Azərbaycanın bir sıra ölkələrdəki səfirlik və baş konsulluqlarının rəsmi internet səhifələri illərdir ki, yenilənmir. DİA.AZ editor.az-a istinadla xəbər verir ki, bəzi ölkələrdəki diplomatik təmsilçiliklərimizin saytlarına son xəbər bir neçə il öncə qoyulub.
Dünyanın az qala informasiya ilə idarə olunduğu, bütün dünyanın hər hansı xəbəri dəqiqləşdirmək üçün internetə müraciət etdiyi bir dövrdə bəzi səfirlik və konsulluqlarımızın saytlarına nəzər saldıqda sanki bu diplomatik təmsilçiklərimizin fəaliyyətini dondurduğu təəssüratı yaranır.
Çünki bu ölkələrdəki səfirlik və konsulluqlarımızın saytlarında bir neçə il, ən yaxşı halda bir neçə ay ərzində nə onların fəaliyyətini, nə də ölkəmizin xarici siyasətini əks etdirən xəbərlərə rast gəlmək mümkün olmur.
Məsələn, Azərbaycanın Türkiyənin Qars şəhərindəki Baş Konsulluğunun rəsmi internet səhifəsinə son informasiya 2020-10-20 tarixində yerləşdirilib. (https://kars.mfa.gov.az/az/news/3121/turkiye-respublikasina-sefer-eden- azerbaycan-respublikasi-vetendaslarinin-pasportlarinin-zeruri-etibarliliq-muddeti-barede-melumat).
Azərbaycanın Dubaydakı Baş Konsulluğunun rəsmi saytı isə son dəfə 2021-02-26 tarixində yenilənib.(https://dubai.mfa.gov.az/az/news/3165/dubayda-ermeni-silahlilarinin- azerbaycanlilara-qarsi-toretdiyi-vehsilikleri-eks-etdiren-fotoguse-yaradilib).
Ölkəmizin Təbriz şəhərindəki Baş Konsulluğunun rəsmi səhifəsinə isə son xəbər 2021-12-24 tarixində yerləşdirilib. (https://tabriz.mfa.gov.az/az/news/3283/azerbaycan-respublikasinin-prezidenti-ilham-eliyev-dekabrin-22-de-iran-islam-respublikasinin-xarici-isler- naziri-huseyn-emir-abdullahianin-basciliq-etdiyi-numayende-heyetini-qebul-edib)
Azərbaycanın Özbəkistandakı səfirliyinin saytı da digərlərində fərqlənmir. Diplomatik təmsilçiliyimizin internet səhifəsinə elan xarakterli son xəbər 2022-03-19 tarixində yerləşdirilib. (https://tashkent.mfa.gov.az/az/news/3148/azal-aprel- ayinda-bakidan-daskend-seherine-ucuslara-baslayacaq)
Azərbaycanın Litvadakı səfirliyinin saytı isə demək olar ki, işləmir. Texniki baxımdan yararsız vəziyyətdə olan internet səhifəsinə son xəbər 2021-06-30 tarixində yerləşdirilib. (https://vilnius.mfa.gov.az/az/news/3149/xususi-karantin-rejiminin-muddetinin-uzadilmasi-ve-bezi- mehdudiyyetlerin-aradan-qaldirilmasi-ile-bagli-tedbirler-barede)
Azərbaycanın Avstriyadakı səfirliyinin saytında da vəziyyət fərqli deyil. Bu ölkədəki təmsilçiliyimizin internet səhifəsində son xəbər 2021-05-24 tarixində dərc edilib. (https://vienna.mfa.gov.az/az/news/3220/28-may-respublika-gunu-munasibetile-28-may-2021-ci-il-tarixi- azerbaycan-respublikasinin-avstriya-respublikasindaki-sefirliyinde-qeyri-is-gunudur)
XİN-in keçmiş mətbuat katibi Elxan Poluxovun rəhbərlik etdiyi Azərbaycanın Braziliya Fedarativ Respublikasındakı səfirliyinin saytı da digərlərindən fərqlənmir. Bu ölkədki diplomatik təmsilçiliyimizin rəsmi internet səhifəsinə son xəbər 2021-12-14 tarixində yerləşdirilib. (https://brasilia.mfa.gov.az/files/shares/International%20Essay% 20Competition%20A%20Letter%20to%20Nizami%20Ganjavi.pdf)
Azərbaycanın Qazaxıstandakı səfirliyinin saytına da son xəbər təxminən 7 ay öncə-2022-01-20 tarixində yerləşdirilib. (https://nursultan.mfa.gov.az/az/news/3293/ azerbaycan-respublikasi-xarici-isler-nazirliyinin-20-yanvar-umumxalq-huzn-gunu-ile-elaqedar-beyanati) .
Azərbaycanın Koreya Respublikasındakı səfirliyinin saytına yerləşdirilən son xəbər isə 2021-12-08 tarixinə təsadüf edir. (https://seoul.mfa.gov.az/az/news/3171/hazirda-koreya-respublikasinda-yasayan- azerbaycan-respublikasi-vetendaslarinin-diqqetine)
Livandakı səfirliyimizin saytı da digər ölkələrdəki diplomatik təmsilçililklərimizin internet səhifələri ilə eyni taleyi paylaşır. Burada da sayta son xəbər 2021-07-26 tarixində yerləşdirilib. (https://beirut.mfa.gov.az/az/news/3056/2019-2023-cu-iller-ucun- azerbaycan-respublikasinda-ali-tehsil-sisteminin-beynelxalq-reqabetliliyinin-artirilmasi-uzre-dovlet-proqrami)
Hesab edirik ki, hərbi müstəvidə olduğu kimi, informasiya cəbhəsində də düşmən təxribatlarının artan xəttlə inkişaf etdiyi, bunun fonunda ölkəmizin diplomatik müstəvidə hücum mövqeyində olduğu, ölkəmizdə hər gün nüfuzlu beynəlxalq tədbirlərin keçirildiyi, ümumilikdə isə bütün dünyanın informasiya ilə səmərəli işləməyin yolları üzərində baş sındırdığı bir dövrdə çox mühüm ölkələrdəki səfirlik və konsulluqlarımızın bu işə son dərəcə laqeyd yanaşması qətiyyən qalib və müzəffər ölkənin xarici siyasətinə adekvat durum deyil.
