Vay o günə ki, səhvən Azercell-in internet şəbəkəsinə qoşulasan. Çünki, səhv edib bu sistemə qoşuldun, o halda cibindən çəkilən pulların geri qaytarılması müşkül məsələ olacaq. Bəli, son vaxtlar hər kəs o haqda məlumatlar əldə edir ki, Azercell özünəməxsus oğurluq əməllərindən əl çəkmir, yaxud da əl çəkmək fikrində deyil. Məlumat üçün qeyd edək ki, bugünlərdə WhatsApp vasitəsilə yarım saatlıq danışığımızı, bu Azercell şirkəti bizə çox gördü. Yəni, yarım saat ərzində bu şirkət jurnalist-müştərisini nə az, nə çox, düz 331 manat 33 qəpik xərcə salır. Bu kimi əməllərin nəticəsidir ki, artıq əksər insanların düşüncəsində bu mobil şəbəkəyə qarşı müəyyən inamsızlıq hissi formalaşmaqdadır. Unutmaq olmaz ki,
Azercell şirkəti bir himə bənddir ki, uzun illər ərzində müştərisi olanlara maddi ziyan vursun. Amma, şirkət rəhbərləri bir məqamı unudurlar ki, onlar bü cür gedişlə, yəni müştərilərinin ciblərinə girməklə çox da uzağa gedə bilməyəcək.
TEREF yazır ki, bunu "Gundem Xeber" öz sosial şəbəkə profilində paylaşıb. "Gundem Xeber" daha sonra yazır:
Qeyd edək ki, yaşanan belə bir problemlə bağlı 13-14 iyul 2024-cü il tarixlərində Azercell-in "Qaynar xətt" xidmətinə (012 -490 -52-52; 012-490-49-40) zəng edib lazımi məlumatları versək də, bu günə kimi qarşı tərəfdən heç bir cavab verilməyib. Bu da onu göstərir ki, Azercell-in səlahiyyətlilərini müştərilərinin üzüzə qaldıqları problemlər maraqlandırmır. Şirkət əməkdaşlarını maraqlandıran hal isə, məhz müştərilərin ciblərinə daha hansı yollarla girməyi bacarmaqdır. Əhsən, əhsən, əhsən !!!

Prezident İlham Əliyev Şuşada keçirilən II Qlobal Media Forumunda çıxış edib

Əlbəttə, insan bəzən çətin qərarlar verməli olur. Şəxsən mən Qarabağı azad edərkən 17 il idi Prezident idim və lazım olsaydı, biz daha 17 il gözləyərdik ki, torpaqlarımızı azad edək. O zaman fərqi yoxdur kim Prezident olacaqdı. Yəni, bunun heç bir fərqi yoxdur.

AYNA xəbər verir ki, bu barədə Prezident İlham Əliyev “Yalan məlumatların ifşası: Dezinformasiyaya qarşı mübarizə” mövzusunda 2-ci Şuşa Qlobal Media Forumunda çıxışında bildirib.

Dövlətimizin başçısı, həmçinin deyib: “Bəlkə də bu hadisə 50 il sonra baş verəcəkdi. Yəni, burada insan eqoist olmalı deyil. Bu, mənimlə bağlı deyil. Fərq etməz, lider və prezident kimdir, bu, ləyaqət məsələsi idi”.

“Mən Prezidentlə görüşmüş adamam” deyən Nizami sakini yüzlərlə insanın həyatını təhlükəyə atıb...
Bakı şəhəri, Nizami rayonu, Qara Qarayev prospekti 51/57 ünvanında yaşayan sakinlər tərəfindən “Hürriyyət”in redaksiyasına şikayət daxil olub.

Şikayətçilər bildirirlər ki, göstərilən ünvanda yerləşən doqquz mərtəbəli binann 3-cü mərtəbəsində yerləşən 41 saylı mənzilin sahibi Məmmədova İradə və onun yoldaşı Məmmədov Beyrək mənzillərini təmir etdirərkən söküntü zamanı daşıyıcı divarlara zərər vermiş və bu divarları dağıdıb ləğv etmişlər. Binanın aid olduğu “Nizami-14” MMMC-nin sədri Ülviyyə Şükürovanın mənzil sahibinə xəbərdarlıq etməsinə və sakinlərin narazılığına baxmayaraq, ev sahibi heç nəyə məhəl qoymur və öz işinə davam edib. Mənzil sahibinin həyat yoldaşı Məmmədov Beyrək, “Mən Prezidentlə görüşmüş adamam” deyərək MMMC sədrini təhdid edib və saymamazlıq nümayiş etdirib. Artıq 41 saylı mənzilin üstündə 4-cü mərtəbədə yerləşən 43 saylı mənzilin divarlarında eyni istiqamətdən çat yaranmağa başlayıb. Birbaşa nazir Kəmaləddin Heydərova şikayət məktubu və teleqramla müraciət edilməsinə, habelə nazirliyin qaynar xətti ilə əlaqə saxlanılmasına baxmayaraq, reaksiya yoxdur.

“Biz sakinlər bildiririk ki, Türkiyədəki zəlzələdən sonra ölkəmizdə də bu məsələyə həssas yanaşılır və belə də olmalıdır. Amma hələ ki, nazirlik bu qanunsuz insidentə müdaxilə üçün qurumun yetkili şəxslərini göndərməyib. Ümid edirik ki, heç olmasa məsələnin işıqlandırılmasından sonra bu məsələyə lazımi reaksiya veriləcək”, - deyə şikayətçilər narazılıqlarını ifadə edirlər.

Azərbaycan Quş Əti, Yumurta İstehsalçıları və İxracatçıları Assosiasiyası (APEPEA) sahibkarlarla AQTA arasında yaranan problemlə bağlı açıqlama yayıb.

Assosiasiyadan redaksiyamıza daxil olmuş açıqlamada bildirilir:

“Azərbaycan quşçuluq təsərrüfatları ölkənin ərzaq təhlükəsizliyinin təminatında mühüm rol oynayır. Əhalinin qida rasionunda kifayət qədər yüksək paya malik yumurta və toyuq əti istehsalında davamlı artımı təmin etmək üçün quşçuluq təsərrüfatları investisiyaları artırmalı, müasir texnologiyaların tətbiqini genişləndirməlidirlər. Lakin hazırda bir sıra ciddi problemlər təsərrüfatların bu fəaliyyətləri icra etməsinə imkan vermir. Bu problemlər ən qısa müddətdə həllini tapmazsa, ölkəmizdə ərzaqlıq yumurta və toyuq əti istehsalında tənəzzül qaçılmaz olacaq. Bu isə qiymətlərin bahalaşmasına, hər iki məhsullar təminatda idxaldan asılılığın yaranmasına gətirib çıxaracaq.

Belə ki, quşçuluq sahəsində istehsal prosesi üçün həyati əhəmiyyət kəsb edən yem və yem qatqıları, preparatlardemək olar ki, bütünlüklə xaricdən idxal olunur. Uzun illərdir Azərbaycan quşçuluq təsərrüfatları bu məhsulları Çinin dünyada tanınan şirkətlərindən alırlar.

Son altı ayda Azərbaycan Qida Təhlükəsizliyi Dövlət Agentliyi (AQTA) “Qida təhlükəsizliyi haqqında” qanuna istinad etməklə, təsərrüfatların xaricdən aldığı külli miqdarda yem əlavəsini istehsalçı şirkətin qeydiyyatı olmadığını əsas gətirib sərhəddən ölkəyə buraxmır. Bizi narahat edən əsas məsələ budur ki, Agentlik Avropa və MDB-də istehsal olunan qatqılara qeydiyyat tələb etmir, amma Çin və Türkiyə istehsallı məhsullara belə qeydiyyatı tələb edir. Halbuki yem qatqılarının əsas istehsalçısı Çin və Türkiyədir, əksər Avropa istehsalçıları baza komponentləri Çindən alaraq, müəyyən əlavələr edib bizim bazarlara satırlar.Bura L-Lysine HCL, L-Threonine, Cholıne Chlorıde və digərləri aiddir. Avropa şirkətləri bu maddələri əsasən Çindən alaraq, müəyyən qatqılar əlavə edib digər ölkələrə satırlar.

AQTA belə ayrı-seçkilik qoymaqla yanaşı, istinad etdiyi “Qida təhlükəsizliyi haqqında” qanun qüvvəyə minməzdən əvvəl idxalına icazə verdiyi qatqıları da ölkəyə buraxmır. Halbuki ölkəmizdə qanunun geriyə qüvvəsi yoxdur.

Digər tərəfdən, Agentlik tələb edir ki, istehsalçı Avropa şirkəti olsun, Bolqarıstan da Avropa ölkəsidir, oradan gətirilənləri də buraxmır. Türkiyədən idxala da ayın 1-dən qadağa qoyub, heç bir şirkətə xəbərdarlıq edilmədən. Oradan mal alıb gətirilib, sərhəddən buraxılmır.

AQTA tələb edir ki, ya alınan maddələrin istehsalçıları Azərbaycanda qeydiyyatdan keçsin, ya da təsərrüfatlar qeydiyyatı tələb olunmayan şirkətlərin məhsullarını alıb gətirsinlər. Əvvəla, qeydiyyat üçün ödəniləcək rüsum çox yüksəkdir və onu ödəyən şirkət xərcini bizə satdığı məhsulu bahalaşdırmaqla çıxaracaq. Yəni faktiki olaraq bu məbləği biz ödəyəcəyik.

İkincisi, şirkətlərin qeydiyyatını gözləyənə, yaxud yeni məhsulu tapıb, müqavilə bağlayıb alıb gətirənə qədər azı 2 ay vaxt keçəcək. Hətta bu zaman da onların ölkəyə buraxılacağına təminat yoxdur. Üstəlik, bu uzun müddətdə təsərrüfatlar quşlara zəruri qatqıları verə bilməyəcəklər ki, bu da istehsalda fasilənin yaranmasına, həcmin azalmasına və ölkə bazarında həm yumurta, həm də toyuq əti qıtlığına səbəb olacaq.

Bütün bunları nəzərə alaraq, quşçuluq təsərrüfatları istehsalda fasilə yaranmaması üçün AQTA-nın idxalına icazə vermiş olduğu maddələrin ölkəyə buraxılmasını və istehsalçılara çatdırılmasını təklif edir. Bu, təsərrüfatlara zərər vurmadan AQTA-nın irəli sürdüyü tələblərə uyğunlaşmanı təmin edə bilər.

Eyni zamanda hesab edirik ki, hansı maddələrin Azərbaycana idxalına icazə verilib, hansılara verilməməsi məsələsi qanunda tam dəqiq əksini tapmalıdır. Bu, sahibkarların öz biznesini planlaşdırması, zəruri malların vaxtında alınıb-gətirilməsi, dövlət qurumlarının qanunvericilikdəki boşluqlardan sui-istifadə etməsinin qarşısını almaq baxımından son dərəcə vacibdir. Bu gün sahibkarlar xaricdən mal alıb gətirəndə istinad etməyə dəqiq hüquqi baza tapa bilmirlər.

Daha bir narahatedici məsələ budur ki, hazırda AQTA-nın quşçuluq təsərrüfatlarından tələb etdiyi analiz, ekspertiza və sair fəaliyyətlər üçün tətbiq olunan rüsumlar bir təsərrüfata il ərzində ödədiyi vergilərdən daha yüksək məbləğdə xərc yaradır. Biz faktiki olaraq, ödədiyimiz vergilərdən daha yüksək məbləğdə vəsaiti AQTA-nın xidmətləri üçün ödəməli oluruq. Bu isə kifayət qədər ağır maliyyə yüküdür və bu yük getdikcə artırılır.

Buna görə də hökumətimizdən bu məsələyə diqqət yetirilməsini, AQTA-nın tətbiq etdiyi rüsumların göstərilən xidmətə adekvatlığı, xüsusilə də quşçuluq təsərrüfatları üçün yaratdığı maliyyə yükünün gəlir əmsalına adekvatlığı ilə bağlı araşdırmanın aparılmasını xahiş edirik”.

“Bakı Tikiş Evi” ASC-nin sədri Fidail Rəhimov öz arzusuna çatıb. Belə ki, Yeni Azərbaycan Partiyasının açıqladığı siyahıda onun oğlu “Bakı Tikiş Evi” ASC-nin maliyyə işləri üzrə sədr müavini Elnur Rəhimovun deputatlığa namizədliyi Yeni Azərbaycan Partiyası tərəfindən irəli sürülüb.
Azərbaycanda vahid məktəbli formalarını öz monopoliyasına alan Fidail Rəhimov öz oğlunu bu siyahıya neçə saldırıb? Ölkədə kifayət qədər savadlı şəxslərin olduğu halda Yeni Azərbaycan Partiyası siyahıya Elnur Rəhimovun adını kimin tapşırığı ilə salıb? Məlumatlara görə Elnur Rəhimovun adı son anda siyahıya əlavə edilib.

Fidail Rəhimovun canfəşanlığı öz nəticəsini verib. Məlumata görə, Fidail Rəhimov oğlunun adını bu siyahıya salmaq üçün hələ bir neçə ay öncədən hərəkətə keçib. Sonda o öz istəyinə çatıb.

Xatırladaq ki, “Bakı Tikiş Evi” ASC-nin sədri Fidail Rəhimov ölkədəki bütün məktəblər üçün geyim formasını tikir və bu formaları almaq məcburidir. Qeyd edək ki, ölkədə orta ümumtəhsil məktəblərində 1 milyon 600 min nəfər şagird təhsil alır. Bu sahə “Bakı Tikiş Evi” ASC-nin sədri Fidail Rəhimovun monopoliyasında olduğu üçün ondan başqa adam məktəblərə forma verə bilməz. Qiyməti Nazirlər Kabineti tənzimləsə də qara bazarda “Bakı Tikiş Evi” ASC öz istədiyini həyata keçirdir. Olduqca kefiyyətsiz matreallardan tikilən geyimlərin dəsti qara bazarda 90 mantda satılır. İl ərzində “Bakı Tikiş Evi” ASC bu formalardan təqribən 15 milyon manat gəlir götürür. Bundan əlavə güc nazirliklərinin də geyim formaları hansısa sehirli əl vasitəsilə Fidail Rəhimovun rəhbəri olduğu “Bakı Tikiş Evi” ASC-yə həvalə edilib. Bir sözlə ölkədəki bütün geyim formalarını məhz “Bakı Tikiş Evi” ASC həyata keçirir.

Bu müəssisənin məktəbli formalarının istehsalı və satışı sayəsində inhisarçı mövqeləri hər gün biraz da artır.
Reallıq bundan ibarətdir ki, Fədail Rəhimovun rəhbərlik etdiyi fabrik hazırda Azərbaycanda məktəbli formalarının istehsalı və satışı ilə bağlı inhisarçı müəssisədir. Baxmayaraq ki, Rəhimov KİV-ə açıqlamalarında bunu israrla təkzib etməyə çalışır. Amma reallıq ondan ibarətdir ki, monopolist müəssisələr, nə qədər nəzarət edilsə də, bazarda istədikləri qiyməti diqtə edə bilir. Əks halda F.Rəhimovdan soruşmaq lazımdır: niyə Azərbaycanda oxşar tikiş fabrikləri yoxdur? Nə üçün məktəbli formalarının sifarişi və istehsalı ilə digər fabriklər də məşğul olmurlar? Üstəlik, axı bu cür anoloji müəssisələri regionlarda yaratmaq olardı. Belədə həm əyalətlərdə yeni iş yerlərinin açılması istiqamətində kifayət qədər önəmli addım atılmış olar, həm də valideynlərin daha münasib qiymətə məktəbli formaları almasına “yaşıl işıq” yandırılardı. Bəs bütün bunlar hələlik real deyilsə, yaranmış belə vəziyyət kimin günahıdır? Təbii ki, Fədail Rəhimov kimi inhisarçı maraqları yüksək olan və bazarda yeni oyunçuların olmasını arzulamayan, istəməyən dairələrin!

Fidail Rəhimov öz oğlunu bu ASC-də maliyyə işləri üzrə sədr müavin təyin etməklə onun bir çox tenderlərdə asanlıqla qalib olmasına şərait yaradıb. Məhz bunun göstəricisidir ki, bu gün adı heç yerdə hallanmayan 35 yaşlı Elnur Rəhimov YAP-ın seçki siyahısına salınır. Burada hansısa böyük əllərin olduğu qaçılmazdır. Çünki ölkənin hakim partiyasının seçki siyahısına heç kimin tanımadığı, cəmiyyətdə nüfuzu olmayan bir şəxsin salınması olduqca anlaşılmazdır.

35 yaşlı Rəhimov Elnur Fidail oğlu Bakı şəhər Nəsimi rayon sakinidir. O 2012-ci ildə Türkiyə Cümhuriyyətinin İzmir Şəhərində Dokuz Eylül Universitetini bitirib. 2012-2013-cü illərdə İsveçrənin Cenevrə şəhərində MBA Master of business Administration with major in Global Banking and Finance dərəcəsini bitirib. 2013-cü ildən Bakı Tikiş Evi ASC-də maaliyə işləri üzrə sədr müavini vəzifəsində işləyir. 2014-2019-cu illərdə YAP Nəsimi rayon təşkilatı Gənclər Birliyinin sədri olub. Ailəlidir 2 övladı var.\

Qeyd edək ki, 9 fevral 2020-ci ildə növbədənkənar parlament seçkilərində “YAP”ın namizədi olaraq 23 saylı Nəsimi – Səbail seçki dairəsindən Ziyad Səmədzadəyə məğlub olmuşdur.

Xalq.Az

Biznesi ilə hər zaman tanınan Xanlar Fətiyevin deputatlığa namizədliyi bir çağırış seçki sonrası yenidən dəstəklənib. Maraqlıdır ki, o, 98 saylı Bərdə-Tərtər seçki dairəsindən namizəd olaraq irəli sürülüb.

Xatırladaq ki, Xanlar Fətiyev daha əvvəl 4 və 5-ci çağırış seçkilərdə deputat olub, 39 saylı Kəpəz birinci (Gəncə) seçki dairəsindən deputat adı qazanıb. Amma 6-cı çağırış seçkidə deputat olmayıb. Bu dəfə ona yenidən şans verilib. Xanlar Fətiyev hazırda Gəncə Avtomobil Zavodu İstehsalat Birliyi Müşahidə Şurasının sədridir.

Bir müddət əvvəl jurnalist Cavanşir Həsənli Xanlar Fətiyevin Avropanın bir sıra ölkələrində qurduğu şirkətlər barəsində sənədləri açıqlamışdı.

Berlində, Ştutqartda şirkətlər açıb, nə az-nə çox 3 milyon avrodan artıq yatırım edib.

Gəncə Avtomobil Zavodunun rəhbərinə məxsus avtomobillərin icarəsi ilə məşğul olan AZNUR GMBH şirkətinə məxsusdur.
Şirkət 2010-cu il iyunun 15-də Charlottenburg (Berlin) ədliyyəsində nizamnamə kapitalı 25 min avro olmaqla HRB 127288 B saylı şəhadətnamə ilə qeydiyyatdan keçib. Müxtəlif vaxtlarda Sona Osmanova, Murad Süleymanov, Fəxri Həsənov tərəfindən idarə olunub. Berlinin AUGSBURGER STR. 31 ünvanında fəaliyyət göstərən şirkətin hazırki direktoru Elvira Şahbazovadır. Elvira Şahbazova bir müddət həm də Berlində Fətiyevə məxsus, 2006-cı ilin fevralından fəaliyyət göstərən, dövriyyəsi 1 milyon avrodan yuxarı olan BRASIL GASTRO GMBH adlı şirkəti və eyni adlı restoranı idarə edib.

Xanlar Fətiyev bir müddət adıçəkilən restoranı tanıdığını və orada olduğunu etiraf etsə də, “Brasil Brasileiro”nun ona məxsus olduğunu təkzib etmişdi.

Deputatın Almaniyadakı daha bir şirkəti 2010-cu ilin oktyabr ayında Ştuttqart şəhərində AZNUR STUTTGART GMBH adı ilə 25 min avro nizamnamə kapitalı ilə qeydiyyatdan keçib. 2016-cı ilin aprelin 20-də şirkət yenidən Charlottenburg (Berlin) ədliyyəsində HRB 176094 B saylı lisenziya ilə qeydiyyatdan keçirilib və AZNUR TRAVEL GMBH adı ilə Berlində Fətiyevin avtomobillərinin kirayəsi ilə məşğul olan AZNUR GMBH-nin ofisində, AUGSBURGER STR. 31 ünvanında fəaliyyət göstərməyə başlayıb, yeni nizamnaməyə uyğun olaraq turizm xidmətləri göstərir.

AZNUR adı altında Fətiyevin Gəncə Avtomobil Zavodundan şaxələnən biznesi Maltaya, İspaniyaya qədər uzanıb. İspaniyanln Ciudad aeroportunda da AZNUR-un kirayə avtomobilləri xidmət göstərir.

Deputatın Belarusiya paytaxtındakı taksi xidməti ilə məşğul olan digər şirkəti AZNUR TAKSİ (Прыватнае ўнітарнае прадпрыемства па аказаннi паслуг “АЗНУР Таксі”) 2015-ci ilin sentyabrın 14-dən fəaliyyətə başlayıb.

Moskva və Kiyevdə də şirkətin avtomobillərin icarəsi xidməti göstərən filialları var.
“Belaruski” supermarketi də ona məxsusdur.

Buna qədər Xanlar Fətiyev Tiflisdə eyni ad altında 4 supermarketdən ibarət marketlər şəbəkəsi qurub.

1. Tbilisi, 10 I. Abashidze St.

2. Tbilisi, 34 Ts. Dadiani St, B. 5

3. Tbilisi, 4/2 Gulia Sq.

4. Tbilisi, Gldani, II M/D, 1 Pore Mosulishvili St.

Marketlər Fətiyevin Gürcüstandakı AZNURGEORGIA şirkəti tərəfindən idarə olunur.(tribunainfo)