra direktor (halbuki icraçı direktor QSC sistemində Səhmdarların iclasının ümumi qərarı ilə seçilməlidir.) Xankişiyev Əhməd idarədə Gestapo sistemi tətbiq etməyə başlayıb, nə istəyirlər onu da edirlər, bir bilən yoxdur bu adam neçənci sinfi qutarıb və hansı qiymətlərlə, sizə keçən müraciətimizdə də bildirmişdik ki, Mərkəzi Giriş qapısının üstündə yük daşıyıcı Konstruksiyanı ləğv edərkən gecə vaxtı olduğuna görə 3 tonluq Riqelin sökülməsi sahəsində xoşbəxtlikdən ölən olmamışdır. Hələ Sizə ondan deyək: Əhməd müəllimin və qardaş, bacının səhər işə gəlişləri, səhər tezdən 9:00-10:00 arası və işdən evə qayıdışları saat 15:00-16:00 arası əsl möcüzə də bundan başlayır imkanınız varsa kamea vasitəsi ilə çəkə bilərsiniz.
Unıvermağın keçmiş polis nəfəri indi isə mülki polisə keçmiş Mais, İnzibatçı Mövlud , Təsərrüfat müdiri Mübariz 3-cü Mİkrarayon dairəsindən başlayaraq yolları bağlasın , hətta insanları belə pərən-pərən edərək müşaiyət edici və qoruyucu avtomobillərin müşaiyət ilə müdirləri həyətə gətirərək çantaları belə avtolardan götürərək az qala əllərinə götürərək liftə oradan isə öz mərtəbələrinə aparırlar, gedəndə həyətdən və onların yolundan heç bir quş belə keçə bilməz. Cənab General-Polkovnik , hörmətli Nazir Sizin belə işlərdən acığınız gəlir, görəsən boyu 1 m 50 sm olan bu polis kimə axrandır?
Vətən erməni Revanşistləri və havadarları ilə müharibə vəziyyətində olduğu bir vaxtda bir təhər icarəyə götürdükləri piştaxtaların icarə pulunu və vergisini ödəyərək ailələrini və özlərini dolandırdığı bir vaxtda özləri istədikləri kimi piştaxtaları qruplaşdıraraq butiklər yaradırlar və həmin butikləri yaradırlar və həmin butikləri kənar adamlara 60:70 minə sataraq Camaatın axırıncı ümidini kəsirlər.
Sizdən artıq dərəcədə xahiş edirik əlinizdə olan imkanlardan istifadə edib bizə kömək edəsiniz, artıq bıçaq sümüyə dirənib".
İddia olunanlarla bağlı teref.az olaraq qarşı tərəfi də dinləməyə hazırıq...
Abşeron rayon Masazır bələdiyyəsi respublikada ən böyük bələdiyyələrdən biridir. Bələdiyyənin keçmiş sədri Əliyev Siyanfər Muzəffər oğlu Masazır bələdiyyəsi formalaşdığı gündən həmin bələdiyyəyə sədr seçilmişdi. Masazır kəndi Abşeron rayonunda ərazisinə və təbiətinə görə xüsusilə fərqlənir. Vaxtilə Masazır bələdiyyəsinin 2000 ha qədər torpaq sahəsi olubdu. Qeyd edək ki, bələdiyyə büdcəsi, torpaq və əmlak vergisi, mənfəət vergisi, reklam və digər vergiləri və əsasən fiziki və hüquqi şəxslərə bilavasitə və açıq torpaq hərracları və ya müsabiqələri vasitəsilə torpaqların satışından gələn maliyyə vəsaiti hesabına formalaşır.
Bundan başqa Masazır kəndində zibil pulu və qəbirstanlıqdan da bələdiyyə büdcəsinə gəlir gəlməlidi. Lakin son illər Masazır qəbirstanlığından və zibil pulundan büdcəyə cüzi pullar daxil olmuş, əsasən S.Əliyev və sonrakı bələdiyyə sədrləri həmin pulları nəğd şəkildə mənimsəmişdir. Bildiririk ki, ”Qurtuluş-93” və “Yeni Bakı” yaşayış massivləri kimi böyük yaşayış komplekslərindən və “ŞOK” və digər böyük və kiçik marketlərindən zibil pulu kimi hər ay külli miqdarda vəsait bələdiyyə büdcəsindən yayınıb, birbaşa bələdiyyə sədri işləyən vaxtlarda Siyanfər Əliyev tərəfindən mənimsənilibdi.
Bələdiyyə sədri işləyən gündən S.M.ƏIiyev böyük bir sahibkara çevrilmiş, Masazır kəndində özünə üçmərtəbəli “Brilliant” şadlıq sarayı, “Luqano” ailəvi-istirahət kompleksi, sayı 10-a qədər olan sahibkarlıq fəaliyyəti ilə məşğul olmaq üçün obyektlər tikmişdir. O, Xırdalan şəhərində hər birinin bazar qiyməti 120.000 (yüz iyirmi min) manat olmaqla 28 ədəd 8 sotluq torpaq sahəsi, Sumqaıt yolunun Saray qəsəbəsinə aid hissəsində bir neçə hektar, Masazır qəsəbəsində də Masazır-Novxanı yolunun sol tərəfində 4 hektar torpaq sahələrini müxtəlif adamların adına sənədləşdirərək götürübdü. Təkcə bir faktı qeyd edək ki, bu adam özünə məxsus Masazır qəsəbəsində yerləşən “Brilliant” şadlıq evinin tək içərisinə yığdığı avadanlıqlara bir milyon manat, tikintisinə isə bir neçə milyon manat pul sərf edibdi.
Bundan əlavə üzün müddət Masazır qəsəbəsində bələdiyyə sədri işləmiş Siyanfər Əliyev bütün vasitələrdən istifadə edərək daim yaşadığı Abşeron rayonunda narazı kütlənin yaradılmasına çalışıbdı. Diqqətinizə çatdıraq ki, bu şəxsə “krişalıq” edən şəxslər heç də sıradan birisi olmayıbdı. Onun arxalandığı məmurlardan biri vaxtilə MTN generalı, kifayət qədər cinayət törətmiş Akif Çovdarovun olduğu söylənilirdi. A. Çovdarovun Masazır qəsəbəsində törətdiyi cinayət əməllərinin bir qismindən S. Əliyevin məlumatı olsa da, heç bir zaman hüquq mühafizə orqanlarını məlumatlandırmayıb, bir sözlə cinayəti bilə-bilə gizlədibdi. Bütün bunları qeyd etməkdə məqsəd odur ki, keçmiş bələdiyyə sədri cəmiyyətimiz üçün olduqca təhlükəli fiqurdur. İşlədiyi dövrdən alətə çevrilməyinə baxmayaraq şəxsi hesabıni da milyonlarla artırıbdı. Hazırda isə Siyanfər Əliyev Sumqayıtda MİS rəisi vəzifəsində işləməklə arxalandığı digər məmurun “vuran əli kimi” “fəaliyyət göstərir”. Bizə maraqlıdır ki, görəsən adı bu qədər qalmaqallarda və korrupsiya əməllərində hallanan bir şəxsi hansı xidmətlərinə görə Sumqayıtın icra başçısı yeni vəzifə ilə “mükafatlandırıbdı”? Ümidvarıq ki, hüquq-mühafizə orqanları bir gün bu korrupsionerin də qapısını döyəcəkdir.
Mövzuya qayıdacağıq və qarşı tərəfi də dinləməyə hazırıq.
Xatırladaq ki, bu yaxınlarda “ABŞERON-XIZI REGİONAL TƏHSİL İDARƏSİNDƏ TÖRƏDİLƏN QANUNSUZLUQLAR” başlıqlı məqalə dərc etmişdik. Məqalə redaksiyamıza müraciət etmiş Sumqayıt şəhər sakini, Silahlı Qüvvələrin istefada olan zabiti Rzayev Vidadi Əsədulla oğlunun Abşeron-Xızı Regional Təhsil İdarəsinin tayfabazlıq prinsipi ilə idarə olunmasından, ciddi korrupsiya faktlarından və s. bəhs olununan yazısı əsasında hazırlanmışdı.. Məqalədə bir sıra qanunsuzluqlardan və rüşvətxorluqdan bəhs edilmişdi. Eyni zamanda qeyd edilmişdi ki, Abşeron-Xızı Regional Təhsil idarəsin müdiri İlhamə Abdullayeva, Bakı şəhərindəki məktəblərdə direktor vəzifəsində çalışan yaxın qohumları Arifə Balakişiyevanı Xırdalan şəhəri 1 saylı orta məktəbə, Gülnaz Kərimovanı Xırdalan şəhəri 2 saylı orta məktəbə direktor vəzifəsinə yerdsəyişmə edib. Sevinc Allahverdiyevanı (Arifə Balakişiyevanın doğma bacısı) da Sumqayıt şəhəri 36 saylı orta məktəbə direktor əvəzi təyin edibdi. Qeyd edək ki, Sevinc xanımın Nicat adlı oğlunu da İlhamə xanım “öz idarəsində” təsərrüfat müdiri, yəni Abşeron rayonu üzrə TİQ-in rəisi vəzifəsinə təyin etmişdir. Üstəlik, bu, həmin Sevinc xanımdır ki, 2021-ci ildə barəsində dələduzluq maddəsilə cinayət işi açılmış Mehdiabad qəsəbəsi 5 nömrəli tam orta məktəbin direktoru Samirə Əkbərovanın müavini (və deyilənlərə görə “sağ əli”, yəni cinayət ortağı) olub və onu da, yoxlama zamanı, Samirə xanım tərəfindən direktor müavini vəzifəsinə qanunsuz gətirildiyi aşkar olunduğu üçün, Təhsil Nazirliyinin göstərişi ilə, həmin vəzifədən kənarlaşdırıblar, amma görünür humanizm prinsipləri ilə, cəmi 6 saat dərs verilməklə, müəllim kimi məktəbdə saxlayıblar. Və İlhamə xanımda hünərə, cəsarətə baxın ki, qeyri-qanuni şəkildə işə götürüldüyü rəsmən təsdiqlənmiş, heç bir müvafiq imtahandan, yoxlamadan keçməmiş bu xanımı, kənardan gətirib, 36 saylı məktəbə direktor əvəzi təyin edir; məgər o məktəbin özündə direktor müavini yox idi, yaxud bu işə Sumqayıtda daha layiqli olan bir müəllim tapılmırdı?! ) Ümumiyyətlə, niyə İlhamə xanım bu vəzifələrə məhz özünün yaxın qohumlarını gətirməlidir, bu, idarəçilikdə tayfabazlığın bəsit bir təzahürü deyilmi və geniş bir korrupsiya şəbəkəsi qurmağa yol açmırmı?
İlhamə xanımın Abşeron rayonundakı kadrları da heç onlardan geri qalmır. Elə götürək Hüseyn Axundov adına Qobu 3№li tam orta məktəbin direktoru Xuraman Behbudovanın qanunsuz əməllərini… Sosial şəbəkələrdə bu məktəbdə 8 Martla əlaqəli müəllimələrin və hər sinifdən seçilmiş valideyin komitələrinin israrı ilə hər şagirddən müəyyən məbləğdə pul tələb olunması haqda məlumatlara rast gəldik. Bundan əlavə aktualxeber.az-a müraciət edən valideynlərin dediyinə görə həmin məktəbdə elə şagirdlər var ki, onların üzünü heç zaman sinif yoldaşları görməyiblər. Bu şagirdlər Xuraman xanımın pul alıb təhsildən yayındırdığı repititor yanına gedən və şəhər məktəblərində oxuyanlardır. Deyilənə görə direktor bu məqsədlə həmin şagirdlərin valideynlərindən 1000-1500 manat rüşvət almışdır. Bundan əlavə texniki işçiləri də rüşvətlə işə qəbul edən X.Behbudova DOST mərkəzlərini də özünə ortaq etmişdir. Belə ki, o arxasında daim əmisi oğlu, adı daim müxtəlif korrupsiya olaylarında hallanan Sosial Xidmətlər Agentliyinin sədri Vüqar Behbudovun durduğunu deyir. Qohumuna arxalanaraq təhsil ocağını korrupsiya yuvasına çevirən X.Behbudova yığdığı çirkli pulları Qobu qəsəbəsində sələmə verməklə də ad çıxarıbdı. Ümidvarıq ki, tezliklə əlaqədar orqanlar bu məktəb direktoru barədə lazımi ölçü götürəcəkdir.
Mövzuya qayıdacağıq və yazıda adları keçən şəxsləri də dinləməyə hazırıq.
Ağsu Rayon Ərəbuşağı kənd sakini Mürsəlov Azər Xandadaş oğlu Qaynarxett.az-a müraciət edərək bildirib ki, o, 2000-ci ildən Şamaxı rayonun ərazisi yerləşən, lakin İsmayıllı Rayon İcra Hakimiyyətinin balansında olan yay otlağı yerini müqavilə əsasında illərdir icarəyə götürüb. 2022-ci ildə xəstəxanada yatarkən özünün xəbəri olmadan onun evinə gedilərək qoyunları sayılıb. Qoyunlarının çox hissəsi kənd ərazisində Zeybə adlanan ərazidə olduğundan gələn nümayəndə yalnız həyətindəki heyvanları saymaqla kifayətlənib. Bu hadisədən sonra İsmayılli Rayon İcra Hakimiyyətindən ona məktub gəlib və bildirilb ki, heyvan sayı az olduğuna görə adı çəkilən yaylaqdan istifadəsinə icazə verilmir.
Vətəndaş Mürsəlov Azər yenidən aidiyyatı orqanlara şikayət edib. Şikayətindən sonra gələn yeni komissiya üzvləri ona aid bütün heyvanları sayaraq gediblər. Bir xeyli müddət ona yeni müqavilə təqdim olunmadığını görən vətəndaş İsmayıllı Rayon İcra Hakimiyyətinə gedib. Vəziyyət barədə İcra başçısı Nahid Bağırova ətraflı məlumat verib. Nahid Bağırov öz növbəsində vətəndaşa bildirib ki, bu məsələ ilə bağlı onda yalnış məlumatlar olub. Söz verib ki, haqqın olan yaylaq ərazisi sənə icarəyə veriləcək. Lakin icra başçısı verdiyi vədi yerinə yetirməyib. Problemi atıb birinci müavini müavini, Sosial-iqtisadi inkişafın təhlili və proqnozlaşdırılması şöbəsinin müdiri Mahmud Süleymanovun üstünə. O, da sahibkarı daga-daşa salmaqla oki var bezdirib və sonda həmin yaylaq ərazisi Ədalət Göyüşov adlı sahibkara icarəyə verilib.
Azər Mürsəlov bildirir ki, 3 il əvvəl Ağsu Rayon Padar-Cöl kənd sakini Amil Xudu oğlu adlı şəxs ona bildirib ki, Ədalət Göyüşovun güclü adamları var və bunun hesabına o yaylaq ərazisi əlindən alınacaq. Şikayətçi bu qanunsuzluqda məhz həmin şəxsin əli olduğunu iddia edir. Digər tərəfdən Azər Mürsəlov bildirir ki, Ədalət Göyüşovun yüksək vəzifədə məmur dost və qohumları olduğu üçün bütün aidiyyatı orqanlar haqlı olmasa da onun tərəfindən çıxış edirlər.
Vətəndaşın video-müraciətini təqdim edirik:
Ardı var.
Qarşı tərəfin də mövqeyini dərc etməyə hazırıq. //azinfo.tv//
Azərbaycan təhsil sisteminin sağalmayan yarası sayılan və hal-hazırda Bakı şəhər Baş Təhsil İdarəsində gündəlik iş prinsipinə çevrilən rüşvətxorluq və korrupsiya faktları artıq nəzarətdən çıxıb. Mehriban Vəliyevanın idarəyə rəhbər təyin olunmasından sonra burada anarxiya, hərc-mərclik hökm sürür, məktəblərin yağmalanması prosesi sürətlənir.
Mehriban Vəliyevanın yağmalama siyasəti Azərbaycan təhsili üçün üz qarası, utancverici bir hadisədir. Bakı şəhər məktəblərində direktorların vəzifədən azad olunması və yenilərin vəzifəyə təyin olunması, müəllimlərin yerləşdirilməsi, rus bölməsi olan birinci siniflərin qəbulu və komplektləşdirilməsi , eyni zamanda digər sahələrdə rüşvətxorluq tüğyan edir. Bu gün BŞTİ sanki patyaxtın təhsil sektorunu məhv etmək üçün fəaliyyət göstərir. Zəngin ənənələri olan Bakı təhsili bir neçə nəfər rüşvətxor, korrupsioner və karyerist şəxsin əlində girova çevrilib. Mehriban Vəliyeva ətrafına topladığı şəxslərlə birlikdə paytaxtın təhsil sistemində bazar açıb.
BŞTİ-nin rəhbərliyində toplaşan şəxslər bir-birinə düşmən münasibət bəsləyən “rəqiblər”dir. İlk baxışda vahid komanda təsiri bağışlasalar da əslində bir-birini məhv etməyə hazır olan bu şəxslər mümkün olduğu qədər çox qazanmaq üçün bütün vasitələrdən istifadə edirlər. Bu gün BŞTİ intriqalar yuvasına çevrilib. Müxtəlif maraqların toqquşduğu idarədə bir neçə qruplaşma arasında amansız rəqabət və mübarizə gedir. Qarşı tərəfi sıradan çıxarmaq üçün bütün vasitələrdən istifadə edən qrupların savaşında isə Bakının təhsil sistemi sıradan çıxır. Daha çox qazanmaq uğrunda açıq rəqabət aparan bu qruplaşmaların fəaliyyəti nəticəsində Bakı məktəbləri rüşvət burulğanında məhv olmaqdadır.
BŞTİ bu yarıtmaz idarəçilik ucbatından yersiz intiriqalara meydan olub. İdarədə olan daha peşəkar, öz işinin ustası olan kadrlar əslində müxtəlif yollarla təqib olunur, fəaliyyətinə əngəllər törədilir. Arada olan intriqalar artıq sərhədd tanımır. İdarədə hökm sürən hərc-mərclik, intriqalar artıq o həddə çatıb ki,tərəflər bir-biri haqqında olan kompromatları mediaya sızdırır, bu yolla qarşı tərəfi susdurmağa çalışır. Rubrika.Az saytına daxil olan məlumatlara görə, belə “kompromat savaşı” BŞTİ-də artıq uzun müddətdir ki, davam edir. Verilən məlumatlara görə, mediaya sızdırılan məlumatların arxasında elə BŞTİ-nin məsul əməkdaşları-konkret olaraq idarənin hazırki rəhbəri M Vəliyevaya yaxın olan adamlar durur Hər kəs bilir ki Bakı təhsilini Mehriban Vəliyevadan çox keçmiş nazir müavini Məhəbbət Vəliyeva idarə edir Rubrika.Az saytının xüsusi araşdırması bu idarədə əslində nələrin baş verdiyini faktlarla subutlarla dırc edəcəyik Bu barədə növbəti yazımızda ətraflı məlumat verəcəyik. Vəzifəyə yüksək səlahiyyətlilər tərəfindən gətirilməsinə baxmayaraq daha “uzaqgörən siyasət” yürüdən Mehriban Vəliyeva BŞTİ, eləcə də paytaxt məktəbləri, direktorları barəsində kompromat xarakterli məlumatları gizli olaraq özünə yaxın adamların vasitəsilə media qurumlarına ötürür Eyni funksiyada müdirindən heç də geridə qalmayan BŞTİ-də rahat yuva quran qruplaşmalar bu gün də öz ampulasındadır.
BŞTİ-də yaranmış rüsvayçı, təhsil adına üz qarası olan vəziyyətlə bağlı bəzi suallarımızı cavablandırmaq üçün idarənin rəhbərliyinə ünvanlayırıq.
1. Mehriban Vəliyevanın BŞTİ-nə rəhbər təyin olunmasından sonra paytaxtın təhsil sistemində hökm sürən rüşvətxorluq və korrupsiya hallarının artmasının səbəbləri nədir? Bəlkə vəd etdiyiniz islahatlar paketi elə bundan ibarət olub.
2. Müxtəlif media orqanlarında M. Vəliyevanın , eləcə də digər rəhbər şəxslərin ağlasığmaz sərvəti haqqında məlumatlar yayılır. Tərəfinizdən təkzib olunmayan bu məlumatlarda göstərilən sərvəti məmur maaşı bir neçə yüz ilə toplamaq münmkündür. Bəlkə bu sehirli zaman yolçuluğunun sirlərini bizlərə də izah edəsiniz.
3. BŞTİ-nin rəhbərliyində hökm sürən intriqalar- qruplaşmalarının mübarizəsi paytaxtın təhsil sistemini məhv edir. Bu mübarizənin və keçmiş təhsil nazirinin müavini Məhəbbət Vəliyeva tərəfindən himayə olunması barədə məlumatlar daxil olur. Bu barədə sizlərin açıqlamalarınız çox maraqlı olardı.
4. Rəhbərlik etdiyi dövlət qurumu barəsində KİV-lərə kompromat ötürmək hansı mənəviyyata və peşə əxlaqına sığır?
5.Bir çox Bakı məktəblərində gizlədilən vakant müəllim yerlərinin dərs ili başladıqdan sonra, yəni təhsil sistemində verilən «oş»dan sonra göbələk kimi meydana çıxmışdır bunu nə ilə izah edə bilərsiniz?
6 ..Paytaxt məktəbərində I siniflərin rus bölmələrinə qəbul, eyni zamanda şagird yerdəyişmələri zamanı baş verən total rüşvətxorluq barəsində məlumatlar verilir. Belə bir həssas məqamda məktəbə ilk qədəmlərini atan körpələrin rüşvətlə qarşılanmasına nə ad vermək olar? İmkanlılar övladlarını yaxşı məktəblərdə oxudurlarsa bəs kasıblar neyləməlidir? Bəlkə paytaxt məktəbərini kateqoriyalara bölmüsünüz?
7.Paytaxt məktəbərinə işə qəbul prosesində dəhşətli saxtakarlıqlar hökm sürür. Vakant yerlərin gizlədilməsi, tapşırıqla, müxtəlif maraqlar müqabilində işə qəbul və ya yerdəyişmə prosesinin aparılması adi hal alıb. Bütün bunlar sizdən xəbərsiz baş verirmi? Xəbəriniz yoxdursa, BŞTİ necə idarə olunur, yox xəbəriniz varsa bu gözünüzün qarşısında baş verən bu qanunsuzluqlara niyə göz yumursunuz?
Məktəblərin birinci siniflərinə şagird qəbulu sahəsində də total saxtakarlıq və rüşvətxorluq halları hökm sürür. Xüsusilə rus sektoruna qəbul prosesində heç bir qayda-qanuna məhəl qoyulmur. Başda Bakı şəhər baş təhsil idarəsinin müdürü Mehriban Vəliyeva olmaqla aidiyyatı məsul şəxslər şagirdlərin elektron qaydada qəbulu prosesinə müdaxilə edərək öz maraqlarını təmin edir. Rus sektoruna birinci siniflərə qəbul zamanı bəzi şagirdlər böyük marağlarla apelyasiya adı altında imtahanlardan keçirirlər. Saytımıza verilən məlumatlara görə dərs ilinin sonu olmasına baxmayaraq Bakı şəhəri üzrə Təhsil İdarəsində şıdırğı alver gedir. Növbəti dərs ilinin “beh”ini bəri başdan alan BTİ-nin əməkdaşları hazırlıq qruplarına,birinci siniflərə qəbul üçün əməlli-başlı “tas” qoyublar. Məlumatlara görə əməliyyatlara şəxsən BŞTİ-nin müdiri Mehriban Vıliyeva rəhbərlik edir. Daha çox keçmiş nazir müavini Məhəbbət Vəliyevanın kadrı kimi tanınan müdür xanımın bu aralar qılıncının arxası da kəsir,qabağı da. Hazırlıq qruplarına,birinci siniflərə qəbul üçün hər bir məktəbə ayrıca “tas” qoyan Mehriban xanımın haqqı çatmayan bir uşağa belə yaşıl işıq yandırmadığı bildirilir. Onun kabinetindən keçməyən heç bir direktorun qəbul siyahısı təsdiq edilmir. Bu isə Vəliyevalar komandasına iri məbləğdə pullar qazandırır. Özünü Məhəbbət Vəliyevanın kadrı kimi “toxunulmaz” statusunda hiss edən Mehriban xanım BŞTİ-də böyük biznes şəbəkəsi formalaşdırıb. Biznesini isə körpə fidanların, kiçik yaşlı məktəblilərin üzərində formalaşdırıb.
Verilən məlumatlara əsasən xüsusilə rus sektoruna qəbul prosesində kütləvi rüşvətxorluq baş alıb gedir. Burada həm də qiymətlərin baha olması diqqəti cəlb edir. Qısacası Mehriban xanımın formalaşdırdığı sistem nəticəsində qəbul prosesində vəziyyət “rusca”dır.
Müdhiş rüşvət mexanizmini reallaşdırmaq üçün M. Vəliyeva özünə xüsusi şəbəkə də formalaşdırıb. BŞTİ-nin umumtəhsil məktəblərdə işin təşil şöbəsinin müdürü Fuad Babayev “qəbul maxinasiyalarının” əsas simalarından hesab olunur. Məhz onlar M. Vəliyeva ilə məktəb direktorları arasında “körpü” rolunu oynayırlar.
Saytımıza verilən məlumatlara görə BŞTİ-də baş verənlər ciddi narazılıq formalaşdırır. Təkcə valideynlər deyil,məktəb rəhbərləri də şikayətçidirlər. İbtidai siniflərə qəbul prosesində ayaq açıb "yeriyən" rüşvətxorluq, özbaşınalıqları təhsil adına bir ləkədir. Nazir E. Əmrullayevin adından istifadə edərək total rüşvətə meydan açan M. Vəliiyevanın əməlləri öz cəzasını almalıdır. Təhsil adına bunca rəzalətə yol vermək olmaz. Ölkə rəhbərliyinin, o cümlədən Vitse-prezident Mehriban xanım Əliyevanın məsələyə təcili müdaxilə etməsi vacibdir.
Rubrika az
"Xidmət etmək sayılır kişilikdən nişana,
Xalqına xidmət etmək bir şərəfdir insana".
Dahi şair Nizami Gəncəvinin hələ bir neçə əsrlər əvvəl "Sirlər xəzinəsi"ndə vurğuladığı bu beyt taa o zamandan bu zamana qədərki bütün oxucuları, eləcə də el arasında "məmur tayfası" deyilən bütün səlahiyyət sahibləri üçün örnək olacaq sözlərdir. Çox təəssüflər olsun ki, elə bir zamana gəlmişik ki, əlində kiçik-böyük fərq etmir, hər hansı bir səlahiyyəti olanların çoxlarının ilk ticarəti öz vicdanı olur. Pul qarşılığında insanlığa, vicdana (olan yerdən) sığmayan elə işlərə imza atırlar ki, adamın "əli-ayağı yerdən üzülür".
İnsanların sağlamlığı üzərində alış-veriş edən kim, mənəviyyatı üzərindən edən kim, qul haqqını yeyən kim və sair... Nələr gördük, nələr eşitdik bu balaca ölkədə. Bir "əsgər alveri"ni eşitməmişdik, 2021-ci ildə onu da eşitdik. Amma, deyəsən hələ 2021-ci ildə məlumatını aldığımız SHXÇDX-nin Beyləqan rayon şöbəsinin rəisi (Hazırkı Sabirabad rayon şöbəsinin rəisi) Əlsafa Məmmədov bu biznesdə tək deyilmiş. Biz Beyləqan sakinlərinin redaksiyamıza ünvanladığı məktubu oxuyan zaman həm çox təəssüflənib, həm də çox təəccüblənmişdik. Hansı ki, 2020-ci ildə müharibə ərəfəsində, hər kəsin həssas dönəmində - kiminin balasından, kiminin atasından, kiminin həyat yoldaşından, kiminin nişanlısından, kiminin dostundan nigaran olduğu bir dönəmdə sən demə kimlərsə də insanlığa sığmayan ticarətini düşünürmüş - sözün əsl mənasında "ƏSGƏR ALVERİ".
Biz məlumatı alar-almaz qarşı tərəflə əlaqə saxladıqdan, həmçinin aidiyyatı üzrə Azərbaycan Respublikasının Baş Prokurorluğuna və Səfərbərlik və Hərbi Xidmətə Çağırış üzrə Dövlət Xidmətinə də rəsmi sorğu göndərdikdən sonra "DogruXeber.az" informasiya portalında yayımladıq. Yalnız bundan sonra xidmətin o zamankı rəhbəri Arzu Rəhimov qohumu olduğu deyilən Əlsafa Məmmədovu güya işdən çıxardı. Lakin, çox qısa zaman içərisində eyni vəzifə ilə Sabirabad rayonuna göndərdi. Bu isə "gedin sualınızı rəhbərliyə verin" deyən Əlsafa Məmmədovun bu sözü niyə dediyinin, eləcə də rayon sakinlərinin onun Arzu Rəhimovla qohumluğu barəsində dediklərinin həqiqəti əks etdirdiyinin aşkar göstəricisi idi.
Amma, görünür rəhbərinə və rəhbərlikdə çalışan bəzi səlahiyyət sahiblərinə kürəyini söykəyib özünə dövlət xidmətində biznes quran təkcə Əlsafa Məmmədov deyilmiş.
Belə ki, bir neçə gün əvvəl Cəlilabad rayon sakinləri tərəfindən redaksiyamıza daxil olan bir məlumatı yayımlamışdıq. Hansı ki, həmin məlumatda SHXÇDX-nin Cəlilabad rayon şöbəsində çalışan zabit Mahir Əkbərovun əli ilə kimlərinsə hərbidən yayınmasında bəhs edilirdi.
Deyilənə görə Cəlilabad rayonunda Mahir Əkbərovun "xüsusi köməkliyi" ilə hərbidən yayınanların əksəriyyəti "yastıpəncəlilik" diaqnozu ilə yayındırılır.
Bu dəfə isə mövqe öyrənmək istərkən, özündən razı halda yüksək səs tonu ilə - "mənə telefonla niyə zəng etmisiniz?", deyib telefonu söndürən Mahir Əkbərovun bütün bunları kimlərin əli ilə həyata keçirdiyini, eləcə də bizə göndərilən adlardan (hansı ki, deyilənə görə rüşvət müqabilində saxta diaqnozla yayındırılıb) hələlik ikisini sizə təqdim edəcəyik.
İlk əvvəl burdan başlayaq ki, mənbənin redaksiyamıza bildirdiyinə görə Mahir Əkbərovun bütün bu saxta diaqnozları əldə etməsində əsas "tərəf müqabili" hərbi həkim komissiyasının sədri Vüqar Mirzəyevdir.
Məhz Vüqar Mirzəyevin birbaşa yardımı ilə hərbidən yayınmaq istəyən şəxslər üçün müəyyən məbləğ qarşılığında saxta diaqnozlar verilir.
Məsələn, Cəlilabad rayon Buravar kənd sakinləri Abasov Sahib Eyvaz oğlu, Şahmarov Ramil Əlhüseyn oğlu və sair şəxslər bu yolla çağırışdan yayınanlardandır.
Hətta, saxta hərbi bilet verilən şəxslər var ki, heç ümumiyyətlə Azərbaycanda yaşamırlar, amma "möcüzə"yə baxın ki, sərhəddi bəri keçmədən hər dəfə vaxtlı-vaxtında hərbi həkim komissiyasından keçirlər.
Məsələn, Cəlilabad rayon Hamarqışlaq kənd sakini Astanov Mais Əzizağa oğlu özü ölkədə olmadan təkrar tibbi komissiyadan keçib. Eləcə də əldə etdiyimiz məlumata görə Mais Astanov kimiləri Cəlilabad rayonunda yüzlərlədir.
Bundan əlavə əsgərlik yaşına çatmış abituriyentlər var ki, onlar bu səbəbdən ali məktəblərə sənəd verə bilmirlər. Belə olan halda, yenə də onların köməyinə SHXÇDX-nin Cəlilabad rayon şöbəsinin rəisi Vüsal Həsənovun da rəhbərliyi ilə Mahir Əkbərov və Vüqar Mirzəyev birliyi çatır. Belə ki, mənbənin redaksiyamıza bildirdiyinə görə, həmin abituriyentlərə 3 aylıq möhlət əldə etmək üçün 1500 (min beş yüz) manat qarşılığında, müxtəlif sağalan xəstəlik diaqnozları verilir, 6 aylıq möhlət üçün isə 2200-2500 manat arası məbləğ tələb olunur. Həmin məbləği ödəyən şəxslər göndəriş əsasında Bakı şəhərinə müəyyən xəstəxanalara göndərilir, güya müayinələrdən keçirilir və lazım olan arayış verilir.
Qeyd edək ki, redaksiyamıza etibarlı mənbələrdən verilən məlumata görə o, abituriyentlərə möhlət hüququnun verilməsi işinidə əsasən komisarlıqda mülki işdə işləyən Ramil Həsənov baxır. Yəni, ortada pul alıb-verən, rayon sakinlərinin özünün dili ilə desək, "makler" Ramil Həsənovdur.
Yeri gəlmişkən, növbəti yazılarımızda qısamüddətli xəstəlik diaqnozları təyin edən həmin xəstəxanaların da adlarını qeyd edəcəyik.
Hə, indi gələk əsas məsələyə. Demək, redaksiyamıza etibarlı mənbədən verilən məlumata görə Mahir Əkbərova "krişalıq" edənlərdən biri Hərbi Prokurorluqda, digəri isə Səfərbərlik və Hərbi Xidmətə Çağırış Üzrə Dövlət Xidmətində çalışır.
Bu dəfə həmin şəxslərin adlarını çəkmirik. Çünki, redaksiyamız adından SHXÇDX-nə və Azərbaycan Respublikasının Baş Prokurorluğuna rəsmi sorğular göndərmişik. Növbəti yazılarımızda aidiyyatı qurumların məsələyə münasibətini və həmin şəxslərin adlarını qeyd edəcəyik.
P.S: Təəssüf ki, müəyyən səbəblərdən Vüqar Mirzəyev və Ramil Həsənovla əlaqə saxlayıb, məsələyə münasibətlərini öyrənməyimiz mümkün olmadı.
Bütün bu məlumatlarla bağlı adı çəkilən tərəflərin də mövqeyini dinləməyə və dərc etməyə hazırıq.
DogruXeber.az
Azərbaycanda bələdiyyə sistemi dövlət təşkilatlanmasının ən vacib hissələrindən biridir. Bələdiyyələr yerli icra hakimiyyətinin təmsilçiləridir və şəhər, rayon, qəsəbə və kəndlərdə yerləşir. Azərbaycanda 2014-cü il 1 yanvar tarixindən etibarən ərazidəki ən böyük bələdiyyələr «şəhər bələdiyyəsi» adlandırılır və ölkənin 10 ən böyük şəhərində yerləşir.
Bələdiyyələrin funksiyaları arasında yerli iqtisadiyyatın inkişafı, sosial xidmətlərin təqdim edilməsi, mədəniyyət və idman hadisələrinin təşkil edilməsi, ətraf mühitlərin qorunması, infrastrukturun yaradılması və idarə edilməsi kimi çoxsaylı sahələr yer alır. Bələdiyyələr, yerli sakinlərin maraqlarını qorumaq, onların xidmətində olmaq üçün yaradılır və dövlət tərəfindən dəstəklənir.
Azərbaycanda hazırda 1606 bələdiyyə və 15 minə qədər bələdiyyə üzvü var.
Bələdiyyələrə səlahiyyətlər, demək olar ki, hələ də verilməyib. Digər tərəfdən bələdiyyə sədrləri isə kənd camaatı tərəfindən seçilmir, üzvlər yığışır sədr seçir. Amma bələdiyyə sədrləri seçki yolu ilə seçilsə, onda bu daha məsuliyyətli olar.
Türkiyə modelinə keçmək üçün isə buna uzun müddət vaxt lazımdır. Çünki, Türkiyədə icra hakimiyyətləri yoxdur, valilər var. Bütün funksiyalar, idarəçilik bələdiyyədədir. Bizdə isə icra hakimiyyətlərində olan funksiyalar Türkiyədə bələdiyyələrə verilib.
Azərbaycanda ilk bələdiyyə seçkiləri 1999-cu ildə keçirilib. O dövrdə ölkədə 2 min 700 civarında bələdiyyə yaradılıb. İkinci dəfə bələdiyyə seçkiləri 2004, üçüncü dəfə 2009, dördüncü dəfə 2014, beşinci dəfə isə 2019-cu ildə keçirilib. Növbəti bələdiyyə seçkiləri gələn il gözlənir. Amma 2006-cı ildə bəzi bələdiyyələrin birləşdirilməsi, ləğvi, yenidən təşkili səbəbi ilə yeni, təkrar və əlavə bələdiyyə seçkiləri keçirilib.
Azərbaycanda bələdiyyə — qanunla müəyyən edilmiş ərazi hüdudları daxilində yerli özünüidarəetmə formasıdır. Bələdiyyənin öz mülkiyyəti, yerli büdcəsi və seçkili bələdiyyə orqanları mövcuddur. O, Azərbaycan Konstitusiyası və qanun ilə səlahiyyətlərinə aid edilmiş yerli əhəmiyyətli məsələləri müstəqil sürətdə həll etməlidir.
Gəlin baxaq görək qəsəbə kənd bələdiyyələri necə fəaliyyət göstərir, yerli sakinlərlə görüş keçirib, problemləri ilə yaxından tanış olub, aradan qaldıra bilirlərmi. Elə söhbət bələdiyyələrdən düşmüşkən Xətai rayonu Əhmədli kənd sakinləri ilə söhbət zamanı heç də ürəkaçan olmadı. Bələdiyyə sədri Həsənli Allahverdi Bayram oğlu bir ilə yaxındır ki, bələdiyyə sədri təyin olunub. Qəsəbə sakinlərinin dediyinə görə seçki yolu ilə yox, üzvlər yığışıb sədr seçib. Çünki keçmiş bələdiyyə sədri icra başçısı ilə yola getmədiyi üçün onu uzaqlaşdırıb Allahverdi Həsənlini təyin edib. Allahverdi Həsənli isə köhnə bələdiyyədən giley etdi: “Keçmiş bələdiyyə sədri büdcəsini mənimsəmiş, kənddə nə abadlıq işləri aparmış, nə də sakinlərin problemlərini həll etmişdir və bu gün bələdiyyənin iki yüz min manat vergi borcu qalmaqdadır, aylar ərzində işçilər əmək haqqlarını almayıblar. Çalışıram ilk növbədə bu məsələləri aradan qaldırım”. Çox təəssüflər olsun ki, bələdiyyə sədri bir il müddətdir ki, sədr seçilsə də, sakinlər tərəfindən hələ də tanınmır. Ən yüksək gördüyü iş isə özünə təmtəraqlı kirayə götürmüş lüks təmirli bələdiyyə binası, geniş otaq, rahat kreslo, köhnə işçilərin yeniləri ilə təyin olunmuş yəqin öz şəxsi komandasıdır. Amma çox təəssüf olsun ki, danışığı ilə iş fəailiyyəti üst-üstə düşmür. Kəndin kanalizasiya axıntısı çölə axır və ətraf mühitə üfunət iyi verir.
Küçə zibilləri vaxtlı-vaxtında təmizlənmir. Bu da sakinlərə problemlər yaradır. Gərək, kənd sakinlərinə elə xidmət göstərmək lazımdır ki, o kresloda rahat otura biləsən. Amma kreslo Allahverdi Həsənlini ətraf mühitdən elə tez uzaqlaşdırıb ki, qəsəbənin hələ zibilliyindən xəbəri yoxdur. Heç kənd sakinləri də bilmirlər ki, sədr kimdir. Biz də borc bilib problemləri bir daha xatırlatmaq istədik;
Ötən ili Əhmədli qəsəbə bələdiyyəsi necə yadda qaldı?
Vətəndaşların müraciətləri necə araşdırılır?
Əhmədli qəsəbə bələdiyyəsinə ayrılan vəsait necə xərclənir?
Bələdiyyə topladığı icarə haqqını necə xərcləyir?
Son vaxtlar bələdiyyə idarəçiliyində yeni yanaşma metodları müzakirə olunur. Siz bu məsələnin həllini necə görürsünüz? Ümümiyyətlə müasir yanaşma necə olmalıdır?
44 günlük vətən müharibəsi zamanı şəhid olmuş və əlil olmuş Əhmədli qəsəbə sakinlərinə bələdiyyə tərəfindən hansı xidmətlər göstərilib?
Afət Məmmədova
Deryaz.az
Tiktok sosial şəbəkəsinin Azərbaycan seqmentində Göygöl rayon prokuroru İlqar Hacızadəyə məxsus olduğu deyilən bahalı avtomobilinin şəkli yayılıb.
200 min manat dəyərində olan "Range Rover" markalı-AZ 10-DA-600 dövlət nişanlı maşını gülləkeçirməz olduğu iddia edilir.
Demokratik.Az bildirir ki,prokuror İlqar Hacızadə son illər məhz bu maşında gəzir,dövlət tərəfindən ona ayrılmış 10-AZ-143 dövlət nömrə nişanlı avtomaşını daha çox özünün və ailəsinin digər maraqlarına istifadə edir.
2018-ci ildən Göygöl rayon prokuroru vəzifəsini icra edir.Dövlətin ittiham orqanında təmsil olunan bir məmurun ölkədə korrupsiya və rüşvətxorluğa qarşı mübarizə aparıldığı dönəmdə 10 ilinə bərabər dəyərdə avtomaşını hansı şəffaf yolla əldə etdiyi sual doğurur.
Yaxşı olardı ki, Kamran Əliyev təyinatından bu yana 8 köməkçi dəyişmiş və bir neçə dəfə əməlləri cinayət icraatında olan İlqar Hacızadənin dəbdəbəli həyatının nədən qaynaqlandığını açıqlaya!
https://demokratik.az/xeberler/olkeici/30092-goygol-prokuroru-ilqar-hacizadenin-200-minlik-mashininin-shekilleri-yayilib.html
Təhsil Millətin gələcəyidir.Bəli bu sözləri Ümumilli lider Heydər Əliyev demişdir.Uzaqgörən liderin bu sözləri tariximizə həkk olmuşdur.Əfsuslar olsun ki,təhsilimizi korlayanlar gələciyimizi də korluyurlar.Unec rektoru Ədalət Muradovun və ətrafının etdikləri təhsilimizin adına birbaşa ləkədir.Ay başbilənlər,heç düşünmüsünüzmü ki, Ədalət Muradov iqtisad universitetini hara aparır? Biz deyək – UÇURUMA.....
Son vaxtlar ölkə KİV-lərində böyük tarixi ənənələri olan Azərbaycan Dövlət İqtisad Universiteti barədə bir-birinin ardınca dərc olunan məqalələri oxuduqca bu təhsil ocağının bünövrəsini qoymuş iqtisadçı alimlərə, bu universitetə rəhbərlik etmiş 14 rektora-sağ olanlara səbr, dünyasını dəyişmişlərə isə rəhmət oxumalı oluruq… Ona görə ki, bir müddətdir ki, bu Ali təhsil ocağının “başında dəlləklik” öyrənmək yarışı başlayıb. Amma “çanaq” kimin başında çatlayacaq, bunu artıq görməmək mümkün deyil… Və Ədalət Muradov Azərbaycan Dövlət İqtisad Universitetinə rektor vəzifəsinə təyin edildiyi gündən və hal-hazırda bu universitetdə bütün baş verənləri aydın məqsədi, vəzifələri və əsasları olmayan sosial eksperiment kimi xarakterizə etmək olar. Biz bütün baş verənlərin təhsilimizin, xüsusən də ölkəmizin iqtisadi qüdrətlənməsinə töhvə vermək naminə burada yetişdirilən kadrların gələcəyinə nə verəcəyini araşdırmaq qərarına gəldi…
ADİU-dakı problemlərə susmaq qızıldırmı?
Ölkə KİV-lərinin təhlili zamanı bir maraqlı məqam diqqətimizi çəkdi. KİV-lər yazırlar ki, ADİU-da fəaliyyətdə olan rejim sovet dönəmindəki zavodların iş rejimi və mühitini xatırladır. Belə ki, hələ sovet dönəmində zavodlarda administrasiya işçilərlərdən fəlakətli dərəcədə ayrılırdı, işçilər də özlərini elə göstərirdilər ki, guya işləyirlər və nifrət oyandıran müəssisədən tez qaçıb getmək üçün zəngin vurulmasını gözləyirdilər.
ADİU-da, əslində, nə baş verir?
Bu dəfə KİV-lər nurçular məsələsinə toxunur… Yazırlar ki, sən demə, ADİU-nun rektoru Ədalət Muradovun "islahatlarının" sosial-siyasi məqsədləri onun kadr siyasətinin, aparıcı vəzifələrə təyinat zamanı tətbiq etdiyi meyarların və tələblərin təhlili zamanı aydın olur. Son illərdə Azərbaycan və qardaş Türkiyə mətbuatında beynəlxalq səviyyədə geniş yayılmış nurçular şəbəkəsi haqqında çoxlu sayda məqalələr dərc olunmuşdur. Eləcə də hamıya yaxşı məlumdur ki, bu düşmənlər qardaş Türkiyəyə necə ziyan vurmuşdular və vururlar, onlar respublikamıza necə nüfuz etmişdirlər və hansı fəaliyyətlə məşğuldurlar. Yalnız Prezident İlham Əliyevin uzaqgörənliyi və siyasi dahiliyi sayəsində Azərbaycan bu təhlükədən xilas olmuşdur. Lakin hamıya məlumdur ki, çox gizli saxlanılan bu şəbəkə hələ də Azərbaycanda və Türkiyədə fəaliyyətini davam etdirir və xüsusilə təhsil sistemində onun kökləri daha dərindir. Azərbaycan-türk liseylərinin və Türkiyə ali təhsil müəssisələrinin məzunları Azərbaycan universitetlərində və hökumət qurumlarında işlərini davam etdirirlər. Təbii ki, onların əksəriyyəti Heydər Əliyevin azərbaycançılıq ideyalarına, Prezident İlham Əliyevə və öz ölkəsinə sadiq insanlardır. Lakin ölkə prezidentinin qeyd etdiyi kimi - biz Azərbaycanın gələcəyi ilə bağlı planlar quran düşmənlərlə əhatə olunmuşuq. Beynəlxalq nurçu şəbəkəsi təhsili hər zaman özlərinin başlıca obyekti hesab etmişlər.
Bu arada diqqəti çəkən odur ki, Azərbaycan Dövlət İqtisad Universitetinin məzunu Elşən Bağırzadə rektor Ədalət Muradovun müşaviri təyin edilmişdir. Qısa müddət ərzində o, öz ətrafında türk liseylərinin və ali məktəblərinin məzunlarından ibarət komanda yığmış və rektor Ədalət Muradov da onları ən mühüm və aparıcı vəzifələrə təyin etmişdir:
-Nəsimi İsmayılov - baş mühasib…
-Raqif Qasımov - yeni yaradılmış Qiymətləndirmə və Keyfiyyətin İdarə Edilməsi Mərkəzinin direktoru;
-Gəray Musayev - Distant, əlavə və qiyabi təhsil mərkəzinin direktoru;
-Ramil Cabbarov - Kommunikasiya və marketin departamentinin aparıcı meneceri.
Bundan əlavə, "Gənc professor" və "Gənc müəllim" adlandırılan layihələrə rektorun tapşırığı ilə rəhbərlik edən Elşən Bağırzadə xarici ölkələrin ali məktəblərinin 100-dən çox məzununu müəllimlik və idarəetmə fəaliyyətinə cəlb etmişdir. Həm də nəzərə almaq lazımdır ki, həmin məzunlarla müsahibəni Elşən Bağırzadə şəxsən Gəray Musayev və Raqif Qasımovla tam məxfilik şəraitində aparmışdır. Onlardan bəziləri ilə bu müşavir vaxtaşırı görüşür, izahat işi aparır, müvafiq təlimat və tapşırıqlarını verir.
Beləliklə, o, öz şəbəkəsini genişləndirir, mövqeyini möhkəmləndirir və rektora təsirini gücləndirir.
«Elşən Bağırzadə və Ədalət Muradov arasındakı münasibətlərin isə uzunmüddətli və möhkəm əsasları vardır. Belə ki, professor Muradov onun elmi rəhbəri olmuş və hər vasitə ilə ona Azərbaycanda kölgə iqtisadiyyatı problemləri mövzusunda namizədlik dissertasiyasını müdafiə etməsinə köməklik göstərmişdir. Artıq dissertasiya mövzusu seçimi Elşən Bağırzadənin müxalifət baxışlarından xəbər verir. Rəsmi statistikaya görə Azərbaycanda kölgə (qeydiyyata alınmamış) iqtisadiyyatının səviyyəsi 9-10 faizi keçməsə də, Elşən Bağırzadə bu göstəricinin 55-60 faiz təşkil etməsini "əsaslandırmış"dır. Bu rəqəmlər isə Azərbaycanı gözü götürməyənlərin, bədxahların - Transparensy İntemational, Freedom House və s. agentliklərin rəqəmlərinə uyğun gəlir.
Elşən Bağırzadənin müşavir vəzifəsinə təyin edilməsindən sonra, universitetin bəzi nümayəndələri rektora bu təyinatın səhv addım olması, onun müxalifətçi baxışları və dünyagörüşü barədə məlumat vermişdilər. Lakin heç bir nəticəsi olmadı. Rektora həmçinin deyilmişdi ki, Elşən Bağırzadə sosial şəbəkələrdə çox fəaldır və Facebook-da onun dostları sırasında İsa Qəmbər, Əli Kərimli, Arif Hacıyev, Fətullah Gülən və digər şəxslər vardır. Buna cavab olaraq isə, rektor müşavirin səlahiyyətlərini genişləndirmiş və faktiki olaraq bu gün Elşən Bağırzadə ümumi rəyə görə ADİU-nun "boz kardinalı" hesab edilir. Kollektiv üçün bütün mühüm taleyüklü qərarları rektor müşaviri ilə gizli məsləhətləşmədən sonra qəbul edir (hətta belə görüşlər universitetdən kənarda gizli şəraitdə aparılır). Heç bir kollektiy müzakirə, fikir və arqument mübadiləsi rektor tərəfindən aparılmır, bütün tədbirlər keyfiyyətli təhsili, ciddi elmi bazası olmayan müşavirin ssenarisi üzrə həyata keçirilir. Rektorun müşaviri vəzifəsində qısa müddətdir ki işlədiyi, Elşən Bağırzadə artıq bahalı avtomobil (70 min manat civarında Audi avtomobilinin son modelini) də almışdır...», deyə redaksiyaya göndərilən məqalədə bildirilir.
Məqalədə, həmçinin qeyd olunur ki,
«Nəsimi İsmayılov Dövlət İqtisad Universitetinin yeganə baş mühasibidir ki, ona yeni şəxsi avtomobil və sürücü verilmişdir»
«…ADİU-nun baş mühasibi Nəsimi İsmayılovu xüsusi qeyd etmək lazımdır. Bu mühasibi Ədalət Muradov hələ İdarəetmə Akademiyasında dərs dediyi vaxtlardan tanıyırdı və "Azərsu"dan gətirmişdir. Ən qısa müddətdə bu baş kassir kollektivin ümumi narazılığını qazanmışdır. Hətta nəinki köhnə işçilər, həmçinin Ədalət Muradovun yeni təyin etdiyi insanlar da Nəsimi İsmayılova qarşı pis münasibətdədir. Heç kimə məlum olmayan səbəblərdən Ədalət Muradov ona müstəsna səlahiyyətlər vermişdir. Nəsimi İsmayılov Dövlət İqtisad Universitetinin yeganə baş mühasibidir ki, ona yeni şəxsi avtomobil və sürücü verilmişdir. Baxmayaraq ki, cənab Prezident dövlət vəsaitlərinə qənaət etməyi hər zaman tələb etmişdir. Nəsimi İsmayılov təkbaşına bütün maliyyə-təsərrüfat fəaliyyətinə tam nəzarət edir, satınalma proseslərini idarə edir, tenderlər və şirkətlərin kotirovkaları üzrə özü razılaşma aparır, hətta maliyyə-iqtisadi məsələlər üzrə prorektor Mikayıl Zeynalovu bu işlərdən kənarlaşdırmışdır. Görünür ki, məhz onun bu cür uğurlu fəaliyyətinə görə rektor onu mükafatlandırıb. Hamıya məlumdur ki, Nəsimi İsmayılov - klassik, möhkəm nurçu əqidəli insandır. Bu haqda dəfələrlə mətbuatda yazılmışdır... Mətbuat yazılarının birində qeyd edilir ki, Azərbaycan Dövlət İqtisad Univeristetində rəhbərliyin dəyişməsindən sonra, yeni kadrlar alınmaqdadır ki, bu sırada əvvəllər "Azərsun" Holdinqdə mühasib işləyən univeristetin Maliyyə və Mühasibatlıq Departamentinin rəhbəri və baş mühasib Nəsimi İsmayılova düşür. Bununla yanaşı mətbuatda o da iddia edilir ki, N.İsmayılov universitetə gəldikdən sonra Mühasibatlıqda çalışan köhnə, təcürbəli şəxsləri sıxışdıraraq işdən çıxarılmalarına nail olur. İşdən çıxarılan təcürbəli şəxslərin yerinə isə onun ideya dostları yerləşdirməklə, bir növ hərəkata xidmətini göstərmiş olur. Digər məlumatlara görə, 2014-cü il üçün universitetin maliyyə xərclərində sonuncu rüb üçün nəzərdə tutulan vəsait xərclənmədiyindən, N.İsmayılov univeristet rəhbərliyini pulun silinməsi üçün müəyyən işlərin görülməsinin vacib olduğuna inandırıb. İddialara görə, xərclənmyən vəsaitin silinməsi üçün iniveristetin əsas və digər korpuslarında müəyyən sahələri "boya"ma əməliyyatına start verilib. Bir neçə il əvvəl univeristet cari təmir olunan zaman rektor otağının da təmirdən çıxmasına baxmayaraq, rektor Ədalət Muradov baş mühasibinin düşüncəsi ilə oturduğu otağını yenidən təmir etməyə başlayib. Ortaya çıxan görüntü ondan ibarətdir ki, N.İsmayılov bir il əvvəl cari təmir olunan universitetdə cari təmir adı altında pulların silinməsinə nail olmaqdadır. Univeristetin rektoru Ədalət Muradov əsaslı təmirdən çıxan otağını, yenidən təmir etməklə qalmamış, eyni zamada 60 min manat dəyərində ağ rəngdə kabineti üçün mebel quraşdırmışdır.
Rektorun yerlibazlıq və qohumbazlığı…
Ədalət Muradov rektor təyin olunduğu ilk gündən dəfələrlə əvvəlki rektorun fəaliyyətini tənqid etmiş və açıq şəkildə demişdir ki, İqtisad Universiteti korrupsiyanın və rüşvətin simvoluna çevrilmişdir. Həmçinin yeni rektor dəfələrlə bəyan etmişdir ki, Prezident onu təyin edərkən bu neqativ halların aradan qaldırılmasını tapşırıb və indi hər şey başqa cür olacaq.
Həqiqətən də - Ədalət Muradovun rəhbərliyi ilə neqativ halların idarə edilməsi və təşkilində köklü dəyişikliklər baş verdi. Hər şeydən əvvəl, ADİU-da "vahid pəncərə" mexanizmi tətbiq edildi - bütün Azərbaycana məlum olan məşhur 103 nömrəli otaq açıldı ki, bu da bu günə qədər bütün ali təhsil sistemində görünməmiş korrupsiya maşınının qara simvoluna çevrildi. Bu otaqda yeni işçilər (tyutorlar) yuxarının əmrilə akademik borcun və digər ali təhsil müəssisəsindən və ixtisaslardan köçürülmələr zamanı yaranan fərqin ləğv edilməsinə görə hamının narazılıqla xatırladığı «fəaliyyətlə» məşğuldur.
Hətta ölkə KİV-lərində bu «fəaliyyətin» nəticəsi olan rəqəm əmsalları da qeyd olunub.
Göndərilmiş başqa bir məktubda isə yazılır ki, «…Rektor Ədalət Muradov kadr siyasətini özü istədiyi kimi həyata keçirir. Başlıca vəzifələr üzrə onun kadr siyasəti aşağıdakı prinsiplərə, meyarlara və tələblərə əsaslanır: kadr "ultradodemokratik" baxışlara sadiq olmalıdır; kadrın rektorla qohumluq və ya dostluq əlaqəsi olmalıdır; kadr əsasən Qarabağ zonasını təmsil etməlidir. Belə ki, İqtisad Universitetinin 7 prorektorundan 4-ü Qarabağ regionundandır, ümumi şöbə və təsərrüfat şöbəsinin müdirləri onun qohumlarıdır (Muradov Rəşad və Muradov Rahib), Kommersiya fakültəsinin yeni təyin olunmuş dekanı onun həmkəndlisidir, təsərrüfat hissəsinin rəisi, tədris-metodiki mərkəzin direktor müavini Kiyev Universitetində təhsil aldığı vaxtlarda onun şəxsi dostlarıdır, tədris-metodiki mərkəzin direktoru isə İdarəçilik Akademiyasında onun dostu olmuşdur. Belə misalları çox çəkmək olar. ADİU-nun rektorluğunda, administrasiyasında və rəhbərliyində faktiki olaraq Naxçıvan və Qərbi Azərbaycandan təmsilçi yoxdur. Kollektivdə artıq dəqiq fikir formalaşmışdır ki, rektor vəzifəyə yalnız "özününküləri" təyin edir.
Bundan əlavə, son illərdə 50-dən çox yeni vəzifə ştatı açılmışdır - mühasibatlıq, təsərrüfat hissəsi, mətbuat xidməti, audit və çoxsaylı yeni mərkəzlərdə. Və bütün bunlar şərəfli ənənəyə malik "İdman" kafedrasının faktiki olaraq bağlanması hesabına baş verdi və həmin kafedranın müəllimləri gündəlik yaşayışlarını təmin etdikləri maaşlardan məhrum oldular, Rus dili kafedrasının əksər müəllimləri 0.5 ştata keçdilər və kollektivin böyük əksəriyyəti üçün amansız, qəddar qənaət rejimi tətbiq edilir.
Ədalət Muradovun demokratik oyunları?
Məqalə müəllifi yazır: «…Ədalət Muradov "universitet tələbələr üçün və tələbələr naminə" şüarı ilə bütün gücü ilə demokratik, xalq rektoru imicini yaratmağa cəhd göstərir. İlk gündən tələbə özünü idarə ümumi başlığı altında son dərəcə anlaşılmaz layihələr tətbiq etməyə başladı, sosial şəbəkələrdə həddindən artıq fəallıq nümayiş etdirdi, olduqca zərərli populist qərarlar qəbul etdi. Belə əsas qərarlardan biri də test imtahan suallarının hazır düzgün cavablarının tələbələrə verilməsi oldu. Məlumdur ki, Azərbaycanda biliklərin qiymətləndirilməsinin test sistemi üstünlük təşkil edir və bu sistem xeyli müsbət nəticələr verir. Lakin ölkənin heç bir təhsil müəssisəsində təhsil alanlara əvvəlcədən testin düzgün cavabları verilmir. İqtisad Universitetində bu cür populist qərarın nəticəsində bütün tədris prosesinin real deqradasiyası və müəllim statusunun məhvi baş verdi. ADİU-nun tələbələri praktiki olaraq iqtisad elmini öyrənməyi dayandırdılar, belə ki, imtahan qiymətlərini almaq indi tamamilə müəllimdən asılı deyil və düzgün cavabları əzbərləmək qabiliyyəti ilə müəyyən edilir. Faktiki olaraq bu qərar iqtisadi təhsilə qarşı gizli təxribatdır, keyfiyyətli mühazirə və praktiki məşğələlərin aparmağın mənasını tamamilə heçə endirir, təhsilin özünün mahiyyətini məhv edir. ADİU-nun tələbələri hazırda öz aralarında yarışırlar ki, kim daha tez imtahan verəcək - 7 və ya 8 dəqiqəyə. Qəbul imtahanlarında keçid balını toplamış tələbələr, indi 100 bal toplamaq (daha doğrusu vurmaq) üçün apelyasiyaya müraciət edirlər. Bütün bunların nəticəsində tədris prosesinin bütün iştirakçılarının - tələbələrin və müəllimlərin ümumi deqradasiyası baş verir. Və bu cür mühüm qərar təkbaşına, mütəxəssislərlə məsləhət və məşvərət olmadan qəbul edilmişdir. Tələbələrə edilən bu "hədiyyə"nin yeganə şübhəli "müsbət" cəhəti öz tələbələrinə "qayğı göstərən" demokratik xalq rektoru statusu ola bilər. Ədalət Muradovun "demokratik baxışlarının" təhlükəliliyi onun "demokratik layihəsi" - tələbə rektor layihəsinin tətbiqində də müşahidə edilmişdir. Bu layihə ilə rektor son dərəcə qürrələnir və onu bütün ali məktəblərə yaymağa cəhd göstərir. Layihənin məqsədi ondan ibarətdir ki, birbaşa səsvermə yolu ilə bir il müddətinə tələbə rektoru seçirlər. Sonra isə guya tələbə rektor tələbələrin rəsmi qanuni lideri funksiyasını yerinə yetirir, universitetin bütün strukturlarında və kənarda onların maraqlarını təmsil edir. Beləliklə, bu tələbə rektor, faktiki olaraq isə tələbələrin prezidenti heç kim tərəfindən və heç nə ilə məhdudlaşdırılmayan xeyli hakimiyyət səlahiyyətləri əldə edir. O öz fəaliyyətini istədiyi kimi həyata keçirə, istiqamətləndirə və tələbələrə rəhbərlik edə bilər və ən təhlükəlisi - onu seçildiyi müddətdə tələbə rektor, de-fakto tələbə imperator vəzifəsindən çıxarmaq və ya əvəz etmək mümkün deyildir.
«İqtisad Universitetinin ilk seçilmiş tələbə rektoru Milli Məclisə seçkilərdə YAP-ın deyil, Sosial Demokratiya Partiyasından səlahiyyətli nümayəndə oldu!!!»
Əgər fərz etsək ki, bu lider müxalifətin, radikal və ya ekstremist qüvvələrin təsiri altına düşərsə, onda Ədalət Muradovun növbəti demokratik layihəsinin özlüyündə hansı böyük təhlükəni daşıdığını təsəvvür etmək çətin deyildir. İqtisad Universitetində bu belə də oldu!
Nəticə göz qabağındadır
Necə deyərlər, şərhə ehtiyac yoxdur.
Ölkə başçısı, cənab Prezident İlham Əliyev öz çıxışında vurğulamışdır: "...Bu gün Yaxın Şərqdə həyata keçirilən çirkin ssenarilər Azərbaycan üçün də hazırlanmışdır. 2011-ci ildə, 2012-ci ildə bəzi xarici dairələr Azərbaycanda "Ərəb bahar”nın yaranmasından söhbət açırdılar və deyirdilər ki, bu, qaçılmazdır. Burada vəziyyəti gərginləşdirmək, sabitliyi pozmaq üçün min cür işlərdən çıxmışlar. Bizim hüquq mühafizə orqanları bütün bu işlərin üstünü açıb. Azərbaycanda "Maydan hərəkatf'm yaratmaq istəyirdilər. Gəncləri bu çirkin işlərə sövq etmək istəyirdilər, onları bədbəxt etdilər. Azərbaycanda vəziyyəti gərginləşdirmək üçün böyük pullar xərclənib. On milyonlarla dollar vəsait aşkarlanıb ki, qanunsuz yollarla, yerli "Beşinci kolon"un vasitəsilə, qeyri-hökumət təşkilatları adı ilə Azərbaycana gətirilsin, vəziyyət gərginləşsin və burada bəzi xarici dairələrin xidmətində olan insanları da hakimiyyətə gətirsinlər. 2013-cü ilin əvvəlindən başlayaraq bu proseslər daha da ciddi formalar almışdır. Prezident seçkiləri ərəfəsində vəziyyəti gərginləşdirmək, sabitliyi pozmaq, Azərbaycanı məhv etmək cəhdləri müşahidə olunub. Mən bunu açıq deyirəm. Mən bunu başqa cür qəbul etmirəm. Ancaq Azərbaycan xalqının, dövlətinin düşmənləri bu işlərdə iştirak edə bilərdi...". Möhtərəm Prezidentimiz dəfələrlə bəyan etmişdir ki, bizim özümüzün demokrtiya anlayışımız var, Qərbin özünün. Qərb demokratiyaya milli prosesləri idarə etmək, xalqları və hökuməti özlərinin marionetkalarma (oyuncaqlarma, əlaltılarma) çevirmək imkanı kimi baxır. Cənab Prezident İlham Əliyevin nöqteyi-nəzərindən isə demokratiya xalq və dövlətin qırılmaz birliyidir. Bu mənada, Azərbaycan Dövlət İqtisad Universitetində tələbə rektor layihəsi çoxlu ziddiyyətli suallar doğurur. Bu, bizim təhsil sistemimizə müsbət nələri qazandıracaq və ən əsası - tələbələrimizin düzgün tərbiyə olunmasına necə kömək edəcək?!», deyə vurğulanır.
Birbaşa seçkilər əsasında ümumuniversitet tələbə lideri sisteminin tətbiq edilməsi və ona rektor statusunun verilməsinə gəlincə, məlum olur ki, bu məsələ haqlı olaraq şübhələr doğurur və sayıq olmağı tələb edir:»…Məlum olduğu kimi, ölkəmizdə rektor Prezident tərəfindən təyin edilən vəzifədir. Belə olan halda, bu demokratiya oyunları nəyə və kimlərə lazımdır? Biz gözəl bilirik ki, seçkili demokratiya - qərbin özlərinə sərf edən liderləri hakimiyyətə gətirməyin köhnəlmiş mexanizmidir, insanları ələ salmaqdır və cəmiyyətin stabilliyini
ADİU-da kollektivə qarşı repressiya mexanizmi?
«…Rektor Ədalət Muradovun bütün demokratik fəaliyyət imicinin mahiyyəti İqtisad Universitetinin kollektivinə münasibətdə yaratdığı unikal və effektiv fəaliyyət göstərən repressiya mexanizmində əks olunur. Bu repressiya mexanizminin əsasında onun tərəfindən yaradılan, sonradan kollektiv tərəfindən Gestapo adlandırılan daxili audit şöbəsi dayanır. Bu şöbənin başlıca və yeganə funksiyası universitet əməkdaşlarını güdmək və cəza tədbirlərini həyata keçirməkdir. Bu şöbənin əməkdaşları saysız- hesabsız və yersiz reydlər və yoxlamalar həyata keçirirlər, ən xırda çatışmazlıq, gecikmə və digər kiçik minuslar olduqda rektora cəza görülməsinə dair təqdimat yazırlar, izahat tələb edirlər və s. Bu zaman cəzalandırdıqlarının keçmiş xidmətlərini, stajını, yaşını və statusunu tamamilə nəzərə almırlar. Audit şöbəsinin təşəbbüsü ilə universitetdə barmaqların skan edilməsi vasitəsilə giriş-çıxışın alçaldıcı qeydiyyat sistemi tətbiq edilir. Bütün normal insanlar bilirlər ki, bu cür sistem xüsusi təyinatlı və əhəmiyyətli müəssisələrdə və təşkilatlarda vacibdir. Universitetlərdə isə bunu tətbiq etmək - biabırçılıqdır və elm-təhsil müəssisəsinin təhqir edilməsidir! Lakin buna baxmayaraq, rektor hətta elektron barmaq qeydiyyatı sistemini elektron universitetin effektiv aləti kimi reklam edir... Daxili audit şöbəsi adətən hüquq-mühafizə orqanlarında, xüsusi maliyyə-iqtisadi funksiyaları və s. yerinə yetirən dövlət müəssisələrində yaradılır. Müasir universitetdə daxili auditin yaradılması - nonsensdir, əməkdaşların hüquqlarının və universitet etikasının ən kobud şəkildə pozulması deməkdir. Ali təhsil müəssisəsinin belə idarəetmə sistemi Təhsil haqqında Azərbaycan Respublikasının Qanununa və təhsilin inkişafı üzrə dövlət proqramlarına tamamilə ziddir. Tədris hissəsi, dekanlıqlar və tyutorlar fəaliyyət göstərdiyi təqdirdə daxili audit şöbəsi nəyə lazımdır? Və nəyə görə bu şöbə ADİU-nun yalnız professor-müəllim və texniki heyətini total nəzarətə götürüb, baş mühasibin və təsərrüfat hissəsinin "uğurlu" fəaliyyətini yoxlamır?..
«Ümummilli lider Heydər Əliyevin Sərəncamı ilə yaradılmış bu universitetin Azərbaycan dilində təsdiq edilmiş qısaldılmış adı (ADİU) heç bir hüquqi çərçivəyə sığmayaraq Elmi Şurada rəsmi surətdə ləğv edilmişdir…»
…Rektor Ədalət Muradov nəinki İqtisad Universitetinin tarixini yenidən yazmaq istəyi, eləcə də faktiki olaraq Azərbaycan Dövlət İqtisad Universitetinin adını ingilis dilində abbreviaturada dəyişməsilə fərqlənmişdir - UNEC... Hərçənd ki, əslində, heç ingilis dilində də abbreviatura düzgün yazılmamışdır. Həm də nəzərə almaq lazımdır ki, Ümummilli lider Heydər Əliyevin Sərəncamı ilə yaradılmış bu universitetin Azərbaycan dilində təsdiq edilmiş qısaldılmış adı (ADİU) heç bir hüquqi çərçivəyə sığmayaraq Elmi Şurada rəsmi surətdə ləğv edilmişdir. İndi bütün rəsmi və qeyri-rəsmi sənədlərdə milli Azərbaycan abbreviaturası olan ADİU (bu abbreviatura universitetin adına tam uyğun gəlir) deyil, qərb ingilis variantı - UNEC işlədilir... Bu isə artıq müvafiq qanunvericiliyin kobud şəkildə pozulması deməkdir. Təsadüfi deyildir ki, nüfuzlu mütəxəssislər Ədalət Muradovun növbəti "yeniliyinə" dərhal öz narazılıqlarını bildirmişdilər. Mətbuatda bununla bağlı xeyli tənqidi yazılar işıqlanıdırılmışdır. Məsələn, Nazirlər Kabineti yanında Terminologiya Komissiyasının sədr müavini, AMEA Nəsimi adma Dilçilik İnstitutunun Terminologiya şöbəsinin müdiri Sayalı Sadıqova bildirib ki, prezident İlham Əliyevin 2013-cü il 9 aprel tarixli Sərəncamı ilə təsdiq olunmuş Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramında da Azərbaycan respublikasının dövlət dilini qorunub saxlanması ən başlıca vəzifə kimi qeyd olunub: "Azərbaycan Dövlət İqtisad Universitetindən başqa, Azərbaycandakı bütün universitetlər adlarının qısaldılmış formasında Azərbaycan dilinin qaydalarını qoruyub saxlayıb. Ancaq İqtisad Universiteti adını UNEC kimi yazır. Bu isə həm Azərbaycan dilini qaydalarına, həm də beynəlxalq standartlara ziddir".
S.Sadıqova qeyd edib ki, elə brend adlar var ki, onların yazılış formasına toxunulmur: "UNEC brend deyil axı. O zaman Bakı Dövlət Universiteti, yaxud Azərbaycan Dövlət Pedaqoji Universiteti də öz abreviaturalarını ingiliscə yazsın? Məsələn, SOCAR brenddir. SOCAR Türkiyədə, İtaliyada Gürcüstanda fəaliyyət göstərir. SOCAR neft şirkəti kimi dünya tərəfindən tanmır. SOCAR-la UNEC-i qarışdırmaq olmaz. Onlar tamam fərqli şeylərdir. Mən indi Nəsimi adına Dilçilik İnstitutunun adının qısaldılmış formasını düzəldib ingiliscə verim? Bu nə dərəcədə düzgündür?... Bu səhvi aradan qaldırmaq lazımdır".
Buna baxmayaraq yeni rəhbərlik qərbin xoşuna gəlsin deyə universitetin yeni adını istifadə etməkdə davam edir. Burada rektorun qərbi qane edən istənilən dəyərləri tətbiq etmək (hətta milli dəyərlərimizə zidd olsa da), universiteti zor gücü ilə radikal qərbləşməyə aparmaq, Azərbaycan xalqı üçün şübhəli dəyərləri təbliğ edən qərb təhsil müəssisəsinin nəsə bir filialını yaratmaq cəhdləri açıq-aydın görünür... Bu həmçinin struktur islahatlarında da özünü göstərir - fakültələrin yenidən adlandırılması, onların birləşdirilməsi, əsaslandırılmamış şəkildə yeni kafedraların yaradılması və s. Bütün əsas diqqəti rektor ingilis dilində tədrisin gücləndirilməsinə yönəldir. Baxmayaraq ki, İqtisad Universitetində milli dildə - Azərbaycan dilində təhsil alan tələbələrin 80 faizindən çoxu Azərbaycanın əmək bazarının gələcək iştirakçılarıdır. Dəqiq fikir formalaşmışdır ki, rektor Ədalət Muradovu hər şeydən çox narahat edən odur ki, qərb təhsil və idarəetmə modelini kor-koranə və düşünmədən reallaşdırmağa hazır olan qərbyönümlü rəhbər kimi onun imicini Qərbdə necə qəbul edirlər...
Bundan əlavə, ADİU-da iki böyük və prestijli fakültənin - maliyyə və mühasibatlıq fakültələrinin birləşdirilməsi haqqında qərar da tamamilə əsaslandırılmamışdır və yanlış addımdır. Bu ixtisaslara qəbul imtahanlarında ən yüksək bal toplayanlar daxil olurlar, maliyyə, vergi işi, mühasibat uçotu və audit ənənəvi ixtisaslar kimi məhz ADİU-da baza və güclü ixtisaslar (elmi-təhsil mənasında) hesab edilir. Və 3000-dən çox tələbəni birləşdirən nəhəng fakültənin yaradılması obyektiv və təbii olaraq təhsil prosesinin idarə edilməsi keyfiyyətini və onun yenilənmə qabiliyyətini kəskin surətdə aşağı salacaqdır. Bu qərar gözlənilmədən və kolektivlə heç bir məsləhətləşmə olmadan qəbul edilmişdir. Həmçinin ADİU-da 20 ildən çox uğurla fəaliyyət göstərən "Beynəlxalq iqtisadi münasibətlər" ixtisas kafedrası mövcud olduğu təqdirdə gözlənilmədən və əsaslandırılmadan rektor "Beynəlxalq iqtisadiyyat" kafedrası yaratdı. Tədris yükünün 90 faizi "Beynəlxlaq iqtisadi münasibətlər" kafedrasından alındı, elmi dərəcəyə malik olmayan və şübhəli təhsil almış insanların cəmləşdirildiyi yeni kafedraya verildi. Beləliklə də, ADİU-da ən prestijli və ölkəmizdə universitetlərə qəbul balı üzrə reytinqdə uzun müddət birinci yerdə dayanan "Dünya iqtisadiyyatı" ixtisasına demək olar ki, ölümcül zərbə vuruldu. Belə "islahatlar" ilə rektor aparıcı ixtisasların üzərinə gec açılan mina qoyur ki, bu da yaxın gələcəkdə həmin ixtisasları tənəzzülə aparacaqdır. 2015-ci ildə artıq "Dizayn" ixtisasında iflas baş vermişdir - 70 yerə yalnız 2 tələbə, "Biznesin təşkili" ixtisasına isə cəmi 50 faiz tələbə qəbul olmuşdur. Bu yalnız başlanğıcdır! Qəbulda natamamlıq bir müddətdən sonra professor-müəllim heyətinin ixtisar edilməsini qaçılmaz edəcək...
Bu islahatların yeganə məqsədi - ADİU-nun təhsil prosesindəki müsbət nailiyyətlərini məhv etməkdir ki, ümumuniversitet böhranı fonunda rektor Ədalət Muradovun Beynəlxalq iqtisadiyyat (ingilis dilli) məktəbi və s. kimi yeni yaratdığı təhsil eksperimentləri "parıldaya" bilsin».
Bütün bunları oxuyub nəticə çıxarandan sonra rektor Ədalət Muradovun Azərbaycan Dövlət İqtisad Universitetini hara apardığını demək çətindir. Lakin bir məsələni birmənalı təsdiq etmək olar- ölkənin bu qocaman ali təhsil ocağında tələbələrin sosial-siyasi rəngli kataklizmlər doğura bilməsi və həddindən artıq dözülməz vəziyyətə gətirilən əməkdaşların öz narazılıqlarını kütləvi, kollektiv şəkildə bildirməsi üçün çox münbit şərait formalaşdırılmışdır...
Bir sözlə Ədalət Muradov pafoslu cümlələrlə yekexana hərəkətlər etmək lazım deyil.Ortaya kankret olaraq iş qoymaq lazımdır.Sizin yarıtmaz fəaliyyətinizi açıq aşikar ortaya qoyduq.Artıq sizin getmək vaxtınızdır.Gedin ki Unec azad olsun.Qohum-əqrəba yerləşdirmək birbaşa korrupsiya halıdır.Bu isə,nə qədər dərin çirkaba batdığınızın bariz nümunəsidir.Ümid edirik ki,Ədalət Muradovun fəaliyyəti araşdırılsa onun yeri Kürdəxanı türməsi olacaqdır. //interpress.info//