Futbol transferləri üzrə ixtisaslaşmış “Transfermarkt” portalı Səudiyyə Ərəbistanı çempionatının oyunçularının bazar dəyəri ilə bağlı məlumatları yeniləyib.

Aut.az xəbər verir ki, “Əl-Nasr”ın hücumçusu Kriştiano Ronaldonun transfer qiyməti 5 milyon avro azalaraq 15 milyon avroya düşüb.

38 yaşlı portuqaliyalı Səudiyyə çempionatının ən bahalı oyunçusu statusunu 1 milyon avro bahalaşan braziliyalı komanda yoldaşı Taliska ilə bölüşür.

Ronaldo “Mançester Yunayted”dən mübahisəli şəkildə ayrıldıqdan sonra 2022-ci ilin dekabr ayının sonunda “Əl Nəsr”ə keçdi. O, ölkə çempionatında 16 matçda 14 qol vurub.