"Fikir vermisizsə son vaxtlar şəhər içi avtobuslarda dərman reklamlarının sayı nə qədər artıb?.." DİA.AZ bildirir ki, bu barədə "Müştərinin Səsi" sosial qrupundakı paylaşımında Taçəddin Poladzadə adlı istifadəçi giley edir.


Narazı vətəndaş daha sonra yazır: "Bilmirsən avtobusa minirsən , yoxsa aptekə girirsən. Çox ehtimal ki, BakuBus MMC-nin və XaliqFaiqoğlu şirkətlərinin dərman firmaları ilə güclü əməkdaşlıqları var. Ara yerdə əziyyət çəkən bizlər oluruq. Hər 2 dəqiqədən bir verilən səsli reklamlarla həm qulaqlarımız xarab olur , həm də əsəblərimiz.

Bunun üçün ən yüksək səviyyədə hara şikayət edə bilərik, görəsən? Çünki Bakı Nəqliyyat Agentliyi şikayətləri vecinə almır..."

Məsələ ilə bağlı dia.az olaraq qarşı tərəfi də dinləməyə hazırıq...

Azərbaycanın sığorta bazarında əsas oyunçulardan olan “Azsığorta” ASC məhkəməyə verilib.

32gun.az xəbər verir ki, iddiaçı Rəhimov Araz Nüsrət oğlu adlı vətəndaşdır. İddia Bakı Kommersiya Məhkəməsinin hakimi Zeynəb Axundovanın icraatındadır. Dekabrın 16-na iş üzrə məhkəmə hazırlıq iclası təyin edilib. İşin mahiyyəti sığorta müqaviləsi üzrə mübahisələrdən ibarətdir.

Araşdırmalarımız zamanı məlum olub ki, Araz Rəhimov “Diglas 2” MMC-nin qanuni təmsilçisidir. O, həm də “Diglas” Ticarət Mərkəzinin direktor müavinidir.

2019-cu ilin martında “Diglas” Ticarət Mərkəzində yanğın baş verib. Ehtimal olunur ki, “Azsığorta” ilə sığorta müqaviləsi olan “Diglas” sığorta pulunu ala bilmir. Bu baxımdan da Araz Rəhimov məhkəməyə üz tutmalı olub.

Araşdırmalarımız zamanı o da aydın olub ki, ayrıca “Diglas 2” MMC də “Azsığrota” ASC-ni məhkəməyə verib. İş Bakı Kommersiya Məhkəməsinin hakimi Ülkər Həsənovanın icraatındadır. Məhkəmə çəkişməsinin səbəbi sığorta müqaviləsi üzrə mübahisələrdir.

"Azsığorta” ASC 2006-ci ildə qeydiyyata alınıb. ASC-nin qanuni təmsilçisi Soltanov Yusif Rəhim oğludur. O, həm də ASC-nin İdarə Heyətinin sədridir.

Mediada gedən və təkzib olunmayana məlumatlara görə, "Azsığorta” ASC-nin səhmlərinin 100 faizi İsmayılov Hikmət Abuzər oğluna məxsusdur. O, fövqəladə hallar naziri Kəmaləddin Heydərovun bacanağıdır. Bu baxımdan, "Azsığorta” ASC Kəmaləddin Heydərovun biznes imperiyasının subyekti hesab edilir.

Mərkəzi Bankın qərarı ilə 15 sentyabr 2022-ci ildən “Azsığorta” ASC-nin fəaliyyətinə verilmiş lisenziyanın qüvvəsi məhdudlaşdırılıb. “Sığorta fəaliyyəti haqqında” Azərbaycan Respublikası Qanununun 105.1.1-ci maddəsinə müvafiq olaraq könüllü müraciət əsasında “Azsığorta” ASC-yə “Avtonəqliyyat vasitəsi sahiblərinin mülki məsuliyyətinin icbari sığortası” (AVİSMS) növü üzrə verilmiş icazənin ləğv edilməsi yolu ilə “Azsığorta” ASC-nin sığorta fəaliyyətinə verilmiş lisenziyasının qüvvəsi 15 sentyabr 2022-ci il tarixindən məhdudlaşdırılıb”, Mərkəzi Bankın yaydığı məlumatda bildirilir.

"Olmasaydı dünyada sənin kimi sarsaqlar, ac qalardı bizim kimi yaltaqlar". (M.Ə.Sabir)

Dünən Azərbaycanın sabiq naziri Fazil Məmmədov vəfat edib.
O, 36 yaşından yeni yaradılan Vergilər Nazirliyinə rəhbər təyin edilmişdi. Fazil Məmmədov 17 il nazir vəzifəsi daşımışdı. Və bu müddət ərzində külli-miqdarda kapital sahibinə çevrilmişdir.
Fazil Məmmədovun nazir fəaliyyəti dövründə vergi şəklində yığılan 4 milyard manata yaxın vəsaiti büdcədən yayındıraraq ofşorlara yönləndirdiyi barədə xəbərlər yayılmışdı. Həmin xəbərlər bu günə qədər təkzib edilməyib.
Bundan başqa, Məmmədova aid olduğu bildirilən “Sinerji Qrup MMC” şirkətlər qrupuna rəsmi olaraq 30 şirkət daxil idi. Şəmkirdə yerləşən “Excelsior Hotel Şəmkir”, “AzAqro” qızılgül istixanaları,"Ata bank","Aərbaycan Univesiteti", "Best pact UC poiqrafiya fabriki, Gəcə Yen Kliika" , Zəyəm Texnologiyalar Parkı, “Zəka” Gənclər Mərkəzi kimi bəzi şirkətlər “Sinerji Qrup MMC”nin tərkibində idi. “Şəmkir-Quşçuluq” MMC, 200-ə yaxın istixana, “Zəyəmkəndmaş” zavodu, “Şəmkir Ət-süd” MMC, “Yalta Meşə Ailəvi İstirahət Mərkəzi”, “Şəmkir səbəti” hipermarketi və bir çox şirkət və obyektlər də keçmiş nazirə məxsus idi.
Onu da bildirək ki, “Synergy Group”a aşağıdaki şirkətlər də paylarına görə belə daxil olub:
– “Synergy Construction” MMC – inşaat, törәmә müәssisә, iştirak payı 100%, aşağıdakı müәssisәdә iştirak payına malikdir:
– “Renaissance Construction Azәrbaycan” MMC – inşaat, birgә müәssisә, iştirak payı 50%;
– “Azagro” MMC – kәnd tәsәrrüfatı, törәmә müәssisә, iştirak payı 100%;
– “B.N.M.” MMC – turizm vә hotelçilik, törәmә müәssisә, iştirak payı 100%;
– “Caspian Coast Winery and Vineyards” MMC – şәrabçılıq, törәmә müәssisә, iştirak payı 50%, aşağıdakı müәssisәdә iştirak payına malikdir:
– “Tradehouse Caspian Coast Winery and Vineyards” MMC – şәrab mәhsullarının satışı vә paylanması, törәmә müәssisә, iştirak payı 100%;
– “Khazar Tourism” MMC – turizm vә hotelçilik, törәmә müәssisә, iştirak payı 100%;
– “Caspian Agro” MMC – kәnd tәsәrrüfatı, törәmә müәssisә, iştirak payı 50%, aşağıdakı müәssisәdә iştirak payına malikdir:
– “Azagroexport” MMC – kәnd tәsәrrüfatı, törәmә müәssisә, iştirak payı 100%;
– “Exclusive Dining” MMC – restoran, törәmә müәssisә, iştirak payı 100%;
– “Shamkir City Hotels and SPA” MMC – turizm vә hotelçilik, törәmә müәssisә, iştirak payı 100%;
– “Azәrbaycan Universiteti” – tәhsil, törәmә müәssisә, iştirak payı 90%, aşağıdakı müәssisәdә iştirak payına malikdir:
– “Unicamp” MMC – tәhsil, törәmә müәssisә, iştirak payı 100%;
– “Ecolime” MMC – tikinti materiallarının istehsalı, törәmә müәssisә, iştirak payı 100%;
– “Synergy Foundation” – qeyri-kommersiya tәşkilatı, törәmә müәssisә, iştirak payı 100%;
– “Synergy Development” MMC – daşınmaz әmlakın idarә olunması, törәmә müәssisә, iştirak payı 100%;
– “Synergy Sport” MMC – qeyri-kommersiya tәşkilatı, törәmә müәssisә, iştirak payı 100%;
– “Synergy Technics” MMC – investisiya şirkәti, törәmә müәssisә, iştirak payı 100%, aşağıdakı müәssisәdә iştirak payına malikdir:
– “Zәyәmkәndmaş” ASC – metal konstruksiyaların istehsalı, törәmә müәssisә, iştirak payı 51%;
– “Azerbaijan Global Investments” ASC – investisiya şirkәti, asılı müәssisә, iştirak payı 32%;
– “Azerbaijan Fibro Cement” MMC – tikinti materiallarının istehsalı, törәmә müәssisә, iştirak payı 100%;
– “Synergy Jet” MMC, – jet әmәliyyat şirkәti, törәmә müәssisә, iştirak payı 100%;
– “Synergy Trading” MMC, ticarәt şirkәti, törәmә müәssisә, iştirak payı 100%;
– “Caspian Development Bank” ASC, törәmә müәssisә, iştirak payı 99.91%;



İddialara görə, Şəmkir rayonunda salınan parka görə büdcədən nə az, nə çox, düz 830 milyon manat silinmişdi. Faktiki isə parkda görülən işlərin dəyəri 8 milyon manatdan da az olmuşdu. Bu xəbərlər də indiyədək təkzib edilməyib.
Fazil Məmmədovun Azərbaycan iqtisadiyyatına yönəlməli olan milyardların bir hissəsini
xarici ölkələrdə öz biznes şəbəkəsini yaratmağa, digər hissəsini ( təxminn yarısını) isə daxildə "Synerji group" MMC-yə daxil olan şirkətlərin yradılmasına sərf etmişdir.
Hazırda Ukraynada və Rusiyada müharibə getdiyi üçün mərhum nazirin bu ölkədəki biznesinin taleyi bəlli deyil.
Məmmədovun nazir vəzifəsindən uzaqlaşdırıldıqdan sonra özünün və yaxınlarının adına rəsmiləşdirdiyi əmlakları digər şəxslərin adına keçirməsi barədə də mətbuatda yazılar dərc olundu. Bildirilirdi ki, nazir postunda ikən F.Məmmədov Şəmkirdə inşa etdirdiyi müxtəlif tikililəri başqa şəxslərin adına keçirməklə əlindən çıxarılmasını önləməyə çalışıb.
F.Məmmədovun vəzifədən çıxması ilə qeyri-leqal biznesində problemlər də yaranmışdı. Hətta oğluna məxsus şirkətin dövlətə olan vergi borcunu ödəyə bilmədiyi də bəlli olmuşdu.
Belə ki, “Synergy Group” MMC-nin əsl sahibi isə keçmiş vergilər naziri Fazil Məmmədovdur. Yeri gəlmişkən, Xaləddin İsgəndərov Fazil Məmmədovun bacısının əridir.

Dövlət Vergi Xidmətinin reyestr məlumatlarına diqqət yetirdikdə məlum olur ki, 4 dekabr 2020-ci ildə şirkətin sənədlərinə dəyişiklik edilib. Ehtimal edilir ki, bu dəyişiklik Elnur İsgəndərovun MMC-nin qanuni təmsilçisi olması ilə bağlıdır. Ondan əvvəl şirkətin qanuni təmsilçisi Axundov Rauf Arif oğlu olub. Rauf Axundov 2017-ci ildə lisenziyası ləğv edilən “Dəmir Bank” ASC-nin İdarə Heyəti sədrinin müavini vəzifəsində işləyib.
Fazil Məmmədov nazir olduğu dönəmdə “Synergy Group” MMC Azərbaycanın ən iri və gəlirli holdinqlərindən biri kimi tanınıb. Xatırladaq ki, “Synergy Group” 2010-cu ildə yaradılıb, Azərbaycanda qeyri-neft sektorunda fəaliyyət göstərən ən iri özəl holdinqlərdən biridir. Onun nizamnamə kapitalı 50 milyon manatdır. Sabiq nazir, şirkətə istehsalat, tikinti, kənd təsərrüfatı, İKT, hotelçilik, təhsil, səhiyyə və bank işi sahələri üzrə iri yatırımlar edib. Fazil Məmmədov işdən çıxarıldıqdan sonra şirkətin işi axsayıb. 2019-cu ildə yayılan məlumata görə, sabiqlərin sırasına qoşulduqdan sonra bir müddət səhhətindəki problemlərlə məşğul olan keçmiş nazir yenidən əsas diqqətini “Synergy Group” MMC-yə yönəltmişdi.

Necə oldu ki, Fazilin “Synergy Group” MMC-yə dövlətdən taladığı 1 milyard pulu investisiya kimi yatırsa da, 2020-ci ilədək külli-miqdarda vergi borcu yarandı?

Amma xeyri olmadı. Çünki hazırda “Synergy Group” MMC-nin 2020-ci ilədək 48 168.93 AZN vergi borcu yığılıb qalmışdır. Bəs necə oldu ki, Vergilər Nazirliyinə rəhbərlik etdiyi dönəmdə "Synergy Group” MMC-nin bütün sahələrinə iri yatırımlar qoyulmasına baxmayaraq Rauf Axundov Arif oğlunun dövründə külli-miqdarda vergi borcu yaranmışdır ki, şirkətin 48000 manatı belə ödəməyə maddi imkanı qalmamışdır. Baxmayaraq ki, İqtisadiyyat Nazirliyi yanında Dövlət Vergi Xidməti Bakı şəhər Lokal Gəlirlər İdarəsi “Synergy Group” MMC-yə yığılmış borcun ödənilməsi barədə dəflərlə xəbərdarlıq etmişdir. Verilən məlumatdan aydın olmuşdur ki, yarandığı gündən yüksək gəlirlə işləyən böyük bir şirkət 2019-cu ildən , yəni Rauf Axundovun 2018-2020-ci illərdə rəhbər olduğu dövrdə ziyanla fəaliyyətini davam etdirmişdir. Məsələnin obyektiv və subyektiv səbəblərini araşdıran Fazil Məmmədovun yaxınları qərara gəlmişlər ki, "Synergy Group” MMC- nin qısa müddətdə müflis həddinə gəlməsinə Rauf Axundovn tamahkarlığı səbəb olmuşdur. Bundan sonra şirkəti F.Məmmədovun ən etibarlı qohumu və kadrı hesab olunan Xalədinin oğlu Elnur İsgəndərova həvalə edilmişdir. Məlum olmuşdur k, Rauf Axundov dövründə , "Synergy Group” MMC-yə yaxil olan şirkətər ümumilikdə 10 milyon manatlarla ziyana düşmüşdür. Yəni, Azəbaycana ən böyük və ən gəlirli özəl bir holdinq göz görə görə çökdürlümüşdür.


RAUF AXUNDOVUN İNTELLEKTUAL SƏVİYYƏSİ ZƏİF OLSA DA "SYNERJİ GROUP"-da BÖYÜK KOMBİNATOR KİMİ HƏRƏKƏT EDİB

Arşdırmalar zamanı o da məlum omuşdur ki, cənab Rauf Axundov 1993-cü ildə ali məktəbə qəbul zamanı test imtaanlarından çox zəif nətiələr göstərdiyinə görə müsabiqədən kənarda qalmışdır. Lakin az sonra Rauf Axundov 1998-ci ildə Azərbaycan Beynəlxalq Universitetinin “Hüquqşünaslıq” ixtisası üzrə, 2008-ci ildə Azərbaycan Dövlət İqtisad Universitetinin “Maliyyə və kredit” ixtisası üzrə formal təhsil alaraq gələcək karyerası üçün lazımi diplomlar əldə edə bimişdir. Bəs necə olmuşdur ki, belə bir zəif intellektə sahib olan Rauf kmi birisi rəhbərlik etdiyi 2 il ərzində "Synergy Group” MMC- ni talayb axırına çıxa bilmişdir?
Talama mexanizmi aşağıakı kmi baş vermişdir:
Rauf Axundov, Synergy Group” MMC-yə rəhbərlik etdiyi dövrdə vəzifə səlahiyyətlərindən sui-istifadə edib, sənədlərə yalan məlumatlar daxil etməkdə, o cümlədən rəqəmləri şişirtməklə; yaxınları olan başqa şəxslərin adına şirkətlər yaratmaqda; “Synergy Group” MMC-yə daxil olan müxtəlif firmaların mallarını həmin şirkətlərə daha aşağı qiymətlərlə satmaqda; "Synergy Group” MMC-in məhsullarını öz şəxsi obyektlərinə sərf etməkdə həyata keçirmişdir.

Fazil Məmmədov yaxınlarına Rauf Axundovun cəzalandırılmasına icazə vermədi

Rauf Axundov bu cür üsullarla ümumilikdə təxmini hesablmalara görə 2 il ərzində "Synergy Group” MMC-də 30 milyon manatlıq mənimsəmə və israfetməyə yol verib. Buna görə yaxın zamanalarda istintaq apaılsa Rauf Axundova AR-nın Cinayət Məcəlləsinin 179.4 (mənimsəmə və ya israfetmə, xüsusilə külli miqdarda ziyan vurmaqla törədildikdə), 193.3.2 (xüsusilə külli miqdarda gəlir əldə etməklə yalan sahibkarlıq), 308.2 (vəzifə səlahiyyətlərindən sui-istifadə emə, ağır nəticələrə səbəb olduqda) və 313-cü (vəzifə saxtakarlığı) maddələrilə ittiham elan oluna bilər. Çox güman ki, mərhum Fazil Məmədovun 40 mərasimindən sonra onun əmlakları üzərində pay bölgüləri aparan yaxınları "Synergy Group” MMC-də 2018-2020-ci illərdə həyata keçirilən total talama faktlaının aşkara çıxarılması üçün hüquq-mühafizə orqanlarına müraciət etmək zorunda qalacaqlar. Çünki sağlığında Fazil Məmmədov yaxınlarına Rauf Axundovun törətdiyi cinaytlərin açılmasna nə səbəbə görəsə izn vermirdi.

BƏS İNDİ RAUF AXUNDOV "Synergy Group” dan TALADIĞI MİLYONLARI HARA SƏRF EDİR?

İqtisadiyyat Nazirliyi yanında Dövlət Vergi Xidməti “SP Agro” Məhdud Məsuliyyətli Cəmiyyəti 2021-ci ilin oktyabrın 26-da dövlət qeydiyyatına alıb.
Verilən məlumatda qeyd edilir ki, “SP Agro” MMC-nin nizamnamə kapitalı 100 manatdır və qanuni təmsilçisi Axundov Rauf Arif oğludur.
Qeyd edək ki, Axundov Rauf Arif oğlu həm də “Brand Credit BOKT” MMC-nin Müşahidə Şurasının üzvüdür.
“SP Agro” MMC-nin hüquqi ünvanı Bakı şəhəri, Yasamal rayonu, Zahid Xəlilov, ev.101 m.15. ünvanıdır.


Rauf Axundov dövründə "Ata Bank" ASC- də müflsləşdi və bağlandı

“Ata Bank” ASC hələ ölkədə maliyyə sektorunun tam stabil olmadğı bir zamanda 1993-cü ildə yaradılıb. Bank 2017-ci ildə “Caspian Devlopment Bank” ASC-nində ona birləşməsindən sonra 7 dəfə kəskin kapital artımlarına gedərək, 50 mln. manata qədər artırılır.
Bank tarixində bəlli hesabat dövrləri ərzində ilk dəfə 2010-cu ildə yarım milyondan çox zərər edir.

Əsas sahibi dəyişir
Bankın əsas səhmdarı “Ata Holdinq” MMC-nin adı (76%) 2017-ci ildəki səhmdarlar siyahısında yer almır. Onun yerinə “Synergy Group” MMC yer alır (86%).
Uğursuz birləşmə, yoxsa böyük kombinatorun qambit gedişi


2015-ci ildə iki dəfə manatın kəskin ucuzlaşması baş tutur. 2016-ci ildə Azərbaycanda maliyyə bazarlarına nəzarət orqanı tərəfindən dəfələrlə bankların sağlamlaşdırılması üçün onlara təklif olaraq digər banklarla birləşməni tövsiyə edir. Əslində, həmin ildəki maliyyə çaxnaşmasından bu tərəfə bir çox bankların birləşməsi məlumatları, şayələri az qala hər həftə yerli KİV-də tirajlansa da, ilk və son olaraq məhz “Ata Bank” və “CDB Bank” arasında baş tutan konsolidasiya olur. Yəni tövsiyəni bu iki bank “eşidir”. Lakin, bu birləşmədən sonra “Ata Bank” üçün uğurlu alınmır, geriləmələr başlayır. Bank elə həmin ildəcə milyona yaxın zərərlə ili tamamladığını elan edir. Kommersiya bankı ilk olaraq 2018-ci ildə və daha sonra 2019-cu ildə audit hesabatını açıqlamaqdan imtina edir.
Lakin, bankın “öz dili” ilə açıqlanan hesabatda bəlli olur ki, aktivləri il ərzində 616 mln. manatdan 581 mln. manata qədər kiçilib, hər necəsə xalis mənfəət açıqlasada 100 min manatı belə ötə bilmir.

1 noyabr 2019-cu il tarixdə bankın 286,27 mln. manat müştərilərinin əmanətləri var. Bu əmanətlərin 133,7 mln. manatı ekvivalentində xarici valyutada olanlardır.

28 aprel 2020-ci il tarixdə isə Azərbaycan Mərkəzi Bankı 5 illik fasilədən sonra əlində olduğu mandatatdan istifadə edərək 21 illik bankı maliyyə durumuna görə lisenziyasını geri çağırlmalı olur. Ləğv olunma ilə bağlı “Ata Bank”la bağlı vəziyyətin daha pis olması səbəbindən “əhalinin əmanətlərinin qaytarılması üzrə öhdəliklərini” icra edə bilməməsini də qeyd edir.
Lakin, bankın “öz dili” ilə açıqlanan hesabatda bəlli olur ki, aktivləri il ərzində 616 mln. manatdan 581 mln. manata qədər kiçilib, hər necəsə xalis mənfəət açıqlasada 100 min manatı belə ötə bilmir.
1 noyabr 2019-cu il tarixdə bankın 286,27 mln. manat müştərilərinin əmanətləri var. Bu əmanətlərin 133,7 mln. manatı ekvivalentində xarici valyutada olanlardır.
28 aprel 2020-ci il tarixdə isə Azərbaycan Mərkəzi Bankı 5 illik fasilədən sonra əlində olduğu mandatatdan istifadə edərək 21 illik bankı maliyyə durumuna görə lisenziyasını geri çağırlmalı olur. Ləğv olunma ilə bağlı “Ata Bank”la bağlı vəziyyətin daha pis olması səbəbindən “əhalinin əmanətlərinin qaytarılması üzrə öhdəliklərini” icra edə bilməməsini də qeyd edir...

Araşdırmalarımız davam edir.
İFADETV.COM-un araşdırma qrupu

Dünən Naxçıvan Muxtar Respublikasının bütün məktəb direktorlarına təlimat verilib ki, təcili boş okladlara işçi götürülsün.
Ovqat.com-un əldə etdiyi məlumata görə, Naxçıvanda aparılan yoxlamalar təhsil sisteminə gəlib çatmamış Muxtar Respublika rəhbərliyinin bu addımı atması təhsil sistemində indiyədək həyata keçirilən “ölü canlar” siyasətini paytaxtdan gələn müfəttişlərdən gizlətmək məqsədi daşıyır.
Digər maraqlı məlumat Naxçıvanın Maliyyə Nazirliyindən gəlib. Mənbəmiz bildirir ki, “Rafael Əliyevin yarıtmaz fəaliyyətindən” can qurtarmaq ucun 2023-cü il 1 yanvar tarixindən Naxçıvan MR Maliyyə Nazirliyində Azərbaycan Respublikası Maliyyə orqanlarında istifadə edilən "SAP" proqramına keçiləcək. Bu isə o deməkdir ki, Naxçıvanda xərclənən hər qəpiyin hara getdiyi Bakı şəhərindən aydın şəkildə görünəcək.
“Artıq bu istiqamətdə hazırlıq işləri start götürdü”, - deyən həmsöhbətimiz Naxçıvan MR Maliyyə naziri Rafael Əliyevin vəziyyətinin xeyli mürəkkəb olduğunu bildirir. Onun sözlərinə inansaq, Vasif “xan”ın və onun oğlu Seymurun oduna yanan binəva Rafael müəllim hər gün Bakıdan gələn müstəntiqlər tərəfindən dindirilir. Dindirilmə zamanı onun ürəyi şuluq etməsin, deyə MR Maliyyə Nazirliyinin binası qarşısında təcili yardım maşını gözləyir.
“Yoxlamaların nəticəsindən asılı olmayaraq, Rafael Əliyevin kitabı bağlanıb. Onun bu yoxlamalardan “salamat” çıxması üçün maliyyə yeyintilərinin əsl səbəbkarları barədə istintaqa müfəssəl məlumat verməlidir. Rafael Əliyevdə o ürək nə gəzir? Görünür, tez-tez ürəktutmasına yaxalanması da keçirdiyi tərəddüdlə bağlıdır. Adam necə desin ki, mən Seymur Talıbovun göstərişi ilə bu qanun pozuntularına yol vermişəm? Yoxlamalardan sonra “müəllim”in (Seymur Talıbovun ləqəbi) üzünə necə baxa bilər? Üstəlik, kimlərinsə cinayətkar əmrlərini yerinə yetirməsi onu məsuliyyətdən xilas etmir. Ona görə də qorxusundan danışa bilmir, dərdini ürəyinə salır, halı pisləşir”, - deyən mənbəmiz Naxçıvan kulislərində artıq Rafael Əliyevin xələfinin kim olacağının müzakirəsinin getdiyini bildirib. Mənbəmizin fikrincə, yeni nazir Bakıdan təyin olunacaq.
Mənbəmiz SAP proqramının əslində 15 ildir Naxçıvanda tətbiq olunmasının planlaşdırıldığını, lakin “xan” həzrətlərinin müxtəlif bəhanələrlə bundan yayındığını, “rəsmən Bakının tələblərini qulaq ardına vurduğunu” da bildirdi. O qeyd etdi ki, paytaxtdan Naxçıvana ayrılan vəsaitlər əsasən kənd təsərrüfatı sahəsində ciddi yeyintilərə məruz qalıb: “İndiyədək kənd təsərrüfatına ayrılan subsidiyalardan Naxçıvandakı heç bir fermerə 5 qəpik pul çatmayıb. Ayrılan vəsaitin hamısı MR Maliyyə Nazirliyində yeyilib”.

“Axşam təhsili olsa, tələbələr həm işləyib, həm təhsil ala bilərlər. Tələblər üçün kampuslar yoxdur. Tələbələr məcbur olub kirayədə qalırlar. Bir çox universitetlər kəsrləri pulluya keçirib. Bu, elə rüşvətin rəsmiləşmiş formasıdır”.

Teref.az APA-ya istinadən xəbər verir ki, bunu Milli Məclisin bu gün keçirilən iclasında parlamentin Regional məsələlər komitəsinin sədri Siyavuş Novruzov deyib.

“Əvvəllər müəllim pul alıb qiymət yazırdı. İndi kəsrə görə pul verilir, dərsdə oturur. Tələbə onsuz da təhsil haqqı ödəyir. Valideyn də verdiyi pulun hesabatını istəyəndə ona cavab verilmir. Əgər bir tələbənin 6 kəsri varsa, elə təhsil haqqının yarısı miqdarında kəsrə pul ödəməli olur. Digər tərəfdən, tələbə təqaüdləri artırılmalıdır və minimum yaşayış həddinə çatdırılmalıdır”, – o bildirib.

"Hər axşam 150 manat xərc çəkən üçün 20 manat cərimə nədir ki..."
Yasamal rayonu, 2-ci alatava küçəsində yaşayan sakinlər məhəllənin ortasından keçən ensiz yolda tez-tez tıxacların olduğundan, hərəkət imkanının məhdudlaşdığından və maşınların yol kənarlarında necəgəldi parklanmalarından şikayət edirlər. Eyni zamanda bölgədə yerləşən Vərəm dispanseri ilə yanbayan yerləşən ağaclıqların kəsilib, orada restoran-kafe açılması və “Şamaxinka” adlanan ərazidə “Azərsu”nun yolboyu qazıntılar aparıb, həmin yerləri torpaqla doldurduqdan sonra asfaltlamaması barədə redaksiyamıza müraciət daxil olub.
Müraciət əsasında həmin əraziyə getdim. Qeyd edim ki, bu, 2-ci Alatavaya elə ikinci gedişim idi. Birinci gedişimdə də bu məhəllədə yaşayan sakinlər tərəfindən eyni problemlərlə müraciət daxil olmuşdu. Ancaq bu dəfə Alatavada çox şey dəyişib: zibil qutuları səliqə ilə düzülüb, yollar əvvəlki görünüşünə nisbətən, indi daha yaxşı şəkildə asfaltlanıb və hər hansısa kanalizasiya axıntısına da rast gəlinmir. Ancaq ötən dəfə hazırladığımız videoreportajda vəziyyət belə deyildi. Müşahidələrim bu ərazidə nisbətən müsbətyönümlü işlərinin aparıldığını göstərsə də, məhəlləyə daxil olan yolun kənarlarında hələ də park edilmiş avtomobillər var və həmin avtomobillər əsasən, səhərlər və axşamlar sıx tıxacın yaranmasına səbəb olurlar. Burada avtomobillərin parklanması barədə bir yol nişanı yoxdur, ancaq park edilməsini qadağan edən nişan da yoxdur. Yolun qarşı tərəfinə keçmək burada olduqca təhlükəlidir, çünki yol keçidi yoxdur. Qarşı tərəfdə duran məhəllə sakinindən soruşuram ki, yolu necə keçə bilərəm, keçid haradadır? Gülür və cavab verir: “keçidi neynirsən, keç də, cavan oğlansan”.

Məhəllənin ortasına doğru irəlilədikcə, yol da ensizləşir və bir avtomobilin çətinliklə keçdiyi bu yoldan iki avtomobil bir-birinə əks istiqamətdə şütüyür. Məhəllənin ortasından keçən bu yolda piyadalar üçün səki yoxdur, onlar arxa məhəllələrdən dolanaraq yolu getməli olurlar. Həmin dar, ensiz yoldan irəliləyib, Vərəm dispanserinin yerləşdiyi yola çıxdım. Qeyd edildiyinə görə, burada ağaclar kəsilib və çoxlu restoran-kafelər açılıb. Açığı, bu mənzərə ilə rastlaşmadım. Bəli, burada kafelər var, ancaq onlar bu günün, dünənin kafelərinə yox, on ilin kafe-çayxanalarına bənzəyir, təzə tikililərə qətiyyən bənzəmir. Kəsilmiş ağaclara, qurumuş kötüklərə də rast gəlmədim. Elə məhz həmin kafelərin içi ağaclarla, xüsusilə zeytun ağacları ilə dolu idi. Ətrafı da həmin ağaclarla əhatə olunub. Yol örtüyü isə asfaltlanıb, kənarlarda bir neçə dəlik olsa da, bu, ötüşən avtomobillərə problem yaratmır və həmin dəliklərə Bakı yollarının bir çox hissəsində rast gəlmək olur.

Vərəm dispanserinin yanından üzü “Alov” zavoduna doğru irəliləyirəm. Asfalt örtüyünün yeni salındığı açıq-aşkar görünür. Zavodun yanında isə avtomobillər park edilib. Həmin avtomobillərin bir hissəsi üçün parklama yeri ayrılsa da, digərləri üçün belə bir yer yoxdur. Buna baxmayaraq, ərazidə salınmış parkın qarşı tərəfi avtomobillərlə doludur. Sakinlər müsahibə üçün yanaşmırlar. Hər kəs, “az aşım, ağrımaz başım” deyib, uzaqlaşır. Nəhayət, Nadir (əmək fəaliyyətinə problem yaradılmasın deyə, adını şərti olaraq qeyd edirəm - M.Ş) adlı parklama nəzarətçisi ilə ünsiyyət qura bilirəm. Nadir dayı deyir ki, burada tıxaca səbəb parklanma deyil və bu parklanmanı ümumiyyətlə, qanunsuz hesab etmək olmaz: “Burada parklanmanı qadağan edən yol nişanı görürsənmi? Yoxdur. Əgər qadağa nişanı yoxdursa, deməli, parklama qadağan hesab edilə bilməz. Yaxşı, tutaq ki, mən düz bilmirəm. Qarşıda taksilərin park edilməsi üçün nişan qoyulub, orda ayrı avtomobillər saxlaya bilməz, çünki yalnız taksilər nəzərdə tutulub. Əgər orda taksi yox, başqa avtomobil park edilsə, cərimələnəcək. Niyə? Çünki “znak” var – yalnız taksilər daxil ola bilər. İndi burda parklama nişanı yoxdur, amma qadağan edən nişan da yoxdur. Yol polisi gəlib, burda dayanan avtomobillərin şəklini çəkə bilməz. O zaman çəkə bilər ki, burada qadağanedici yol nişanı olsun.

Qaldı ki, burada yaranan tıxaca,ona səbəb bu parklama yox, istirahət parkının yanında park edilmiş avtomobillərdir, hansı ki, orada saxlamaq qəti qadağandır və dəfələrlə cərimələnənləri görmüşəm. Axşam olanda, gəlib maşınlarını o üzdə park edirlər və istirahət parkında yerləşən restorana gedirlər. Bir neçəsinə də xəbərdarlıq etmişəm ki, burada saxlamasın, gəlib, cərimələyəcəklər. Deyiblər ki, problem deyil, qoy, nə yazırlar yazsınlar. Guya onların nə vecinədir? Hər axşam bu parkdakı restoranda yüz-yüz əlli manat xərc qoyub, istirahət edən üçün iyirmi-otuz manatlıq cərimə nə qədər çətindir ki? Yolun bu üzündə yox, o üzündə (parkın yanındakı yolu nəzərdə tutur – red) park edirlər, cərimələnməkdən də çəkinmirlər, çünki onlar üçün bu cərimə heçnədir. Əvəzində də yolda tıxac yaranır, axşamlar gediş-gəliş dayanır. Bir sözlə, burda tıxaca, gediş-gəlişə mane olan bu parklama yox, məhz həmin bu istirahət parkı, axşamlar bura avtomobilləri ilə dincəlməyə, əylənməyə gələn adamlardır. Onlar yolun qarşı tərəfində avtomobil park etməsə, nə tıxac olar, nə də başqa bir şey” – deyə, parklama nəzarətçisi bildirib.

Onu da qeyd edim ki, yolboyu qazılmış və asfaltlanmamış yola rast gəlmədim. 2-ci Alatavada "Vərəm" dispanserinin yanından “Alov” zavoduna qədər bütün yol yeni asfalt örtüyü ilə təmin olunub və nəzərə çarpmayan kiçik boşluqlardan başqa ciddi bir problem müşahidə edə bilmədim, nə də kəsilmiş və yerində restoran-kafelər açılmış ağacları...

Qeyd edim ki, bir neçə ay öncə bu küçədə yerləşən məhəllədə ciddi tıxac, asfalt problemi və anti-sanitar vəziyyət hökm sürürdü. Tıxac əvvəlki vəziyyətində qalsa da, digər problemlər aradan qaldırılıb.

Mətin Şükürlü, Bizimyol.info

Sosial şəbəkələrdə açdığı bütün səhifələr bloklanan Azərlotereya indi də başqa səhifələrdə özünü reklam edir.

Tribuna.Az xəbər verir ki, Azərtotereya açdığı bütün səhifələrdə söyülür. Buna baxmayaraq, həyasızcasına yeni səhifələr yaradaraq özlərini reklam edirlər. Maraqlıdır, bəs niyə öz səhifələri ilə deyil başqa səhifələrlə reklama üstünlük verirlər?

Bunun əsas səbəbi Azərtotereyanın vətəndaşların etibarını tam itirməsidir. Onların hər paylaşımı vətəndaşlar tərəfindən söyüşlə qarşılanır. Onların məlumatlarını paylaşan fərqli adda olan səhifələr də vətəndaşlar tərəfindən şikayət edilir.