"Vest Hem" - "Liverpul" (2:2) oyununda 79-cu dəqiqədə meydana daxil olan Mohamed Salah və baş məşqçi Yürqen Klopp arasında dava düşüb.
TEREF offsideplus.az-a istinadla videonu təqdim edir:

Azərbaycanın cüdo üzrə milli yığması aprelin 25-dən 27-dək Zaqrebdə keçirilən Avropa çempionatında iki qızıl və bir gümüş medal qazanaraq bu günə qədər ən yaxşı nəticəni əldə edib (1993-cü ildən bəri).

Oxu.Az-ın məlumatına görə, Elcan Hacıyev 90 kq çəki dərəcəsində Azərbaycanın ilk Avropa çempionu kimi tarixə düşüb.

O, rəqibləri arasında olan gürcüstanlı, Olimpiya çempionu və bu kateqoriyada nömrə bir cüdoçu - Laşa Bekaurini məğlub edib.
Bundan əlavə 73 kq. çəki dərəcəsində dünya reytinqində nömrə 1 olan Hidayət Heydərov karyerasında 4-cü dəfə Avropa çempionu titulunu uğurla qoruyub.

Balabəy Ağayev isə kişilər arasında 60 kq. çəki dərəcəsində gümüş medal qazanıb. Cüdoçularımız Turan Bayramov (-60 kq.), Aydan Vəliyeva (-52 kq.), Murad Fətiyev (-90 kq.) və Zelim Kotsoyev (-100 kq.) 5-ci yerə çıxıblar.

İtaliya A Seriyasının 34-cü turunun “Yuventus” – “Milan” qarşılaşmasında komandalar vurduğu qollarla azarkeşlərini sevindirə bilməyiblər. Görüş qolsuz heç-heçə ilə başa çatıb – 0:0.

Hazırda 34 oyundan sonra 70 xal toplayan “Milan” 2-ci, “Yuve” isə 65 xal toplayaraq 3-cü pillədə qərarlaşıb.

İtaliya çempionatının cari mövsümündə komandalar daha əvvəl 9-cu turun matçında üz-üzə gəliblər. Həmin qarşıdurmada “Qoca sinyora” 1:0 hesabı ilə qalib gəlib. Qarşılaşmada yeganə qolu yarımmüdafiəçi Manuel Lokatelli vurub.

İspaniya La Liqasının 33-cü turunun “Real Sosyedad” və “Real Madrid” komandalarının qarşılaşdığı matç başa çatıb.

Oxu.Az xəbər verir ki, oyun San Sebastiandakı “Reale Arena”da baş tutub. Qarşılaşma qonaqların 1:0 hesablı qələbəsi ilə başa çatıb.

30-cu dəqiqədə qonaqların yarımmüdafiəçisi Arda Güler ​​qarşılaşmada hesabı açıb. 33-cü dəqiqədə “Real Sosyedad”ın hücumçusu Takefusa Kubo qol vurub, lakin VAR-ın yoxlamasından sonra hücumda fol qeydə alındığı üçün qol hesablanmayıb.

Qeyd edək ki, İspaniya çempionatının 33 turundan sonra “Real Sosyedad”ın 51 xalı var və altıncı yerdədir. Eyni sayda oyundan sonra “qaymaqlılar” 84 xal toplayıb və birinci yerdədirlər.

Dünyanın ən yaxşı qapıçısı məlum olub.

“Qafqazinfo” xəbər verir ki, bu barədə Böyük Britaniyanın “FourFourTwo” jurnalı məlumat yayıb.

Bildirilib ki, jurnalın gəldiyi qənaətə görə, “Liverpul”un qapıçısı Alison Beker hazırda dünyanın ən yaxşı qapıçısıdır.

Siyahının ikinci pilləsində Ederson Moraes (“Mançester Siti”), üçüncü pilləsində isə “Barselona”nın almaniyalı qapıçısı Mark-Andre ter Ştegen yer alıb.

Azərbaycan kubokunun yarımfinalında keçirilən "Qarabağ" - "Neftçi" cavab oyunundan (4:1) videoicmalı təqdim edirik.

“Real Madrid” ukraynalı qapıçısı Andrey Lunin üçün transfer təkliflərini nəzərdən keçirməyə hazırdır.

Fanat.az xəbər verir ki, bu barədə “DefensaCentral” məlumat yayıb.

Mənbənin məlumatına görə, “Kral klubu”nun prezidenti Florentino Peres ukraynalının satışından 40 milyon avro qazanmaq niyyətindədir. Eyni zamanda, Andreyin “Transfermarkt”da transfer dəyəri 16 milyon avrodur.

Luninin Madrid klubu ilə hazırkı müqaviləsinin müddəti 2025-ci ilin yayına kimi nəzərdə tutulub. 25 yaşlı qolkiper bu mövsüm bütün yarışlarda 28 oyun keçirib və 25 qol buraxıb. O, 12 görüşdə qapısnı toxunulmaz saxlayıb.

İtaliya kubokunun yarımfinal cavab matçında “Latsio” “Yuventus”la üz-üzə gəlib. Romada baş tutan görüş meydan sahiblərinin xeyrinə başa çatsa da, finala qonaqlar vəsiqə qazanıblar.

Matçın 12-ci dəqiqəsində “Latsio” Valentin Kastelanosun səyi ilə önə keçib.

49-cu dəqiqədə o, dubla imza atıb. Lakin 83-cü dəqiqədə Milik “qoca sinyora”nı finala çıxaran topu vurub - 2:1 (2:3).

Xatırladaq ki, aprelin 2-də Turindəki oyunda “Yuventus” 2:0 hesablı qələbə qazanmışdı.
Qeyd edək ki, İtaliya kubokunun finalına ikinci vəsiqə “Atalanta” ilə “Fiorentina” arasında oynanılacaq. İlk görüşdə “Bənövşəyilər” 1:0 hesabı ilə qalib gəliblər. Cavab oyunu aprelin 24-də keçiriləcək.