İcbari Tibbi Sığorta üzrə Dövlət Agentliyi “Kliniki Tibbi Mərkəz” publik hüquqi şəxsin tabeliyində olan 5 nömrəli Kliniki Doğum Evinin əsaslı təmiri işlərinin satın alınması üzrə 06.06.2023-cü ildə başladığı açıq tender müsabiqəsini tamamlayıb və 28.07.2023-cü il tarixdə “ORN GROUP” Məhdud Məsuliyyətli Cəmiyyəti ilə 15.071.218,56 manat məbləğində satınalma müqaviləsi bağlamağı planlaşdırır. Bu barədə Dövlət Agentliyi dövlət satınalmalarının vahid internet portalına məlumat yerləşdirib.
Bu məlumat ətrafında apardığımız araşdırmalarda məlum oldu ki, sözügedən MMC ötən il də “İcbari Tibbi Sığorta üzrə Dövlət Agentliyi” Publik Hüquqi şəxsi tərəfindən İcbari Tibbi Sığorta üzrə Dövlət Agentliyinin Bakı şəhəri, Nəsimi rayonu, Süleyman Ələsgərov küçəsi, 10 A (Kiçik Dəniz küçəsi- 4) ünvanında yerləşən ümumi sahəsi 3303.20 m2 olan inzibati binasının əsaslı təmir işlərinin satın alınması üzrə keçirilmiş bir açıq tenderin də qalibi olub. Bu tenderdə isə “ORN GROUP” MMC Tibbi Sığorta Agentliyindən 4.144.710,67 manat məbləğində dövlət sifarişi alıb və 26.07.2022-ci il tarixdə satınalma müqaviləsi bağlanıldığı elan edilib.
Maraqlıdır, 11 ay ərzində dövlətdən 20 milyon manat civarında dövlət sifarişi almış bu MMC kimə məxsusdur? MMC-nin veb-saytında bildirilir ki, 2004-cü ildə Azərbaycanda, Bakıda qurulan ORN Group qarışıq podrat xidmətləri göstərən bütövlükdə podratçıya çevrilmişdir . Tikinti, daxili təchizat və mexaniki, elektrik və ictimai səhiyyə (MEP) sahəsində təcrübəmiz Mühəndislik, Satınalma, Layihələndirmə və Tikintidən istismara verilməsinə qədər tam həllər təqdim edir. Bakı Azərbaycanda yerləşən ofisimizlə ölkə daxilində işlərimizi peşəkar şəkildə yerinə yetirmək üçün lazım olan bütün icazə və lisenziyaları almışıq . Genişlənmə ehtiyaclarımıza və bütün Avropadakı şəbəkələrimizə görə, 2008-ci ildə şirkətimiz ORN GmbH Avstriyanın Vyanada təsis edilmişdir. ORN GmbH Azərbaycan vasitəsilə Avropa və Asiya arasında qüsursuz biznes və logistik əlaqəni təmin edən idxal və ixrac ticarəti, eləcə də beynəlxalq biznesin inkişafı ilə fəal şəkildə məşğul olur.
Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında isə “ORN GROUP” Məhdud Məsuliyyətli Cəmiyyətinin Bakı şəhəri Lokal Gəlirlər Baş İdarəsində 12.03.2007-ci il tarixdə dövlət qeydiyyatına alındığı bildirilir. Nizamnamə kapitalı 129 500.00 manat olan MMC-nin hüquqi ünvanının BAKI ŞƏHƏRİ NƏSİMİ RAYONU, ŞƏMSİ BƏDƏLBƏYLİ, ev 102, m. 47, qanuni təmsilçisinin isə Bağırov Qəzənfər Füzuli oğlu olduğu göstərilir.
Elektron media resurslarında yayılmış məlumatlarda Qəzənfər Füzuli oğlu Bağırov həm də “ORN GİDA VE DERİ” Məhdud Məsuliyyətli Cəmiyyətinin qanuni təmsilçisi olub. 2019-cu ildən MMC-nin adı dəyişdirilb və “ORN DEVELOPMENT” MMC kimi fəaliyyət göstərir. Hazırda isə sözügedən MMC-nin qanuni təmsilçisi Qəhrəmanov Elşən Rahil oğludur. Dövrü mətbuatda onun vaxtıilə evlərin alqı-satqısı ilə məşgul olması barədə məlumatlar var.
Apardığımız daha ətraflı araşdırmlar zamanı məlum oldu ki, “ORN GROUP” MMC dövlət qeydiyyatına alınanda qanuni təmsilçisi Vəliyeva Tamara Əlibala qızı olub. Cəmi 20 manat nizamnamə kapıtalı olan MMC-yə 2011-ci ilə qədər Tamara Vəliyeva rəhbərlik edib. Ondan sonra MMC-yə Qəzənfər Bağırov rəhbərlik etməyə başlayıb.
Bəs dövlət qeydiyyatından 15 il əvvəl keçmiş, amma son bir ildə udduğu tenderlərlə məşhurlaşan “ORN GROUP” MMC-ni təsis etmiş Vəliyeva Tamara Əlibala qızı kimdir?
İnternet axtarış sistemləri üzərindən apardığımız araşdırma göstərir ki, Vəliyeva Tamara Əlibala qızı 1959-cu il təvəllüdlüdür. Beyləqan rayonunda anadan olub. Azərbaycan Yazıçılar Birliyinin üzvü, nasir, dramaturqdur. Vikipedia məlumatlarında sonuncu kitabının 2001-ci ildə nəşr olunduğu göstərilir. Dövlət satınalmalarının vahid internet portalına yerləşdirilmiş məlumatlardan da görsəndiyi kimi İcbari Tibbi Sığorta üzrə Dövlət Agentliyi 11 ay ərzində “ORN GROUP” MMC ilə 20 milyon manat civarında iki satınalma müqaviləsi bağlayıb. Dövlət Vergi Xidmətinin məlumatlarında sözügedən MMC-nin Vəliyeva Tamara Əlibala qızı tərəfindən təsis edildiyi göstərilir. Hazırda MMC-nin qanuni təmsilçisi kimi Bağırov Qəzənfər Füzuli oğlu göstərilsə də Tamara Vəliyeva çox güman ki, təsisçilik hüququnu özündə saxlayır.
Açıq internet axtarış sistemləri üzərindən əldə etdiyimiz məlumatlarda Vəliyeva Tamara Əlibala qızının nasir, dramaturq, Azərbaycan Yazıçılar Birliyinin üzvü olduğu yazılır. Burada iki sual yaranır. Azərbaycanda bir xanım yazıçının təsisçisi olduğu sıradan bir şirkətin 11 ay ərzində 20 milyon manata yaxın dövlət sifarışi alması nə dərəcədə realdır? Sözsüz ki, MMC bu dövlət sifarişlərini yüksək çinli məmurların tapşırığı ilə əldə edib. Yəni, şirkət Vəliyeva Tamara Əlibala qızı, Bağırov Qəzənfər Füzuli oğlu tərəfindən deyil, həmin məmurlar tərəfindən idarə olunur. Yəni, üçüncü bir şəxs daha var. O, üçüncü şəxs kimdir? Aktualinfo.org
Otellər turizm biznesi, yoxsa qadın alveri üçün inşa edilib..? Milli mentalitetimiz əldən gedir, cənablar! Hüquq-mühafizə orqanları, DİN, İnsan Alverinə qarşı Mübarizə İdarəsi, Miqrasiya Xidməti hara baxır..? Bir ailənin, bir qadının timsalında AİLƏ DRAMI, fahişə biznesi... – FAKT Bir müddət əvvəl Bakıda oteldə "viaqra" içib ölən ərəb kişi barəsində xəbər yayılmışdı. Xəbərdən bəlli olurdu ki, Nərimanovda yerləşən "Caspian Business Otel”də İraq Respublikasının vətəndaşı Ammar Al Ce Cuborinin halı pisləşdiyindən otel rəhbərliyi təcili yardım çağırıb və həkimlərin səylərinə baxmayaraq ərəbin təzyiqini aşağı sala bilməyiblər və 51 yaşlı əcnəbi dünyasını dəyişib. Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Nərimanov rayon şöbəsinə aparılıb. Ərəbin ölümünə ilkin səbəb kimi cinsi gücü artıran dərmanları həddindən artıq çox qəbul etməsi olub. Əgər medianı bir az araşdırsaq, belə faktlar kifayət qədərdir. Deməli, gör ölkəmiz nə gündədirsə, ərəblər bura əxlaqsız əməllərdən çıxmaq üçün gəlirlər. Biz bilirik ki, məmurlarımızın ərəb dostları təbiət qoruqlarımızda quşbazlıq edirlər, qiymətli quşlarımızı ovlayırlar və üstəlik...otellərimizdə qız-gəlinləri pulla alırlar. Bu bir milli rüsvayçılıqdır. Görəsən, Azərbaycandakı müvafiq qurumlar, ictimai birliklər niyə səslərini çıxartmırlar..? Digər ən vacib məqam odur ki, son illər tikilən otellər turist qəbul etmək üçündür, yoxsa fahişəxanalıq üçün tikiliblər..? Bütün bunları da bir kənara qoyaq. Bəs ölkənin hüquq-mühafizə orqanları, Daxili İşlər Nazirliyi, Miqrasiya Xidməti və İnsan Alverinə qarşı Mübarizə İdarəsi və s qurumlar hara baxır..? Məgər Azərbaycan orta əsrlər, qul alveri dövrünü yaşayır..? İndi isə gəlin bir ailənin, bir qadının timsalında ölkəmizdə baş verən faciəyə, ailə dramına, fahişə biznesinin ölkəmizdə çiçəklənməsinə nəzər salaq. Ailə dramını yaşayan qadının dediklərini olduğu kimi cəmiyyətimizə və müvafiq dövlət qurumlarına çatdırırıq: QULİYEVA ZEYNƏB - MƏNİM 18 İLLİK AiLƏMİN, MALIMIN, MÜLKLƏRİMİN DAĞILMASINA SƏBƏB OLAN BAR QADINI... Keçən ilin əvvəllərində yoldaşım Basem Darviş Neftçilərdə yerləşən "X Life" gecə klubunda işləyirdi və mənim oğlum Nurlanı da ofisiant olaraq orada işə düzəltmişdi. Oğlum Nurlan da şahiddir ki, Zeynəb Quliyeva "X Life" a yanında qızlarla özlərini ərəblərə pula satmağa gəlirlərmiş. Beləliklə, Zeynəb orada mənim ərim ərəb Basemlə tanış olub. Basem Badamdarda "Dubay İnternational" otelin nəzdində "Şeyx" Klub"da işləməyə başladı. Mən yoldaşım Basemin telefonunda çoxlu qızların nömrələrini və onlarla əlaqə saxladığını görürdüm və ərimin ailəmizə qarşı dəyişdiyini hiss edirdim. Uşaqlarımın da yanında qızlarla ailəyə uyğun olmayan sözlərlə danışırdı. İş vaxtları ərəblərlə nalayiq söyüşlərdən istifadə edərək danışırdı. Basemin evdə bizlə də danışıq tərzi dəyişmişdi. Mənim körpələrimlə nalayiq söyüşlərlə danışırdı. Basem oğlum Nurlanı da "Şeyx Klub"a gətirmişdi, ofisant olraq orada işləyirdi. Bir gün oğlum mənə dedi ki, mama Zeynəb adlı biri ərəblərə pulla satmaq üçün yanında çoxlu cavan qız gətirir və "Şeyx Klub"da Basemlə birgə ərəblərə satıb dollar qazanırlar. Oğlum Nurlan deyir ki, Zeynəbi Basem ərəbə satılmağa qoymur, deyir sən mənim ol, qızları sataq bəsimizdi. Hər şey bu "Şeyx Klub"dan başladı. Bir gün ərim Basem evə gələrək, mənimlə maşının, evin satılmasının tələbini etdi ki, Zeynəblə biznes edirik, klub açırıq, ev, maşın satılmalıdır. Zeynəbin çoxlu qız tanışları var, mən də ərəbləri gətirib, öz klubumda satacağıq və varlanacağıq. Mən Basemə bildirdim ki, mən elə varlıyam da niyə əmlaklarımı satmalıyam ki, mən bundan da varlı olacam? Əlbəttə ki, bu olanlardan sonra mən etirazımı bildirəndə hər dəfə məni döyüb evdən gedirdi və deyirdi ki, səni boşayıb qohumlarının içində biyabır edəcəm. Oglum Nurlanı da ofisiant işindən döyüb, çıxartdı. Onu da bildirim ki, bacım oğlu da Basemin yanında ofisiant işləyirdi, Basemlə Zeynəb onu da işdən çıxatrdılar ki, mənə artiq bilgi, məlumat verməsinlər. Beləliklə, Bəsemlə Zeynəbin mənə qarşı düşmənçilikləri başladı, mənim mülklərimi əlimdən almaq üçün hər hiyləyə əl atdılar. Ərim evdən acıq edib gedirdi ki, mən uşaqlarımı atasız qoymaqdan, boşanmaqdan qorxduğum üçün, razı olum maşınları, evləri satıb, buna biznes etməyə razılıq verim. Əlbəttə o zaman mən bütün bu başıma gələnləri, bu gün bütünlüklə yaşayacağımı bilmirdim. Hər şey əlimdən hədə-qorxuyla, döyülə-döyülə qonşuların gözü önündə Basem tərəfindən əlimdən alınıb, məni sürüyüb küçələrdə döyərək, yerə atıb getdiyinə bütün qonşular şahiddir. Dəfələrlə mən ərimin açdığı "Prestij" kluba gedib qızımla, kürəkənimlə Basemin iş yoldaşları ilə görüşmüşük, onlar mənə söz verdilər ki, sənin maşınını bank götürməsinə izin vermərik köməklik edib sənin maşınının pulunu qaytararıq. Amma hamısı yalan oldu heç bir şey qayıtmadı, hər şey getdi, maşının pulunu da Basem götürüb qaçdı. Dəfələrlə mən Quliyeva Zeynəbə xəbərdarlıq etmişəm ki, o əhatəndəki qızları mənim ərimlə ərəblərə satdığın barədə Hüquq-Mühafizə Orqanlarına şikayət edəcəm, əl çək, mənim ərimdən. Əvəzində mənim ərim Basem Zeynəblə birgə məndən polisə şikayət ediblər və həmin vaxt polis məni dəvət edib izahat almışdır. O işdə Zeynəbin günahkar olduğu da ortaya çıxmışdır. Zeynəbin bu çirkin əməlləri, ətrafındakı qızları ərəblərə satması "X Lady", "Şeyx Farsaj" prestij klublarda davam edir. Hal-hazırda Zeynəb Quliyeva mənim ərim Basemla Nərimanovdakı "Ekstra" klubda 4 aydır əməllərini davam etdirirlər. Dəfələrlə ərimin araxasınca "Ekstra"ya gedib qaçırdığı malımı-mülkümü tələb edəndə mən gözlərimin şahidi oldum ki, Zeynəblə Basem ərəblərə Zeynəbin tanıdığı qızları satıb öz maşınları ilə "Hilton" otelə yerləşdirməyə apardılar. Öz gözlərimin şahidi oldum. "Hilton" oteldə ərim Basemə bu çirkin əməldən əl çəkməsini bildirdim. O, məni söyüb, hədələyib öldürəcəyini bildirdi ki, yaxşı edirəm mənim arxam güclüdür, mənə heç bir şey edə bilməzsən. Beləlikə bir ildən artıqdır ki, Quliyeva Zeynəb və mənim ərim Basem bütün mal-mülkümü ələ keçiriblər, hədə-qorxu ilə məni döyərək, maşın altına ataraq, restoranımın əşyalarını oğurlayıb satıblar və Basem evimdən gəlib 10 min manatlıq qızıllarımı oğurlayıb. Gecə saat 11-də evimdən qaçanda bütün qonşular onu tutmaq istədilər, tuta bilmədilər. Basem qaranlıqda qızılları götürüb qaçdı. Bütün qonşularım şahiddir ki, bu hadisələr 1 ildir mənim başıma gəlib. Hətta ərim Basem həmin Zeynəblə Xırdalan Vəkil Bürolarına da müraciət ediblər ki, mənim əlimdən mülkümü necə alsınlar. Bu barədə mənə məlumat verdilər və bunun alınmayacağını bilib başqa yollara əl atdılar. Hədə-qorxu, döymək, maşının altına atmaq yolu ilə bütün mülklərim, restoranım, maşınlarım hamısı əlimdən getdi. Hal-hazırda Quliyeva Zeynəb ərim Basemlə "Ekstra" klubun qarşısında tamada adı altında ərəb maşınlarına yaxınlaşır, ərəblərə qız təklif edir. Zeynəb də boynuna birka asıb guya bələdçi adı altında öz tanıdığı fahişə qızları Basemin tanıdığı ərəblərə satıb otellərə aparır. Gün ərzində 1000-2000 dollar pul qazanırlar. Mənim ərim bu çirkin pullara görə, Zeynəbə qoşulub mənim hər şeyimi əlimdən aldılar və hələ də öz çirkin əməllərini davam etdirirlər. Redaksiyadan: Biz bir media olaraq Azərbaycan vətəndaşı olan qadının, onun ailəsinin, övladlarının başına gələnləri, qadın alveri, otellər, gecə klubları barədə təfsilatı ilə yazdıq. İndi söz Hüquq-Mühafizə Orqanlarınındır.
Neftçala Rayon İcra Hakimiyyətinin başçısı Kürkənd kənd inzibati ərazi dairəsi üzrə nümayəndəsinin müavini Səttar Azər oğlu Əliyevin sosial şəbəkələrdə yayılan görüntüləri müzakirəyə səbəb olub.
S.Əliyevin doğum gününü “oğru dünyası”na xas şəkildə keçirməsi, üstəlik bunu lentə alaraq paylaşması pis örnək və dövlət məmuru adına xələl gətirəcək hərəkət kimi qiymətləndirilir.
DİA.AZ bildirir i, məsələ ilə bağlı Pravda.az Neftçala Rayon İcra Hakimiyyətinə sorğu ünvanlayıb.
Neftçala RİH-dən sorğumuza cavab olaraq bildirilib ki, S.Əliyev barəsində tədbir görülüb: “Kürkənd kənd inzibati ərazi dairəsi üzrə nümayəndənin müavini Əliyev Səttar Azər oğlu dövlət qulluqçusunun etik davranış qaydalarını pozduğuna görə onun barəsində “Dövlət Qulluğu haqqında” Azərbaycan Respublikası Qanununun 25-ci və Əmək Məcəlləsinin 187-ci maddələrinin tələblərinə uyğun olaraq Neftçala Rayon İcra Hakimiyyəti başçısı tərəfindən 22 iyul 2023-cü il tarixdə “İntizam Tənbehi” tədbiri görülüb. S.Əliyev dövlət qulluqçusunun etik davranış qaydalarına ciddi əməl edəcəyini və belə halların təkrarlanmayacağını bildirib”.
Qeyd: 1997-ci il təvəllüdlü S.Əliyev 2020-ci ildən Kürkənd kənd İnzibati Ərazi Dairəsi üzrə nümayəndənin müavini vəzifəsində çalışır. O, 2018-ci ildə Azərbaycan Neft və Sənaye Universitetindən məzun olub, ailəlidir.
Bu günlərdə redaksiyamıza Bakı şəhəri, Binəqədi rayonu, Binəqədi qəsəbəsi, Rəşid İsmayılov-11D ünvanında yaşayan Məmmədova Sevinc İntizam qızı tərəfindən video-müraciət daxil olub. Sevinc Məmmədova video-müraciətində qeyd edir ki, “Təqribən 2 il 6 ay bundan əvvəl sol ayağımda dərin venoz tromp, yəni yara əmələ gətirən xoşagəlməz xəstəlik əmələ gəldi. Düzdür, ilk əvvəl buna o qədər də əhəmiyyət vermədim, amma günlər keçdikcə ayağımda əmələ gələn problem daha da böyüməyə və pis vəziyyətə düşməyə başladı. Həmin vaxtlarda özünü həkim deyə təqdim edən Məşədiyeva Xəyalə Zəfər qızı, 1 ay ərzində ayağımı ev şəraitində müalicə etdi.
Buna baxmayaraq, son anda heç bir nəticə əldə etmək mümkün olmadı, əksinə xəstəlik daha ağır formaya keçdi. Belə olan halda Xəyalə Məşədiyeva məni 2021-ci ilin may ayında Sumqayıt səhəri, Bakı kucəsi-37, 44-cu məhəllədə fəaliyyət göstərən, hansı ki, özünün də çalışdığı “Unikal” klinikaya özəl səhiyyə müəssisəsinə apardı. Düzdür, bu səhiyyə müəssisəsində məndən bir neçə analiz götürdülər və buna görə də “Unikal” klinikaya müəyyən ödənişlər ödədim. Məsələnin düşündürücü tərəfi o oldu ki, bu kinikada çalışan həkimlər ayağımdakı problemə baxsalar da, onlardan heç biri müalicə işləri ilə bağlı məsuliyyəti üzərinə götürmədilər. Belə olan halda məcbur olub RF-nin paytaxtı Moskva şəhərinə getdim və sol ayağımda əmələ gələn problemi orada müalicə etdirdim. Düzdür, 5 ay xəstəxanada qaldım və həmin vaxt ərzində ayağımdan 8 dəfə cərrahi əməliyyat olundum.
Aparilan müayinə və müalicələrdən sonra ayağımdakı xəstəlik tam şəkildə sağalmasa da, amma problem kifayət qədər aradan qaldırıldı. Üz-üzə qaldığım belə bir xəstəliyə görə, hal-hazırda 2-ci qrup əliləm. Qeyd edim ki, özünü mənə həkim deyə təqdim edən, amma “Unikal” klinikada tibb bacısı işləyən Xəyalə Məşədiyevanın günahı ucbatından, sol ayağımda əmələ gələn, daha sonra həyata keçirilən müayinə və müalicə işlərinə, cərrahi əməliyyatlara və digər xərclərə görə üstüstə təqribən 60 min manat məbləğində maddi ziyana düşdüm. Daha pis hal o oldu ki, ayağımdakı problemi tam şəkildə aradan qaldırmaq mümkün olmadı və xəstəliyə görə əlil oldum. Bu gün istərdim ki, məni belə bir duruma salan və tibb bacısı vəzifəsində çalışan Xəyalə Məşədiyevanın atdığı addımlara hüquqi qiymət verilsin. Çünki, həmin xanım ilk gündən məni aldatdı və indi bəlli olur ki, o, ayağımdakı xəstəliklə bağlı məlumatsız olduğu halda, həmin xəstəliyə qarşı düzgün müalicə işləri həyata keçirmir ki, sonda belə bir duruma düşməli oldum.
Gəncə sakini Rövşən Ağamirov deyir ki, şəhərdə 6 nəfərlik ailəsilə birlikdə yaşadığı evi zorla söküblər. 1996-cı ildə aldığı evin onun mülkiyyətində olduğunu təsdiqləyən bütün sənəd-sübutlar da var. Onun sözlərinə görə, üstündən 11 il keçməsinə baxmayaraq, əmlakının dağıdılmasına görə ona dəymiş ziyan ödənilməyib.
“Dedilər ki, istəsək də, istəməsək də söküləcək…”
Ağamirovlar ailəsinə məxsus ev Gəncənin Nizami küçəsində – hava limanına gedən yolun üstündə yerləşib. Həmin ərəfədə hava limanına gedən yolun genişləndirilməsinə qərar verilib.
“2012-ci ilin aprelində gəldilər, heç bir sənəd təqdim eləmədilər. Dedilər ki, istəsək də, istəməsək də, ev söküləcək. Əvəzində şəhərdən kənarda 4 sot torpaq sahəsi təklif elədilər. Həmin adamlar növbəti gün gəlib evin sənədlərini istədilər. Kobud danışırdılar…”, – Rövşən Ağamirovun sözləridir.
Bundan sonra Rövşən Ağamirovun həyat yoldaşı Gəncə şəhər İcra Hakimiyyətinin başçısı Elmar Vəliyevin qəbuluna gedib ki, söküntünün qarşısının alınmasından ötrü ondan kömək istəsin. Lakin icra başçısının qəbuluna düşə bilməyib. İcra hakimiyyətinin əməkdaşları isə ona tövsiyə ediblər ki, ona təklif olunan torpaq sahəsini götürüb, razılıq versin.
“Qazı, işığı kəsdilər, şəraitimizi pisləşdirdilər ki, könüllü çıxaq”
Həmin ərəfədə Nizami küçəsində söküntü prosesi gedirmiş:
“Bizim qazımızı, işığımızı kəsdilər, şəraitimizi pisləşdirdilər ki, könüllü razılaşaq. Məcbur olub evdən çıxdıq, amma razılıq vermədik. Bir də xəbər tutduq ki, evin bir hissəsini – eyvanı, həyətdəki hamam-tualeti, hasarı söküblər. Evin qarşısına divar hörüblər…”.
Əmlak sahibi Gəncə Şəhər İcra Hakimiyyətinə müraciət edərək, ona dəymiş ziyanın əvəzində kompensasiya tələb edib. Lakin onun ərizəsinə cavab verilməyib.
Elmar Vəliyev icra başçısı olduğu dövrdə Rövşən Ağamirov məhkəməyə müraciət etsə də, onun iddiası mümkün sayılmayıb – baxılmaqdan imtina olunub. Bu üzdən 2021-ci ildə o, yenidən məhkəməyə üz tutub. Bu dəfə maddi ziyana görə 100 min, mənəvi ziyana görə isə 30 min manat kompensasiya tələb edib. Gəncə İnzibati Məhkəməsinin qərarıyla 53 min manat kompensasiya təyin edilib – maddi ziyana görə 52 min, mənəvi ziyana görə də 1000 manat təzminat müəyyənləşdirilib.
İcra hakimiyyəti kompensasiya ödəmək istəmir
Gəncə Şəhər İcra Hakimiyyəti məhkəmənin qərarından narazıdır. Onlar iddia edir ki, Ağamirovlar ailəsi söküntüyə görə məhz icra hakimiyyətinin məsuliyyət daşıdığını sübut edə bilməyib. Bu üzdən apelyasiya şikayəti veriblər.
“Gəncə Şəhər İcra Hakimiyyəti bununla bağlı heç bir qərar verməyib, söküntü işləri aparmayıb. Özü də bildirir ki, 2012-ci ilin aprel ayında tanımadığı şəxslər heç bir sənəd təqdim etmədən gəlib, ona və ailə üzvlərinə deyiblər ki, evin sökülməsinə razılıq versinlər. Həmin şəxsləri tanımadığını özü bildirdiyi halda, məhkəmə əsas olmadan bu addımın Gəncə Şəhər İcra Hakimiyyətinin nümayəndəsi tərəfindən həyata keçirildiyi qənaətinə gəlib. Kompensasiyanın icra hakimiyyətindən tələb edilməsi qanunauyğun hesab edilə bilməz. Bununla bağlı mötəbər sübut yoxdur”.
“Avtomobil Yolları” Dövlət Agentliyi də məhkəmənin sorğusuna cavab olaraq bildirib ki, Gəncə şəhəri, Nizami küçəsində avtomobil yolunun genişləndirilməsi işlərini onlar həyata keçirməyib.
Göyçay Rayon Suvarma Sistemləri İdarəsinin ekskavator sürücüləri işdən çıxarılıb.
Sürücülərdən biri, Fəqan Şirinov Meydan TV-yə bildirib ki, onu Əmək Məcəlləsinin 70-ci maddəsinin C bəndi ilə işdən çıxarıblar. Çünki öz ərizəsi ilə işdən çıxarılma tələbi ilə razılaşmayıb. Şikayətçinin sözlərinə görə, uzun müddətdir həmin idarədə sürücü kimi işləyirlər. İşdən çıxarılan digər 2 nəfər kimi o da indiyədək nöqsana yol verməyib.
“İdarənin əvvəlki müdiri Şakir Əhmədov təqaüdə göndərildi. Onun yerinə Orxan Mahmudov təyin edildi. Mahmudova qədər ekskavatorların yağı və filterləri idarənin hesabına dəyişdirilirdi. Biz yeni müdirə yağ və filterlərin təcili dəyişdirilməsini, əks halda 300 min manat qiyməti olan texnikaların sıradan çıxacağını bildirdik. O isə bizi məcbur etdi ki, yağı və filteri öz vəsaitimiz hesabına dəyişək”,- şikayətçi deyib.
F.Şirinovun sözlərinə görə, 6 sürücü Meliorasiya və Su Təsərrüfatı ASC-yə müraciət edib. Onlara problemlərinin tez bir zamanda həll olunacağı vəd edilib:
“Səhəri gün Orxan Mahmudovun göstərişi ilə idarədə iclas keçirildi və bizə öz ərizəmizlə işdən çıxmağımız təklif olundu. Heç birimizin əlavə qazanc yeri yoxdur, öhdəmizdə azyaşlı övladlarımız var. Amma baş idarəyə problemləri həll edəcəyini vəd edən Mahmudov əvəzində bizi işdən çıxardı”.
Şikayətçilər bildiriblər ki, Mahmudov 3 aydır müdir təyin edilib, artıq bir neçə qohum-əqrəbasını işə götürüb. Filter və yağın verilməməsinə etiraz edən işçiləri isə işə gəlməməkdə günahlandırıb.
Sürücülər bildiriblər ki, ötən ayın 7-dən 15-nə kimi işə çıxıblar. Texnikaların nasazlığı səbəbindən işləmədikləri günlərin pulu əməkhaqqına hesablanmayıb:
“Yeni müdir deyir ki, günəmuzd çalışırsız, işləmədiyiniz günün pulu hesablanmır. Halbuki indiyə kimi normal maaş almışıq, əmək müqaviləmiz də vaxtlı-vaxtında uzadılıb. Şikayətdən sonra həmkarlar qurumunun iclazı oldu, bizə dedi ki, səsinizi çıxarmayın, problemlər həll olunacaq. İclasda bir neçə nəfərə töhmət verdi, iclasdan sonra 3 nəfəri işdən çıxardı”.
İşçilər ASC-nin sədri Zaur Mikayılovdan baş verənləri nəzarətə götürmələrini və tədbir görmələrini istəyiblər.
Göyçay Rayon Suvarma Sistemləri İdarəsindən Meydan TV-yə bildiriblər ki, müdir hazırda yerində deyil və sualları yalnız o cavablandıra bilər. Bununla belə, Mahmudovun heç kimlə intriqa aparmadığını, sürücüləri isə keçmiş rəhbərlik tərəfindən öyrədildiyini, qanunsuz işə çıxmadıqlarını bildiriblər.
Meliorasiya və Su Təsərrüfatı ASC-dən məsələni araşdıracaqlarını deyiblər.
2019-cu ildən Sumqayıt Səhiyyə şöbəsinin müdiri, hazırda Sumqayıt Tibb Mərkəzinin ( Publik Hüquqi Şəxs) direktoru olan Səkinə Sadıqova barəsində ölkə mediasında o qədər yazılıb ki, ona görə də uzun-uzadı yazıb oxucunu yormaq istəmirik. Ancaq xatırlatma üçün qeyd edək ki, “özünü vergili” hesab edən, hətta ruhi dispanserdə bir müddət “dincələn” Səkinə Sadıqova 300 mindən artıq əhalisi olan Sumqayıt şəhərinin səhiyyəsini iflic vəziyyətinə qoyub. Bu qadının özbaşınalığı, az qala manyak səviyyəsində rüşvətxorluğu barəsində bütün Sumqayıt sakinləri danışır. Təsəvvür edirsiniz, Səkinə Sadıqova onun qanunsuz tapşırıqlarını eşitməyən baş həkimlərin şöbəsini ləğv edir, şəhərdəki istədiyi xəstəxananı başqa xəstəxana ilə birləşdirir, hansısa baş həkimi təqaüdə göndərir və s. Yəni Sumqayıt şəhər səhiyyəsində bir “bespredel” hökm sürür. Bu hələ harasıdır..? Səkinə Sadıqova o boyda şəhər səhiyyəsini özəl obyekti kimi işlədir, bütün sahələrə “tarif” qoyub. Məsələn, 1. Təcili yardımda sürücü işə düzəlmək - 10000 AZN 2. Tibb bacısı işə düzəlmək - 3000-5000 AZN 3. Həkim işə düzəlmək - 5000 AZN 4. Tibb müəssisələrindən köcürmə - 3000 AZN Bir sözlə, Səkinə Sadıqova Sumqayıt səhiyyəsində əməlli-başlı bazar açıb. Bütün bunlar azmış kimi, Səkinə Sadıqova tabeçiliyində olan Şəhər Təcili Yardım Stansiaysına ayrılan benzini, sürtkü yağlarını, avtomobil ehtiyyat hissələrini satır və deyir ki, qoy sürücülər ehtiyyat hissələrini və benzini öz ciblərindən alsınlar. Məhz buna görə də, aparılan yoxlamalar nəticəsində əldə olunan faktlar onu göstərir ki, Səkinə Sadıqova rəhbərlik etdiyi bütün müəssisələrdə böyük saxtakarlıqlara yol verib. Təkcə bir faktı qeyd edə bilərik ki, bir neçə gün öncə, prokurorluğun Səkinə Sadıqovanın tabeçiliyində olan, Sumqayıt Səhiyyəsinin Təcili Yardım qarajında aparılan yoxlama zamanı yol verilən yeyintilərə görə, 300 000 manat çatışmamazlıq aşkarlanıb. Bu fakta görə, həmin qarajın rəhbərliyinin həbs olunacağı bildirilir. Qaraj müdirinin qohumları bildirir ki, əgər qarajın müdiri həbs olunsa, Səkinə Sadıqova bizə cavab verməli olacaq. Bizə də araşdırmalarımız nəticəsində bəlli oldu ki, qarajda baş vermiş korrupsiya hallarına görə, cavabdeh Səkinə Sadıqovadır. O Səkinə Sadıqova ki, öz rəhbərlik etdiyi təşkilatda bacısı, bacısı qızı, qohum-əqrəbası, yəni ailə təsərrüfatı yaradıb. Bu korrupsiya halı deyilmi? Səkinə Sadıqovanın keçirdiyi saxta tenderlərdən qazandıqları, dövlət tərəfindən xəstəxanalara ayrılan dərman preparatlarını öz malı kimi apteklərdə satdırması barədə kifayət qədər yazılıb. Sonra da deyir ki, dövlət xəstələrə dərman vermir. Sözün qısası, bu yolla Səkinə Sadıqova son bir neçə ildə oliqarxa-milyonçuya çevrilib, bahalı maşınlar, bahalı mənzillər sahibi olub. Səkinə Sadıqovanın savadsız bacısını, qızını səhiyyə sistemində həkim kimi çalışdırması və daha nələri təkrar yazmağa ehtiyac görmürük. Yeri gəlmişkən, Səkinə Sadıqovanın özünə təmtəraqlı ad günü keçirməsi, belindəki antikvar kəmərin qiymətinin 713 min dollar olması, şəkillər çəkib paylaşması, özünü cavanlaşdırması və s barədə çox yazılıb. Bu adamdan bir dəfə soruşan yoxdur ki, sən yüksəkçinli dövlət məmurusan, yoxsa, modelyer..? Dəyəri 713 min dollar olan kəməri sən hansı pulla almısan..? Əlbəttə, aldığı rüşvətlər və etdiyi korrupsiya əməlləri hesabına. Biz hələ Səkinə Sadıqovanın dövlət tərəfindən Sumqayıt Səhiyyəsinə verilən 100 kompüterin içini-platasını sökərək qiymətli əlvan metal kimi satmasından bəhs etmirik... Bütün bunları qoyaq bir kənara və gələk əsas mətləb üstünə. Belə ki, bir müddət əvvəl mediada Maliyyə Nazirliyi və Korrupsiyaya Qarşı Mübarizə Baş İdarəsinin Sumqayıt şəhər səhiyyəsində yoxlama apardığı və orada 6 milyon 427 min manat yeyinti olduğu barədə rəsmi məlumat yayılmışdı. Daha dəqiq desək, faktla bağlı Baş Prokuror Yanında Korrupsiyaya Qarşı Mübarizə Baş İdarəsində Cinayət Məcəlləsinin üç maddəsi ilə Səkinə Sadıqova barəsində cinayət işi qaldırılıb. Cinayət Məcəlləsinin 179.3.2 (külli miqdarda mənimsəmə), 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanaraq ibtidai istintaq aparılır. Amma təəssüf ki, bu günədək Səkinə Sadaıqova barəsində konkret tədbir görülməyib. Belə ki, vəzifəli şəxs barəsində cinayət işi açılıbsa, o vəzifəsindən uzaqlaşdırılmalıdır kİ, yeni cinayətlərə yol verməsin. Məsələn, hazırda Səkinə Sadıqova tabeçiliyində olan 7 Sağlamlıq Mərkəzinin, 18 tibb müəssisəsinin, Təcili Yardım Stansiyasının rəhbərlərindən pul yığır ki, dəymiş ziyanı ödəsin. Bu özü böyük cinayət əməlidir. Sözün qısası, Səkinə Sadıqovanın həmişə dediyi kimi TƏBİB-in rəhbərliyi, o cümlədən İcbari Tibbi Sığorta Dövlət Agentliyinin şöbə müdiri Rəşad Çobanov və departament rəhbəri Araz Nəsirov Səkinənin dalında möhkəm durublar. Hətta Səkinə Sadıqova son vaxtlar deyir ki, mən iqtidarda olan YAP-ın Sumqayıt təşkilatının sədr müaviniyəm, mənə heç kim heç nə edə bilməz... Səkinəyə deyən lazımdır ki, deyəsən mollanın duasına inanan qadın kimi sən də araxanı hara gəldi dirəyirsən... Məgər YAP-ın üzvü olmaq kimlərisə cinayətdən sığortalayır..? Yazı çapa hazırlanarkən Sumqayıt Tibb Mərkəzində baş verən yeyintilərin və korrupsiya hallarının Hesablama Palatası tərəfindən açıqlanması bir daha onu göstərdi ki, Səkinə Sadıqovanın törətdiyi cinayətlərin miqyası o qədər böyükdür ki, onu həbssiz ərsiyəyə gətirmək mümkün deyildir. Hesablama Palatasının açıqlamasını olduğu kimi dərc edirik. Sumqayıt Tibb Mərkəzində baş verən korrupsiya hallarının acı nəticəsi... Sumqayıt Tibb Mərkəzində (Mərkəz) ayrılmış dövlət vəsaitinin və digər dövlət əmlakının idarə olunmasının, o cümlədən tibbi xidmətlərin göstərilməsinin qüvvədə olan hüquqi aktların tələblərinə uyğunluğunun qiymətləndirilməsi məqsədilə aparılmış auditlə 2021-2022-ci illər əhatə olunub. Hesablama Palatasından verilən xəbərə görə, bu dövrdə Mərkəzin daxilolmaları 108,5 mln. manat, xərcləri isə 107,6 mln. manat təşkil edib, bu illərdə 13,7 mln. manat dəyərində dərman, sarğı ləvazimatları və materialları Mərkəzə əvəzsiz olaraq verilib. Tibb müəssisələrinin fəaliyyətini xarakterizə edən göstəricilərin müqayisəsi icbari tibbi sığorta sisteminin tətbiqindən əvvəlki dövrdə daha çox xidmət təqdim edildiyini göstərir. Mərkəzin əhatəsində olan tibb müəssisələri üzrə ambulator və stasionar xidmət sayı 2019-cu ildə 2022-ci illə müqayisədə orta hesabla 2 dəfə çox olub. Göstərilmiş xidmət sayında azalma çarpayı sayının sabit qalması və ştat sayının təxminən 10,0% artımı şəraitində baş verib ki, bu da tibbi sığorta sisteminin sığorta prinsipləri üzrə tam tətbiqində və işlək vəziyyətinin təmin edilməsində əsas və vacib şərtlərdən biri olan xəstəliklər üzrə hesabatlılıq (statistika) sisteminin əvvəlcədən hazırlanmaması ilə əlaqələndirilə bilər. Qeyd olunmalıdır ki, 17 tibb müəssisəsini və 1 idarəetmə aparatını özündə birləşdirən Mərkəzin tərkibində yalnız 7 xəstəxana icbari tibbi sığorta çərçivəsində dəyəri ödənilən xidmətlər göstərib, həmin xidmətlər hesabına 2021-ci ildə 6,4 mln. manat və 2022-ci ildə 13,7 mln. manat məbləğində vəsait daxil olub. Bu vəsait həmin illər üçün saxlanma xərclərinin müvafiq olaraq 18,6%-ni və 33,6%-ni təşkil edib. Mərkəzin sığorta sisteminə daxil olduğu 2021-ci ilin aprel ayından 2022-ci ilin sonunadək göstərilmiş 1454656 sayda xidmətin 32,1 mln. manat dəyərinin ödənilməsi məqsədilə İcbari Tibbi Sığorta üzrə Dövlət Agentliyinə müraciət edilib, Agentlik tərəfindən 243496 sayda xidmətin 5,1 mln. manat dəyərinin ödənilməsindən imtina olunub, qəbul olunmuş xidmətlərin dəyərinin isə yalnız 74,8%-i ödənilib. Tibbi xidmətlərin göstərilməsi prosesində fəaliyyət əsasən dəyəri daha az olan xidmət istiqamətləri üzrə təşkil edilib, göstərilmiş xidmətlərin bir hissəsinin haqqının ödənilməsindən müxtəlif, o cümlədən texniki səbəblərdən imtina olunsa da, imtina səbəblərinin dəqiqləşdirilməsi və aradan qaldırılması, eləcə də bu istiqamətdə məsuliyyətin müəyyənləşdirilməsi üzrə tədbirlər həyata keçirilməyib. İmtina edilmiş xidmətlər üzrə dəyəri daha böyük olanların xidmətlərin payı çox olub. İcbari tibbi sığorta sisteminə daxil olmayan xidmətlər üzrə tariflərin TƏBİB tərəfindən müəyyənləşdirilməsinin gecikdirilməsi, eləcə də sığorta olunmayanlar üzrə göstərilmiş xidmətlər üzrə vəsaitin alınmaması potensial və faktiki gəlir arasında fərqin artmasına səbəb olub. Mərkəzin kadr potensialı da fəaliyyətə tam uyğunlaşdırılmayıb, islahatlar prosesində çarpayı sayının 13 vahid artırılması fonunda ştat sayı 464,75 artırılıb, ümumilikdə ştat sayının artımının əsas hissəsi funksional fəaliyyətlə məşğul olmayan qeyri-tibbi heyətin hesabına təmin edilib. Qeyri-tibbi heyətin sayının artımına və payının çox olmasına tibb müəssisələrinin mühafizəsi məqsədilə ştat sayının artımı, eləcə də bir sıra, o cümlədən rəhbər vəzifələr üzrə ştat sayının çox saxlanılması təsir göstərib. Bu amillər isə əməyin ödənişi ilə bağlı xərclərin də artımına gətirib çıxardıb. Qeyd olunanlar, həmçinin Mərkəz tərəfindən xüsusilə qeyri-tibbi heyət üzrə vakant yerlərin tutulmasına diqqət yetirilməsi tibbi kadrların rasional idarə olunması və keyfiyyətli xidmətin təqdim edilməsində riskləri formalaşdırmaqla yanaşı gəlirlərin artırılması imkanlarının da genişlənməsinə şərait yaratmayıb. Mərkəzin cəmi ştat sayı ümumi ştat sayının 10,5%-i, cəmi xərclərin təxminən 5,0%-i idarəetmə aparatı və mərkəzi mühasibatlığın payına düşüb. Beləliklə də, maliyyə və kadr resurslarının idarə olunmasına bu cür yanaşma xidmət göstərən tibb müəssisələrinin, son nəticədə isə tibbi sığorta sisteminin gələcək maliyyə dayanıqlılığına təsir edəcəyi ehtimallarını artırır. Qeyd edilib ki, göstərilmiş xidmətlərə dair hesabatlılığın təmin olunmasında da bir sıra nöqsanlara yol verilmiş, istifadə edilən elektron məlumat bazasının və təqdim olunan rəsmi statistik məlumatın göstəriciləri arasında uyğunsuzluq olub, Mərkəz tərəfindən tətbiq edilən elektron sistemdə məlumatlara sonradan düzəliş və əlavələrin edilməsinin mümkün olması nəticəsində ilkin olaraq qeydiyyata alınmış məlumatların sonradan dəyişdirilməsi hallarına yol verilib. Mərkəzin fəaliyyətindəki nöqsanların bir qismi də dövlət satınalmaları ilə bağlı olub. Yerinə yetirilməyən iş və xidmətlər üzrə vəsait ödənilməsi hallarına, həmçinin tələb olunan və faktiki təmin edilən mallar üzrə keyfiyyət göstəricilərində uyğunsuzluqlara yol verilməklə tibbi xidmətin göstərilməsi ilə bağlı maddi-texniki təminat potensialının tam istifadə olunmamasına və əlavə dövlət vəsaitinin istifadəsinə şərait yaradıb, eləcə də satınalmaların nəticəliliyinə mənfi təsir göstərib. Belə ki, haqqı ödənilmiş tibbi cihaz və avadanlıqların tam təhvil verilməməsi hallarına yol verilib, eləcə də təmir işləri üzrə bağlanmış müqavilələr çərçivəsində görülməyən işlər üzrə vəsait icra edilib. Nəzarət mexanizmlərinin tətbiq edilməməsi aktivlərin uçotunun düzgün aparılmaması, mühasibat uçotunun aparılması prinsiplərinin pozulması, eləcə də, gəlir və xərclərlə bağlı hesablarda uyğunsuzluqlara səbəb olub. Qeyd edilənlər ümumilikdə maliyyə hesabatlarında fərqlərə və təhriflərə yol açmaqla maliyyə vəziyyətinin düzgün qiymətləndirilməsində risk amillərini formalaşdırıb. Bunu biz demirik, Səkinə Sadıqova Hesablama Palatası deyir. Bizim barəmizdə Hüquq Mühafizə Orqanlarında işləyən dostlarına da şikayət etmişdin. Biz yenə etika naminə həmin şəxslər barəsində, cənab Prezidentə müraciət etmirik. Amma həmin şəxslərə bildiririk ki, imkan verin cənab Prezidentimizə sədaqətlə xidmət edək. Axı, cənab Prezident hər çıxışında bildirir ki, mətbuat bizim köməkçilərimizdir, imkan verin kömək edək. O ki qaldı, Səkinə Sadıqovanın YAP-da müavin olması məsələsinə ay Səkinə Sadıqova, hazırda YAP-ın üzvü olan 7-8 icra başçısı, bir neçə nazir həbsxanada sənin yolunu gözləyirlər... Ümid edirik ki, yaxın zamanda milyonlarla dövlət vəsaitini mənimsəyən Səkinə Sadıqova barəsində, hüquq-mühafizə orqanları öz sözünü deyəcək. Səkinə Sadıqova isə yenə də dəmir barmaqlıqlar arasından hüquq-mühafizə orqanlarında işləyən, dostlarının vasitəsilə bizə hədə-qorxu dolu mesajları göndərəcək. P.S. Gorun çatlasın ay Ramiz, səndə nələr var imiş.
Elsun Xudaverdiyev DSMF-nin Qazax-Tovuz regional filialına müdir təyin olunandan sonra həmin regionala daxil olan rayonlarda(Tovuz, Qazax, Ağstafa) DSMF sahəsində saxtakarlıq tüğyan edir. Əsasən də Ünvanlı Sosial Yardımda. Hazırda vəziyyət elədir ki, rüşvətini ver, sosial yardımını al. Eyni hal sosial pensiya sahəsində də aktivdir.
Aztəminatlı ailələr qalıb kənarda, maddi durumu yaxşı olan, rüşvət verməyə gücü çatan sosial yardım alır. Bir müddət əvvəl Tovuz rayonunda onlarla saxta sosial yardım alanların siyahısını dərc etmişdik. DSMF məsələyə reaksiya verdi, yoxlama aparıldı. Həmin şəxslərin əksəriyyətinin saxta sosial yardım aldığı müəyyən edildi və sosial yardımları vaxtından əvvəl dayandırıldı. Lakin bu saxtakarlığa yol verənlər barədə hüquqi addım atılmadı. Görünür cəzasızlıq yeni saxta sosial yardım alanların siyahısının formalaşmasına rəvac yaradıb.
Tovuzda yenidən bir qrup vətəndaşa saxta sosial yardım təyin edilib. Bunlar arasında Rusiyada işləyənlər, adına bir neçə maşın olanlar, villada yaşayanlar, dövlət təminatı olanlar və s. var. Onlardan bir neçəsini təqdim edək:
1. Abdıyeva Günay Mehman qızı. G.Abdıyeva Tovuzun Alakol kəndində həyat yoldaşı, qayınatası, qayınanası ilə birlikdə yaşayır. Saxta sosial yardım alması üçün Günay xanımı İbrahim Hacılı kəndinə yazıblar. Ailə tərkibini saxtalaşdırıblar və İbrahim Hacılı kəndində tək yaşadığını qeyd ediblər. Bununla da, saxta sosial yardım almasına şərait yaradılıb.
2. Ələkbərova Ceyhunə Famil qızı. C.Ələkbərova Tovuzun İbrahim Hacılı kəndində yaşayır. Qayınatasının maşını var, həyat yoldaşı Rusiyada işləyir. Ceyhunə xanımın da ailə tərkibi gizlədilib. Xanım və iki övladı Qovlar qəsəbəsində yaşadığı qeyd edilərək saxta sosial yardım təyin etdiriblər.
3. Hüseynova Ülviyyə Fəxrəddin qızı. Ailəlidir. Həyat yoldaşı Rusiyada işləyir. Ülviyyə xanım qayını, qayının həyat yoldaşı, qayınatası və iki övladı ilə Tovuzun Düz Qırıqlı kəndində eyni evdə yaşayır. Ailə tərkibi gizlədilib. Ülviyyə xanımı iki övladı ilə birlikdə ata evinə yazmaqla saxta sosial yardım təyinatına müvəffəq olublar.
4. Məmmədova Gültəkin Şahin qızı. Tovuzun Alakol kəndində həyat yoldaşı, qayını, onun ailəsi, qayınanası ilə eyni evdə yaşayır. Onun yaşayış yerinin Alakol kənd icra nümayəndəliyi ilə üzbəüzdə yerləşən boş evə yazmaqla sosial yardım almasını təşkil ediblər.
5. Əsgərov Rəfail Əsgər oğlunun da ailə tərkibində oğlu Əsgərov Nazirin adı gizlədilib və sosial yardım alır. Gizlədilmə səbəbi odur ki, Əsgərov Nazir Rəfail oğlu Alakol kəndində Ocaq restoranında işləyir.
6. İsayeva Nərminə Yaqub qızı. N. İsayeva da saxta sosial yardım alır. Belə ki, dövlət təmanatında olan şəxslər sosial yardım ala bilməz. Bunlara həbsdə, uşaq evlərində, əsgərlikdə olanlar daxildir. Nərminə xanımın övladı İsayev Rəcəb Amin oğlu əsgərlikdədir və dövlət təmanatında olmasına baxmayaraq onu sənədləşmədə şagird kimi qeyd edərək saxta sosial yardım təyin etdiriblər.
7. Həsənova Hava. Düz Qırıqlı kənd sakinidir. 57 yaşında 3 uşaqlı ana kimi saxta sosial pensiyaya çıxarıblar. Halbuki Hava xanımın adına yararlı torpaq sahəsi var. Qanunla sığorta uçot nömrəsi, VEÖN-i, iş yeri olan şəxsə sosial pensiya şamil edilmir. Siyahı çox olsa da, burda dayandıraq.
Hazırda Tovuzda sosial yardım alan aztəminatlı ailələrin sosial yardımı kəsilir. Onların əvəzinə rüşvət verənlər təyinata göndəriləcəyi planlaşdırılır. Villada yaşayan sosial yardım alır, daxmada yaşayanların sosial yardımı min bir bəhanə ilə kəsilir. Eyni zamanda növbəlilik prinsipi pozulur. İki ayına razı olanları növbədən kənar təyinata göndərirlər və vaxtından əvvəl təsdiq edilir. Haqqı olanlar isə aylarla növbəsini gözləyir.
Əldə etdiyimiz məlumata görə, Tovuz, Qazax, Ağstafa rayonlarında saxta sosial yardım almaq üçün yardımın iki ayını DSMF-nin 2 saylı Qazax-Tovuz Regional Filialına verməlisən. Bu işə də həmin idarədə dövlət qulluğu imtahanından keçməyən və işdən kənarlaşdılan işçilər baxır. Kənarda ofis açmaqla makler xidməti göstərirlər.
DSMF-nın Gədəbəy rayon şöbəsinin keçmiş müdiri Elsun Xudverdiyevə sürücü işləyən İsfəndiyar Qələndərov hazırda DSMF-nin 2 saylı Qazax-Tovuz Regional Filialında müdir işləyən E.Xudaverdiyevə qeyri-rəsmi işçi kimi xidmət edir. Əvvəllər Tovuzun kəndlərindəki sosial yardım düzəldən maklerlə əlbir olaraq saxta sosial yardım düzəltdirirdi. İndi bu işini bir az rəsmiləşdirib. Tovuz rayon icra hakimiyyətinin yaxınlığında ofis açaraq saxta sosial yardım düzəltmə xidməti göstərir. Tovuzda da günü-gündən saxta sosial yarım alanların sayı artır. Hazırkı statistikaya görə Tovuz rayonu sosial yardım alanlara uyğun olaraq kasıblıq həddi 8.2 faizdir. Amma Tovuzdan qat-qat kasıb olan rayonlar kasıblıq həddi 2, 3 faizdir. Gədəbəydə kasıblıq 3.6 faizdir, Daşkəsəndə kasıblıq həddi 4.1 faizdir, Lerikdə kasıblıq həddi 2.2 faizdir.
Tovuzda 3146 nəfər sosial yardım alır, 175000 nəfər əhalisi var. Ölkə üzrə ailə sayı orta hesabla 4.6 nəfər nəzərdə tutulur. 3146×4.6=14.471,6.
14.471,6:175000=0,0826948571.
0,0826948571×100=8,26948571.
Bu hesabla Tovuz rayonunda yoxsulluq həddi 8.2 faizdən artıqdır.
Eyni üsulla hesablayanda Lerikdə yoxsulluq həddi 2.2 faizdir.
Göründüyü kimi Sahil Babayev Tovuzdan qat-qat kasıb rayonlar olan Gədəbəyin, Daşkəsənin, Lerikin kasıb əhalisinin sosial yardım haqqını Tovuzun varlı əhalisinə verir.
Qeyd edək ki, Prezident İlham Əliyev ölkə üzrə yoxsulluq həddini 5 faiz olduğunu elan edib.
Sahil Babayev həmin 5 faizi bu formada tamamlayır. Üstəgəl həmin tamamlanmadan milyonlar silinir və dövlət büdcəsində qara dəlik yaradılıb. Belə ki, varlı əhaliyə rüşvətlə normadan artıq sosial yardım paylanılır, kasıb əhaliyə isə normadan az sosial yardım verilir. Nəticədə kasıb əhalinin az alması, varlı əhalinin çox almasının ortaq məxrəci 5 faiz tamamlayır.
Qərb bölgəsində DSMF-nin iki filialı yerləşir: 1. DSMF-nin 1 saylı Qazax-Tovuz regional filialı. Rəhbəri Adil Cəfərovdur. Şəmkirdə yerləşir. Şəmkir, Gədəbəy, Daşkəsən rayonlarını əhatə edir. 2. DSMF-nin 2 saylı Qazax-Tovuz regional filialı. Rəhbəri Elsun Xudaverdiyevdir. Tovuzda yerləşir. Tovuz, Qazax, Ağstafa rayonlarını əhatə edir.
Eyni bölgədə və eyni ölkədə yerləşməsinə baxmayaraq bu iki idarədə qanunlar fərqlidir. Sahil Babayev bu idarələrə ayrı-ayrılıqda səlahiyyət verib. Belə ki, DSMF-nin tabeçiliyində yeni idarə yaradıldı. Həmin idarə sosial yardıma müraciət edənlərin maddi-məişət şəratinin müayinəsi ilə məşğuldur. Ümumrespublika üzrə sosial yardımın yoxlanılmasını həyata keçirir. Tək Tovuz rayonun yerləşən DSMF-nin 2 saylı Qazax-Tovuz regional filialında yoxlaya bilmir. Sahil Babayevin göstərişi ilə həmin idarə özü, yəni Elsun Xudaverdiyev yoxlayır və təyinata göndərir. Lakin DSMF-nin 1 saylı Qazax-Tovuz regional filialında elə deyil, yoxlama Bakıdan gəlir. Görünüdüyü iki idarədə fərqli qanun icra edilir. Elsun Xudaverdiyevin şəxsi münasibətləri qanunlardan üstün tutulur. Bununla da, Tovuzda əksəriyyəti saxta olmaqla 3146 nəfərin sosial yardım almasına yaşıl işıq yandırır.
Qeyd edək ki, bir neçə gün bundan öncə DSMF-nin sədri Himalay Məmişov saxta sosial yardım alanlardan danışdı. Saxta sosial yardım düzəldən maklerləri tənqid etdi. Nədənsə H.Məmişov saxta sosial yardım düzəldənlərə və maklerlərə şərait yaradanlardan danışmadı , ya da danışmaq istəmədi.
Həkimlər deyir ki, TƏBİB və İcbari Tibbi Sığorta üzrə Dövlət Agentliyi arasında çəkişmə xəstəxanalaradək ayaq açıb.
“Bölgələrdə ciddi həkim çatışmazlığı var. Səhiyyə Nazirliyinin dövründə müasir tibbi avadanlıqlar alınıb. Amma avadanlıqları toz basıb, çünki işlədə biləcək kadrlar yoxdur”.
Bunu Meydan TV-yə adlarının mətbuatda açıqlanmasını istəməyən bir neçə həkim deyib. Həkimlərin sözlərinə görə, maaş az olduğundan, o cümlədən xüsusilə kəndlərdə tibb məntəqələri qəzalı vəziyyətə düşdüyündən rayonlara, kəndlərə işləməyə gedən yoxdur:
“TƏBİB bu problemi aradan qaldırmaq əvəzinə bir-iki ay əvvəl xarici ölkələrdə çalışan azərbaycanlı həkimlərin simpoziumunu keçirdi. Həmin tədbirdə iştirak edən onlarla şəxsin bütün xərcləri qarşılandı, milyonlarla manat vəsait silindi. Halbuki ölkədə ciddi dərman çatışmazlığı var, şəkərli diabet xəstələrindən dərmanla bağlı hər gün şikayətlər daxil olur. Desmopressin, insulinin dozası kifayət etmir”.
Rayonların birindəki tibb ocağının rəhbərliyində təmsil olunan həkim qeyd edib ki, TƏBİB və İcbari Tibbi Sığorta üzrə Dövlət Agentliyi arasında çəkişmə xəstəxanalaradək ayaq açıb. Həkimlərdən biri danışıb ki, sənəd yazmaqdan xəstə qəbul etməyə vaxt qalmır:
“Bir xəstəxana ay ərzində neçə dəfə yoxlanar? TƏBİB yoxlayır, sonra agentlik yoxlama aparır. Birinin tapşırığını digəri qəbul etmir. Məzuniyyətdə olan həkimə təbii ki, bonuslar hesablanmır, yalnız maaş verilir ki, bu da olduqca cüzi məbləğdir”.
Narazılıqlardan biri də poliklinikalarda iş saatının 6-dan 8-dək artırılmasıdır. Baş tibb bacılarına 2 saat əlavə işdə olmaları tapşırılıb. Həkim deyib ki, xəstə olmadığı halda işdə otururlar, halbuki təcili xəstə qəbulu təcili tibbi yardım xidmətinin işidir:
“Təcili tibbi yardım həkimlərinə isə avtomobildə gözləməyi tapşırıblar, guya həkim məntəqədə olanda çağırışa gecikir. Kameralarla nəzarət edirlər”.
Həkimlərdən biri danışıb ki, təkcə cənub bölgəsində onlarla həkim və tibb bacısına ehtiyac var. 3 həkimin işi birinə yüklənib, ancaq bunun qarşılığında maaşlar yüksək deyil. Lerik Rayon Mərkəzi Xəstəxanasında cərrah da daxil olmaqla 47 həkim və 60 tibb işçisi, Astara rayonunda 50 həkim ştatı boşdur.
TƏBİB-dən isə Meydan TV-nin sorğusuna cavab olaraq bildirilib ki, dövlət tibb müəssisələrinin idarə edilməsini və bu sahədə nəzarəti həyata keçirən TƏBİB-in tibb müəssisələrində 17 minə qədər həkim, 58 minə qədər tibb işçisi çalışır.
Hazırda dövlət tibb müəssisələrinə xaricdə təhsil alan və çalışan həkim-mütəxəssislərin cəlb olunmasına hesablanan “Tibb müəssisələrində ixtisaslı kadr çatışmazlığının aradan qaldırılmasına dair 2022-2023-cü illər üçün Proqram” çərçivəsində müxtəlif ixtisas üzrə 100-dək həkim-mütəxəssis tibb müəssisələrində fəaliyyət göstərir.
Eyni zamanda, dövlət strategiyamıza uyğun olaraq, gənc kadrların potensialını gücləndirmək, onlara özlərini inkişaf etdirə biləcək bir meydan vermək, gənc həkim mütəxəssislərin Azərbaycan səhiyyəsinə qazandırılması üçün TƏBİB Azərbaycan Tibb Universiteti ilə birgə əməkdaşlıq edir. Bu əməkdaşlıq çərçivəsində universitetin yuxarı kurs tələbələri tabeliyimizdəki tibb müəssisələrində işlə təmin olunur.
Stimullaşdırma tədbirlərinə gəlincə, həkimlərin vəzifə öhdəliklərinin xarakterindən və müvafiq həkim ixtisası (vəzifəsi) üzrə pasiyent müraciətinin qeydiyyatı xüsusiyyətlərindən asılı olaraq həkimlərə həvəsləndirici əlavələr sabit aylıq həvəsləndirici əlavələr və ya işin nəticələrinə görə aylıq həvəsləndirici əlavələr şəklində verilir.
TƏBİB-in tabeliyindəki Lerik Rayon Mərkəzi Xəstəxanasında 94 həkim ştatından 43-ü tutulub, 51-i vakantdır. 206 orta tibb işçisi ştatından isə 151-i tutulub, 55-i vakantdır.
Bəli, səhv eşitmədiniz, hörmətli oxucular.Söhbət yaxın keçmişdə respublikamızda Semaşko xəstəxanası adı ilə tanınan dünənin nüfuzlu tibb ocağından gedir.Vaxtilə ölkə əhalisinin əksəriyyəti səhhəti ilə bağlı üzləşdiyi problemin həlli üçün məhz Semaşko xəstəxanasına üz tuturdular.Buna nail olmaq isə heç də asan deyildi.Əlbəttə, ilk növbədə yüksək ixtisaslı tibbi personal, keyfiyyətli tibbi xidmət, insanlara diqqət və qaygılı münasibət idi bu axının səbəbi . Hal hazırda isə Təcili Tibbi Yardımdan bir gündür 70 xəstə daxil olur,bu qədər insana baxmaq üçün cəmi bir həkimin ayrılması əslində əsil faciədir.Bu əslində heç mümkün olan iş deyil.Daxil olan xəstələrə getmək üçün adicə korvolol və ya buz belə tapılmır.Biz hansı əsrdə yaşayırıq, ilahi? Yeri gəlmişkən bu günlərdə baş vermiş avtomobil qəzası hadisəsi ilə bağlı bir məsələni də qeyd etmək yerinə düşərdi. Həmin avtomobil qəzası nəticəsində zərər çəkmiş bir şəxs təcili tibbi yardım maşını ilə Kliniki Tibbi Mərkəzə gətirilib. Mərkəz də nə mərkəz.Adi ambulatoruya ondan min dəfə keyfiyyətli xidmət göstərər pasiyentlərə desək,səvə yol verdiyimizi zənn eləməyəsiniz, hörmətli oxucular. Travma almış, özündə olmayan,az qala bəlkə də stress yaşamış bir insana xəstəxanada ən yüksək tibbi xidmət göstərilməli, müayinə və müalicəsinə xüsusi diqqət yetirilməlidir. Amma Tibbi Mərkəzdə çalışanlardan belə diqqət və qayğı görmək çox müşkül məsələdir .Təsəvvür edin ki,gün ərzində təcili tibbi yardım maşını ilə Mərkəzə ən azı 70 xəstə gətirilir.Onlar tibbi xidmət göstərməkdən ötrü isə cəmi bir həkim ayrılıb.İndi özünüz deyin, bir həkim bu sayda insana hansı tibbi yardım edə bilər? Deməli agır xəstələr arasında həyatını itirmiş olanlar heç də az olmayacaq və olmur da. Gətirilən xəstənin yarasına qoymaga nə buz, nə də ki,adicə korvolol tapılmayıb.Bunları ən ucqar kəndlərimizin ən kasıb evinin qapısını döyüb istəsən, həmən gətirib vardım göstərər.Bu o deməkdir ki, burada insanlar taleyin ümidinə buraxılıb.Mərkəğzdə təcili tibbi yardım işinin səviyyəsi sıfra bərabərdir.Utancverici ,bağışlanmaz haldır. Bu da hələ hamısı deyil.Xəstə KT və digər müayinələrdən keçib.Onun alın sümüyünün sag hissəsində sınıq,sol hissəsində isə qanama oldugu aşkarlanıb.Belə vəziyyətdə olan xəstələr yataq rejimində olmalıdır.Amma nədənsə həkimlər zərərçəkənə bunu bildirməyi və ona ayaq üstdə olmagı qadağan etməyi unudurlar.Təkcə agrıkəsici vurmaqla işlərini bitmiş hesab ediblər. Qəribə burasıdır ki, həkim rəyində Xatirə həkim “yenilik”icad edib.Analiz kağızında xəstənin vəziyyətinin nə yerdə olduğunu göstərən qeydlərə necə deyərlər “əl gəzdirib”, və orada qeyd olunanların tam əksini yazıb . Məsələn, acıq beyin travmasını qapalı beyin travması kimi qeyd esib.Bunun adına təhrifmi, sui-istifadəmi , qəsdən rəsmi sənədə müdaxilə etməkmi deyək, bilmirəm.Bu, cinayət tərkibli əməl deyilmi?Onun belə bir addım atmaqda məqsədi nədir? Yoxsa… qəzanı törədən sürücüyə “yazıgı”gəlib? Yəqin ki, Tibbi Mərkəzdə tezliklə həkimin niyə belə bir addım atmasının səbəbinə aydınlıq gətirilər. Qarşı tərəfin mövqeyin də dərc etməyə hazırq. //aktualxeber.az//
