 |
|
|
Zabuxda qanunsuz məskunlaşmış hayların qondarma "mer"i, 2017-ci ildə Suriyadan köçürülərək Azərbaycan torpağında qanunsuz məskunlaşmış Andranik Çavuşyan ailəsini: arvadını və beş uşağını əşyaları ilə birlikdə Xankəndinə göndərib.
DİA.AZ moderator.az-a istinadla xəbər verir ki, revanşist xislətli A.Çavuşyan bunu "Kavkazki uzel" müxbirinə açıqlamasında söyləyib.
Onun sözlərinə görə, ümumilikdə, Zabuxdakı hayların 90 faizi artıq təxliyə edilib - qadınlar və uşaqlar gedib, əşyaların çoxu daşınıb. "Hazırda kənddə 30-a qədər erməni var. Onlar əsasən yerdə qalan əmlaklarını daşıyanlardır".
Üzdəniraq " mer" bildirib ki, Zabuxda Xankəndindəki separatçı-terrorçu rejimin qanunsuz "polis"ləri və Rusiya "sülhməramlı"ları növbətçilik edirlər...
“Axavnoda(Zabux-S.L.) yaşayan 57 ailədən 5-i Artsaxda qalıb və iki ailə hələ də hara - Ermənistana, yoxsa Stepanakertə gedəcəkləri haqda qərara gələ bilmirlər. Çünki onların məşğulluq məsələsi var və onların fikrincə, Ermənistanda bu problem olmamalıdır” -deyə A.Çavuşyan çərənləyib.
Zəruri şərh:
Öncəki xəbər və yazılarımızda da xəbərdar etdiyimiz kimi, işğal dövründə Zabuxda, eləcə də Laçın şəhərində, Sus kəndində, ümumiyyətlə, hazırda rəsmən Rusiyanın nəzarətində olan digər Azərbaycan yaşayış məntəqələrində(o cümlədən Kəlbəcər, Ağdam və Tərtər rayonlarının inzibati-hüquqi ərazilərində) qanunsuz məskunlaşmış ermənistanlı, yaxud xaricdən köçürülmüş haykların rəsmi Bakının razılığı, rəsmən icazəsi olmadan Qarabağ və ya Şərqi Zəngəzurun digər ərazilərində yenidən qeyri-qanuni olaraq özbaşına məskunlaşmasına heç bir hüququ yoxdur...