Rusiyada bloqerlər Asxab Tamayev və Axmed Alisxabov (Venqalbi) arasındakı mərcin nəticəsi məlum olub.

TEREF Oxu.az-a istinadən xəbər verir ki, müvafiq kadrlar Tamayevin Yutub kanalında dərc edilib.

Mərcə əsasən, Axmed Asxabın avtomobillərinə (cəmi 5 ədəd) od vursa da, sonradan bunu sadəcə videoçəkliş üçün etdiyini etiraf edib. O, “Mercedes G Class”, “Lamborghini”, “Rolls-Royce” və BMW kimi lüks avtomobilləri yandırmaq fikri olmadığını və onları öz sahibi Tamayevə qaytardığını bildirib.

Qeyd edək ki, Asxabın avtomobil qarajının ümumi dəyəri 5 milyon dollardan yuxarıdır.

Xatırladaq ki, bloqerlər arasındakı mübahisə energetik içkilərin reklamı ilə başlayıb. Tamayevin öz videolarının birində içkini reklam etməsi Venqalbinin xoşuna gəlməyib və Axmed Asxabın BMW avtomobilinin təkərlərinə od vurub. Bundan sonra onlar avtoparklarını mərcə qoyaraq yarış təşkil ediblər. Qalib uduzan tərəfin avtomobillərini yandırmalı idi.