 |
|
|
Azərbaycanda 2022-ci ilin nəticələrinə görə hər 1000 nəfərə 162 ədəd avtomobil düşüb, Gürcüstanda bu göstərici 300, Ermənistanda 200 ədəddən çoxdur.
Yəni, "ölkədə maşın çoxdur, ona görə də tıxaclar var", tezisi yanlışdır. Problem odur ki, əhalinin yarısı Bakıdadır, infrastruktur pisdir, nəqliyyatın idarəedilməsi bərbaddır. Ölkənin bütün iqtisadi fürsətləri Bakı-Abşerona toplanıb, regionlarda iş-güc, sosial-iqtisadi fürsətlər yoxdur - bu isə ölkənin qeyri-proporsional və əcaib "inkişafına" səbəb olub.
Hərbi qələbəmizdən sonra işğaldan azad edilən ərazilərimizə köç ləngiyir, bunun obyektiv səbəbləri də var, amma sistem problemləri həll edilməsə, köç olmayacaq. Hökumət son 30 ildə əhalinin Bakı-Abşerona köç etmə səbəblərini çözə bilməyibsə, Qarabağ və Şərgi Zəngəzura da camaatı orqanik, təbii yolla köçürə bilməyəcək - hərçənd tarixi fürsət yaranıb ki, əhali və iqtisadi fürsətləri ağıllı və proporsional şəkildə ölkə ərazisinə yayıb Bakını yaşanabilər hala gətirək. Bunun üçün ilk addım idarəetmə sisteminin dəyişməsi olmalıdır, ardınca doğru iqtisadi təşviq siyasəti də olsa, bu işi bacarmaq olar.
İşğaldan azad edilən regionlara 1,5 mln. əhali köçsə (təbii yolla) bu zaman ölkə üçün yeni inkişaf imkanları açıla bilər...
Natig Cəfə\rli