Ermənistanın baş naziri Nikol Paşinyan Avrasiya İqtisadi Birliyinin Sankt-Peterburqda keçirilən zirvə toplantıısnda deyib ki, ölkəsi təşkilatı siyasi deyil, iqtsadi qurum kimi qiymətləndirir. Ermənistanın baş naziri Avrasiya İqtisadi Birliyini siyasiləşdirməyə imkan verməyəcəyini də bildirib. Paşinyan belə bir açıqlamaya nədən ehtiyac duyub? Məsələ burasındadır ki, gələn il Avrasiya İqtisadi Birliyinə sədrlik Ermənistana keçəcək. Görünür, Paşinyan açıqlamasıyla Rusiya prezidenti Vladimir Putinə izah etmək istəyib ki, Ermənistan sədrlik dövründə Rusiyanın Avrasiya İqtisadi Birliyini anti-Qərb strukturuna çevirməyə imkan verməyəcək. Paşinyan həm də onu izah etməyə çalışıb ki, İrəvanın istəyinə rəğmən, Kreml Avrasiya İqtisadi Birliyini siyasi struktura çevirərsə, Ermənistan qurumu tərk edəcək. Əslində Avrasiya İqtisadi Birliyinə üzv olan Mərkəzi Asiya ölkələrinin liderləri də təşkilatı anti-Qərb strukturuna çevrillməsinin əleyhinədirlər. Çünki Mərkəzi Asiya ölkələri Rusiya ilə tərəfdaşlığa rəğmən, Qərb ölkələri ilə bütün istiqamətlərdə əməkdaşlığı davam etdirmək istəyirlər.
Elxan Şahinoğlu
Teref. Xocanın bloqu

Proseslərə daha praqmatik və qlobal baxmaq lazımdır, məsələ bu günlə bitmir

Şərq əlbəyaxa döyüş növləri ilə məşğul olan bir şəxs Şaolin monastırına gəlir və getdiyi yolda ən yüksək pilləyə nail olmaq üçün oranın şagirdi olmaq istədiyini bildirir. Ona başa salırlar ki, bu monastrda qalmaq üçün müəyyən hazırlıq kursu keçməli, sonda iri bir səbətdən suallar yazılmış bükülülərdən birini götürərək imtahan verməlisən.

Gənc adam Şaolin fəlsəfəsinə yiyələnmək üçün hər şeyə hazır olduğunu bildirir, soruşur ki, bəs bu imtahanda düşən suallara cavab vermək üçün nə qədər vaxt ayrılır. İzah edirlər ki, suala hazırsansa, o dəqiqə cavab verə bilərsən, deyilsənsə, sakit bir hücrədə istədiyin qədər fikirləşə bilərsən. Dağlara çıxan sonuncu tələbənin nə qədər fikirləşdiyini soruşanda, “14 ildir oradadır, biletinə düşən suala cavab tapa bilmir”, - cavabını alır. Kağız bükülüdə bir sual var idi – “Axı niyə?!”

Yaşadığımız dünyanın bütün pozitiv və neqativ hadisələrinə qiymət verərkən, əksər hallarda beynimizdə bir sual açıq qalır – Axı niyə?! Bu sual istənilən sahə ilə bağlı, özümüz istəsək də, istəməsək də, telekanallardan, ağıllı telefonlardan, radiolardan, reklam elanları vasitəsi ilə beynimizə yeridilən informasiya axını zamanı ortaya çıxır. Bəzən cavabını bilə-bilə əsəbimizdən, bəzən isə baş verənləri başa düşə bilməməyimizdən yaranır bu sual.

AYNA-nın oxucularının diqqətini ara-sıra ölkəmizdə və dünyada baş verən bu və ya digər hadisələrdə gözəçarpan qəribəliklərə yönəltmək üçün “Axı niyə?!” rubrikasına davam edirik.

Mənə elə gəlir ki, nəsə düz getmir bizim mətbuatda. Hansısa yolla vəsiqə əldə edib, qapı-qapı düşən jurnalistlərimizdən tutmuş, qələm əhlinin payına düşən evlərin başqalarına verilməsinə qədər KİV-lərimizdə olan problemlər barədə çox danışılır. Uzun müddət mediamızın bir dirijorun çubuğu ilə idarə edilə bilən xora çevrilməsinin günahını Prezident Administrasiyasının keçmiş ictimai-siyasi şöbəsinin müdiri Əli Həsənovda görmüşük. Əslində elə düz də düşünürdük. Mediada bu gün yaşanan xaosun və özbaşınalığın əsl səbəbkarı və banisi o idi.

Artıq Əli Həsənov 4 ildir ki, yoxdur, amma necə xor qurubsa, ondan sonra gələnlər də bu xora heç nə edə bilmədilər. Trollar da qalır, PA-dan gələn “dərin mənalı” tezislər də. Hətta, Həsənovdan sonra mediamızı ağ günə çıxaracağı sözünü verənlər əl-qolumuzu daha da bağlayan “Media haqqında” yeni qanun da qəbul etdilər. İndi MEDİA Agentliyi müəyyən edir ki, kim jurnalistdir, kim yox.

Nəticədə absurd vəziyyət yaranır: jurnalistikanın şirin balına yığılan dünənin uşaqları əsl jurnalistlərdir, amma Prezident tərəfindən “Əməkdar jurnalist” adı alan insanlar media reyestrinə düşmədikləri üçün dövlətin gözündə artıq tamhüquqlu jurnalist sayılmırlar...

Bu sahədə hər şey ya əvvəlki kimidir, ya da əvvəlkindən də bir az pisləşib. Heç Həsənovun qəzet satışını əngəlləmək üçün sinka-soska satdırdığı qəzet köşklərinin də sayı azalmayıb. Bütün dünyada KİV-lərin əsas dolanışıq mənbəyi olan qəzet satışı və reklam bazarı da düzəlməyib.

Gördüyü işlərə görə ondan heç xoşum gəlməsə də, baş verənləri görəndə, insanda avtomatik bir sual yaranır: hər şey belə davam edəcək və bir az da pisləşəcəkdisə, daha onda bu Əli Həsənova niyə dəyirdiniz ki? Oturmuşdu yerində və ən azından jurnalistləri tanıyır, loru dildə desək, kiminlə nəyi və necə danışmalı olduğunu yaxşı bilirdi. İndi isə kütləvi olaraq, atın qabağına ət qoyulur, itin qabağına ot…

Amma bu yazımın məqsədi Həsənov və post-Həsənov dövrünün mediasını müqayisə etmək deyil. Sadəcə, Şekspirin dili ilə desək “Danimarka krallığında nəsə düz getmir”. Axı niyə belə hesab edirəm, izah edim.

Yuxarıda adını çəkdiyim xor bu gün başqa bir dirijorun çubuğu ilə idarə edilir, amma ya bu dirijor nəyisə düz etmir, ya da bilə-bilə edir. Söhbət son zamanlar mediamızda Ermənistan hakimiyyətinin Rusiyaya necə xəyanət etməsindən, Moskvanın sədrliyi ilə keçirilən MDB iclaslarından uzaqlaşmasından, KTMT-yə demarş etməsindən və s. kimi həvəslə dərc edilən yazılardan gedir.

Məlumdur ki, ümumi tendensiya Ermənistanı, Paşinyan hakimiyyətini rusların gözündən salmaq, bədnam qonşularımızın “böyük qardaşlarına” necə xəyanət etdiklərini göstərmək üzərində qurulub. Yəni, erməni həmişə ona çörək verənə xəyanət edib və bizim yaşadıqlarımızı bu gün başqa bir formada ruslar yaşayırlar.

Burası düzdür, amma, məsələyə bir az qlobal baxmaq lazımdır axı. Məsələ bu günlə bitmir. Onsuz da Ermənistan hakimiyyəti özü-öz siyasəti ilə ruslarla arasını çox əla şəkildə vurur.

Zənnimcə, biz bu məsələdə erməniləri tənqid və ifşa etmək yox, dəstəkləməliyik. Hamımız bilirik və ən azı tariximizdən bizə verilən dərslərdən görmüşük ki, regionda Rusiya və İranla bizim maraqlarımız yalnız situativ olaraq üst-üstə düşə bilər. Qlobal mənada, ruslardan və farslardan bizə xeyir gəlməyib və gəlməyəcək də.

ABŞ-da seçkilər bitəcək və bu gün gərgin olan münasibətlər yenidən öz məcrasına düşəcək. Paşinyan hakimiyyəti isə Rusiyanı regiondan çıxarmaq da olmasa, heç olmasa təsirini azaltmağa çalışır. Biz bu işdə, əgər dövlət və Cənubi Qafqaz regionunun maraqlarından baxırıqsa, onları dəstəkləməliyik. Çünki regionda ruslar zəifləyirsə, İran da zəifləyir. Müqəddəs yer boş qalmır. ABŞ uzaqdadır və regionda Qərbin maraqlarının ifadəçisi Türkiyə olacaq. Ruslar zəifləyən kimi Ankara ticarət, turizm və digər rıçaqlarla onların yerini tuta bilər.

Gürcüstanda Türkiyənin mövqeyi güclüdür, Azərbaycanda isə təbii olaraq çox güclüdür. Qalır bir Ermənistan. Oradan da ruslar çıxarılsa, məsələ bitir. Bunu Rusiyanı regiondan çıxarmaq istəyən ermənilər də bilir. Elə ona görə Fransanı bu regiona soxmaq istəyirlər. Amma Fransa da Ermənistan sərhədinə Türkiyə qədər yaxın deyil.

Yəni, qlobal mənada biz Rusiyanın regiondan çıxarılmasına, Türk dünyasının nəzarətində olan Böyük İpək Yolunun bərpasına çalışmalıyıq. Mən politoloq deyiləm və ola bilər ki, dediklərim analitiklər üçün bayağı səslənsin. Amma ümumi konturlar aydındır axı.

Bizim hakimiyyət də, Allaha şükür, bunları başa düşür və bu istiqamətdə işləyir. Və belə bir şəraitdə mediamız kiminsə dirijor çubuğu ilə Ermənistanın, Paşinyan hakimiyyətinin Rusiyaya xəyanət etməsinə görə sanki narahatlıq keçirir, özümüz də istəmədən bizi Moskvanın maraqlarının ifadəçisinə çevirir.

Pyotrdan başlayaraq Rusiya ilə münasibətlərin bizə verdiyi minus və plyuslar ortadadır. Bu gün biz ya müəyyən dairələrdə ruspərəstlərin söz sahibi olduğuna görə, ya da bilməyərəkdən, tariximizdən dərs götürə bilmirik.

Heç kim Rusiyaya müharibə açmağı təklif etmir, amma yavaş-yavaş Moskvanın regionda zəifləməsi və onun yerini Türkiyənin tutmasına çalışmalıyıq.

Biz neynirik? Xaçmaz kimi etnik baxımından təhlükəli olan şimal regionunda hansısa rus dili mərkəzi açılır, BDU-da “Rusiya mərkəzi” yaradılır. Mediamız da bunları müsbət bir xəbər kimi yaymaqda davam edir.

Və nəzərə alınmır ki, bütün bu tədbirlər Rusiyanın yumşaq desantı sayılan “Rossotrudnuçestvo”nun patronajı və iştirakı ilə keçirilir. Bu təşkilatın sədri isə bizim hamımıza yaxşı bəlli olan, “20 yanvar” faciəsinin günahkarlarından biri Yevgeni Primakovun eyni adı və soyadı daşıyan nəvəsidir. Yeri gəlmişkən, nəvə Primakov Rusiyanın Ukraynaya qarşı müharibəsini və təcavüzünü dəstəklədiyi üçün bütün Aİ ölkələri, Kanada, Ukrayna və İsveçrənin “qara siyahı”sına düşən bir şəxsdir.

“Dövlət və dövlətçilik” şüarlarını əsas tutaraq hayqıran reyestrli mediamız bütün bunları nəzərə almalıdır. Elə dirijor da çubuğunu düz yelləməlidir. Əlavə şərhə ehtiyac varmı? Məncə, yox. Bəs sizcə?

Müəllif: Yoldaş Mircəfər

Rusiya prezidenti Vladimir Putin Ukraynaya qarşı işğalçı müharibəni və Qərbin ölkəsinə qarşı sərt sanksiyalarını əsaslandırmaq üçün tez-tez belə bir ifadə səsləndirir: “Kollektiv Qərb SSRİ-dən sonra Rusiyanın dağılmasını istəyirdi”. Həqiqətənmi Putinin təbirincə desək, “kollektiv Qərb” yaxın keçmişdə və indi Rusiyanın dağılmasında maraqlı olub? Əlbəttə, “kollektiv Qərb” Rusiyanın bölgədə hegemonluğuna son qoymaq istəyir və bunun üçün mümkün alətlərdən istifadə etməyə çalışır. Ancaq Rusiyanın dağılmasını nə “kollektiv Qərbin”, nə də Rusiyaya qonşu olan ölkələrin bir qisminin maraqlarına cavab verir. “Kollektiv Qərb” Rusiyanın dağılmasını ən azı ona görə istəməz ki, nüvə düyməsinin kimin və ya hansı radikal qüvvələrin əlinə keçəcəyindən narahat olacaq. Qonşu ölkələrin də bir qismi Rusiyanın dağılmasını ona görə istəməz ki, bu böyüklükdə ölkədə başlana biləcək xaos ətrafa daha çox problem yaradacaq. “Kollektiv Qərb” və Avrasiya bölgəsinin bir qisim dövləti Rusiyanın dağılmasını deyil, o dərəcədə zəiflməsini istəyir ki, bu dövlət beynəlxalq aləmə problemlər yaratmasın, yalnız daxili sabitlik və iqtisadiyyatı barədə düşünsün.
Elxan Şahinoğlu
Teref. Xocanın Blogu
Səhifəmiz hamnın üzünə açıqdır

Kreml Ermənistanda Nikol Paşinyanı devirə bilmədiyi kimi onun yerinə namizəd də tapa bilmir. Robert Köçəryan və Serj Sərkisyan artıq bu rola yaramırlar, ermənilər arasında nüfuzları qalmayıb, o biri müxalifət təmsilçilərin də cəmiyyətdə dəstəyi yoxdur. Amerika Birləşmiş Ştatları və Avropa İttifaqı Paşinyanın simasında tərəfdaş qazansalar da, Vaşinqton və Brüssel də Ermənistanda vəziyyətin gərginləşəcəyi halında alternativ barədə düşünmək məcburiyyətindədir. Yəni Vaşinqton və Brüssel Paşinyanın bu və ya digər səbəbdən hakimiyyətdən uzaqlaşacağı və ya uzaqlaşdırılacağı halda onu əvəz tapmalıdır. Bu elə bir siyasətçi olmalıdır ki, Paşinyan kimi
1) Qərblə tərəfdaşlığı davam etdirsin;
2) Rusiyadan məsafə saxlasın.
Fikrimcə, Nikol Paşinyana gələcəkdə alternativ ola biləcək siyasətçi parlamentin hazırki sədri Alen Simonyandır. O həm Qərblə sıx tərəfdaşlığı dəstəkləyir, həm də Rusiyanın qatı tənqidçilərindədir.
Elxan Şahinoğlu
Teref. Xocanın Blogu

"Bugünkü Azərbaycan özünü 1918-ci ildə elan edilmiş Azərbaycan Xalq Cümhuriyyətinin varisi elan edib. Ona görə də Azərbaycanın adının dəyişdirilməsinin heç bir mənası yoxdur”.

Bu sözləri Yenisabah.az-a açıqlamasında Azərbaycan Demokrat Partiyasının (ADP) sədri Sərdar Cəlaloğlu deyib.

Partiya lideri Milli Məclisin deputatı, Bütöv Azərbaycan Xalq Cəbhəsi Partiyasının (BAXCP) sədri Qüdrət Həsənquliyevin 2024-cü il prezident seçkiləri ilə bağlı elan etdiyi platformada ölkənin adının dəyişdirilməsi üçün irəli sürdüyü təklifdən söz açıb.

Xatırladaq ki, BAXCP sədri Prezident seçiləcəyi təqdirdə ölkənin adının "Şimali Azərbaycan Respublikası” olaraq dəyişdiriləcəyini söyləyib.

S. Cəlaloğlu isə bu fikirlərlə razlaşmadığını dilə gətirib. O, əlavə edib ki, cənubdakı Azərbaycan ərazi adıdır:

"Bu, dövlət adı deyil ki, biz deyək, Cənubi Azərbaycan dövləti var. Cənubdakı coğrafi ərazi siyasi bir vahid deyil. Ona görə də bu cür siyasi oyunlar oynamağın heç bir mənası yoxdur. Vahid Azərbaycan var və Cənubi Azərbaycan da öz istiqlaliyyətini əldə edəndən sonra bizə qoşulacaq. Ona görə də bizim bəzi siyasilər işləri qarışdırmamalıdır. Bir halda ki, Azərbaycan AXC-nin varisidirsə, onun adı necədir, indi də elə saxlanmalıdır”.

Onun sözlərinə görə, Q. Həsənquliyev 0-dan aşağı səs toplayacaq:

"Keçən prezident seçkilərində də o, 4-cü yerə çıxmışdı. Lazım olanda ona bəzən çox, bəzən də az yer verilir. Onun prezident seçilməsi utopik bir şeydir. Çünki Qüdrət Həsənquliyevin real şərtlərlə deputat seçilmək imkanı yoxdur, o ki qaldı prezident seçilsin. Ona görə də Qüdrət Həsənquliyevin ideyalarının hamısı populizm xatirinə elan edilib. Onun başqa bir sözü yoxdur. Rusiya-Azərbaycan əlaqələri, Azərbaycanın daxili siyasəti ilə bağlı cəsarət edib hökuməti tənqid edə bilmədiyi üçün Qüdrət Həsənquliyev tamamilə gündəmdən kənar mövzuları gündəmə gətirməklə guya özünün təbliğat kampaniyasını qurmaq istəyir”.

ADP sədrinə görə, Azərbaycanın o qədər ciddi problemləri var ki, birincisi, onları həll etmək lazımdır:

"Məsələn, rus qoşunlarının Qarabağdan çıxarılması, Türk Dövlətləri Təşkilatının Türk Dövlətləri Birliyinə çevrilməsi, Azərbaycanın suverenliyi və müstəqilliyinin möhkəmləndirilməsi, daxili siyasətdə əyintilərin aradan qaldırılması və s. məsələlər var. Qüdrət Həsənquliyev bunların heç birini dilə gətirmir, çıxıb deyir ki, respublikanın adını dəyişəcəyəm, belə edəcəyəm, elə edəcəyəm... Sən maksimum öz adını dəyişə bilərsən! Axı sən kimsən ki, ölkənin adını dəyişirsən?! Birincisi, respublikanın adı referendum yolu ilə qəbul edilmiş Konstitusiya ilə tətbiq edilib. Konstitusiyasının 1-ci hissəsində isə Azərbaycan Respublika kimi qeyd olunub və hər hansı bir referendum yolu ilə Konstitusiyanın birinci bölməsinə aid müddəaların dəyişdirilməsi yolverilmzədir. Sən istər Prezident ol, istərsə də digəri, ixtiyarın yoxdur ki, birinci bölmədəki məsələləri referenduma çıxarıb müzakirə edəsən. Bunlar onu göstərir ki, Konstitusiyadan xəbəri olmayan adam prezident seçkilərində namizədliyini irəli sürüb bu cür təxribat xarakterli bəyanatlara çıxış edir”.

"Yenə deyirəm, əgər Qüdrət Həsənquliyev bunları müzakirəyə çıxarsa, bunun adı dövlət çevrilişi olacaq. Çünki müasir Azərbaycan dövlətinin əsasları elə Konstitusiyanın birinci bölməsində yer alıb. Orada dövlətin adı, milli tərkibi, ərazisi, paytaxtı və digər əsas müddəalar yer alıb ki, kimliyindən asılı olmayaraq heç kimin bunu dəyişməyə ixtiyarı yoxdur. Sən respublikanın adını hansı hüquqi əsasla dəyişdirə bilərsən?! Belə çıxır ki, Qüdrət Həsənquliyev dövlət çevrilişi etmək istəyir”, – deyə o, fikirlərini yekunlaşdırıb.

2020-ci ildə qazandığımız tarixi Zəfərdən sonra Azərbaycan yeni inkişaf mərhələsinə qədəm qoydu. Ölkəmiz 2022-ci ili ciddi sosial-iqtisadi inkişaf göstəriciləri ilə başa vurur. Ümummilli Lider Heydər Əliyevin böyük müdrikliklə müəyyən etdiyi strategiyanı 2003-cü ildən inamla davam etdirən Azərbaycan Prezidenti İlham Əliyevin son 20 ildə ölkəyə rəhbərlik fəaliyyətini diqqətlə nəzərdən keçirsək, dövlət başçısının fəaliyyətində bu şərtlərin özünü necə dəqiqliklə doğrultduğunu əyani şəkildə görərib.
Vətən müharibəsindəki Şanlı Qələbədən üç il sonra – 2023-cü il sentyabr ayının 19-da Müzəffər Ali Baş Komandanımızın rəhbərliyi ilə şanlı Azərbaycan Ordumuz Qarabağ bölgəsində həyata keçirdiyi və cəmi bir gün davam edən zəruri lokal antiterror tədbirlərindən sonra düşmənin tam şəkildə məğlubiyyəti və Qarabağda 30 ildən çox hakimiyyətdə olan qondarma qurumun buraxıldından sonra baş tutdu. Azərbaycan bununla da öz gücünü və hərbi qüdrətinin bir daha nümayiş etdirdi.
Prezident, Müzəffər Ali Baş Komandan İlham Əliyev oktyabrın 15-də Xankəndidə, Xocalıda, Ağdərədə, Əskəranda və Xocavənddə Azərbaycanın Dövlət Bayrağını ucaltdı. Əzəli düşmən üzərindəki Şanlı Qələbədə əsas nöqtə isə noyabrın 8-də Xankəndi şəhərində keçirilən hərbi parad oldu. Bu parad Azərbaycanın gücünü, hərbi qüdrətini bir daha nümayiş etdirdi. Düşmən nəinki təslim oldu, həmçinin 30 il bundan əvvəl torpağımızda yaratdıqları qondarma rejimə də xitam verildi. Beləliklə, tarixi ədalət bərpa edildi.
Prezident İlham Əliyev Azərbaycanı son 20 ildə iqtisadi inkişaf göstəricilərinə görə bütün dünyada lider dövlətlərdən birinə çevirdi. Bakı-Tbilisi-Ceyhan, Bakı-Tbilisi-Ərzurum, TAP, TANAP kəmərlərinin, Bakı-Tbilisi-Qars dəmir yolu ölkəmizin Avropa regionunun enerji təhlükəsizliyi missiyasını öz üzərinə götürməsi də danılmaz reallıqdır.İqtisadi baxımdan inkişaf etmiş ölkələr səviyyəsinə yüksəlməyi qarşıda başlıca məqsəd qoyan ölkə başçısı hüququn aliliyinə, ictimai həyatın müxtəlif sahələrində şəffaflıq və hesabatlılığın gücləndirilməsinə, hər bir vətəndaşın qanuni maraq və mənayefinin təminatına yönəlmiş siyasət yürüdür.
İqtisadiyyatın uğurlu inkişafının bariz göstəricilərindən biri də pandemiya şəraitində özünün pik həddinə çatan qlobal maliyyə-iqtisadi böhranın ölkəmizə təsirlərinin minimum həddə olmasıdır. Sosial-iqtisadi sahədə həyata keçirilən məqsədyönlü siyasət nəticəsində son üç ildə Azərbaycanın pandemiya ilə mübarizədə möhtəşəm nailiyyətlərə imza atmasına gətirib çıxarıb. Həmçinin Qoşulmama Hərəkatının sədri qismində Azərbaycanın təşəbbüsü ilə bir sıra dövlətlərə yardım edilib, eyni zamanda, yoxsul ölkələrin dəstəklənməsi üçün Ümumdünya Səhiyyə Təşkilatına könüllü olaraq 10 milyon dollar həcmində maliyyə töhfəsi göstərilib.
Prezident İlham Əliyevin qətiyyətli, prinsipial, milli maraqları əsas tutan liderlik missiyası ölkə vətəndaşlarının böyük sevinc və məmnunluğu ilə qarşılanır. Azərbaycanın Vətən müharibəsindəki layiqli qələbəsi Prezident İlham Əliyevin son bir ildə regional və qlobal miqyasda nüfuzunu daha da artırıb, bu ilin yekunları üzrə dünyanın ən uğurlu liderləri sırasında yer almasını təmin edib.Azərbaycan Prezidenti İlham Əliyev hər addımında milli maraq və mənafeləri uca tutur, ölkə vətəndaşlarının arzu və istəyini gerçəkləşdirmək üçün böyük əzmkarlıqla çalışır. Onun fəaliyyətinin əsas qayəsi xalqa və dövlətə sədaqətli, layiqli xidmət və vətəndaş məmnunluğu prinsipləri üzərində qurulub.

Kübra Cabbarova - Əməkdar həkim

2003-cü ilin 15 oktyabrı tarixində keçirilmiş seçkilərdə xalq öz səsini Ulu Öndər Heydər Əliyevin özü qədər inandığı İlham Əliyevə verməklə Ümummilli Liderin siyasətinin davam etdirilməsinə və ölkədə sabitliyin qorunmasına vermiş oldu. Zaman göstərdiki, Azərbaycan xalqı bu seçimində yanılmadı. Bu gün Azərbaycan Respublikasının prezidenti Cənab İlham Əliyevin strateji hədəflərində Azərbaycan ailəsini sosial-iqtisadi baxımdan dünyanın ən inkişaf etmiş ölkələrində yaşayan ailələr səviyyəsində görmək istəkləri yer alır. Mənəvi baxımdan isə bu istəklər milli qürur və vətənpərvərlik ideallarına söykənərək möhkəmlənir.
Sonrakı illərdə növbəti Prezident seçkiləri zamanı xalqımız cənab İlham Əliyevə təkrarən səs verib ona – bu yola olan inamını təsdiq və təsbit etdi. Ulu Öndərin ideyalarında varislik, ənənələrə bağlılıq, strateji müttəfiqlərlə etibarlılıq prinsipləri müstəqilliyimizin dönməzliyi və əbədi olmasına istinad edən siyasi inkişaf kursumuzun ideologiyasına çevrildi. Ölkə başçımızın Ulu Öndərin ideyalarından vüsət alan hərbi-diplomatik uğurlu siyasət taktikası ərazilərimizin işğaldan azad edilməsini şərtləndirdi.
Azərbaycan Silahlı Qüvvələri Müzəffər Ali Baş Komandan İlham Əliyevin rəhbərliyi altında 44 günlük Vətən müharibəsində düşmən üzərində qələbə çalaraq tarixi nailiyyətə imza atdı. Müharibənin nəticəsində 300-dən çox şəhər və kənd döyüş meydanında işğaldan azad edildi. Düşmən ağ bayraq qaldırdı, təslim oldu və məcbur oldu ki, noyabrın 9-dan 10-na keçən gecə kapitulyasiya aktına imza atsın. Bunun nəticəsində yüzlərlə şəhər və kənd bir güllə atmadan, bir şəhid vermədən geri qaytarıldı. 2023-cü ilin sentyabrında lokal antiterror tədbirlərindən sonra isə düşmən ağ bayraq qaldıraraq təslim oldu. Oktyabrın 15-də isə Xankəndidə, Xocalıda, Ağdərədə, Əskəranda və Xocavənddə Azərbaycanın Dövlət Bayrağını ucaldı. 30 ilə yaxın dövrdə doğma el-obalarının həsrəti ilə yaşayan məcburi köçkünlərimiz, eləcə də bütün xalqımız qələbə sevincinin qürurunu yaşadı. Zəfər Bayramının dəyərləri milli iftixar mənbəyinə çevrildi.
Ümummilli Lider Heydər Əliyevin müstəsna xidmətləri sayəsində formalaşan və inkişaf edən Azərbaycan Silahlı Qüvvələri bu gün Müzəffər Ali Baş Komandan İlham Əliyevin rəhbərliyi altında öz xalqına Qələbəni bəxş etmiş Müzəffər Orduya çevrilmişdir.
Prezident İlham Əliyev demişdir: “Mən dəfələrlə demişdim ki, Azərbaycan xalqı heç vaxt işğalla barışmayacaq. Dəfələrlə demişdim ki, nəyin bahasına olursa-olsun biz öz torpaqlarımızı geri qaytaracağıq. Dəfələrlə demişdim ki, düşmən öz xoşu ilə torpaqlarımızdan çıxmasa, biz onu torpaqlarımızdan qovacağıq və belə də oldu. Biz Birinci Qarabağ müharibəsindəki məğlubiyyətlə barışmadıq, güc topladıq, bütün gücləri səfərbər etdik, ordumuzu gücləndirdik, ölkə iqtisadiyyatını gücləndirdik, ölkəmizin nüfuzunu qaldırdıq və öz tarixi missiyamızı şərəflə yerinə yetirdik”.
Prezidentimiz hər zaman olduğu kimi verdiyi sözə əməl etdi. Bu da onun həqiqətən dahi şəxsiyyət, qətiyyətli rəhbər olduğunu bir daha sübut etdi.


Türkan Cümşüdova – YAP üzvü

Ümummilli Lider Heydər Əliyev tərəfindən əsası qoyulmuş sosial-iqtisadi inkişaf strategiyasının ən layiqli davamçısı olan Azərbaycan Prezidenti cənab İlham Əliyev 2020-ci ildə Vətən müharibəsində qazandığımız tarixi Zəfərdən sonra da yeni dünya nizamının çağırışlarına cavab verən daxili və xarici siyasət yürüdərək respublikamızın beynəlxalq arenada siyasi nüfuz və iqtisadi gücünün artmasına nail olmuşdur. Prezident seçildiyi 2003-cü ildən etibarən ordu quruculuğu məsələləri dövlət siyasətinin prioriteti kimi müəyyən olunub.Ötən illər ərzində Prezident İlham Əliyevin rəhbərliyi ilə ölkədə güclü iqtisadiyyat və bu iqtisadiyyat əsasında qüdrətli ordu yaradılıb. Beynəlxalq münasibətlər sahəsində önəmli uğurlar əldə edilib ki, bunun da nəticəsində Zəfər qazanılıb. Vətən müharibəsində əldə etdiyimiz Zəfər ölkə başçısının intellekti, müdrik siyasəti və dahi sərkərdəlik məharəti sayəsində əldə olunub.
Prezidentin planlı və ardıcıl şəkildə gördüyü işlər Azərbaycan ordusunu dünyanın ən güclü 50 ordusu sırasına yüksəltdi. Ötən dövrdə Silahlı Qüvvələrin maddi-texniki təchizatının yenilənməsi, müasir infrastrukturun yaradılması, hərbi qulluqçuların sosial müdafiəsi, mənzil təminatının yaxşılaşdırılması, həmçinin müdafiə sənayesinin inkişaf etdirilməsinə Prezident İlham Əliyev tərəfindən xüsusi diqqət ayrılıb. Azərbaycanda son illərdə müxtəlif növ hərbi texnika, zirehli maşınlar, pilotsuz uçuş aparatları, atıcı silahlar istehsal olunur, xaricdən ən müasir silahlar alınıb.
Azərbaycan Silahlı Qüvvələri Müzəffər Ali Baş Komandan İlham Əliyevin rəhbərliyi altında 44 gün davam edən Vətən müharibəsində düşmən üzərində Şanlı Qələbə çalaraq tarixi nailiyyətə imza atdı. Ölkənin 30 ilə yaxındır ki, pozulmuş ərazi bütövlüyü bərpa edildi, xalqımızın mədəniyyət beşiyi hesab olunan Şuşa azad olundu. Bu da Prezident İlham Əliyevin Zəfər zirvəsidir. 200 ilə yaxın idi ki, böyük qələbəyə ehtiyacı olan və on illər idi ki, ermənilərin hər dəfə müxtəlif azğınlıqları ilə qarşılaşan xalqımız və dövlətimiz nəhayət ki, qələbəyə imza ataraq tarixi ədaləti bərpa etməyə müvəffəq oldu.
44 günlük müharibə ərzində Azərbaycan işğal olunmuş ərazilərinin böyük bir hissəsini, o cümlədən Cəbrayıl, Hadrut, Füzuli, Zəngilan, Qubadlı və Şuşa şəhərlərini azad etdi. Ümumilikdə, döyüş meydanında 300-dən çox şəhər və kənd azad edildi. Vətən müharibəsi nəticəsində tamamilə məğlub edilmiş Ermənistan 2020-ci il noyabrın 10-da kapitulyasiya aktını imzalamağa məcbur oldu və bunun nəticəsində Ağdam, Laçın və Kəlbəcər döyüş əməliyyatları aparılmadan Azərbaycana təhvil verildi.
Bu fərəhli hadisədən üç il sonra isə 2023-cü il sentyabrın 19-da Prezident, Müzəffər Ali Baş Komandan İlham Əliyevin rəhbərliyi ilə şanlı ordumuzun Qarabağ bölgəsində həyata keçirdiyi və cəmi bir gün davam edən zəruri lokal antiterror tədbirlərindən sonra düşmən ağ bayraq qaldıraraq təslim oldu, ordumuzun hissələri vaxtı ilə işğal edilən kənd və yaşayış məntəqələrinə tam nəzarətə aldı. Prezident, Müzəffər Ali Baş Komandan İlham Əliyev oktyabrın 15-də Xankəndidə, Xocalıda, Ağdərədə, Əskəranda və Xocavənddə Azərbaycanın Dövlət Bayrağını ucaltdı. Əzəli düşmən üzərindəki Şanlı Qələbədə əsas nöqtə isə noyabrın 8-də Xankəndi şəhərində keçirilən hərbi parad oldu. Üç il fərqlə keçirilən hər iki parad isə Azərbaycan tarixinə əbədi həkk olundu.
Bu gün biz tam əminliklə deyə bilərik ki, bu Şanlı Qələbənin kökündə şəxsiyyət faktoru, İlham Əliyev fenomeni dayanır. Bu gün bu dahi şəxsiyyətin siyasəti nəticəsində azad edilmiş torpaqlarda şəhər və yaşayış məntəqələrinin aktiv bərpa prossesi aparılır və Azərbaycan özünün yeni və şanlı tarixini yazır.

İsrafil Kərimov – Azərbaycan Jurnalistlər Birliyinin üzvü

Bir müddət əvvəl mətbuatda Sumqayıtda qanunsuz küçə ticarəti ilə məşğul olanların küçədə piyada səkilərini zəbt etməsindən, şəhərin küçələrinin bazara çevriliməsindən yazılmışdı. Bildirilmişdi ki, piyadalar onlar üçün nəzərdə tutulmuş səkilərlə rahat, maneəsiz gedib-gələ bilmir, küçə ticarətinin geniş vüsət aldığı bu ərazilərdə böyük səs-küy, antisanitariya şəraiti hökm sürür.
Qeyd olunmuşdu ki, Sumqayıtın 13-cü mikrorayon, Babək küçəsində müşahidə olunan acınacaqlı mənzərəyə şəhərin hər yerində rast gəlmək mümkündür: “Sumqayıtın mərkəzində, Heydər Əliyev prospektində, 2-ci mikrorayonda dayanacaqda, “EuroSport” mağazasının qabağında, bazara yaxın dayanacağın ətrafında Hindistanın tipik mənzərəsi müşahidə edilir. Bu da şəhərin görünüşünə pis təsir edir. Üstəlik, küçə ticarətçi ilə məşğul olanların heç bir sənədi olmur. Maraqlansaq görərik ki, meyvə-tərəvəz satanlar verilən pula görə heç bir qəbz vermir, bununla vergidən yayınır, yığılan pullar dövlət büdcəsindən ödənilmir. Əlbəttə insanların dolanışığını təmin etmək üçün ticarətlə məşğul olmasını başa düşmək olar, amma yolun az qala təmiz tutulması heç cürə yolverilməzdir. Təəssüf doğuran məqam həm də bundan ibarətdir ki, əlaqədar qurumlar vəziyyətdən xəbərdar olsalar da heç bir tədbir görmürlər”.
Medianews.az xəbər verir ki, problem mətbuatda ictimailəşdiriləndən sonra aidiyyəti qurumlar tərəfindən müəyyən tədbirlər görülüb. Sözügedən ünvanlarda həqiqətən də səkilər küçə ticarətindən azad edilib, piştaxtalar geri çəkilib, insanların rahat hərəkətinə az da olsa şərait yaradılıb.
Lakin əfsuslar olsun ki, bu sevincin ömrü cəmi iki gün olub. İndi həmin ərazidə vəziyyət əvvəlki kimidir. Necə deyərlər, köhnə hamam, köhnə tas. Zaman keçdikcə burada vəziyyət pisə doğru daha da dəyişir. Mikrorayonlarda, “Kolxoz bazarı” tərəfdə səkilər, yollar yenidən zəbt olunur. Bu da şəhər sakinlərinin haqlı narazılığına səbəb olur. Görünür ki, burda vəziyyətin bu həddə çatmasında maraqlı olan tərəflər var. Yəqin ki, küçə ticarətindən böyük pullar əldə edən bəzi məmurlar öz şəxsi mənffətlərini güdərək, problemin birdəfəlik həll olunmasının qarşısını alırlar. Getdikcə böyüyən, inkişaf edən, müasirləşən Sumqayıtın bu halı təəssüf doğurur.
Lamiyə MİRZƏYEVA