 |
|
|
Ötən il yayılan xəbərlərə görə, məscid və digər ibadətgahlarında qoyulan nəzir qutuları Qafqaz Müsəlmanları İdarəsindən alınaraq Dini Qurumlarla İş üzrə Dövlət Komitəsinin nəzarətinə verilib.
Komitə xəbərin yayılmasından sonra məlumat vermişdi ki, ianələrin elektron şəkildə toplanması, sərf olunması ilə əlaqədar Qanundan irəli gələn məsələləri tənzimləmək üçün müvafiq qaydaların layihəsi Dövlət Komitəsi tərəfindən hazırlanaraq Nazirlər Kabinetinə təqdim edilib.
"Qeyd olunan qaydalar təsdiq olunduqdan sonra ictimaiyyətə ianələrlə bağlı mexanizmin hansı formada tənzimlənəcəyi ilə bağlı ətraflı məlumat veriləcək", - açıqlamada deyilir.
TEREF xəbər verir ki, modern.az qaydaların təsdiq edilib-edilmədiyini, nə qədər ianə toplandığını aydınlaşdırmaq üçün Dövlət Komitəsinə sorğu göndərib.
Komitədən sorğuya cavab olaraq bildirilib ki, hazırda Dini Qurumlarla İş üzrə Dövlət Komitəsi bu məsələlərə nəzarəti həyata keçirmir.
“Dini etiqad azadlığı haqqında” qanunun 18-ci maddəsinə edilmiş dəyişikliyə əsasən, dini qurumlar könüllü ianələr üçün müraciət edə, habelə bu ianələri, o cümlədən ianə edilmiş pul vəsaitlərini nağd və ya bank, poçt, plastik kart, elektron ödəmə sistemləri, yaxud internet vasitəsilə qəbul edə bilərlər.
Qanundan irəli gələn məsələləri tənzimləmək üçün qaydaların layihəsi hazırlanaraq müvafiq şəkildə təqdim olunub. Hazırda Dini Qurumlarla İş üzrə Dövlət Komitəsi bu məsələlərə nəzarəti həyata keçirmir. Qaydalar təsdiq olunduqdan sonra Komitə tərəfindən sorğuda əksini tapan məsələlər barədə dəqiq məlumat verilə bilər, - açıqlamada deyilir.
“İllər boyu bununla hədələdikdən sonra Azərbaycan regionda etnik təmizləməni başa çatdırıb və hazırda etnik ermənilərin mövcudluğunun bütün izlərini sistematik olaraq silir” - deyə, Ermənistan nümayəndəsi Yeğişe Kirakosyan BMT-nin baş məhkəməsində dinləmələrin ikinci günündə bildirib.
Bu məhkəmə işi Cənubi Qafqaz qonşuları arasında onilliklər boyu davam edən qarşıdurmanın fəsadlarını əks etdirir.
Azərbaycan silahlı qüvvələri uzun illər etnik ermənilərin nəzarətində olan dağlıq bölgə üzərində ötən sentyabr ayında nəzarəti bərqərar etdikdən sonra əksər etnik ermənilər Ermənistana gedib.
İlk dəfə 2021-ci ildə BƏM-də qaldırılan işdə Ermənistan Azərbaycanı ermənilərə qarşı irqçiliyi təşviq etməkdə, ermənilərə qarşı nifrət dolu çıxışlara yol verməkdə və erməni mədəniyyət obyektlərini dağıtmaqda ittiham edib.
Ermənistan Azərbaycanın bununla BMT-nin ayrıseçkiliyə qarşı müqaviləsini pozduğunu bildirib.
Bakı ona qarşı irəli sürülən bütün ittihamları rədd edir.
Bazar ertəsi Azərbaycan məhkəməyə bildirib ki, Ermənistanın şikayətlərinin əksəriyyəti Qarabağ üzrə silahlı münaqişələrlə bağlıdır və BMT müqaviləsinin əhatə dairəsinə daxil deyil.
Bakı həmçinin Ermənistanı işi Dünya Məhkəməsi kimi tanınan Beynəlxalq Ədalət Məhkəməsinə verməzdən əvvəl danışıqlarda səmimi iştirak etməməkdə ittiham edib. Kirakosyan bu iddiaları rədd edib.
Noyabrda məhkəmə iş üzrə fövqəladə ölçülər qəbul edərək Azərbaycanın Qarabağı tərk edən etnik ermənilərin geri qayıtmasına icazə verməsi barədə qərar çıxarıb.
Azərbaycan milli və etnik mənşəyindən asılı olmayaraq bütün sakinlərin təhlükəsizliyini təmin etməyi öhdəsinə götürdüyünü və etnik erməniləri Qarabağı tərk etməyə məcbur etmədiyini bildirir.
Dinləmələr yalnız BƏM-in yurisdiksiyasına dair hüquqi etirazları əhatə edəcək və ayrıseçkilik iddialarının mahiyyətinə varmayacaq. Yekun qərar illərlə vaxt apara bilər və BƏM-in öz qərarlarını icra etdirmək səlahiyyətləri məhduddur.