 |
|
|
Şəki rayonun Göybulaq kəndində yaşayan vəfat etmiş qazi anası Rəsulova Pərvanə Talıb qızı tərəfindən ölkə rəhbərliyinə müraciət ünvanlanıb. Müraciətdə deyilir:
"Mən, Rəsulova Pərvanə 2 övlad anası olmuşam. Oğlum, Rəsulov Şərif Şahin oğlu 2001-ci ildə 09.11.2001-ci ildə Şəki rayonu Qaratorpaq kəndində anadan olub.
44 günlük 2-ci Qarabağ Müharibəsində iştirak etmiş və Zəngilanın azad edilməsi uğrunda gedən qızğın döyüşlərdən birində yaxınlığında mərmi partlayışı nəticəsində baş nahiyyəsindən barotravma almış, ayaqlarından ağır yaralanmışdır. Uzun müddət müalicə olunmasına baxmayaraq sağlamlığını bərpa edə bilməmişdir.Eyni zamanda psixoloji durumunda ciddi problemlər olduğuna görə iki dəfə Məştəğada yerləşən psixatrik xəstəxanada və Şəkidə psixatriya xəstəxanasında uzun müdət müalicələr almışdır. Başındakı ağrıların şiddətindən onun həyatı gündəlik cəhənnəmə çevrilmişdir. O nə yata bilirdi, nə də ayıq vaxtı evdə sakitləşdirmək mümkün olmurdu. Başındakı ağrıların şiddətindən özünü ğldürmək həddinə şatmışdı. Ailədə onu hər gün nəzarət altında saxlayırdıq. Aldığı müalicələrin heç bir xeyri olmadı. Sağlamlığını tam itirmişdi. Ağörıkəsici dərmanların da təsiri olmurdu. Kasıb olduğuna görə ona əillik dərəcəsi də təyin etməmişlər. Oğlum Şərif reallıqda qazi idi.
Nəhayət, oğlum Şərif 22.08.2023-cü ildə evdə nəzarətsiz qalmıç və ağrılarına dözməyərək intihar etmişdir.
Atası Rəsulov Şahin Şərif oğlu 1 Qarabağ veteranı olub, 06.05.2021- ci ildə insultdan rəhmətə gedib.
Hal hazırda mən, Rəsulova Pərvanə Talıb qızı və 2016--cı il təvədlüdlü qızım Rəsulova Banu Şahin qızı tək yaşayırdıq. Evimiz olmadığına görə Şəki rayon Göybulaq kəndində yaşayan qardaşım Məhərrəmov Elçin Talıb oğlunun evinə pənah aparıb qeydiyyata düşüb hazırda qardaşımın ailəsilə birlikdə yaşamağa məcburuq.
Çox hörmətli cənab Ali Baş Komandan İlham Əliyev. 44 günlük müharibədə ağır yaralanmış oğlum Şərif son 3 ildə aldığı müalicələrin nəticəsi olmadığına görə insan vəfat etmişdir. Bu gün ona Şəki Rayon Xəstəxanası tərəfindən ölüm şəhadətnaməsi verilmir. Deyirlər, gedin məhkəməyə müraciət edin, hakim qərar versin. Məni bir ana olaraq çıxılmaz vəziyyətə düşmüşəm. Tək qızımla qardaşım Elçinin evinə sığınıb birtəhər yaşayıram. Sizdən çox xahiş edirəm Zəngilanın azad olunması uğrunda ağır yaralanmış və müalicəsi mümkün olmadığna görə vəfat etmiş oğlum Rəsulov Şərif Şahin oğluna şəhidlik statusunun verilməsi barədə göstəriş verəsiniz. Əvvəlcədən Sizə sağ olun deyirəm. Və imkan olsaydı sosial vəziyyətim pis olduğuna, 7 yaşlı qızımla birlikdə hazırda qardaşım Elçinə yük olduğuma görə mənə hazırda yaşadığım Göybulaq kənd orta məktəbində yarım ştata xadimə işi təşkil etməyinizi də xahiş edirəm".
Təqdim etdi: DİA.AZ (Ərsoyun Bloqu)
Səhifəmiz bütün maraqlı tərəflərin rəyləri üçün açıqdır...