İtaliyanın Neapol şəhəri yaxınlığında, vulkanik Kampi Flegrei bölgəsində günorta saatlarında baş verən və zəlzələ riski yüksək olan 4,4 və 3,5 bal gücündə təkanlar yerli əhalinin narahatlığına səbəb olub.
Bizimyol.info "AA"ya istinadən xəbər verir ki, Milli Geofizika və Vulkanologiya İnstitutunun (INGV) verdiyi açıqlamaya görə, bu gün yerli vaxtla saat 12.07-də ​​(14.07) episentri Pozzuoli olan 4,4 bal gücündə, yerli vaxtla saat 12.22-də isə eyni yerdə 3,5 bal gücündə ikinci zəlzələ qeydə alınıb. Yeraltı təkanların təxminən 3 kilometr dərinlikdə baş verdiyi bildirilir.

Mətbuatda yayılan məlumatlara görə, qonşu əyalətlərdə də hiss olunan zəlzələlərdə indiyədək can və ya mal itkisi qeydə alınmayıb, lakin yeraltı təkanların yerli əhali arasında narahatlıq yaratdığı qeyd edilib.

Bagnoli və Pozzuolidə məktəblərin fəaliyyətini dayandırdığı, sinif otaqlarının boşaldıldığı və yerli əhalinin açıq ərazilərə və küçələrə şıxdığı bildirilir.

Pozzuoli Bələdiyyə Başçısı Luici Manzoni mətbuata danışarkən: “Kütləvi seysmik axın gedir. Mən dərhal bütün yerli polis patrullarına insanları küçələrə çıxması barədə xəbərdarlıqlar emələrini əmr etdim. Əhalini istər-istəməz qorxuya salan güclü təkanlar oldu. Hər kəsi sakit olmağa, açıq yerlərdə qalmağa çağırıram, bu, çox narahatlıq doğuran vaxtlardır", - deyib.

Martın 13-də Campi Flegreidə 4,4 bal gücündə daha bir zəlzələ baş verib və yerli əhali arasında panikaya səbəb olub.

İtaliyada Giorgia Meloni başçılıq etdiyi sağçı koalisiya hökuməti 2023-cü ildə zəlzələ təhlükəsi olan ərazilərdən biri olan Campi Flegreidə kütləvi təxliyə üçün fövqəladə vəziyyət planlarını yeniləyib.