 |
|
|
“Biz ukraynalıların hücumu zamanı təslim olmuş çeçenləri əsirlikdən xilas etmək fikrində deyilik”.
“AzPolitika” xəbər verir ki, bunu “Axmat” çeçen xüsusi təyinatlılarının komandiri və Rusiya Ordusunun Baş Hərbi-Siyasi İdarəsinin rəis müavini Apti Alaudinov bəyan edib. O, Kurskdakı Ukrayna Silahlı Qüvvələrinin döyüşçülərini və onları (əsirləri- red) öldürmək üçün hər şeyi etməyə çağırıb.
Alaudinov “Telegram” kanalında verdiyi açıqlamada yalnız ağır yaralar səbəbindən əsir düşənlərə kömək etdiyini bildirib. “Axmat” komandirinə görə, müqavimətsiz təslim olanlar yaşamağa layiq deyillər.
"Ukraynalılar, onları özünüz üçün saxlayın, onlara ehtiyacımız yoxdur", - Alaudinov bildirib.
Bundan əvvəl ukraynalı fotojurnalist Yan Dobronosov Kursk vilayətində əsir götürülən Çeçenistanın Valerik kəndinin keçmiş rəhbəri Maqomed Zaraxmatovun videosunu dərc edib. Kadrlarda o, sıravi əsgər olduğunu, avqustun 14-də Kursk vilayətinin Sudjanski rayonunda əsir düşdüyünü, müqavimət göstərmədiyini və döyüşmək məcburiyyətində qaldığını bildirir.
Ukrayna ordusu avqustun 6-da Kursk vilayətində hücuma keçib. Ukrayna Silahlı Qüvvələri onlarla yaşayış məntəqəsinə, o cümlədən rayon mərkəzi Sudjaya, min kvadrat kilometrdən çox əraziyə və əsir götürülmüş yüzlərlə rus ordusu əsgərinə nəzarət etdiyini iddia edir. Kursk vilayətində federal fövqəladə vəziyyət qüvvədədir. Rəsmi məlumatlara görə, sərhədyanı ərazilərdən 130 mindən çox insan təxliyə edilib. Ukrayna qoşunlarının işğal etdiyi ərazilərdə neçə nəfərin qaldığı məlum deyil, lakin mövcud məlumatlara görə, onların sayı azı yüzlərlədir.
Ukrayna Silahlı Qüvvələrinin Rusiya ərazisinə keçməsi başlayandan bəri Apti Alaudinov Kursk vilayətindəki bölməsinin hərbi uğurları ilə bağlı onlarla video çəkib və sosial şəbəkələrdə yerləşdirib. O, dəfələrlə "yaxın bir neçə gün ərzində" bölgədəki vəziyyəti nəzarət altına alacağına söz verib.