"Makron Fransa və Afrikada yaşadığı siyasi "məğlubiyyət"in əvəzini Azərbaycandan çıxarmağa çalışır"
İyulun 3-də Avropa Şurasının İşgəncənin və Qeyri-insani yaxud Ləyaqəti Alçaldan Rəftar və ya Cəzanın Qarşısının Alınması üzrə Komitəsinin (İQAK) Azərbaycanla bağlı ictimai bəyanat dərc edilib. Xarici İşlər Nazirliyinin mətbuat katibi Ayxan Hacızadə sözügedən bəyanatla bağlı şərh verib. Mətbuat katibi qeyd edib ki, "bəyanat bizi dərindən təəssüfləndirdi". Bildirilib ki, İQAK, həmçinin “İşgəncənin və qeyri-insani və ya ləyaqəti alçaldan rəftarın və ya cəzanın qarşısının alınması haqqında” Avropa Konvensiyasının tələbinə zidd olaraq, Azərbaycanın müvafiq razılığı alınmadan 2022-ci ildə edilmiş xüsusi səfərinin yekunları üzrə hazırlanmış hesabatı tam şəkildə dərc etmək barədə əvvəllər presedenti olmayan qərar qəbul edib.
Politoloq Elşad Həsənov Bizimyol.info xəbər portalına açıqlamasında bildirib ki, iyulun 3-də Avropa Şurasının İşgəncənin və Qeyri-insani yaxud Ləyaqəti Alçaldan Rəftar və ya Cəzanın Qarşısının Alınması üzrə Komitəsinin (İQAK) Azərbaycanla bağlı ictimai bəyanatı hər bir azərbaycanlıda qıcıq doğurur.

“Bu ilin yanvarında Avropa Şurası Parlament Assambleyası tərəfindən Azərbaycan nümayəndə heyətinin sərhədləri ratifikasiya etməmək barədə qərəzli qərarı və Azərbaycan nümayəndələrinin öz vəzifələrini AŞPA-da dondurduqlarını və AŞPA-da dialoq aparmaq mümkün olmadığını bəyan etməsindən sonra Azərbaycana qarşı atılan qərəzlərdən və böhtanlardan ibarətdir.

Avropa Şurası bir xristian klubudur. Artıq 29 ildir ki, Avropa İttifaqına üzvlüyə namizəd olan Türkiyəni bu gün də bu ittifaqa üzv qəbul etmirlər. Ancaq digər xristian ölkələrini qısa müddətdə ora üzv qəbul edirlər. Yəni bu mənada bu açıq-aşkar görünən ayrı-seçkilik siyasətidir. Avropa Şurasına rəhbərlik edən Fransadır. Fransa siyasətdə Avropa Şurasının lideri sayılır və bu məsələlər onların diqtəsi ilə olur. Məlumdur ki, Fransa da Azərbaycanı hər yerdə qaralamağa çalışır. Azərbaycanın haqq işini görməzliyə vurur. Müttəfiqi olan Ermənistanı daim dəstəkləyir. Fransa ATƏT-in Minsk qrupuna həmsədr olduğu 28 il ərzində heç bir iş görmədi. Əksinə, ermənilərə həmişə dəstək oldu. Buna görə biz ATƏT-in Minsk qrupunun ləğv olunmasını tələb etdik. 44 günlük Vətən müharibəsindən sonra prezident onları tənqid etdi. Bu yaxınlarda, hətta Azərbaycan prezidenti Ermənistan tərəfə də ATƏT-in ləğv olunması ilə bağlı məlumat verdi ki, onlar da bu təşkilatın ləğv olunmasını istəsinlər. Onlar da ATƏT-in Minsk qrupunun lazım olmadığını bildirdilər.

Azərbaycan öz dövlət maraqları, öz suverenliyi üçün lazım olan işləri görür. İndi də Azərbaycanı, insan ləyaqətini alçaldan hərəkət Azərbaycanın hüquq mühafizə orqanlarının belə iş etdiklərini, guya siyasi məhbusların çoxaldığını bildirirlər. Törədilən cinayətə görə məsul şəxs tutulur. Kimsə cinayət törədirsə, təbii ki, tutulmalı, cəzasını çəkməlidir. Yəni “siyasi partiyanın üzvüdürsə, ona toxunmaq olmaz” deyə qanun yoxdur. Bu, absurd nüansdır. Qanun qarşısında hamı bərabərdir”-deyə politoloq bildirib.

Polisdə həbs olunanlara qarşı cəza tədbirlərinin görülməsi və onlara ağır işgəncələr verilməsi məsələsi ilə bağlı politoloq bildirib ki, "açıq etiraf edək ki, belə hallar olur və olan zaman da təbii ki, buna prokurorluq və ictimai nəzarət var. Belə hallar olanda da təbii ki, həmin o hadisəni törədən əməkdaşlar ciddi cəzalandırılırlar. Hətta bəziləri çalışdıqları qurumdan xaric edilirlər. Belə konkret faktlar Azərbaycanda var, bilirik".

Politoloqun qeyd edib ki, bu kimi halların kütləvi forma alması haqqında iddialar əsassızdır və böhtandan ibarətdir.

“Bu, Azərbaycan dövlətinə qarşı aparılan qərəzli informasiya müharibəsinin tərkib hissəsidir. Bunun da öz səbəbləri var. Çünki Fransa ona qarşı edilən hərəkətləri qəbul edə bimir. Məsələn, Azərbaycan Dövlət Təhlükəsizlik Xidməti tərəfindən Fransa səfirliyinin 2 əməkdaşının - 2 diplomatın casusluqla ifşa olunması və onların Azərbaycandan xaric edilməsi, bir Fransa vətəndaşının Azərbaycanda kəşfiyyat məlumatları toplaması ilə bağlı "günahkar" bilinərək həbs edilməsi, Fransanın xarici kəşfiyyat idarəsinin ifşa olunması, eyni zamanda təkcə Azərbaycanda deyil, Gürcüstanda, Ukraynada, Afrika ölkələrində agentura şəbəkəsinin ifşa olunması Makron hakimiyyətinəə çox böyük ağır zərbə oldu. Bu gün Makron həmin zərbənin nəticələrini görür. Növbədənkənar parlament seçkilərində Makronun partiyası 3-cü yerdə oldu. Bu da, Fransanın nüfuzundan düşməsinin göstəricisidir. Bu səbəbdən də, onlar çalışır ki, Azərbaycana qarşı imkanları çatan hər şeydən istifadə etsinlər. Azərbaycanı pisləsinslər, Azərbaycana qara yaxsınlar”-deyən politoloq da hesab edir ki, bəyanat qərəzlidir və təxribat xarakterli siyasi məqsəd daşıyır.

Politoloqun fikrincə, Azərbaycanla bağlı aparılan araşdırmalar obyektiv deyil, qərəzlidir.
 

Bölmənin digər xəbərləri

05 Oktyabr 2024 Avropanın böyük üçlüyü bank qaydalarını yumşaltmağa çağırır
05 Oktyabr 2024 Avropada artıq Putinin nüvə təhdidlərinə fikir vermirlər
05 Oktyabr 2024 “Minsk bir halda ukraynalıları dəstəkləyəcək” – Lukaşenko
05 Oktyabr 2024 Minskdə Kəlbəcər “İstisu” mineral suyunun təqdimatı keçirilib - FOTO
05 Oktyabr 2024 Dəniz qaraçıları: suda yaşayan xalq
04 Oktyabr 2024 COP29 Azərbaycana nə vəd edir? - VİDEO
04 Oktyabr 2024 Gürcüstan hakimiyyətində qarşıdurma şüddətlənir - Prezidentin imzalamadığı qanunu Parlamentinin sədri imzaladı
04 Oktyabr 2024 Lukaşenkodan Azərbaycan AÇIQLAMASI: "Üçüncü ölkələrə qarşı..."
03 Oktyabr 2024 Putin jurnalistlərlə zarafat etdi: Qəhvəni kreditlə almışam - VİDEO
03 Oktyabr 2024 İrəvandan növbəti sülh şərləməsi - sərt reaksiya
03 Oktyabr 2024 Paşinyandan sülh sazişi ilə bağlı - Qadağa
03 Oktyabr 2024 “Qarabağ məsələsi Ermənistanın boynuna keçirilmiş ilgək idi” – Paşinyan
02 Oktyabr 2024 Qərbi Azərbaycan İcmasından Alen Simonyana SƏRT CAVAB
02 Oktyabr 2024 İsrailin İrana cavabı nə olacaq?
02 Oktyabr 2024 Əhmədinejaddan acı etiraf: "İranda Mossad-a qarşı mübarizə idarəsinə İsrail casusu rəhbərlik edirdi"
02 Oktyabr 2024  "Türkiyə ilə sərhədlərin açılması azad bazar üçün çox vacibdir.. ." -Katolikosun Vatikandakı nümayəndəsi
01 Oktyabr 2024 AŞPA ilə münasibətlər gərginləşəcək..?
01 Oktyabr 2024 Avropada ən az körpə harada doğulur?
01 Oktyabr 2024 “Məsələ bitib, sərhəd Göycə gölünün ortasından keçəcək” - GƏLİŞMƏ
01 Oktyabr 2024 Putin onları Təhlükəsizlik Şurasına daxil etdi

Dünyapress TV

Xəbər lenti