"Vaqner"in rəhbərliyi: Yevgeni Priqojin və müavinləri "Vaqner" ləqəbli Dmitri Utkin, Valeri Çekalov(maddi-texniki təminat üzrə müavin) öldürülüblər.
Heç şübhəsiz ki, həmin təyyarənin vurulmasının arxasında Rusiyanın hərbi-siyasi rəhbərliyi dayanır: xəyanəti bağışlamayan Putin və Priqojin tərəfindən əsas hədəf kimi seçilən Şoyqu.
Priqojinin öldürülməsinə, başsız qalan "Vaqner" özəl hərbi şirkətinin hər hansı cavab vermək gücü yoxdur. Qiyamdan sonra "Vaqner" hərbi baxımdan dişsiz vəziyyətə salınmışdı-ağır texnika əllərindən alınmışdı(Afrikada yerləşən qruplaşmalar istisna olmaqla), amma buna baxmayaraq Priqojinin aradan götürülməsi Putin üçün ciddi problemlər yaradacaq.
Priqojinin öldürülməsində 2 çox vacib aspekt var.
- Rusiyada müharibənin dəstəkçiləri arasında ultra-radikal kəsim üçün Priqojin kumir idi və Priqojinin öldürülməsi bu kəsimdə çox ciddi qəzəb və məyusluq yaratdı. Rusiyada xalq, cəmiyyət arasında müharibənin dəstəklənməsi məhz həmin ultra-radikal kəsimin "çiynində" idi və bu baxımdan, Priqojinin öldürülməsi-bünövrənin sarsılmasıdır. İdeoloji təbliğat müstəvidə.
- "Vaqner" Rusiyanın Afrikada geosiyasi mövqelərini qoruyan qruplaşmadır. Heç şübhəsiz ki, Priqojinin öldürülməsi Rusiyanın Afrikada mövqelərinə çox güclü zərbə olacaq. Nə az, nə çox, Rusiya Afrikada bütün mövqelərini itirəcək, ona görə ki, "Vaqner" bu mövqelərin bünövrəsiydi.
Priqojin isə Rusiyanın müasir tarixində ən sirli fiqurlarında biri kimi düşəcək: "qiyam idi ya oyun", "Putin onu bağışladı ya yox", "gerçəkdən ölüb ya yox" sualları uzun illər ərzində hələ də müzakirə olunacaq.
Priqojinin "Şoyqu, Qerasimov sursatlar hanı?!" videosu hər kəsin yadındandır. Şoyqu Priqojinə gözlədiyi sursatı göndərdi, amma Priqojinin gözləmədiyi formada...
Kamran Cəfərov
Teref.az